مساعدة في شراء اي فون4اس

[ahmedaglan]

الي كل اخوانى ف المنتدى
انا محتار اشتري اي فون 4اس بالضمان ولا من غير
وانا سألت ف اكتر من مكان
وكانت الاسعار علي النحو التالي
مع العلم انى عايز اجيب 16جيجا
في تريد لاين ب 5950 بالضمان
في راية ب 5700 بالضمان
عند واحد صاحبي ف شارع عبد العزيز ب 4800 من غير ضمان
مع العلم ان الجهاز انترناشونال مفتوح كل الشبكات
في فودافون ب 5200 مقفول علي الشبكة بتعتهم بس وبالضمان
مع العلم انى معايا كوبون بقيمة 500ج خصم لو اشتريتة من تريد لاين يعنى الجهاز هيبقي 5450
ومعايا خصم 200ج من فودافون قيمة نقط علي فاتورتى يعنى الجهاز هيبقي ب 5000ج بس المشكلة مع فودافون في اعادة بيعة
ارجو من سيادتكم تنصحونى
وجزاكم الله خير عنى
واسف للاطالة

[M.Alaa92]

لو حضرتك من هواة تغير الموبايلات ( يعنى مش بيقعد ف ايدك كتير ) يبقى من تريدلاين بالضمااان ( هو الضمان ممكن ميكونش لية لازمة بس الاحتياط وااجب و حرام ادفع فلوس ف موبايل من غير ضماان و ممكن لاقدر الله يكون فية عيب و يبقى خسرت فلوسك)
لو مش حتغير غير بعد فترة كبيرة يبقى من فودافون

[katz]

الايفون جهاز حلو قوى و ان شاء الله هيعجبك قوى
عقبال الايباد يا معلم

[mikology]

الايفون جهاز نادر المشاكل
الهاردويير اساسا قوى و حمال اسيه
انا عن نفسى بشتريه من غير ضمان طول عمرى بكل فيرجاناته

[champoo]

انا جيبت اى فون 4 من موبينيل من سنة و طلعت الكاميرا بتاعته بايظة و ركنونى 10 ايام عشان يغيرهولى و اتغير

[nonia]

الحمد لله الايفون مالوش مشاكل بس بالضمان احسن عشان لا قدر الله لو في حاجة

[HISHAM80]

حضرتك لو ليك حد في السعوديه سعره 2800 ريال مفتوح رسمي

[ahmedaglan]

[QUOTE=M.Alaa92;3874088869]لو حضرتك من هواة تغير الموبايلات ( يعنى مش بيقعد ف ايدك كتير ) يبقى من تريدلاين بالضمااان ( هو الضمان ممكن ميكونش لية لازمة بس الاحتياط وااجب و حرام ادفع فلوس ف موبايل من غير ضماان و ممكن لاقدر الله يكون فية عيب و يبقى خسرت فلوسك)
التليفون ممكن يعقد معايا سنتين علي الاقل
لو مش حتغير غير بعد فترة كبيرة يبقى من فودافون[
الواحد هيبقي متحجم جامد وانا ببيعة وانت عارف عقول الشعب المصري ومتشكر جدا لمرورك الكريم

الايفون جهاز حلو قوى و ان شاء الله هيعجبك قوى
عقبال الايباد يا معلم

انا عارف ان الايفون قوى وانا عمري مجربتة قبل كدا لانى طول عمري مع النوكيا بس قولت كفايا كدا ولازم اواكب العصر
ومتشكر جدا وربنا يبركلك

الايفون جهاز نادر المشاكل
الهاردويير اساسا قوى و حمال اسيه
انا عن نفسى بشتريه من غير ضمان طول عمرى بكل فيرجاناته

حضرتك بتجيبة منين وعلي فكرة انا قدامى اتنين اصحابي واحد ف عبد العزيز وواحد ف السراج والاتنين محترمين وطول عمري بتعامل معاهم
ممكن اعرف تنصحنى اجيب من مين لو هشترية من غير ضمان

انا جيبت اى فون 4 من موبينيل من سنة و طلعت الكاميرا بتاعته بايظة و ركنونى 10 ايام عشان يغيرهولى و اتغير

انت عندك حق ان الضمان مهم بس انا شايف انو فلوس علي الفاضي وخليها علي الله

الحمد لله الايفون مالوش مشاكل بس بالضمان احسن عشان لا قدر الله لو في حاجة

انا عارف انو احسن بس فرق 1000جنية كتير جدا

حضرتك لو ليك حد في السعوديه سعره 2800 ريال مفتوح رسمي

ليا بس انا قلقان يجى من برة يكون لاقدر الله في حاجة فقلت اشترية من هنا افضل وكمان الفرق مش كبير
وربنا يبركلك

[beshomilan]

حبيبى الموبايل فى التميمى ال 4s ال 16 giga بضمانه ب 5100 ومفتوح على كل الشبكات
التميمى فى وسط البلد للعلم
موبايلات :: أى فون :: Apple iPhone 4S - محلات التميمى

[mody3on]

طب ما تجيب اندرويد احسن ؟

[chicobon]

و ليه مش بتفكر في البلك بيري بولد 9900 بي حوالي 4 الف و كسور

[ahmedaglan]

حبيبى الموبايل فى التميمى ال 4s ال 16 giga بضمانه ب 5100 ومفتوح على كل الشبكات
التميمى فى وسط البلد للعلم
موبايلات :: أى فون :: Apple iphone 4s - محلات التميمى

سعرة معقول بس مش واضح ف الاعلان انو بالضمان وانا متشكر يامعالي الباشا وللعلم انا ساكن ف وسط البلد وبينى وبين التميمى 10دقايق بس عمري مشتريت حاجة من عندو ومجاش ف دماغى بس ان شاء الله الدنيا تتظبط واروح ابص علية وربنا يقدم الي فية الخير

طب ما تجيب اندرويد احسن ؟

ان شاء الله يامعالي الباشا انا ناوى اجيب الاتنين مع بعض بس اجيب الاول الاي فون وبعد كدا اجيب جلاكسي اس 2 بس اخلص من ال 3 تليفونات الي معايا ومتشكر لمرورك الكريم

و ليه مش بتفكر في البلك بيري بولد 9900 بي حوالي 4 الف و كسور

والله يامعالي الباشا انا مش ميال خاااالص للبلاك بيري مع انو كويس بس ديما بدور علي حاجة عملية وف اعادة البيع مخسرش كتير ومتشكر لمرور معاليك الكريم