بستغرب أوى لما ....

[Ghosts]

بستغرب أوى لما الاقى بنى أدم رخم بيسئل و يقولى:
هو أنت مش ناوى تتجوز بقى؟؟!!

دة على أساس أن قرار الجواز دة بمزاجى مثلآ؟؟!!
يعنى النهاردة أحس أنى مخنوق شوية فاروح أتجوز و كأنى رايح أحلق دقنى ....

أية الناس دى؟؟!!
أية المجتمع المتطفل دة؟؟!!

[Ghosts]

بستغرب أوى لما ألاقى صديق طفولتى اللى أعرفة من 33 سنة مصمم على التواجد معايا بالرغم أنة عارف و متأكد تمامآ أنى مش بحبة و مش عايزة يكمل معايا الباقى من عمرى ....

عارفين الصديق اللزقة دة أسمة أية؟؟!!
أسمة الحزن ....

[Ghosts]

أستغربت أوى لما قريت خبر وفاة السباح النرويجي ديل اوين بطل العالم عن 26 عاما أثناء مشاركته في معسكر تدريبي في أريزونا بالولايات المتحدة ....

بس يا خويا الدكاترة يطلعوا يقولوا لنا عن أهمية الرياضة فى تقوية القلب ....
والشاب دة راح فى غمضة عين بالرغم من أنة رياضى جامد و محقق أرقام قياسية شديدة ....

محدش بياخد أكتر من نصيبة والأعمار بيد الله ....
تلعب رياضة تلعب فى مناخيرك لا هتقدم يوم فى عمرك ولا هتأخر يوم ....

الأنسان كالبخار الذى يظهر قليلآ ثم يختفى ....

[Ghosts]

بستغرب أوى لما أسمع عن منصب وزير الثقافة ....
بالذمة دى بلد و لا دول بشر عشان نعملهم وزارة أسمها وزارة الثقافة و نجيب لها وزير يدير شئونها؟؟!!

[Screenplays]

1- بستغرب من القنوات اللي المفروض ان اسمها قنوات افلام وتلاقي يجيبلك 5 دقايق من الفيلم و 3/4 ساعه اعلانات لدرجه ان الواحد بينسي هو كان بيتفرج علي ايه

اكل العيش يعمل اكتر من كده

بستغرب أوى لما الاقى بنى أدم رخم بيسئل و يقولى:
هو أنت مش ناوى تتجوز بقى؟؟!!

دة على أساس أن قرار الجواز دة بمزاجى مثلآ؟؟!!
يعنى النهاردة أحس أنى مخنوق شوية فاروح أتجوز و كأنى رايح أحلق دقنى :b4_039: ....

أية الناس دى؟؟!!
أية المجتمع المتطفل دة؟؟!!

هههههههههههههههه اللي بيعمل معايا الموقف ده بديله الطريحه يقوم معتش يتكلم معايا تاني اساسا

بستغرب أوى لما أسمع عن منصب وزير الثقافة ....
بالذمة دى بلد و لا دول بشر عشان نعملهم وزارة أسمها وزارة الثقافة و نجيب لها وزير يدير شئونها؟؟!!

ههههههههههههههههههههههههههه سيبهم يا عم اهم بيقلبوا عيشهم

[Ghosts]

حبيب قلبى Screenplays ....
ياااااااااااااااااااااااااة بقالى مدة و أنا قاعد بستغرب لوحدى ربنا ما يحرمناش من مشاركاتك اللى زى العسل ....

[Ghosts]

أستغربت أوى لما سمعت كلام محمد حسن رمزى منتج فيلم أسماعيلية رايح جاى لما قال:
بعد ما خلص تصوير الفيلم وأتفرجت علية لوحدى قبل ماينزل السينما ضربت نفسى بالجزمة لأنى أنتجت فيلم ساقط زى دة و سئلت نفسى أنا أزاى رضيت أنتجة و طلبت من ربنا أن الفيلم يغطى المصاريف اللى أتصرفت علية بس ومش ضرورى أبدآ يكسب و قررت أنى مش هنتج تانى أبدآ ....

وساعة ما الفيلم دة نزل كان نازل معاة فيلم المصير بتاع يوسف شاهين اللى أخد جايزة مهرجان كان لما عرف محمد حسن رمزى الموضوع دة لطم وقال:

كدة أنا أتخرب بيتى وش ....
بقى معقول الناس هتتفرج على فيلم ساقط زى أسماعيلية و يسيبوا فيلم عظيم ومتكلف زى المصير؟؟!!

لكن المنتج كان ناسى أنة عايش فى بلد العجايب والفيلم اللى كان بيعتبر سااااااااقط نجح نجاح محصلش فى تاريخ السينما المصرية و فيلم المصير أتشال من السينمات بعد أسبوعين عشان محدش راح شافة ....

[Screenplays]

انت هتقولي
تعالي شوف عمر و سلمي 3 جايب كام و بنات العم جايب كام
شوف بقي الافلام المحترمه زي المصلحه و رد فعل جايبين كام
الحمد لله الانتاج السينمائي وقف في مصر خلاص

[Ghosts]

بستغرب أوى لما أتفرج على فيلم الأرهاب والكباب ....
أصل الفيلم دة أنتاج سنة 1992 يعنى من 20 سنة وتحس أنة أتصور أمبارح لأن المشاكل هى هى ومفيش أى حاجة عايزة تتغير فى البلد دى ....

[Screenplays]

اه صح

[Ghosts]

بستغرب أوى لما لما أشوف أب و أم عندهم حد فى الثانوية العامة ....
تلاقيهم يا عينى قلقانين و هيتجننوا و يصرفوا على الدروس الخصوصية اللى وراهم واللى قدامهم ....

كل دة لية؟؟!!
عشان الولد ولا بنت يقفوا فى طابور العاطلين ولا عشان يشتغلوا ب 500 جنية فى الشهر؟؟!!

أية لازمة الشهادات فى بلد مش بتقدر لا العلم ولا العلماء؟؟!!
مش بالذمة الولد فى البلد دى أحسن لة يروح يلعب كرة قدم بدل التعليم اللى مبيأكلش عيش دة؟؟!!

[Screenplays]

علي رأيك و الله ... انا ابن خالتي الوسطاني فاحت نفسه عشان الامتحانات ... الواد نفسه في صيدله ... انا قولتله لو ربنا كرمك و دخلتها تطلع تعمل معادله في كندا بدل ما تعد زي البطيخه و تبقي بياع ادويه في مصر

[Ghosts]

أستغربت أوى لما شوفت أعلانات فيلم جيم أوفر ....
سئلت نفسى هى يسرا كبرت و خرفت؟؟!!

أية اللى يخليها تتعامل مع السبكى وتقدم فيلم ردىء زى دة بعد ما عملت أفلام ومسلسلات مع أهم و أكبر المؤلفين والمخرجين فى مصر؟؟!!

هى ناقصها فلوس مثلآ؟؟!!
مش كان كفاية الهبل والهرتلة اللى عملتة مع عادل أمام فى فيلم بوبوس؟؟!!

طب مى عز الدين و عارفين أن كل أفلامها ساقطة و ملهاش أى تلاتين لازمة ....
و يسرا كمان دخلت مزبلة السبكى؟؟!!
دى الفلوس دى بتعمل عمايل و خصوصآ مع الفنانين اللى ميملاش عينها غير التراب ....
أتفرجوا يا جماعة على المعلم السبكى وهو بيدى توجيهاتة للممثلين و المخرج واقف جنبة زى كيس الجوافة ....

‫يسرا _ مى عز الدين _ ميكينج فيلم جيم اوفر الجديد قريبا.wmv‬‎ - YouTube

حاجة فعلآ تقرف ....

[Screenplays]

ليه الفيديو ده يا عم ؟ انت عايز تقلب معدتنا ؟

ساعه الفلوس بتوه النفوس

[Ghosts]

ليه الفيديو ده يا عم ؟ انت عايز تقلب معدتنا ؟

ساعه الفلوس بتوه النفوس

السبكى دة مش هتختفى أفلامة من السوق إلا إذا ناس كتيييييييييييييييير أوى فى الشعب نضفوا وأتعلموا تعليم بجد
يعنى بعد حوالى 500 سنة ....
لا هانت ....