محتاج رايكم في كوتشي !!

[MRBEBO]

يا جماعة انا نفسي اجيب كوتشي ماركة :)

خلاص زهقت من التوحيد والنور والكوتشيات الفكسانة اللي هناك

المهم الميزانية من 300 - 500 ايه رايكم في المستوى ده ؟

عاوز حاجة تبقى خفيفة طبية مريحة يعني لو وقفت بيها كتير او قعدت لابسها وقت كبير ولا تعمل ريحة مش حلوة " يععععع " ولا تعملي مشاكل زي الكلو مثلا

المهم محتاج ترشيح ماركات وموديلات انتوا جربتوها وياريت تحديد السعر المناسب

انا شفت CAT في ستي ستارز وكانت فيه موديلات خفيفة جدا في حدود 350 جنيه بس طبعا الفرجة غير التجربة

علشان كده محتاج تجاربكم الشخصية

[omar-saad]

الرنج دا كويس جدا
ماتنساش ان دلوقتى فى سيل
دور فى اديداس اكبر تشكيلة وافضل متتجات
للاسف مابقتش اعرف البس غير من اديدس دلوقتى لان فعلا مريحة جدا وغير جودة الكوتشى نفسه

[محمد محمد]

عن تجربة الريبوك مريح وتصميماته حلوة كمان نادر جدا انك تلاقي منه تقليد غير الأديداس والنايك معايا واحد بقاله سنتين وداخل في التالتة بخس ان رجلي جوة مخدة ريش نعام وكنت امبارح في سيتي ستارز بصيت علي كام حاجة وفيه خصومات كويسة...فيه فروع استوك بيبقي فيها حاجات لقطة بسعر كويس زي الفرع اللى في جسر السويس شارع السباق اديداس وريبوك وتمبر لاند وعرفة جروب في العاشر من رمضان وده فيه ماركات اديداس ونايك وديادورا ولوتو وبوما...امبارح في نايك لقيت كوتش بيتنفخ هليوم علش يخف رجلك وانت بتجري وبترفع رجلك ب1500ج تقريبا وعليه ضمان سنة تقريبا .

[iwantes350]

انا زيك بالظبط زهقت من الكوتشات المضروبة
كنت فى الهرم من شهر فى محل فى ستى مول فى الهرم اسمه روبين
لقيت عنده ال Converse بس كان High Copy
اولا حو مريح جداااا وبيتحمل احتمال رهيب ومش بيعمل ريحة حتى بعد وقت طويل
بس لو هتجيب بالسعر ده
انصحك تجيبه اصلى من اى محل All Star وهو فى حدود ال 450 جنيه بس جامد كيك
ولو معجبكش الشكل المشكلة بتاعه ههههههههههههههه
يبقي خليك فى الكات البوت الكبير ده جامد اوى و Water proof

[abdallh_magdy]

فيه عندك محلات بيبقى عندها حاجات كويسه زى ابو علاء فى مول طلعت حرب من اول 200جم تجيب حاجه كويسه وفيه محلات زيه فى اماكن كتير عندى فى حلوان فى "اولاد حشيش - بس نادر تلاقى حاجه براند بس الموجود بيكون كويس واسعاره لقطه" بجيب من هناك اديداس وريبوك موديل سنه قديم بس شكل كويس .

[kareem_adel]

يباشا خليك فى التوكيلات وبس انا بقالى 4 سنين مبجبش الا توكيل لان الباقى ده بيتعب رجلى جدا المهم من خبرتى القصيرة مع التوكيلات ههههههه عموما نايك افضلهم وبعد كده ريبوك واديداس لو عايزة حاجة ارضى شوية يبقا عليك وعلى بومة تمبر لاند وكات الاستيل بتاعهم قريب من بعض ومعظمعها هاف بوت والجزمة السافتى روح بس التوكيلات دى وهتلاقى حاجات جامدة ان شاء الله وبالسعر اللى معاك وحسب زوقك بس متتخضش من السعر الكوتشى نضيف اوى ومريح وبيعيش كتير انا معايا كوتشى بقاله 3 سنين وكأنه لسا جديد والله توكل على الله وادبس ههههه

[devilavokate]

nike air max 360

[Egyzizo]

طيب بالمناسبة
أنا محرج صدقونى وأنا باسأل السؤال ده
بس اللى مقاس رجله 48 ، ممكن يلبس حاجة محترمة من اللى بتتكلموا عليها، أو حتى قريبة منها؟

[Ahmed_Ramadan]

طيب بالمناسبة
أنا محرج صدقونى وأنا باسأل السؤال ده
بس اللى مقاس رجله 48 ، ممكن يلبس حاجة محترمة من اللى بتتكلموا عليها، أو حتى قريبة منها؟

هى المشكلة فى وجود المقاس نفسه ...خصوصا فى الكوتشى

[mostafa53]

السلام عليكم ورحمة الله وبركاته
المحلات اللى فيها ماركات أصلية زى الأديداس والريبوك والنايكى بيكون فيها موديلات مخفضة السعر لأن الموضة بتكون انتهت (يعنى الموديل له أكتر من سنتين). الحاجات دى فيها لقط وسعرها غالبا بين ال200 وال 300

[ahmadmidop]

عن تجربة اديداس راحة ما بعدها راحة اي موديل running

[dr_radioooooo]

طيب بالمناسبة
أنا محرج صدقونى وأنا باسأل السؤال ده
بس اللى مقاس رجله 48 ، ممكن يلبس حاجة محترمة من اللى بتتكلموا عليها، أو حتى قريبة منها؟

كلن فيه فى كارفور الشهر اللى فات كوتشيات مقاسات كبيرة activ و كانت اشكالها حلوة جدا