دفتر توفير البريد!!

[solycar]

ما هو السؤال اللي انا سأله يخصني...و انا اعرف ايه اللي يفدني و مايفدنيش...

لو عندك معلومة في الموضوع يبقي شكرا...لو معندكش يبقي ملهوش لازمة الكلام :)

مفيش مشكلة
انت ليك سؤال و حد يجاوبك عليه لكن مش معنى كدة ان يكون ممنوع ان حد يسال فى نفس مجال السؤال
مفتكرش ان السؤال حكر لصاحب الموضوع بس
اللى عاوز يسال ف اى حاجة ليها علاقة بالموضوع يسال عادى


لو تشوف ايه اللى حصل فى موضوع التقسيط الاسلامى من اوله هتفهم انا عاوز اقول ايه

و الطبيعى عموما لما حد يسال سؤال و هو مش عارف ان الموضوع اتفتح قبل كدة
الناس بديلة اللينك للموضوع الاصلى

و لو انت مضايق قوى ابقى اكتب ف عنوان الموضوع(ممنوع حد يسال غيرى)

[solycar]

ياباشا الاستثمار فى الفنادق حرام لان نشاط الفنادق مبنى على الخمور والارباح الاساسيه للفندق من الخمور عن طريق بيعها باضعاف سعرها فبتدى مكاسب خرافيه من الصعب على اى فندق انه يستبعدها
وممكن ياباشا تسأل فى موقع محترم او تشوف الاسئله عن سواء العمل فى الفنادق او الاستثمار فيها

اولا شكرا جدا على النصيحة

ثانيا: هى الخمور هى النشاط الاساسى؟؟؟؟
يعنى مش الغرف و الخدمات العادية هى الاساس
اما الباقى من تقديم خمور و صالات قمار فدى حاجة كدة زى كماليات

ثالثا : سؤال برىء عرفت منيين مكان الاسنثمار؟؟؟

[NaderNabil]

مفيش مشكلة
انت ليك سؤال و حد يجاوبك عليه لكن مش معنى كدة ان يكون ممنوع ان حد يسال فى نفس مجال السؤال
مفتكرش ان السؤال حكر لصاحب الموضوع بس
اللى عاوز يسال ف اى حاجة ليها علاقة بالموضوع يسال عادى


لو تشوف ايه اللى حصل فى موضوع التقسيط الاسلامى من اوله هتفهم انا عاوز اقول ايه

و الطبيعى عموما لما حد يسال سؤال و هو مش عارف ان الموضوع اتفتح قبل كدة
الناس بديلة اللينك للموضوع الاصلى

و لو انت مضايق قوى ابقى اكتب ف عنوان الموضوع(ممنوع حد يسال غيرى)

انا اسف ....مكنش قصدي ازعللك...بس الموضوع اسمه دفتر توفير البريد..و جوه سألت عن فايدته و ليه الناس مش بتروحله زي البنوك رغم ان فايدته عاليه...و محتواه المفروض يكون بيتكلم علي كده....و او فيه حد من الأعضاء عنده سؤال جديد خارج الموضوع المفروض بيتفتح بيه موضوع جديد...و ده أ ب منديات..والا كنت سميته س و ج عن البنوك:)

[solycar]

انا اسف ....مكنش قصدي ازعللك...بس الموضوع اسمه دفتر توفير البريد..و جوه سألت عن فايدته و ليه الناس مش بتروحله زي البنوك رغم ان فايدته عاليه...و محتواه المفروض يكون بيتكلم علي كده....و او فيه حد من الأعضاء عنده سؤال جديد خارج الموضوع المفروض بيتفتح بيه موضوع جديد...و ده أ ب منديات..والا كنت سميته س و ج عن البنوك:)

من غير اسف
انا مش زعلان ولا حاجة

بس انا كنت عاوز اوصللك ان مش مشكلة ان ممكن يحصل كلام فى اى حاجة خاصة بالموضوع

بنوك و دفتر التوفير شركات من نفس النوع
و الموضوع كله كان ابداء راى مش اكتر

[Goodle]

البوسطة مشكلتها انك لو حتسحب مبلغ كبير ممكن يقول لك المبلغ مش متوافر الان

فعلا يا أسامة.. الموضوع ده حصل قبل كده وكان في ظرف طارق كمان :(

[معاذ الشرباصى]

نادر انا لما كنت فى IG

دكتور ال economics قال معلومة غريبة جدا: ان عائد دفتر التوفير مفيش عليه اى نوع من الضرائب, عكس البنوك

[NaderNabil]

نادر انا لما كنت فى IG

دكتور ال economics قال معلومة غريبة جدا: ان عائد دفتر التوفير مفيش عليه اى نوع من الضرائب, عكس البنوك

اعتقد يا معاذ ده اللي بيفسر سبب الفايدة العالية عن البنوك....لأن البريد حكومة...و اي نشاط حكومي معفي من الضرائب أكيد

شكرا علي المعلومة:)

[جمال]

فعلا يا أسامة.. الموضوع ده حصل قبل كده وكان في ظرف طارق كمان :(

منك لله يا احمد حلمى
ياجماعة اسمه ظرف طارىء مش ظرف طارق

[AhmedGen2]

كمعلومات فقط وليس النصح بها
صعب جدا انك تلاقى الفائده ده من اى بنك وسقف اى فائده بيحددها البنك المركزى حتى على الاسلامى
الوديعه ياباشا لما تتفك اتفكت خلاص هيديك عليها فائده ليه؟ يعنى مش هتقل هتنعدم اساسا انت خلاص اخدت الفلوس
اخدت جزء من وديعه الباقى هيبقى فى حساب تانى او وديعه تانيه وطبعا الكل بفائده اليوم مش البدايه

مش فاهم يعنى انا مثلا لو حاطط 100 ألف كدة الفائدة السنوية 14 ألف يعنى لو بعد ست سنين هيبقوا 200 ألف تقريبا لو حبيت أسحبهم بعد 6 سنين مش سبعة هاخدهم 100 ولا ايه ؟

[Ghamrawy]

على ايه ياستاذى
انت مهمتك توضحلى المعلومه اللى غايبه عنى وراى الدين لو حاجه انا مش عارفها وانا مهمتى كمان انى اقول رأيى الدين فى حاجاه انا اعرفها وربنا يهدى الجميع

ده شيئ اكيد و جزاك الله خير

[M_HaFeZ]

اولا شكرا جدا على النصيحة

ثانيا: هى الخمور هى النشاط الاساسى؟؟؟؟
يعنى مش الغرف و الخدمات العادية هى الاساس
اما الباقى من تقديم خمور و صالات قمار فدى حاجة كدة زى كماليات

ثالثا : سؤال برىء عرفت منيين مكان الاسنثمار؟؟؟

مش فاهم يعنى ايه عرفت مكان الاستثمار
بالنسبه للفنادق وان اكتر ارباحها من الخمور
الحمد لله كان لى اصدقاء شغالين فى فنادق وسابوها وقالولى المعلومه دى وكل واحد ميعرفش التانى .. يعنى مش متفقين او فى نفس المكان بتاع الشغل
ثانيا حضرتك لو كنت دخلت على اللينكان اللى انا حاططها هتلاقى رأى علماء الدين على التحريم .. حتى يحرم الاكل فى الفنادق الا فى الضرورات زى السفر

مش فاهم يعنى انا مثلا لو حاطط 100 ألف كدة الفائدة السنوية 14 ألف يعنى لو بعد ست سنين هيبقوا 200 ألف تقريبا لو حبيت أسحبهم بعد 6 سنين مش سبعة هاخدهم 100 ولا ايه ؟

اكيد مش هيبقوا 100 الف وبرضه مش هيكونوا ال 200
ودى بترجع للاسلوب المتبع مع البنك سواء صرف عائد دورى او تراكمى فى اخر المده وبجد معنديش معلومات كفايه فى التراكمى ده

[hofo]

هو ليه دفتر التوفير يعتبر فيه ربا مع انه لا يعطى قروض مثل البنوك

[M_HaFeZ]

لان اللى بيحط فيه الفلوس هو أكل الربا

[szrateb]

نادر باشا ....فيه دفتر توفير للبريد يستثمر المال في البورصة ...و ده بيبقى له فوايد 10% حد ادنى + المكاسب التي تتحقق من خلال البورصة و ممكن توصل لـ 30%
هيه ليا مشكلة صغيرة انك مش مسموح اك تسحب المبلغ قبل مرور 5 سنوات على ايداعها ..بس من الممكن انك تسحب الارباح اسبوعيا على ما اتذكر ...
بس في المقابل مضمون لك ابراح 10% كحد ادنى من الحكومة المصرية ..
سمعت عنها ديه.؟

استاذ علاء انت متأكد من المعلومات دي
انا فتحت موقع البريد على النت ودي المعلومات المكتوبة عن دفتر الاستثمار
بصراحة موش فاهم حاجة

http://www.egyptpost.org/ar/view.asp?SecID=63

دفتر استثمار البريد

تهدف هذه الخدمة إلى توفير فرصة الاستثمار ذو العائد المتغير لقاعدة عريضة من عملاء الهيئة نظرا لانحفاض الحد الأدنى لفتح الحساب وهى خدمة تأتى ثمارها من خلال الاستثمار طويل الأجل لتحقيق أكبر عائد فى المستقبل.




خصائص الخدمة
- يضمن البريد المصرى المبالغ المودعة لمدة خمس سنوات من تاريخ الإيداع.
- تغلق المحفظة بعد 5 سنوات أو من نتاج السحب وإذا لم يتم السحب عليها خلال شهر من تاريخ الإغلاق يعاد استثمارها فى الشهر التالى.
- الحد الأدنى لفتح الحساب 100 جنيه ولا يقبل كسر الجنيه عند الإيداع ولا يوجد حد أقصى للإيداع.
- الإيداع طوال أيام الأسبوع.
- يمكن الإيداع والسحب من أى مكتب مشترك بالخدمة.
- لا يوجد رسوم للإيداع.
- يبدأ استثمار الأموال المودعة فى أول الشهر التالى لعملية الإيداع.
- تظهر نتيجة الاستثمار يوم السبت التالى لعملية بدء الاستثمار.
- يتم احتساب العائد على أساس معامل الجنيه أى نصيب الجنيه من الأرباح.
- يمكن السحب من الحساب يوم السبت فقط من كل أسبوع.
- فى حالة السحب يتم خصم رسوم قدرها 2.5% (اثنان ونصف فى المائة) من رصيد العميل بحد أدنى خمسون قرشا وبدون حد أقصى.
- لا ينصح بالسحب فى حالة تحقيق الحساب لخسارة حفاظا على ضمانة رأس المال- حيث إنه إذا تم السحب وكان الحساب محققا أرباحا سيتم خصم مبلغ السحب من ضمانة رأس المال، أما إذا تم السحب من الحساب وكان محققا خسائر فإنه سيتم خصم (مبلغ السحب+ نسبة الخسارة على المبلغ المسحوب) من ضمان رأس المال.
- سيتم السحب من المحفظة المغلقة أولا ثم المحفظة ذات العائد الأعلى ثم التى تليها (عن طريق نسبة الربح أو الخسارة لكل محفظة) آليا.

لو حد ممكن يتكرم ويشرح لنا

[tears]

انا اسف لتدخلى فى الموضوع ومكنتش برد علشان مش بيجيلى ايملات اسف مره اخرى على الاعصاب الى اتحرقت واضح ان كلامى بضايق