عايز اشتري دومين نيم!

[M.Radwan]

السلام عليكم.
عايز اشتري دومين نيم يكون com أو net بس بطريقة سريعة جدا مع العلم اني معنديش فيزا انترنت
يفضل يكون حد مصري أقابله وأديله الفلوس ويكون حد مضمون طبعا.

[Salamonti]

شوف الإسم اللي حضرتك محتاجه وابعتهولي على الخاص وانا اخلصلك الموضوع ده بإذن الله

[نور القمر]

اي شركة هوست محترمة ويكون الدومين متسجل باسم حضرتك واميلك وموبايلك ومعاك بيانات لوحة التحكم الخاصة به

[أبو صلاح]

نصيحة ابعد عن الشراء من شركة لينك

لانهم بيشتروه لنفسهم ويأجرهولك

[Salamonti]

يا جماعة ماهو لو هايجيبه من شركة مكانش دور على حد يدفعله بفيزا..

هو عايز يجيبه من على جو دادي - ودي حاجة سهلة بالنسبالي..
وحتى لو من اي مكان تاني مفيش مانع طالما بيقبل الدفع بالفيزا

[DreAmO]

نصيحة ابعد عن الشراء من شركة لينك

لانهم بيشتروه لنفسهم ويأجرهولك

كل الدومينات ايجار يا باشا .. مفيش حاجة اسمها شراء دومين

لأن كلمه شراء تعني انك تدفع سعر الشء مرة واحدة فقط ويكون ملكك مدى الحياه

ودة مش بيحصل في الدومينات

اللي بيحصل انك تأجره سنه او سنتين او عشره .. وبتجدد كل مالفتره تنتهي

وممكن الدومين يتسحب منك عن طريق الايكان لو بيانات الدومين غير صحيحه

يعني رقم تليفون او عنوان او اميل وهمي .. الخ


في عرض من جودادي حاليا اول سنه للدومين ب 1 دولار

وفي شركة ياهو بردو تجيب كود تخفيض وتحجز اول سنه ب 1 او 2 دولار .. لكن التجديد هيكون ب 35 دولار بعد سنه

تقدر تنقله لشركة تانيه قبل معاد التجديد .. وتجدده بسعر اقل غالبا 15 دولار



ملحوظه للشخص اللي هيحجز الدومين بالفيزا الخاصه به

التجديد بيتم بشكل اوتماتيك .. يعني الفلوس مع كل تجديد بتتسحب من الفيزا تلقائي لو الفيزا لسه صالحه

بالتوفيق

[Ahmod]

الموضوع دلوقتي مابقاش محتاج فيزا

اشتري بطاقة cash u او بطاقة one card

من اي فرع راديو شاك وادخل على اي موقع دومينات وليكن ياهو او جودادي وحط بيانات الكارت اللى اشتريته ده كارت مدفوع القيمة مقدما عامل زي كارت الشحن كدة

تحط الرقم بتاعه هيخصم منه تمن السلعة اللى اشتريتها (اللى هي الدومين) وكدة بقى الدومين بتاعك

وعند معاد التجديد اشتريلك كارت تاني جدد بيه وهكذا