بستغرب أوى لما ....

[Ghosts]

هههههههههههههههههههههالناس اللى فى امريكا اللى زوقهم فى النازل هم مصريين اصلا هههههههههه وتعبيرك عليه كان ظريف جدا ( ياضنايه) هههههه بجد حاجه تنقط وانا ياباشا تحت امرك معاك اى وقت . تحيانى

ما أنا عارف أنهم مصريين ....
يعنى الأمريكان هيحضروا حفلة لهباب البرك دة لية أن شاء اللة ؟؟!!

ما عندهم الأحسن منة مليوووووووووووووووون مرة ....
أنا كنت متخيل أن المصريين اللى عايشين فى أمريكا هيبقوا أعقل شوية ....

بس للأسف اللى شوفتة كان مخيب للأمال ....
سبحانة العاطى لما يعلى الواطى و الحظ لما يواتى يخلى الأعمى ساعاتى ....

[Ghosts]

عادي جدا ..... بتحصل ........ عمري ما كنت فاهم ازاي اتنين كانوا هيموتوا و هيعملوا المستحيل و يجمعهم بيت و ييجي اليوم اللي يمشوا فيه بكامل ارادتهم الحرة يمضوا و يبصموا عالطلاق عند المأذون .......

طب ممكن حضرتك تقولنا أزااااااااااى ؟؟!!
أصلى لسة متجوزتش وشكلى كدة هكبر دماغى من الموضوع دة ....

[فتح الباب]

اصلا البتاع اللى اسمه تامر ده انا لما بشوفه وخصوصا شفايفه اللى مشققه وكأنها كعب قدم انا بيركبنى 100 عفريت وبتنرفز اوى وبعدين فى واحد من ( بلدياتى هههه) كان فى امريكا لما رجع والله كان جايب تويوتا عيون والله مش عارف جابها ازار اصلا من هناك تقريبا نزل جابها من الخليج ولا حاجه وهو جاى وفاكر بقى انو نازل بلاد الفلاحين وبتاع ليفاجىء بـ ماذدا 3 ووووووو....... انت عايز استغراب اكتر من كده وجليطه اكتر من كده راجل كان فى امريكا ونازل بـ تويوتا يافرحه امه بيه مش هى دى افكار بعض المصريين بردوا اللى هناك يا عم خلينا ساكتين وربنا يلطف بينا

[فتح الباب]

طب ممكن حضرتك تقولنا أزااااااااااى ؟؟!!
أصلى لسة متجوزتش وشكلى كدة هكبر دماغى من الموضوع دة ....

ههههههههههههههههه انا اقولك على المختصر المفيد حاول قدر الامكان انك ما تتجوزش الا فى سن ما قبل الموت بحاجه بسيطه علشان لو اتجوزت وانت صغير سنا هتفضل تدعى على نفسك وتقول يارب اموت يارب اموت يا رب اموت فحاول تعيش اكبر قدر ممكن من العمر دون معاناه ايه رأيك منطقى ولا لا

[Ghosts]

ههههههههههههههههه انا اقولك على المختصر المفيد حاول قدر الامكان انك ما تتجوزش الا فى سن ما قبل الموت بحاجه بسيطه

أنت عايزنى أتجوز و أنا مركب جولوكوز و أنبوبة أكسجين ؟؟!!
وأية رأيك أعمل الفرح فى القصر العينى ؟؟!!

[أحمد كمال]

طب ممكن حضرتك تقولنا أزااااااااااى ؟؟!!
أصلى لسة متجوزتش وشكلى كدة هكبر دماغى من الموضوع دة ....

حاجات كتير بتتغير

الشخصيات بتتغير بعد الجواز

الزهق

عدم المحاولة بجهد للحفاظ على البيت (سواء من الراجل او الست)


شروخ في العلاقة الزوجية سواء بسبب تقصير مستمر او اهمال (احيانا متعمد) او تجريح


لحد ما الدنيا تبوظ خالص و كل سنة و انت طيب


و دوام الحال من المحال ......

و احبب من شئت فانك مفارقه

[human]

انا لما شفت الموضوع ... استغربت

[فتح الباب]

انا لما شفت الموضوع ... استغربت

انا كمان لما شفت استغرابك استغربت انت بتستغرب ليه

[wael3m]

انا بقى بستغرب على واحد مصرى شغال فى بلاد الغربة علشان مش لاقى وظيفة
وتلاقى الاجنبى بيشتغل نفس الشغل بمرتب أعلى كمان
علشان ايه مش عارف

[Khaled Online]

انا بقى بستغرب على واحد مصرى شغال فى بلاد الغربة علشان مش لاقى وظيفة
وتلاقى الاجنبى بيشتغل نفس الشغل بمرتب أعلى كمان
علشان ايه مش عارف

ازيك يا وائل؟ لعلك بخير :)

مهو ده الطبيعي في دول الخليج
والمشكلة مش في الأجنبي ولا في المصري اللي بيقبل
المشكلة في اللي عامل التفرقة دي
ولو المصري قال لأ، الخليجي هيفكه بخمسة هنود أو باكستانيين

دي حاجة، الحاجة التانية، التعليم والثقافة بتاعت الأجنبي بتبقى في الغالب في صالح الأجنبي مقارنة بالمصري --إلا في حالات معينة

ولا في حاجة أنا مش فاهمها؟؟

[Khaled Online]

أستغربت أوى يا جماعة لما شوفت الفيديو دة ....
يحميك يا ضنايا ....
ربنا يهديكم ....

أنتم مجانين ؟؟!!
أية صرصار الجيل دة اللى أنتم عاملين لة كل دة ؟؟!!

من فضلك!!!!!!!!!!!!!!!!!!!!!!!!!!!
كله إلا الصراصير! هي أكيد ليها فايدة معينة في التوازن البيولوجي، فبلاش غلط لو سمحت!

[wael3m]

ازيك يا وائل؟ لعلك بخير :)

مهو ده الطبيعي في دول الخليج
والمشكلة مش في الأجنبي ولا في المصري اللي بيقبل
المشكلة في اللي عامل التفرقة دي
ولو المصري قال لأ، الخليجي هيفكه بخمسة هنود أو باكستانيين

دي حاجة، الحاجة التانية، التعليم والثقافة بتاعت الأجنبي بتبقى في الغالب في صالح الأجنبي مقارنة بالمصري --إلا في حالات معينة

ولا في حاجة أنا مش فاهمها؟؟

خالد باشا انا تمام الحمد لله المهم انت يا نجم
انا مش بتكلم على دول الخليج انا بتكلم على دول اروبية
يعنى اتعرفت على مهندس بترول ايطالى شغال فى مصر سنه 31 سنه بيقبض 25 الف دولار
ليه معرفش ومش مثلا رئيس قسم او نائب مدير زيه زى المهندس المصرى اللى أكيد مش بيقبض
نفس المرتب .... ونفس الحكاية فى شغل الفنادق فى مصر تلاقى مدير أجنبى مرتبة 35 الف جنية
ومرتب المدير المصرى 17 الف ودى شفتها بنفسى كذا مرة والله الاتنين فى نفس مستوى الخبرة
ونفس مستوى الادارة بس عقلية صاحب الفندق إن الاجنبى احسن من المصرى


فى دى شئ يدعو للاستغراب أكتر

[Khaled Online]

خالد باشا انا تمام الحمد لله المهم انت يا نجم
انا مش بتكلم على دول الخليج انا بتكلم على دول اروبية
يعنى اتعرفت على مهندس بترول ايطالى شغال فى مصر سنه 31 سنه بيقبض 25 الف دولار
ليه معرفش ومش مثلا رئيس قسم او نائب مدير زيه زى المهندس المصرى اللى أكيد مش بيقبض
نفس المرتب .... ونفس الحكاية فى شغل الفنادق فى مصر تلاقى مدير أجنبى مرتبة 35 الف جنية
ومرتب المدير المصرى 17 الف ودى شفتها بنفسى كذا مرة والله الاتنين فى نفس مستوى الخبرة
ونفس مستوى الادارة بس عقلية صاحب الفندق إن الاجنبى احسن من المصرى

فى دى شئ يدعو للاستغراب أكتر

موضوع المهندس الإيطالي دي غريبة قوي
قوي قوي يعني!

عندنا في مصر أصدق وأصدق قوي إن ده يحصل. بس في إيطاليا إيه الأخبار؟

[Ghosts]

انا مش بتكلم على دول الخليج انا بتكلم على دول اروبية
يعنى اتعرفت على مهندس بترول ايطالى شغال فى مصر سنه 31 سنه بيقبض 25 الف دولار
ليه معرفش ومش مثلا رئيس قسم او نائب مدير زيه زى المهندس المصرى اللى أكيد مش بيقبض
نفس المرتب .... ونفس الحكاية فى شغل الفنادق فى مصر تلاقى مدير أجنبى مرتبة 35 الف جنية
ومرتب المدير المصرى 17 الف ودى شفتها بنفسى كذا مرة والله الاتنين فى نفس مستوى الخبرة
ونفس مستوى الادارة بس عقلية صاحب الفندق إن الاجنبى احسن من المصرى


فى دى شئ يدعو للاستغراب أكتر

فعلآ موضوع يدعو للأستغراب ....
أى وظيفة فى مصر بيفضل فيها الأجانب حتى لو مكانوش كفؤ بس عشان متعلمين برة ....

وأى حد أتعلم برة أو فى الجامعة الأمريكية هو الكسبان فى البلد دى ....
كل الأجانب اللى شغالين فى مصر بيبقوا فى بلدهم ضايعين ....

لأنهم لو مكانوش ضايعين مكانوش أستحملوا يعيشوا فى مصر اللى تعتبر أقل بكتييييييييييييير جدآ من بلدهم ....
أصحاب الشركات و المدارس بيحبوا اللى شعرهم أصفر وعينيهم خضرا مهما كانوا ....

عشان يضحكوا على المصريين اللى لما يشوفوهم هيقولوا :
بسم الله ما شاء الله دى الشركة أو المدرسة دى فيها ناس أجانب يبقى دة مكان ممتاااااز ....

معروف عن المصرى أن طول عمرة سطحى ....
بيحكم على الأشخاص والأشياء بالمظاهر فقط ....

[wael3m]

موضوع المهندس الإيطالي دي غريبة قوي
قوي قوي يعني!

عندنا في مصر أصدق وأصدق قوي إن ده يحصل. بس في إيطاليا إيه الأخبار؟

الاخبار فى ايطاليا حدث بلا حرج .... فشل تام وشلل لجميع القطاعات الاقتصادية
نتيجة سياسات أكتر من 4 سنين فى حكومة برلسكونى اللى مكانتش تفرق كتير
عن الحكومات المصرية السابقة .... عايز أقولك انى شخصيا فى المحل مبعتش حاجة من 10 أيام
ونفس الحكاية فى محلات جنبى زائد البرد القارص والثلج اللى عمرة مانزل فى روما من 25 سنة


غدا ان شاء الله هعمل موضوغ عن ايطاليا فيه كل حاجة من اول الدخول الى طريقة المعيشة