اشترى انهى كاميرا فيهم ؟؟؟

[Mahmoud Nagieb]

السلام عليكم يا شباب

انا كنت عاوز اشترى كاميرا شبه احترافية .... وانا ميزانيتى فى حدود 2000 جنيه ... علشان كده انا قولت ابص للمستعمل

لاقيت كاميرا fuji S4000 استعمال نضيف ومعاها حامل وبطاريات شحن وميمورى 16 جيجا وب 1800 وممكن تبقى 1700

وكاميرا تانية nikon coolpix p90 ممعهاش غير العلبة والميمورى بتاعتها وده ب 2000 جنيه

ايه رايكوا اشترى انهى واحدة علما بان ده اول كاميرا اجبها ولسة هتعلم عليها

ولو حد عنده عرض احسن ياريت يقوللى

منتظر ارائكم

[katz]

متابع باهتمام
وياريت الاخوه الخبراء يقولوا لنا لماذا يفضلون هذه او تلك حتى نتعلم كيف نشترى كاميرا شبه احترافية
خالص الشكر و بالتوفيق للاخ صاحب الموضوع

[iwantes350]

يا مستر الميزانية حلوة
انا كنت هموت من الحيرة بشكل مرعب هههههه
كان معاى 2000 وكنت حيران بين دول nikon coolpix l120
و ال Fuji s3300
وفى الاخر اخترت ال nikon l120
انت بتقول انك لسه مبتدئ
طب انت هتشتريها وتغيرها بعدين وعايز تبقي محترف ولا هتجبها عادى للمناسبات والسفر ومش ناوى تغيرها؟
عموما الاتنين حلوين بس خد بالك النيكون مفيهاش فوكس مانيوال.
اما الفوجى فيها وده ميزة حلوة لو غاوى تصوير شبه احترافي .
قلى ايه احتياجاتك بالظبط وانا اقولك

[KhaledGub]

متابع باهتمام بردو ونفسي اشتري كاميرا احترافية بس في حدود 2000 جنيه زي الاخ اللي كاتب الموضوع
وتكون بتصور فيديو Full hd