لازم ترقص فى الفرح!!!!

[hossam165]

الحمد لله معملتش فرح او مسرح او كوشه اللي بتتعمل لكن في انوار ووليمه لمدة اسبوع والكل كان مبسوط ومراتي اصرت تروح كوافير ورحت جبتها وعملنا زفه في الطريق ودخلت علي شقتي علي طول

عايز تصرف مبلغ محترم غالبا هيبقي فوق ال 10 او ال 20 الف في كام ساعه بحجة ان دي فرحة العمر فانت اكتر واحد عارف وحاسس بالمجهود اللي بذلته عشات تجيب الفلوس دي وهيهون عليك تصرف تعب كام شهر ولا كام سنه في ساعتين علي حاجات خايبه لاتخلو من المعاصي والذنوب فده شيء يرجعلك الا اذا مكنتش هتدفع

الحاجه الأهم بقي هل هتقبل عادي ان تبقي مراتك بترقص وخلي بالك في بنات كتيير بتتحول في الموقف ده وبتطلع كل اللي عندها رقص وهز واخر قلة ادب ومش هتقدر تفتح بقك ولا فتحته هتلاقي ميلون واحد بيقفلهولك وكله هيقول دي ساعة في العمر
هل عادي ليك ان تبقي مراتك فرجة لكل العيون اللي في القاعه وهي عماله ترقص؟ لو عادي يبقي بييس لو مش عادي يبقي خليك راجل من اولها واللي انت عايزه مشيه
علي فكره انا اهلي كلهم كانو عايزين فرح وحوارات واغاني ورقص لدرجة ان ناس من البلد كانو بيقولولي اعمل واحنا هندفع واهل العروسه برده كانو عايزين بس انا رفضت ومراتي كمان رفضت والحمد لله عمري ماندمت علي حاجه زي كده

كأنك بتتكلم عما حدث معي بالضبط

والله المشكله ماهي في العريس خالص ده في الأخر راجل
المصيبه بتبقي في العروسه وخصوصا لما تكون بتعرف ترقص

كتيير ابقي في فرح والعروسه ترقص وتشوف ناس تحس انها فرحانه ومبسوطه واسمعهم بيقولو كلام زي الزفت من نوعية البنت دي مالها %^&*)( والعريس ده مش عارف ايه وهيعمل ويخلي وتلاقي الناس عماله تسقفلهم ومن جواهم بيقطعو في جتتهم

الزميل قصده ان لما الست تخللي الراجل يرقص كشرط للجواز ...

هههههههههههههه و الله احنا مصيبة

عموما هو الرقص بيقلل من هيبة الرجال بس اعتقد ان الشعب المصري من عاداته ان الراجل يرقص على واحدة و نص, و اللا نخللي النسوان هي اللي ترقص يعني و كل من هب و دب يبص عليهم!!

عموما انا معارض بشدة لموضوع الفرح دا - بشدة!!!

عزومة في مكان راقي - او في مركب في البحر و مش مشكلة بفستان الفرح

بس فرح فرح دا مصيبة

مؤيد تماما
مراتي او اختي ترقص والناس تتفرج عليها علي جثتي طبعا
فلا يدخل الجنة ديوث وما هو الديوث ؟
هو من لا يغار علي اهله كما قال رسول الله عليه الصلاة والسلام

[hamahomo]

انا شايف ان الرقص اصلا حرام ومفيش حاجة اسمها رقص محترم وغير محترم هو في الاخر رقص مع احترامي لاراء باقي الاعضاء

[Car's Sniper]

انا عارف ان كلامى ممكن يزعل الناس
بس انا مابشوفش فى الفرح دا غير انه معرض لشوية سلع+ قاعدة نميمة مكبرة ..مهما كان مستوى الناس فى الفرح
وكل واحد بيعرض سلعته باسلوب
اللى تطلع تظهر مواهبها فى الرقص البلدى كنوع من "الواجب" مع العروسة
واللى تقعد تتمرقع هنا شوية وهنا شوية
واللى تقعد فى مكانها ووالدتها تكلم والدة الشاب اللى واقف عشان يشوفها...
والنتيجة واحدة نظرات رخيصة للسلعة المعروضة (البنت)
والشىء المؤكد انك هتلاقى شوية شباب بايظ مالوش شغلة فى الفرح غير التصوير والفرجة على البنات
بصراحة مابيعجبنيش خالص الجو دا وباكره وجودى فى قاعة افراح ومعرفش ليه باحس ان فى كل ركن فيها شيطان وباقول لو لا قدر الله حصل حاجة فى القاعة هنقابل ربنا بانهى وش؟؟؟
خايف اوى من اليوم دا وخايف ماستحملش تأنيب ضمير على كام الف بادفعهم عشان ارقّص ناس يعنى من الاخر هاصرفهم فى حاجة انا عارف ومتأكد انها بتغضب ربنا وباستغرب جدا لما واحد يخاف يدّخل بيته مليم حرام لكن عادى لما يصرفه على فرح!! ...(مستعد ادفع ضعف تكلفة الفرح فى سفرية لاى بلد) ...وزيادة عليه خايف ماستحملش تأنيب الضمير لمدة 4-5 ساعات متصلة وساعتها الله اعلم باللى ممكن اعمله فى الفرح وخصوصا لما باحس ان الحق معايا ممكن اخبط فى اى واحد قدامى طالما انا الصح وهو الغلط
الامضاء : شخص لا بيحب المرقعة ولا السهوكة ولا الضحك على نفسه

[A.Saad]

فيه فكرة صديق ليا عملها وتعتبر حل وسط فى حالتك ليك انت وعروستك
كتب الكتبا فى مسجد فى الدراسة
حجز مطعم على مركب بلو نايل اللى فى اول الزمالك
خد اقاربه المقربين وبعض اصدقائه المقربين
كنا حوالى 6 اولاد
والعروسة كذلك
هو والعروسة رقصوا من غير ابتذال
مفيش زحمة
دى جى كان كويس

[bmya]

يا جماعه في حاجه ممكن الفرح ميكونش فارق اوي مع الراجل لكن الفرح غابا بيفرق اوووووووووووي مع البنت الفرح عندها بيكون حلم ليها والفستان الابيض لازم د برده نراعي مشاعراالنت وان دي فرحتها في حدود المعقول طبعا يعني مفيش اختلاف ان في رقص بيكون مبالغ فيه من العروسه بس دي بترجع لشخصيه البنت يعني البنت لو هاديه وخجوله هيتكون كده برده في الفرح لكن البنات الخبره بقه دول حاجه تانيه ملناش دعوه بيهم
بالنسبه لرقص الراجل انا بكرررررررررررره الولاد اللي بيرقصوا رقص البنات والتقسيم على انغام سهير زكي والقرف ده بكون نفسي اديله على قفاه صراحه لكن في رقص الولاد اللي هو اي هبل في الجبل بيعبر عن فرحته وشكرا مش رقص بقه وفقرات رقص وكده وعموما الفرح ده بيكون فرحه العريس بعروسته والعروسه بعريسها وفووووووووكك من المعازيم واي حد تاني وممكن يكون في اتفاق بين العروسين على الرقص مثلا هيكون عامل ازاي
انا عن نفسي مبعرفش ارقص خااااااااااالص بس اللي اقدر اقوله اني في فرحي ان شاء الله هكون فرحاااان وهعبر عن فرحتي دي بالطريقه اللي تعجبني وماليش دعوه لا ببتاع الدي جي ولا بمعازيم ولا اي حد
والناس الخنيقه اللي بيعدوا يقولو بوسها بوسها كل ده هنفض ليهم اصلا

[Car's Sniper]

يا جماعه في حاجه ممكن الفرح ميكونش فارق اوي مع الراجل لكن الفرح غابا بيفرق اوووووووووووي مع البنت الفرح عندها بيكون حلم ليها والفستان الابيض لازم د برده نراعي مشاعراالنت وان دي فرحتها في حدود المعقول طبعا يعني مفيش اختلاف ان في رقص بيكون مبالغ فيه من العروسه بس دي بترجع لشخصيه البنت يعني البنت لو هاديه وخجوله هيتكون كده برده في الفرح لكن البنات الخبره بقه دول حاجه تانيه ملناش دعوه بيهم
بالنسبه لرقص الراجل انا بكرررررررررررره الولاد اللي بيرقصوا رقص البنات والتقسيم على انغام سهير زكي والقرف ده بكون نفسي اديله على قفاه صراحه لكن في رقص الولاد اللي هو اي هبل في الجبل بيعبر عن فرحته وشكرا مش رقص بقه وفقرات رقص وكده وعموما الفرح ده بيكون فرحه العريس بعروسته والعروسه بعريسها وفووووووووكك من المعازيم واي حد تاني وممكن يكون في اتفاق بين العروسين على الرقص مثلا هيكون عامل ازاي
انا عن نفسي مبعرفش ارقص خااااااااااالص بس اللي اقدر اقوله اني في فرحي ان شاء الله هكون فرحاااان وهعبر عن فرحتي دي بالطريقه اللي تعجبني وماليش دعوه لا ببتاع الدي جي ولا بمعازيم ولا اي حد
والناس الخنيقه اللي بيعدوا يقولو بوسها بوسها كل ده هنفض ليهم اصلا

ههههههههههه ياعييينى
احب اصدمك واقولك فى الفرح مافيش حاجة هتبقى تحت السيطرة حتى انت نفسك هتلاقى اللى الف واحد بيشيلك عافية وطبعا مش هاتعرف تقفش عليهم عشان ماتقلبش الفرح غم

[bmya]

ههههههههههههه ياباشا عادي منا عارف اني هلاقي الف واحد بيشيلني والكلام ده بس هل الالف واحد دول هيخلوني اعمل حاجه غصب عني كمثال مثلا حوار بوسها بوسهاااا هيخلوني مثلا ابوس مراتي بالعافيه ؟!! اكيد لاءه
القصد اني هفرح بس بمزاجي برده هل مثلا هيخلوني ارقص على انغام سهير زكطي عافيه منا مبعرفش ارقص ومش عايز اعرف ارقص اصلا
بالنسبه للبنت بقه البنت غير الوولد يعني صحابها مش هيشيلوها مثلا ولا هيقولولها بوسيه بوسيييييييه :)))

[Car's Sniper]

ههههههههههههه ياباشا عادي منا عارف اني هلاقي الف واحد بيشيلني والكلام ده بس هل الالف واحد دول هيخلوني اعمل حاجه غصب عني كمثال مثلا حوار بوسها بوسهاااا هيخلوني مثلا ابوس مراتي بالعافيه ؟!! اكيد لاءه
القصد اني هفرح بس بمزاجي برده هل مثلا هيخلوني ارقص على انغام سهير زكطي عافيه منا مبعرفش ارقص ومش عايز اعرف ارقص اصلا
بالنسبه للبنت بقه البنت غير الوولد يعني صحابها مش هيشيلوها مثلا ولا هيقولولها بوسيه بوسيييييييه :)))

فى فرح اختى شالونى بالكرسى بالعافية ورمونى فى الهوا بردو بالعافية وبعدين واحد شالنى فوق كتفه وقعد هو اللى يتنطط ...كل دا عافية وكان منظر مسخرة وكل واحد ماسك ايد وعمال يرقصونى
وانت وعدد اصحابك بقى

[A7MED_PHARMA]

انا عارف ان كلامى ممكن يزعل الناس
بس انا مابشوفش فى الفرح دا غير انه معرض لشوية سلع+ قاعدة نميمة مكبرة ..مهما كان مستوى الناس فى الفرح
وكل واحد بيعرض سلعته باسلوب
اللى تطلع تظهر مواهبها فى الرقص البلدى كنوع من "الواجب" مع العروسة
واللى تقعد تتمرقع هنا شوية وهنا شوية
واللى تقعد فى مكانها ووالدتها تكلم والدة الشاب اللى واقف عشان يشوفها...
والنتيجة واحدة نظرات رخيصة للسلعة المعروضة (البنت)
والشىء المؤكد انك هتلاقى شوية شباب بايظ مالوش شغلة فى الفرح غير التصوير والفرجة على البنات
بصراحة مابيعجبنيش خالص الجو دا وباكره وجودى فى قاعة افراح ومعرفش ليه باحس ان فى كل ركن فيها شيطان وباقول لو لا قدر الله حصل حاجة فى القاعة هنقابل ربنا بانهى وش؟؟؟
خايف اوى من اليوم دا وخايف ماستحملش تأنيب ضمير على كام الف بادفعهم عشان ارقّص ناس يعنى من الاخر هاصرفهم فى حاجة انا عارف ومتأكد انها بتغضب ربنا وباستغرب جدا لما واحد يخاف يدّخل بيته مليم حرام لكن عادى لما يصرفه على فرح!! ...(مستعد ادفع ضعف تكلفة الفرح فى سفرية لاى بلد) ...وزيادة عليه خايف ماستحملش تأنيب الضمير لمدة 4-5 ساعات متصلة وساعتها الله اعلم باللى ممكن اعمله فى الفرح وخصوصا لما باحس ان الحق معايا ممكن اخبط فى اى واحد قدامى طالما انا الصح وهو الغلط
الامضاء : شخص لا بيحب المرقعة ولا السهوكة ولا الضحك على نفسه

مبدع ياحودة

بالظبط

سوق...........................

عرض وطلب وفرجة والكل بيستعرض مواهبه
وتلاقي كل واحدة بتجامل العروسة بذمة وإخلاص ههههههههههههههههه

[A7MED_PHARMA]

أقولكم موقف غريب مالوش علاقة بالموضوع أساسا

كنت في فرح إبن عمتي .. في قاعة جومانا في أول طريق الزقازيق ميت غمر
طبعا زي أي فرح مشابه
رقص
هيصة
دي جي
===
دخل شاب ملتحي
جلبية بيضا ناصعة البياض
شاب رضا ربنا باين على وشه

دخل بسرعة بسرعة .. سلم على العريس
وأخده بالحضن

ومشي بخطوات أقرب للجري بره القاعة



بس