بتفضفض لمين لما تبقى مخنوق ومتضايق؟

[nonetta]

انا ممكن اسمع من الناس كلها
لكن مشاكلي باحتفظ بيها لنفسي مش باحب احكي الا نادرا
مش باحب اضايق حد معايا
ممكن يكون عنده هم اكبر من همي

[gebreel]

صديقي الصدوق

[minicooper20]

عمرى مشتكيت لبنى ادم و لا عمرى اشتكيت اصلن انا بتعامل مع نفسى

[rompo10]

ولا اي حد بشيل في نفسي اي هم واي مشكله

[Ghosts]

ده موضوع كنت قرأته السنه اللى فاتت رأيته احدث بى تأثير ولانه ينطبق لى كثيرا فأحببته فحفظت منه القليل لان الموضوع كان كبير فأنا هقولك اللى اعرفه بس وسوف يفى بالغرض والرد :

الغربــة الحقيقــيـةعندمـا تحتـار في أمـر فتأخذ كـم من الوقـت لتفكّـر و تفـكّـر وتفكـّـر وبالنهـايـة يكـون الجـواب محتـار
الغربــة الحقيقــيـةعندمـا تجلـس وسـط أهلِـك وأصدقائِـك وتكـون في نظرهـم أنـت الغريـب الغربــة الحقيقــيـة عندمـا تسـاعـد هـذا .. وتنقـذ هـذا .. وتضحـي لأجل هـذا
وعندمـا تقـع في أبسـطَ حفـرة الكل منـك بــــــــعــيــــــد الغربــة الحقيقــيـة عندمـا تبتسـمـ وتضحـك بأعلـى صوتـك وكل من حولـك يخالـك أسعـد من هذه الدنيـا
ولكـن في أعمـاقـكَ جـروح وآلام لم يستطـع حتى أقرب المقربيـن إليـك ترجمتهـا الغربــة الحقيقــيـه عندمـا تعيـش في زمـن الكـذب واالخيـانـة وأنت الوفي والصادق الوحيـد
الغربــة الحقيقــيـة عندمـا تتـرجم الطيبـة " غبـاء " والحب " مصلحـة وأنت ضائـع بيـن تلك المصطلحـات هذه بعض الصور للغربــــة لكن ما هي الغربــة من وجهة نظركــم و هل لديكم تعريف مغاير و مختلف عن هذه الآراء أرى أن الغربة.. عندما تجعل نفسك غريب عن هذه الدنيا فلا يكون لك هدف فيها أو غاية و عندما لا تجعل لوجودك معنى أو بصمة فيها فتكون إنسان زائد في هذا العالم

أستااااااااذ و رئيس قسم ....
أنت كدة ....

[Ghosts]

المهم يا رجالة أوعى حد فيكم يفضفض مع واحدة ست زى زميلتة فى الشغل مثلآ ....
لسة النهاردة عارف أن فى دراسة بتؤكد أن المرأة مش ممكن تكتم سر أكتر من 47 ساعة يعنى أقل من يومين ....

[mahmoudalaa]

معنديش حد وبتخنق لدرجه اني ببقي عايز اكلم نفسي فبطلع غلي ساعات في الجري بسرعه كبيره بالعربية او بعمل عبيط علي نفسي و بشغل لنفسي باي حاجه تنسينس

[A7MED_PHARMA]

في اوقات سودا من حياتي
كنت بقعد لوحدي قدام المراية .. اعاتب نفسي واشكي همي لنفسي
وكان نفسي اضرب نفسي بالقلم ... لكن ماكونتش بعرف ههههههههههههههههههههههههه

[MaZaGAngeE]

ولا اي حد بشيل في نفسي اي هم واي مشكله

1111111111

[nonetta]

المهم يا رجالة أوعى حد فيكم يفضفض مع واحدة ست زى زميلتة فى الشغل مثلآ ....
لسة النهاردة عارف أن فى دراسة بتؤكد أن المرأة مش ممكن تكتم سر أكتر من 47 ساعة يعنى أقل من يومين ....

ليه كدة بس
الموضوع دة مش صحيح
وطبعا مش كل السيدات
تصدق ان في رجالة مش بيعرفوا يشيلوا سر اكتر من الست
لكل قاعدة شواذ

[Amro_ON]

سبحان الله ... مفيش حد بيفضفض لزوجته ليه؟ ... مع ان المفروض الزوجه سكن لجوزها ... امال انا هتجوز ليه!!

[Mahmoud Nagieb]

سبحان الله ... مفيش حد بيفضفض لزوجته ليه؟ ... مع ان المفروض الزوجه سكن لجوزها ... امال انا هتجوز ليه!!

على فكرة رغم انى مش متجوز ... ومش ناوى قريب .... بس انا عمرى ما فضفضت لواحدة ست .... ولو مراتى بقى اكيد هفضفضلها بس مش كل حاجة

الفضفضة والكلام مع راجل احسن بكتييييير من انك تفضفض لواحدة اى كانت علاقتك بيها ....

[M.Alaa92]

لو مخنووق اوووى و محتاج افضفض براحتى ع الاخرر واخد نصيحة بجد يبقى صديقى ( من الحضانة الى الان مع اننا افترقنا ف الثانوى و الكلية و لكن لسة ع توااصل بينا )

لو مخنووق اوى و محتااج نصيحة بجد تبقى صديقة

[Ghosts]

علمنتنى الدنيا أن الشخص اللى هتشكيلة همك هيبقى حاجة من أتنين :
يا أما مخنوق منك و مكسوف يقولك أطلع من دماغى أنا مش ناقصك أنت كمان ....
يا أما هيكون فرحان فيك ....
يا جماعة اللى حاسس أنة مخنوق و تعبان مش هيلاقى فى الدنيا حد أحن من ربنا ....

[A7MED_PHARMA]

محدش بيفضفض لمراته
لسبب واحد
غالبا مراته نفسها .. بتكون هي سبب همه وخنقته