استفسار عن الباركيه

[ziours]

ياجماعة انا ناوي باذن الله اركب باركيه في الصاله عندي كنت عايز اعرف النوع المعقول ايه والسمك المعقول كام وياريت اللي ركبه يقولي تجربته
شكرا

[mezoelshamy]

اخى العزيز هل تقصد بالباركية الخشب الطبيعي ام الواح ال hdf والواح ال hpl ????????????????
لان كلاهما يختلف عن الاخر فى التركيب والسعر .....
انا مركب عندى الواح hpl وجميلة جداااااا ومقاومة للخدش ومقاومة للبري والاحتكاك .....

[Ghosts]

أنا عندى الحمامين عاملهم باركية ....
لية مش بتفكر فى السراميك اللى على شكل باركية ؟؟!!
أعتقد أنة هيبقى عملى أكتر ....

[m000dy]

الباركيه فى الشتا بيمنع الصقيع اللى بيخرج من السيراميك او البلاط
ثانيا شكلة اشيك وده مفيش عليه خلاف ومع فرش سجاد عليه بيبقى لين تحت الرجلين وماتخافش لو عندك طفل صغير ووقع عليه من على سرير او من على كرسى
انما السيراميك لو عندك عيل ووهو ماشى اتزحلق وقع يبقى عليه العوض فى وشه

[chicobon]

الخشب بصراحة مشاكله كتير و بتبقي مش عارف تحرك كرسي عشان الخدوش او المياه انا شايف لو البيت راكب عندك بلاط الزق عليه مشمع الي زي الباركيه اسهل و ارخص و بيدي نفس الفخامة بتاعت الباركيه ده غير انه برده بيمتص البرودة عشان تحت منه خامة زي القطن انما باركيه لازم تختار نوع الخشب و صنايعي كويس و رمله و موال طويل عريض

[ziours]

اشكركم على اهتمامكم
كنت عايز اعرف ايه الفرق بين hdf و hpl كما ذكر mezo
اما بالنسبة للسيراميك انا مش بحبه عشان الزحلقه وبحس كاني قاعد في حمام او مطبخ

[mezoelshamy]

بص يا سيدى الفاضل الاتنين بيشتركوا ف ان سمكهم بيكون واحد والتركيب واحد.....
الاختلاف فى 1 - السعر ممكن تلاقى hdf ب 50جنية انما ال hpl ب 200 جنية
2- ال hpl بيكون مزود بطبقة حماية قوية جدا بتمنع البري والاحتكاك والخدوش وبيكون مقاوم للمياه اكتر من التانى بالاضافة لانه بيكون مقاوم للحريق والنار والحشرات انا حاولت انى اخربش الhpl فشلت تمامااااااا جبت حديدة وبعزم ما فيا ونزلت بالسن بتاع الحديدة على الخشب علي انه يتخربش ولا الهوا بس خد بالك انك تجيب الhpl المانى او بلجيكي ولو حبيت انا ممكن ادلك على مكان محترم هتلاقى عندهم حاجات كويسة اوى .........

[m_marmoush]

الباركيه ثلات أنواع:

• مسمار:

سمكة عالى، لا يحتاج بلاط تحتيه لأنة بيركب على حشوة، عمرة الأفتراضى 20-25 سنة طالاما بعيد عن المياة و الرطوبه، سعرة 300-800 جنية بالتركيب.

• لصق:

سمكة متوسط، يحتاج بلاط أو سيراميك تحتية عشان هوة بيلزق فوق البلاط، عمرة الأفتراضى 15 سنة طالاما بعيد عن المياة و الرطوبة سعرة 140 بالتركيب

• موسكى: سمكة عالى، لا يحتاج بلاط تحتيه لأنة بيركب على حشوة، عمرة الأفتراضى 15 سنة طالاما بعيد عن المياة و الرطوبة ، سعرة 160 -180 بالتركيب.

الخامات حسب الجودة

1. أرو
2. زان
3. موسكى

طبعا بتركب مسامير معينة فى رجلين الكراسى عشان لما تجرجر كرسى ولا حاجة ما تجرحش الأرض و يفضل عمل دهان ورنيش كل 4 سنين و عمل كشط كل 15 سنة

بس طبعا لا يختلف علية أتنين من حيث الشياكة

[blazer]

طالما قررت تركب باركيه يبقى تركب حاجه نظيفه ودا رأى
السيراميك حاجه
والبورسلين حاجه
والباركيه حاجه تانيه خالص
الباركيه فيه منه دلوقتى انواع كتير جدا
فيه مضاد للمياه وفيه مقاوم للمياه
والفرق ما بينهم كبيره
لان المقاوم للمياه يعنى لو وقع عليه ميه واتمسحه عادى ميحصلوش حاجه
انما المضاد للمياه لو اتنقع فى ميه يوم كام ميحصلوش حاجه
ثانيا فيه انواع صينى ودا ارخصهم
وتركى ودا يأتى بعد الصينى
بعديه الالمانى ودا نظيف وبيستحمل
ال hdf ال صينى سعره حدود 50 جنيه
التركى فى حدود 70
الالمانى فى حدود 120
باقى الاسعار مش حاضره فى ذهنى بس فى حدود ال 250 وال 350

[khaled_afandy]

طالما قررت تركب باركيه يبقى تركب حاجه نظيفه ودا رأى
السيراميك حاجه
والبورسلين حاجه
والباركيه حاجه تانيه خالص
الباركيه فيه منه دلوقتى انواع كتير جدا
فيه مضاد للمياه وفيه مقاوم للمياه
والفرق ما بينهم كبيره
لان المقاوم للمياه يعنى لو وقع عليه ميه واتمسحه عادى ميحصلوش حاجه
انما المضاد للمياه لو اتنقع فى ميه يوم كام ميحصلوش حاجه
ثانيا فيه انواع صينى ودا ارخصهم
وتركى ودا يأتى بعد الصينى
بعديه الالمانى ودا نظيف وبيستحمل
ال hdf ال صينى سعره حدود 50 جنيه
التركى فى حدود 70
الالمانى فى حدود 120
باقى الاسعار مش حاضره فى ذهنى بس فى حدود ال 250 وال 350

هو المقاوم و المضاد للمياه ده باركيه طبيعى و الا hdf
و هل فيه باركيه لزق طبيعى و الا اللزق ده المقصود به ال hdf

[DreAmO]

أي ان كان نوع الخشب ومقاومة المياه والخدوش وكل دة جميل
لكن في النهاية هيفضل خشب .. وهتعاني من ظاهرة التمدد والإنكماش في الشتاء والصيف

الا اذا كان في نوع مش بيتأثر بالحراره والرطوبه ... وبنفس الوقت مقاوم للإحتكاك والخدش والمياه بدرجة فوق ممتازة
في الحاله دي يبقى هو أفضل من السيراميك والبورسلين .. بشرط التركيب يكون إحترافي .

[فتح الباب]

متابع.