ايه رأيك فى نوكيا n8

[Car's Sniper]

عايز رأيكوا بخصوص ال n8
بس ياريت يكون عن تجربة
لان فيه ناس بتقول بيهنج وناس بتقول لأ مابيهنجش
يمكن الصينى بيهنج والفنلندى لأ
او الدفعات الاولى بتهنج والجديدة لأ
اكيد فيه فرق بين اللى بيهنج وبين اللى مابيهنجش
ناس بتقول لما بتملى الميمورى بيهنج
كله بيقووول والواحد بيسمع ومشتت لان حرام الواحد يدفع مبلغ محترم فى موبايل مايجيبش همه

[ahmedaglan]

هو كويس بس خلاص بقي راحت علي النوكيا لازم حضرتك تواكب العصر
مع العلم ان لسة جايب واحد لصحبي من السراج من يومين وطاير بية وجبتة ب 2150

[Car's Sniper]

هو كويس بس خلاص بقي راحت علي النوكيا لازم حضرتك تواكب العصر
مع العلم ان لسة جايب واحد لصحبي من السراج من يومين وطاير بية وجبتة ب 2150

اواكبه ازاى؟؟ اجيب ايه من وجهة نظرك؟؟
متطلباتى فى الموبايل كاميرا وصوت موسيقى نضيف مش لازم من سماعته الخارجية لكن قصدى الهاند فريى بتاعة الودن
والاهم انه يكون زى الكمبيوتر فى سهولة التعامل ودا مابشفوش غير فى نوكيا
برامجه سهلة ومتوفرة وسوفت وير غير معقد وسهل تحديثه
اما السامسونج على سبيل المثال تعديله وبرامجه صعب جدا يعنى تعديل الثيمات بردو رخمة ومش متوفرة زى النوكيا
هل حضرتك تعرف موبايل اكث تطور من ال n8 فى الحاجات دى؟؟

[Ahmed_Rahem]

هو كان معايا لحد ما ضاع منى، اجمالاً موبيل فية كل الى انت عايزة، كاميرا لا يعلى عليها فى الموبيلات، ذاكرة كبيرة 16 جيجا، تشغيل الافلام على التلفزيون
عيوبة: بطيئ مقارنة بسامسونج، التهنيج بيحصل بس لما تملى الذاكرة بتاعتة على الاخر
لو انت عاجبك هاتة بس برضة بص على الخيارات الاخرى الى فى نفس مستوى السعر دة

[Car's Sniper]

هو كان معايا لحد ما ضاع منى، اجمالاً موبيل فية كل الى انت عايزة، كاميرا لا يعلى عليها فى الموبيلات، ذاكرة كبيرة 16 جيجا، تشغيل الافلام على التلفزيون
عيوبة: بطيئ مقارنة بسامسونج، التهنيج بيحصل بس لما تملى الذاكرة بتاعتة على الاخر
لو انت عاجبك هاتة بس برضة بص على الخيارات الاخرى الى فى نفس مستوى السعر دة

ذاكرةايه بالظبط اللى تتملى؟؟
الذاكرة الداخلية ولا الخارجية؟؟
ومين اللى يلحق يملى كل الذاكرة دى بالسرعة دى ..دا الموبايل لسة نازل مابقالوش كام شهر :)

عايز خبرتكوا بجد ياجماعة واقتراحتكوا فى اى بديل شايفينه احسن منه

[Ahmed_Rahem]

ذاكرةايه بالظبط اللى تتملى؟؟
الذاكرة الداخلية ولا الخارجية؟؟
ومين اللى يلحق يملى كل الذاكرة دى بالسرعة دى ..دا الموبايل لسة نازل مابقالوش كام شهر :)

عايز خبرتكوا بجد ياجماعة واقتراحتكوا فى اى بديل شايفينه احسن منه

الموبايل انا كنت جايبة نوفمبر 2010 أول مانزل وضاع منى يناير 2012 يعنى قعد معايا حوالى سنة وشهرين، وهو علشان بيشغل اى افلام ( اى extention) فانا كنت احياناً بنسى وبملاة افلام على اغانى - كنت حاطط حوالى 3-4 جيجة اغانى على فيلمين كل واحد 1-2 جيجة وعايش على الاخر.

البدائل انا معرفش حالياً بدائل بنفس السعر ومتابع معاك علشان عايز اجيب واحد تانى انا كمان

[ahmedaglan]

اواكبه ازاى؟؟ اجيب ايه من وجهة نظرك؟؟
متطلباتى فى الموبايل كاميرا وصوت موسيقى نضيف مش لازم من سماعته الخارجية لكن قصدى الهاند فريى بتاعة الودن
والاهم انه يكون زى الكمبيوتر فى سهولة التعامل ودا مابشفوش غير فى نوكيا
برامجه سهلة ومتوفرة وسوفت وير غير معقد وسهل تحديثه
اما السامسونج على سبيل المثال تعديله وبرامجه صعب جدا يعنى تعديل الثيمات بردو رخمة ومش متوفرة زى النوكيا
هل حضرتك تعرف موبايل اكث تطور من ال n8 فى الحاجات دى؟؟

توكبة يعنى تشوف الجديد يعنى لو حابب تليفونات نوكيا علشان سهلة يبقي n9 ودة تمنة من 3750 الي 4250 حسب السعة
وطبعا بالمبلغ دة ارشحلك سامسونج جالكسي اس 2 الجيد بالاصدار الجديد الي هو اللغة العربية وهو تمنة من غير ضمان 3200 وبالضمان 3650
وبالتوفيق ف القرار السليم

[Car's Sniper]

الموبايل انا كنت جايبة نوفمبر 2010 أول مانزل وضاع منى يناير 2012 يعنى قعد معايا حوالى سنة وشهرين، وهو علشان بيشغل اى افلام ( اى extention) فانا كنت احياناً بنسى وبملاة افلام على اغانى - كنت حاطط حوالى 3-4 جيجة اغانى على فيلمين كل واحد 1-2 جيجة وعايش على الاخر.

البدائل انا معرفش حالياً بدائل بنفس السعر ومتابع معاك علشان عايز اجيب واحد تانى انا كمان

محتار بين نوعين
نوكيا N8
وسونى اريكسون xperia
طبعا بالنسبة لمطلبات اخوك (كاميرا وموسيقى وبرامج متوافرة) النوكيا احسن بكتير...لكن حكاية التهنيجة دى مقلقانى
احب الموبايل العملى زى الN95 8G بتكة زرار تفتح الكامير وبتكة زرار تفتح الميوزيك بلاير
انا لا باحط افلام ولا اى حاجة غير صور الموبايل وفيديوهاته واغانى
كان معايا N95 8G اكتر من سنتين و كان اخرى فيه 5 جيجا وعمرى مامليته كامل :)
,وشكرا جزيلا على رد حضرتك

توكبة يعنى تشوف الجديد يعنى لو حابب تليفونات نوكيا علشان سهلة يبقي n9 ودة تمنة من 3750 الي 4250 حسب السعة
وطبعا بالمبلغ دة ارشحلك سامسونج جالكسي اس 2 الجيد بالاصدار الجديد الي هو اللغة العربية وهو تمنة من غير ضمان 3200 وبالضمان 3650
وبالتوفيق ف القرار السليم

للاسف ..الموبايلين كاميراتهم 8 ميجا
وزى ماقلت لحضرتك اكتر حاجة تهمنى هى الكاميرا وصوت نقى من سماعات الاذن
وشكرا لرد حضرتك
واعذرونى على التشتت اللى انا فيه دا ..وشكرا مرة تانية على تعبكم معايا :) :)

[Ralliart]

انا معايا N8 من يناير 2011 واشتريت سامسونج جالاكسي s2 في فبراير 2012
من مقارنتي الجهاز فيه كل حاجة ممكن تحتاجها كاميرا روعة وراديو وfm transmitter وinternet radio والتاتش بتاعه نضيف جداً واحسن ميزة فيه مخلياني متمسك بالـN8 ومش عايز ابيعه هي برنامج Nokia Maps وده انضف برنامج GPS ممكن تشوفه وخرايط واضحة وتعامل سهل جداً ودقيق جداً انا بسافر بيه حتت معرفش عنها حاجة
السوفت وير بسيط وسهل وامكانياته مش قليله وليه عدد لا بأس به من البرامج والالعاب

بالنسبة للفرق بينه وبين الجالكسي طبعاً سوفت وير الجالكسي معقد اكتر بس امكانياته اكتر وتقدر تلعب فيه اكتر وكمية برامج ولعب تحفة اغلبها مش موجودة في نوكيا
لكن مفيهوش اكتر ميزتين بستخدمهم وهم Fm Transmitter وبرنامج nokia maps مش لاقي برنامج يعوضه دا غير ان الـinternet radio بتاع نوكيا رائع ،اكيد في برنامج للجالكسي بيشغله بس مش هيكون بحلاوة وسهولة برنامج نوكيا

العيب القاتل في السامسونج هو البطارية بتخلص بسرعة رهيبة جداً ومبتكملش معايا 20 ساعة ابداً
في حين ان بطارية n8 رائعة ومع الاستخدام التقيل بتعيش يومين

من الآخر لو ليك في اللعب في السوفت وير وكدة ومش هامك البطارية اشتري السامسونج
لو عايز جهاز مالتيميديا كويس جداً وسوفت وير ثابت وسهل بأجمد كاميرا نزلت في موبايل حتى الآن هات n8

موضوع التهنيج ده مواجهتوش يمكن علشان انا مالي 10 جيجا بس من الـ16

[ashouhdy]

لو ملكش فى النت وفتح مواقع من خلال الموبايل وملكش فى فتح الفيس بوك و التويتر من على الموبايل

يبقى هات ال n8 وانت مغمض !

[HISHAM80]

انا جربت N8 و iphone اندرويد وحاليا معايا iيفون لو الميزانيه تسمح أرشحلك iphone

[ouzo0o0o]

بـُـص انا كنت شغال في محل موبيلات وعارف .. ال n8 بيهنــج .. متسألنيش لما يحصـل اية .. ممكن انت حاطت عليه اغنيتين تلاتة وعمال تسمع تلاقيـه هنج منة لنفسة .. وممكن يعد معاك زي الساعة ميعملش اي حاجة بس المعروف عنة انة بيهنننننننننج كتير ميفرقش بقي فلندي ولا صيني دي حاجة ف السوفت وير .. الفلندي والصيني واحد بس تقفيل دة ف الصين وتقفيل دة ف فينلندا .. نصيحـة مني .. جرب الاندرويد في السامسونج ومش هتندم والله .. شيل جلاكسي s2 والله هتتبسط :)

-------------------------------------
اللون الاحمر مخصص للمداخلات الاداريه فقط

3.26م
7/2/2012

م.ع.12

[Car's Sniper]

هاوضحلكوا قصدى
دلوقتى انا نفسى فى n8
ومش قصدى بالبدائل انى اقارن بين موبايلين شغالين
لا بالعكس لو مثلا قصادى n8 وجلاكسى والاتنين تمام هاختار n8 حتى لو الجلاكسى فيه مميزات تانية عن النوكيا
وكل الى عايزه اعرف من اللى جربوه مشكلته معاهم كانت ايه
ولو فعلا فيه مشاكل قاتلة يبقى ايه البديل ليه
وخصوصا ان استعمالى مش قليل خالص واى موبايل دايما بلاقى بطاريته بتسخن معايا من كتر استخدامه
يعنى محتاج موبايل حمار شغل
وماتتصدموش لما اقولكوا نفسى اجيب نفس موبايلى القديم n95 8g
بس قلت طالما هاجيب جديد يبقى اجيب حاجة اكثر تطور
وشكرا لردود حضراتكوا

[BUNSH]

أنا معايا n8 من ابريل 2011 وبصرااااااااحة جهاز شغاااااااااااال تمام (حمدلله) ومهنجش ولا كلام اللى بيتقاااااااااال دة ,, وزى مالاعضاء الافاضل ماقالوا انك تواكب تطور وتدخل على ايفون اوجلاكسى وأنا بنسبالى طلعة اللى جاية هتكوووووون حاجة من دوووول ان شاء الله ...

[Ralliart]

هاوضحلكوا قصدى
دلوقتى انا نفسى فى n8
ومش قصدى بالبدائل انى اقارن بين موبايلين شغالين
لا بالعكس لو مثلا قصادى n8 وجلاكسى والاتنين تمام هاختار n8 حتى لو الجلاكسى فيه مميزات تانية عن النوكيا
وكل الى عايزه اعرف من اللى جربوه مشكلته معاهم كانت ايه
ولو فعلا فيه مشاكل قاتلة يبقى ايه البديل ليه
وخصوصا ان استعمالى مش قليل خالص واى موبايل دايما بلاقى بطاريته بتسخن معايا من كتر استخدامه
يعنى محتاج موبايل حمار شغل
وماتتصدموش لما اقولكوا نفسى اجيب نفس موبايلى القديم n95 8g
بس قلت طالما هاجيب جديد يبقى اجيب حاجة اكثر تطور
وشكرا لردود حضراتكوا

انا فاهمك علشان كان عندي n95-8gb قبل الان 8
خلي بالك طالما استخدامك تقيل خليك في الـn8 علشان استهلاكه قليل وبطاريته بتعيش انما لو جبت جالكسي s2 هتندم جداً علشان فيه بروسيسور كبير على بطارية تعبانة بتخلص بسرعه جداً

بيتباع للجالكسي بطارية اكبر ب500 جنيه على اساس اني شاري موبايل ب3500 علشان اجيبله بطارية تانية! والله اعلم البطارية الكبيرة هتعيش ولا لأ