samsung galasy sII vs htc sensation

[ENG\AHMED]

زى عنوان الموضوع , مقارنة بين موبايلين وايهما افضل ؟

المتطلبات:
- شاشة حجم و resolution كويس تسمح بقراءة ملفات PDF بسهولة بدون تعب
- كاميرا عالية
- قوة استحمال الجهاز مش من اى لمسة يحصل فية حاجة , الجهاز هيقعد فترة وبالتالى مش بعد سنتين ولا حاجة الاقى شكلة شوارع
- توافر الدعم من قطع غيار وسوفت وير
- توافر الاكسسوارات
- طبعا بما ان هيتحمل علية ملفات PDF كتير غير استخدامات الموبايل نفسة من برامج وصور .... الخ , يبقى بيقبل كروت ذاكرة خارجية وبسعات كبيرة

ولو فى اقتراحات اخرى بنفس المتطلبات دى ومواصفات جهاز قريبة من الاتنين دول مع سعر اقل ياريت الافادة

شكرا مقدما ..

[tamerosman]

نصيحة ادخل على السيايت ده هتلاق تقارير تقييم للاجهزة جامدة جدا و ممكن تعمل مقارنة

gsm arena

و ده برضه سايت مصرى فيه تقييمات و مواضيع جامدة :
ماذا تشتري في حدود ميزانيتك – الجزء الرابع من 2001 الى 2500 جنيه | EgyDroid

[رزق]

S2
ولكن
دلوقتي نزل كام واحد اجدد و أنا بانصح بيهم لو تقدر تدفع أكتر
ال جلاكسي نكسوس رائع عشان اندرويد صافي 100% (و كمان ولا touchwiz ولا حاجة) فـال تحديثات الله ينور لكن يعيبه مفيش sd card فـهات منه ال 32
الجلاكسي نوت بمثابة S2 عملاق فـلو معاك هاته

[ENG\AHMED]

الف شكر

انا عارف gsmarena وعملت مقارنة بينهم وكانت اغلب النتايج لصالح galaxy بس انا بتكلم على التجربة العملية للأجهزة كمان توافر الاجهزة دى هنا وقطع غيارها واكسسواراتها وصيانتها
انا معايا ال n82 من اول لما نزل ووقتها كان امكانياتة عالية وجهاز كويس وكنت جايبة من غير ضمان لأنة كان ممنوع فى مصر علشان ال gps
بعد شوية جاب شاشة من نفسة دوخت علشان اغيرها (راية ملهوش دعوة ونوكيا كير بيستعبط فى السعر لأنة من غير ضمان اضطريت بعدها الف على محلات الموبايلات وفى الاخر عملتة فى التوكيل عن طريق حد معرفة ) , دة غير انة ضعيف جدا من اى لمسة , مؤخرا لقيت الشاشة والزراير بيقشروا ودى اول مرة اشوفها فى موبايل وغيرت الوش بتاعة وطبعا الصينى حدث ولا حرج الزراير تكرهك فى الموبايل , سماعة من الاتنين فصلت من نفسها



ياريت كمان لو حد يعرف اسعار الجهازين دول

[Ralliart]

لو هتقرأ يبقى note افضل لو عاجبك حجم s2 يبقى هاته
السينسيشن شاشته قابلة للكسر والخدش اكتر من الجالكسي لانها مش gorilla glass

[beshomilan]

بصراحة النوت وال s2 اشد من بعض ودخلت توكيل سامسونج ومسكت الاتنين وقارنتهم ببعض وصدمت من حجم النوت بصراحة كبير جدا بس ملهوش حل وال s2 ممتاز فكل حاجة والاتنين دخلوا فجيب البنطلون عادى
فكر وشوف احتياجاتك

[Waleed_Fathy]

عن تجربة الجالكسي
و لو موضوع القراءة ده كتير يبقا هات الجالكسي نوت شاشته كبيره ما شاء الله

[aly_hosny]

المقارنة دي طبعا الكسبان فيها ال s2
بس لو حضرتك هتجيبه عشان القراية هات Kindle fire
او حتى ال Kindle القديم
الفاير زي اي تابلت بس سعره رخيص و شاشته حلوة
القديم بقى دا ال مشكلة شاشته ابيض و اسود بس لما تشغل عليها كتاب بتقلب كانها ورقة بالظبط
يعني تحطها في الشمس تشوف "عكس الموبايلات"

[ahmad--ezzat]

بص ياباشا...انا لسا جايب الجلاكسى 2 ....شاشته افضل فى السينسيشن والوانه افضل 1000 مره...بالنسبه لحجم الشاشه...الجلاكسى اس اعرض شويه مع ان الاتنين نفس الحجم ومتسالنيش ليه.....الخاامات فى ال htc احسن....الكاميرا لصالح الجلاكسى اس...من الاخر هات الجلاكسى عشان منتشر ودعمه افضل....

[Mustafa_Farouk]

if u can wait, check about Sony Xperia S, isa i will go for it

[M7amD_7amDy]

أستنى شوية على الشهر الجاى بالكتير هينزل ال s3 :)

[رزق]

شوف كدة موتورولا رازر ماكس
@استاذ حمدي
ادي دقني لو نزل الشهر الجاي
:)

[mody3on]

رازر ماكس مخصص لـ Verizon في امريكا ومش هينزل مصر لانه مبيشتغلش على شبكات مصر.

[رزق]

رازر ماكس مخصص لـ Verizon في امريكا ومش هينزل مصر لانه مبيشتغلش على شبكات مصر.

شكرا للتوضيح

[ENG\AHMED]

الف شكر ليكم جميعا
طيب حد يعرف اسعارهم


هل نزول ال s3 اكيد لأن دة معناة ان ال 2 سعره هينزل كمان

مصطفى فاروق
ال XPERIA S هينزل امتى وسعره كام