........... عاااااااااااااااازب للأبد ..........

[A7MED_PHARMA]

السلام عليكم

محدش يفهمني غلط
الموضوع في كلمتين.. لمن يهمه الأمــــــر

.
لو 100% ناوي تكمل العمر لوحدك .. يبقا القرار يكون نهائي بدون رجعة
لأسباب يطول شرحها

لو القرار 99% .. وسايبها بظروفها .. بس إحتمالية إنك تتجوز قائمة
يبقا
تلحق شبابك(الشوية الفاضلين يعني).. وتاخد القرار بدون تمهل
لو
لو
لو إحتمال ضعيف إنك ممكن تتجوز في يوم
يبقا ماتستناش لما تكبر وتبقا (على رأي محمد صبحي) it's too late


.

بس

[rompo10]

دكتور احمد ياريت توضيح شويه عاوز تقول ايه

[Ghosts]

هو الجواز دة بأدينا ؟؟!!
يعنى أنا لما أقرر أتجوز هدوس على زرار هلاقى نفسى أتجوزت ....
ناس كتييييييييير قبلك قالوا أنهم مش ممكن يتجوزوا ....

و هووووووووب لاقوا نفسهم متجوزين ....
ساعة القدر يعمى البصر ....

[A7MED_PHARMA]

الفكرة
شباب كتير .. بيقولوا مش هنتجوز خالص
فيهم ناس بتكون واخدة القرار ..100% مش هيتجوز .. دول مش هيتخاف عليهم
وفيهم
إلي بيقول .. لكن بيكون متذبذب .. يعني ممكن يكون عاوز يتجوز .. وممكن لأ
لما سنه يكبر . ويقرر مثلا إنه يتجوز .. هيلاقي سنه كبر لدرجة إنه حتى لو إتجوز ..إختياراته قليلة .. ومش هيقدر يعيش زي الي إتجوزا في سن أصغر

بس

[SHNORY]

هو الجواز دة بأدينا ؟؟!!
يعنى أنا لما أقرر أتجوز هدوس على زرار هلاقى نفسى أتجوزت ....
ناس كتييييييييير قبلك قالوا أنهم مش ممكن يتجوزوا ....

و هووووووووب لاقوا نفسهم متجوزين ....
ساعة القدر يعمى البصر ....

مش عارف ليه كل واحد يخطب يمسك العزاب يسلخ فيهم
ويحسسهم انهم عاله علي المجتمع وانهم حيموتوا كلاب ومحدش حيحزن عليهم غير الدبان الي حيعف علي جثثهم
لسه من كام يوم واحد صاحبي راح يخطب ومسك ودني وقالي تذكره داوود عن الحياه والاستقرار
والحياه الزوجيه السعيده
وعن العيشه الكلابي بتاعتي وحالي الي ميسرش عدوا ولا حبيب واللقم اللي بلمها من جنب الحيط علشان عازب
والراجل اتوكل علي الله وراح خطب قبل اذان الفجر
وتاني يوم خطوبته اتفسخت قبل اذان الضهر هههههههههههه
ربنا يوفق الناس كلها ويهديهم للصالح ويرزقهم ببنت الحلال
ويسيبوا العزاب في حالهم

[A7MED_PHARMA]

ياقرصان

أنا طبعا بحب العزوبية أووووووووووي .. ماتتخيلش
لكن للضرورة أحكام .. والضرورة هنا بالنسبة ليا تحديدا .. حاجات كتير

أنا بس بقول
لو مش ناوي تتجوز.. يبقا يكون القرار 100 % إنك مش هتتجوز علشان ماتعديش عليك لحظات ندم بعد كده

ياريتني أفضل عازب على طول
بس للضرورة أحكام

[SHNORY]

ياقرصان

أنا طبعا بحب العزوبية أووووووووووي .. ماتتخيلش
لكن للضرورة أحكام .. والضرورة هنا بالنسبة ليا تحديدا .. حاجات كتير

أنا بس بقول
لو مش ناوي تتجوز.. يبقا يكون القرار 100 % إنك مش هتتجوز علشان ماتعديش عليك لحظات ندم بعد كده

ياريتني أفضل عازب على طول
بس للضرورة أحكام

اديك من اولها في تناقض مع نفسك
مفيش حاجه اسمها يا ريتني عازب علطول
لان ده في حد ذاته عدم افتناع بالقرار
والضروريات نسبيه بين واحد والتاني
كل حاجه ضروريه بس علي كفه الميزان بتعيد حساباتك الف مره
انا مش ضد اني اتجوز
بالعكس
بس انا ضد اني اتنكد و اتجوز علشان الناس عاوزينني اتجوز
يوم ما حتجوز حيكون علشان انا عاوز
مش علشان غيري عاوزني ودي في حساباتي تفرق كتير
اعيش يوم متهني ومبسوط وفرحان ومعيشش غيره
ولا اني اعيش عمر بحاله اتمني لو كان رجع بيا الزمن علشان اصحح اختياري

[mmffor]

ربنا جبل الانسان على غرائز معينة مثل حب الطعام و المال و النساء

فيبقى امامنا خيارين يا اما نلبي رغباتنا في الحلال بالزواج يا اما بالحرام
ديننا و عاداتنا و اخلاقنا تمنعنا من الحرام ( و كمان مكلف حبتين ) فيبقى خيار الزواج

لكن في بعض الاحيان الواحد يبقى نحس جدا و مراته تطلع نكدية و ترفعله الضغط و تفقعله مرارته و يتحول الى سلة امراض متنقلة من كتر النكد و العكننة و زي السحر الغريزة و الرغبة و الشهوة بتختفي لانه مش طايق المخلوق اللي هو عايز معاه من كتر النكد
و يبقى الاسم بس انه متجوز بس مع غير واجب

[SYD]

الزواج سنة الأنبياء

والي قادر علي الزواج بس بيهرب منه اعتقد انه ناقص الأيمان لأنه ترك سنة الأنبياء جميعا وكمان سنة الحياة

لا يمكن تتخيل لحظة سعادة وانت بتلاعب ابنك او بنتك وكل لحظات سعادتك وانت وحيد

والي متجوز وربنا وهبه نعمة الأولاد هيعرف الكلام دة

انا معاك ان ان ربنا قال
"إِنَّمَا أَمْوَالُكُمْ وَأَوْلَادُكُمْ فِتْنَةٌ ۚ وَاللَّـهُ عِندَهُ أَجْرٌ عَظِيمٌ ﴿١٥﴾"

لكن دة فحالة انك تسئ استخدام النعمة ومش تحافظ عليها وتسئ تربية اولادك او تفتن بهم وتقصر في عبادة ربنا عشان تجيبلهم قوت يومهم

صدقني الزواج نعمة من عند ربنا
فيه شوية تعب ومسؤلية لكن مع الوقت هتتعود علي المسؤلية وربنا المستعان

والله المستعان
،
،

[SYD]

اديك من اولها في تناقض مع نفسك
مفيش حاجه اسمها يا ريتني عازب علطول
لان ده في حد ذاته عدم افتناع بالقرار
والضروريات نسبيه بين واحد والتاني
كل حاجه ضروريه بس علي كفه الميزان بتعيد حساباتك الف مره
انا مش ضد اني اتجوز
بالعكس
بس انا ضد اني اتنكد و اتجوز علشان الناس عاوزينني اتجوز
يوم ما حتجوز حيكون علشان انا عاوز
مش علشان غيري عاوزني ودي في حساباتي تفرق كتير
اعيش يوم متهني ومبسوط وفرحان ومعيشش غيره
ولا اني اعيش عمر بحاله اتمني لو كان رجع بيا الزمن علشان اصحح اختياري

كلام سليم 100%

الواحد فعلا لازم لما يجي ياخد القرار يكون مقتنع تماما ويتأكد من حسن اختياره
مش لازم التأكد انك تختبرها او تفضل خاطبها 8 سنين بتدرسوا اخلاق بعض

بس في شواهد تدل علي حسن الأختيار
زي امها وابوها
لو اختها الكبيرة متجوزة - يكفي تقعد مع جوز اختها مرتين تلاتة وهو من نفسه هيبعبع بكل حاجة
الأخلاق الحقيقية بتختلف عن الأخلاق المزيفة المصتنعة في فترة الخطوبة

ومش عيب ابدا انك تخطب وتسيب انشالله 30 مرة

المهم تحسن الأختيار

تقبلوا مروري

والله المستعان
،
،

[ahmed_h_g]

لازم تتجوز علشان تلحق تخلص ذنوبك فى الدنيا

[Khaled Online]

الفكرة
شباب كتير .. بيقولوا مش هنتجوز خالص
فيهم ناس بتكون واخدة القرار ..100% مش هيتجوز .. دول مش هيتخاف عليهم
وفيهم
إلي بيقول .. لكن بيكون متذبذب .. يعني ممكن يكون عاوز يتجوز .. وممكن لأ
لما سنه يكبر . ويقرر مثلا إنه يتجوز .. هيلاقي سنه كبر لدرجة إنه حتى لو إتجوز ..إختياراته قليلة .. ومش هيقدر يعيش زي الي إتجوزا في سن أصغر
بس

يا فارما واحد صاحبي لما روحتله صباحيته قالي نفس الكلام
خاصة إنه اتجوز وهو عنده 31 سنة
وقعد يعددلي مزايا الجواز بدري وقد إيه هو ندمان إنه معرفش يتجوز وهو في بدايات العشرينات
فأنا إلى حد كبير مقدر إنك كاتب الموضوع فعلا نصيحة

مش عارف ليه كل واحد يخطب يمسك العزاب يسلخ فيهم
ويحسسهم انهم عاله علي المجتمع وانهم حيموتوا كلاب ومحدش حيحزن عليهم غير الدبان الي حيعف علي جثثهم
لسه من كام يوم واحد صاحبي راح يخطب ومسك ودني وقالي تذكره داوود عن الحياه والاستقرار
والحياه الزوجيه السعيده
وعن العيشه الكلابي بتاعتي وحالي الي ميسرش عدوا ولا حبيب واللقم اللي بلمها من جنب الحيط علشان عازب
والراجل اتوكل علي الله وراح خطب قبل اذان الفجر
وتاني يوم خطوبته اتفسخت قبل اذان الضهر هههههههههههه
ربنا يوفق الناس كلها ويهديهم للصالح ويرزقهم ببنت الحلال
ويسيبوا العزاب في حالهم

هو صاحبك موضوعه انتهى بسرعة كدة ليه؟ لو نظام البيوت أسرار وكدة يبقى ولا كأني سألت

انا مش ضد اني اتجوز
بالعكس
بس انا ضد اني اتنكد و اتجوز علشان الناس عاوزينني اتجوز
يوم ما حتجوز حيكون علشان انا عاوز
مش علشان غيري عاوزني ودي في حساباتي تفرق كتير
اعيش يوم متهني ومبسوط وفرحان ومعيشش غيره
ولا اني اعيش عمر بحاله اتمني لو كان رجع بيا الزمن علشان اصحح اختياري

والله كأنك دخلت جوة دماغي وقلت كل اللي فيه

[SHNORY]

[quote=honda4ever;3874104158


هو صاحبك موضوعه انتهى بسرعة كدة ليه؟ لو نظام البيوت أسرار وكدة يبقى ولا كأني سألت



ه[/quote]
الله اعلم ولا انا كمان سالت
ربنا يوفقه ويرزقه بالاحسن

[m_elkhishin]

اللي قادر ماديا على الزواج ومتجوزش حاجة من اتنين ملهومش ثالث:
1- يشبع غرائزه بشكل غير شرعي
2- معندوش غريزة أصلا عشان يشبعها

الحق استخبى قبل ما تيجي طوبة في دماغي

[A7MED_PHARMA]

مش تناقض والله يامحمد
ده
تفاضل خيارات
خيارات العزوبية الجميلة.. والحرية المطلقة
وخيار إنك تحس إنك ليك لازمة عند حد .. وإن فيه حد شايفك أنت بس أحسن واحد في الدنيا
وخصوصا
لما تكون متأكد أوي .. من الطرف التاني
نور(منا حكيتلك على الياهوو) أنا عارفها من كام سنة ..بحكم إنها من زباين الصيدلية ومن جرانها كمان
وعارفها كويس
وعارف إنها لما تقولي بما معناه .إني كل دنيتها
أكون مصدق
ومبسوط

بس