ايه رأيكم فى موضوع الفوركس ده ؟؟؟

[iwantes350]

السلام عليكم ورحمة الله وبركاته
ازيكم يا احلى مجتمع
يا رب تكونو كويسين
الموضوع انى زهقت من اعلانات الفوركس ده
كل شوية بشوف اعلان ((زود مرتبك وانت فى البيت)) وكلام من ده.
هل فعلا الكلام ده صحيح ولا اشتغالة
وبعد كده ايه موضوع التسويق الشبكي ده كمان
والله اصحابي كلهم مهبولين بيه على الاخر
وانا متغاظ اوى منهم ..
عايز حد يفهمنى بقي

[aly_hosny]

الفوركس ليا صحابي كتير اتعاملو فيه و كسبو
و ناس تانية خسرت
زيه زي البورصة بس اسهل و لازم تبقى متابع على طول
و بيعمل مكاسب حلوة جدا للبيفهم فيه

التسويق الشبكي دا بقى موضوع تلبيس
يعني ال بيشترك في الاول بيلبس المقلب ف عشان يطلع منها يلبس صحابه و يبقى هو الكسبان
و بعدين كل واحد شرب المقلب من صحابه يلبس صحابه الباقايين و هكذا
و غالبا هتخسر في الاخر

[Deshahcoka]

التسويق الشبكي دا بقى موضوع تلبيس
يعني ال بيشترك في الاول بيلبس المقلب ف عشان يطلع منها يلبس صحابه و يبقى هو الكسبان
و بعدين كل واحد شرب المقلب من صحابه يلبس صحابه الباقايين و هكذا
و غالبا هتخسر في الاخر

برنس انتا والله ! جبت من الاخر

[fepsceasar]

الفوركس مش زى البورصة لان ما فيهوش أصول شركات ولا استثمارات ده عملات قصاد بعضها
فى الفوركس بيقى ليك رافعة معينة يعنى لو ليك 50 دولار والرافعة 100 يبقى ممكن تشتري ب 5000 دولار بس لو اشتريت يورو وقيمته نزلت إلى 4950 يبقى خسرت الخمسين دولار بتوعك كلهم.
طبعا لو كسبت هتستحلى اللعبة لغاية ما تخسر، ولو خسرت هتقول طب ادخل اعوض اللى خسرته مجرد انه بيخاطب شهوة المكسب السريع وخلاص
على فكرة انت ممكن تخسر فلوسك وانت نايمك مثلا لانك مش هتفضل متابع لو انت فاهم قوى يعنى 24 ساعة.
من الاخر فكك من الحوار ده غير كلام عن حرمانيته والله اعلم لان الشركة بتديك رافعة فى مقابل انها تبقى الوسيط
اما التسويق الشبكي فلو السلعة مش هى الاساس او مالهاش اى لازمة يبقى هتشاية ونصباية وتوريط وهتخسر اصحابك والفلوس

[Elawany13]

أوعى تقترب من الحاجات ديه
سواء فوركس أو بورصة
مش هتكسب فى الآخر غير الحسرة والندامة

[iwantes350]

متشكر ليكم بجد كلكم
انا معديش ادنى نيه انى ادخل حاجة من دول
كل اللى كنت عايزه عايز بس يبقي عندى خلفيه
لان اكتر من واحد يقنعنى انى ادخل وانا ملياش فى الكلام ده نهائي
متشكر ليكم يا جماعة بجد