المتزوجون: بتقضو وقتكم ازاي؟

[tifa55555]

ممكن حضرتك تنظم الوقت شويه بحيث كل حاجه تاخد حقها
وحتلاقيها اتنظمت بأذن الله

[shaddadfalcon1]

ماهي المشكله اني انا عايز اخد شغل كتيير عشان اوصل بسرعه
مانا ممكن ناخدش شغل في البيت خالص والبيت يبقي للبيت بس انا بقي بحب اني اشتغل في البيت وخصوصا ساعات فلوسه بتبقي كويسه

النهارده فضلت العب معاهم كوره في الصاله شويه وكانو فرحانين قوي والحمد لله نامو بس الجو قلب غم بسبب الرخم الصغير برده هههههه

[mohammedabdallh]

انت داخل تقول ولاد المحظوظه اللي مش متجوزين يعني ده بقي حسد و لا قر مش فاهم انا ؟ مع اني ملاحظ انك من المستميتين في الدفاع عن الجواز و فوايده فأيه سر التغير المفاجئ ؟ و ياريت تكون عرفت انك بتدافع عن قضيه خسرانه

صدقنى القضيه خسرناله فى الاتنين المتجوز مش عاجبه والى مش متجوز برده خسران
وملهاش معادله ومش هتعرف توزنها
نصيحه من واحد متجوز ومش لاقى حل للموضوع ده

[maka]

فى الليلة دى محدش هيفيدك غير نفسك

نظم وقتك و نظم اهدافك زى ما ليك رؤية لشغلك و مستوى نجاحك لازم يكون ليك رؤية لبيتك لاسرتك لاولادك

و تذكر ان البركة احسن من الكثرة و انت اكيد مجرب و عارف , و قضى الوقت مع عيلتك بنية برهم و مراعاتهم

[mohammedabdallh]

ماهي المشكله اني انا عايز اخد شغل كتيير عشان اوصل بسرعه
مانا ممكن ناخدش شغل في البيت خالص والبيت يبقي للبيت بس انا بقي بحب اني اشتغل في البيت وخصوصا ساعات فلوسه بتبقي كويسه

النهارده فضلت العب معاهم كوره في الصاله شويه وكانو فرحانين قوي والحمد لله نامو بس الجو قلب غم بسبب الرخم الصغير برده هههههه

نفس المشكله عندى بس بعمل حاجه حلوه فى يوم اجازه لمراتى وبنتى ومش محدد يعنى ممكن اصحى الصبح اقول لهم يلا نخرج ومنرجعشى غير بليل والسغل فى ......... داهيه وبببقى قافل الموبيل
ولما اليوم يبقى متغير بيبقى افضل متخلهوش يوم ثابت او بعده معاهم طول اليوم فى البيت ونعمل الاكل سوا نشوى لحمه مثلا نعمل اى اكل غريب كدا يعنى
وبيبقى يوم لذيذ
او اخد اكل نروح نعزم اى حد من قريبا اى حد وناخد الاكل معانا ونقضى اليوم عنده
بس افضل حاجه يوم كفايه فى الاسبوع بيغير الحياه فعلا
اما الفلوس والشغل ما احنا عمالين نشتغل طول الاسبوع ونجيب فلوس بس بنعمل بيها ايه بنحوشها ونحطها فى البنك وبعدين انت نسسيت انك ممكن تموت فى اى وقت وهتعمل ايه بفلوسك (طبعا بعد الشر عليك )) فايوم فى الاسبوع مش هيفرق كتير يعنى ومش هيخسرك
على فكره انا بخرج الساعه 10 الصبح برجع بليل ماليش وقت للرجوع ممكن 8 ممكن 2 الصبح مايش مواعيد والمدام كمان شغاله بتصحى قبلى يدوبك برجع اتغدى بس الساعه 3 وامشى 4 وكفايه الخنقه بتاعه الشغل طول الاسبوع
طولت عليك

[aif]

كلنا هذا الرجل

كلكم انتو يا سيد
انا مش هذا الرجل خالص

ممكن فعلا اظلمهم علشان ظروف شغلي في بعض الاحيان
لكن بقدر المستطاع باحاول اوديهم النادي واخرجهم وافسحهم .... ده حقهم

[shaddadfalcon1]

ربنا يكرمكم جميعا

انا بسال وانا مضايف والله لاني انا نفسي اتخنقت

معندكوش فكره لما ابقي مروح وعارف ان في شغل في البيت وانا اصلا راجع من الشغل اللي في الشركه مش شايف قدامي ببقي مخنوق قد ايه وبتبقي الدينا سوده في وشي

البارح خلصت الشغل اللي في البيت ومش ناوي اخد اي شغل جديد دلوقتي ولعبت شويه معاهم لحد مانامو واتفرجت علي فيلم ومانتخ قدام الاب وكله نايم بس مبسوط

[brown-eyes]

وانا بردو بعاني من المشكلة دي بس العيب فينا بم اني عايش في اوروبا وشايف الناس عايشة ازاي فمتاكد ان العيب مننا الناس هنا يومها منظم واجازتها منظمة وكله بحساب يوم الاجازة اجازة وقت الراحة راحة وقت الشغل شغل حتي تلاقي الناس اعصابها هادية انا عن نفسي بحاول ابقي زيهم بس اللي اتعود علي حاجة صعب يغيرها

[M.Mosaad]

يوم الاجازة دة بتاع البيت بس مفيش حاجة اسمها شغل و لا كمبيوتر و لا اي شيء غير البيت - ايام الاسبوع العاديه ممكن تحاول توازن بين الشغل و البيت - ضغط العيشة مش مخلي حد عنده وقت لاي حاجة بس فعلا حتي الواحد لو بيشتغل بادية و سنانه علشان يعيشوا في مستوي كويس دة مش بيعوض ابدا الوقت اللي بتقضيه معاهم بيفرق جدااااااااااا في نفسيتهم و نموهم و شخصيتهم و راحتهم النفسيه علشان كدة انا برفض شغل كتير بيجيلي في الخليج لاني حاسس ان البعد عنهم ممكن يريحهم ماديا لكن هياثر جدااااااااا علي نفسيتهم في المستقبل

Family Comes First مش معني كدة اننا ملايكه في البيت لكن بنحاول و كتير بنفشل و ساعات بننجح و احساسك بالمشكله في حد ذاته كويس لان في ناس كتير في مصر فاكرين انهم طالما بيوفروا دخل للبيت و الاولاد بياكلوا كويس و بيشربوا كويس يبقي كدة كله تمام و الاب عمل اللي عليه

[shaddadfalcon1]

المشكله اني ليا شغل في البيت يعني انا ساعات بتمني اني كنت ابقي شغال شغلانه يمنفعش اشتغلها من البيت وساعتها كنت هروح البيتي اقعد ومعملش حاجه لكن انا بروح البيت بقول اهو القرش اللي يجي بفايده

وطول مانا قاعد معاهم ببقي علي نار وحاسس اني عايز اطير واروح اشتغل ولما بروح اقعد قدام اللاب الوقت بيضيع عل المنتدي والفيس زفت ودي اكتر حاجه بتخنقني

[Dr.lancer]

يا عزيزى كلنا هذا الرجل!!

[M.Mosaad]

المشكله اني ليا شغل في البيت يعني انا ساعات بتمني اني كنت ابقي شغال شغلانه يمنفعش اشتغلها من البيت وساعتها كنت هروح البيتي اقعد ومعملش حاجه لكن انا بروح البيت بقول اهو القرش اللي يجي بفايده

وطول مانا قاعد معاهم ببقي علي نار وحاسس اني عايز اطير واروح اشتغل ولما بروح اقعد قدام اللاب الوقت بيضيع عل المنتدي والفيس زفت ودي اكتر حاجه بتخنقني

صدقني كلنا كدة و علينا مذاكرة اد كدة علي فكرة انا شغال Exchange , SharePoint , SCCM and V SPHERE

يعني الوقت اللي بقضيه من غير مذاكرة و قراءة ساعه واحد بتاخر و بيفوتني حاجات بس انا بحسبها ان الوقت اللي بقعدة مع ولادي هو في حد ذاته استثمار فيهم يعني اعتبرة وقت بتكسب فيه فلوس

بما انك شغال في مجال ال It و في اوقات بتحتاج تشتغل من البيت يبقي انت من اكتر الناس اللي محتاجة تنظم وقتها و لازم تخصص وقت للبيت تنسي فيه كل حاجة عن الشغل علشان الضغط العصبي بتاع الشغل ميأثرشي عليك و تبقي و لا عارف تشتغل كويس و لا عارف تدي بيتك حقه

لازم يوميا يبقي فيه مش اقل من ساعتين او تلاته للبيت و يوم علي الاقل في الاسبوع تنسي فيه كل حاجة عن الشغل و تديهم حقهم و في نفس الوقت تشيل الضغط العصبي بتاع الشغل

[Khaled Online]

صدقني كلنا كدة

بما انك شغال في مجال ال It و في اوقات بتحتاج تشتغل من البيت يبقي انت من اكتر الناس اللي محتاجة تنظم وقتها و لازم تخصص وقت للبيت تنسي فيه كل حاجة عن الشغل علشان الضغط العصبي بتاع الشغل ميأثرشي عليك و تبقي و لا عارف تشتغل كويس و لا عارف تدي بيتك حقه

لازم يوميا يبقي فيه مش اقل من ساعتين او تلاته للبيت و يوم علي الاقل في الاسبوع تنسي فيه كل حاجة عن الشغل و تديهم حقهم و في نفس الوقت تشيل الضغط العصبي بتاع الشغل

+1

[elhelwany188]

السلام عليكم ورحمة الله وبركاته ..
اخى الكريم ..
اولا مش لوحدك بتعانى من المشكلة دى الكل بيعانى من المشكلة دى وبيحاول يحسن مستواه ومستوى اسرته وده كويس طبعا ومطلوب ..
بس فيه حاجة خلى بالك منها اوى متحولش تخلى نفسك خزنة فقط لا غير بالنسبة لاولادك وزوجتك ..
انا مش هاقولك تعمل حسابك كل يوم ساعة او ساعتين للاسرة لان ده صعب عن تجرية ..
بس على الاقل يوم او اثين فى الاسبوع غير يوم الاجازة طبعا ليهم هزار وضحك وخليهم هم اللى يتكلموا عملوا ايه طول اليوم وايه المصايب اللى عملوها وهزار واهم حاجة تاكل معاهم غداء او عشاء وتتفرج معاهم على اى حاجة فى التليفزيون او الكمبيوتر من اللى بيحبوا يتفرجوا عليها ...
يوم الاجازة اعذرنى ياصحبى ده مش ليك ده ليهم هما وبس ...
انا عن نفسى يوم الاجازة فيه حاجات كتييييير ممنوعه فيه زى مش حاجة اسمها غسيل او طبيخ او تنظيف بيت او اى حاجة تشغل حد عن حد ....
يوم الاجازة اجازة للبيت كله عايزينه نقضيه جوه البيت اوكى بره البيت اوكى عند حد من القرايب (صلة رحم) اوكى اهم حاجة منشغلش نفسنا باكل او غسيل او شرب او تنظيف او شغل ...
اى حاجة تتاكل شغال اى حاجة نتفرج عليها شغال اى فسحة نتفسح فيها شغال وده بيبقى الصبح يعنى بنحدد كل حاجة الصبح مش قابليها ونعملها خطة لآلآلآلآلآ احنا بنعمل يوم غير تقليدى علشان نقرب من بعض ونحس ببعض مش كل واحد فى وادى لوحده ....
واسف انى طولت عليك بس انا بصراحة حصلت معايا مشاكل كتييييير وماتحلتش غير بلى حاكيته فوق ده ...

[friendship7897]

كلنا هذا ...... ( المواطن )
لو تعرف أد أيه أنت صحيت ضميري ( اللي عامل نفسه نايم ) تجاه أبني محمد 6 سنوات - أنا شغلي لاغية الساعة 7 ، ففي باقي اليوم مش بلحق أعمل حاجة خالص أكتر من طلبات البيت واللذي منه وساعات بحس أني بتحرك بسرعة زي شالي شابلن - وطبعاً سايبه أبنى يتفرج على التليفزيون أو قاعد على الكمبيوتر - وكتير يقول لي نفس أحضنك شوية - أقول له دا وقته مش شايفني بشتغل ، وبعد ما أخلص شغل البيت اليومي المعتاد أكون أنتهيت - ونفسي أقعد في أوضتي شوية ومش عايزة دوشة خالص (وخصوصاً إن أغلبية شغلي إما تركيز في بيان حسابي والغلطة فيه بمصيبة أو في إجتماع ولازم التركيز علشان ما تخدتش 100 قلم على سهوة من قطاع غير اللي انت شغال فيه) - ولما يجي محمد يكلمنى كل ردودي أمم آه ياه بدون تركيز . وطبعاً يوم الجمعة تنظيف ، ويوم السبت شراء إحتياجات البيت والطبيخ لباقي الأسبوع ، واليوم اللي أقول أريح فيه شوية علشان ألعب معاه - أروح لماما ، ودي بالنسبة له مش حاجة ممتعة لأنه من بيت لبيت - وكتير يقول لي نفسي أروح النادي ، لكن لا حياة لمن تنادي - صحيح تنظيم الوقت مهم بس هو فين الوقت .
ربنا يسامحك يا أ/ shaddadfalcon1- بفكر أخد أذن أروح أطمن عليه وأرجع تاني .