اجعل زوجتـك ترقـص لنـا

[Donzi]

فعلا اتقوا الله في النساء





و ماله لو هي عايزه فرح اعملوا فرح منفصل , الستات في حته و الرجاله في حته

كده هترضوا جميع الاطراف و قبل رضي اي حد , رضي ربنا سبحانه و تعالي

والله كمان ليلة الحنة اللي بتتعمل اليومين دول و بتبقى العروسة و صديقاتها و قرايباتها من السيدات فقط موجودين بتبقى ليلة حلوة و بتغني عن الفرح خالص و بيبقى كتب كتاب و اشهار في قاعة مسجد محترمة و شيك كافية جدا

[A7MED_PHARMA]

نقطة كمان تحرق الدم
بخلاف موضوع الرقص كمااان وخلافه
=====
هتدفع 10-20 الف في قاعة متوسطة الجودة كمان
علشان تقعد الناس تفصصك إنت ومراتك
وكمان مش هيعجب


بخلاف كده كمان
أنا مش هقعد في كوشة عمررررررررررري

[omaroof]

بارك الله فيك فعلا الكلام ده بيحصل وللاسف موش مراتك واخواتك البنات اللى بيتفصصو لا كل بنات العيله ربنا يحفضنا ويحفظ جميع بنات المسلمين

[husseinsalah]

بجد احسن موضوع قريتة ربنا يجزيك خير

[ahmadyusuf]

والله العظيم طول عمرى بقول كدة
تسلم على الموضوع الممتاز ده

+11111111111

[M.Hosni]

والله كمان ليلة الحنة اللي بتتعمل اليومين دول و بتبقى العروسة و صديقاتها و قرايباتها من السيدات فقط موجودين بتبقى ليلة حلوة و بتغني عن الفرح خالص و بيبقى كتب كتاب و اشهار في قاعة مسجد محترمة و شيك كافية جدا

+11111111

[hosamsief]

يا سيدى الفاضل ... الموضوع ده اجتماعى و عرفى اكثر منه للتدين و الرجوله و النخوة و الشهامه ....
يعنى انا شخصيا لما اتجوزت معملتش فرح خالص ... و دخلت فى خلاف مع كل الاطراف
لكن كل الموروثات الاجتماعية و الثقافية فى معظم اطياف المجتمع المصرى بتلاقى البنت بتحلم بليله العمر اللى هى عندها و هى قاعدة فى الكوشة .. و تلاقى الاهل ممكن يستندينوا و يستلفوا علشان كده و ممكن تكون الشقه ناقصة شيىء ضرورى بسبب تكاليف الليله ده بل اكثر من ذلك ممكن يكون ده سبب رئيسى لعدم اتمام الزواج انه مفيش فرح بالشكل التقليدى السافر اللى حضرتك بتتكلم فيه ... لكن المسئولية هنا تقع على الزوجين معا مش على الراجل بس ... يعنى من البداية لازم يكون الاتنين مقتعنين بالضرورة بتفادى هذا المشهد الهزلى الذى ينال منهم .
لكن من البداية : اذا اتبع الرجل الاسس السليمه فى الارتباط بأنسانه متلزمه دينيا واخلاقيا و اجتماعيا انها سوف تعينه على مواجهه تعنتات الاهل و الاقارب التى قد تكون عامل ضغط عليهم و تجاهل كل الاعتبارت الاخرى التى لا يعيها كل المدعويين الذين جاءؤا بالاساس للفرجه على احدث خطوط الموضه النظر اللى المحرمات .....

[SAMEH_FOUAD]

موضوع جميل ومفيد وهادف وياريت الناس والبنات كلها تتعلم ان مش كلمة فرح يعنى تنسى تعاليم ربنا واحكامة علينا اللى المفروض نعمل بيها وتقول اهوة يوم وهيعدى مع ان دة اكثر يوم مابيتنسيش لان كل الذكريات بتبقى موجودة على كل كمبيوتر وكل موبايل وكل صور فى بيتك وعند اهلك وعند الاستوديو يعنى فضيحة علنى بكل المقاييس يارب يهديهم ويعرفوا حاجة واحدة ان الفرح مش معناة بزخ ولا تعرى ولا رقص وفرح يتكلف الالأف ممكن يحتاجوها بعد كدة فى زواجهم ويكونوا اولى بيها بدل مايضيعوها فى ساعتين زمن وياريت هيعجب وبهرجة على الفاضى , الفرح معناة العلانية والاشهار - وان يكون انت راضى بزوجتك وهية راضية بيك وفرحانين ببعض

الحمد لله انا ماوقعتش فى اى حاجة من دول فى زواجى وكان فية قبول ايجابى من الطرفيين مش طرف واحد بس وربنا يهدى كل البنات ويرشدهم الى العقل والهدى

[shaddadfalcon1]

جزاك الله كل خير علي الموضوع الجميل

بصراحه البنت اللي عايزه فرح عشان الناس يشوفوها وترقص وتتنطط يبقي المفروض بهدوء تتساب افضل واكرم للزوج

انا يوم فرحي البنات وكده عايزين يهيصو ليها شويه قامت داخله البيت والستات بس اللي دخلت وقفلو البيت خالص وفضلو حوالي نص ساعه يسقفو ويطبلو ويهيصو زي ماهما عايزين وبعدين رحت شقتي وكان اهلي برده عايزين يعملو نفس الحوار قامو طالعين علي السطح شويه عشان شقتي في التاني وهيصو شويه وبعد كده دخلت والحمد لله لم يري زوجتي اي احد او يري منها اي شيء

بعض السفهاء كان عمال يقولي اعمل مسرح واحنا عايزين نشوف العروسه قمت قايله وانت تشوفها بتاع ايه ده انا انفسي مشوفتهاش هههههه وده كان في الخطوبه

اصلي لما كنت اقعد في اي فرح كنت ببقبي سامع التعليقات والله العظيم حاجه تفضح
المشكله ان ساعات اخو العروسه بيبقي قاعد وسامع الكلام وعااااااااادي

[mohdamin18]

ياريت دلوقتي بقى على قد الفرح بس :

https://www.facebook.com/rajeep.photography

[أبو_يوسف]

موضوع جميل وبالمناسبة دي قصة قرأتها وتحمل نفس المضمون:
"كان صديقي يهم بالجلوس بالدرجه الأولى بالقطار المتجه من القاهره الى مدينة أسوان حينما وجد أن وضعية الكرسي الذي سيجلس عليه هو والكرسي الذي بجواره مقلوبة ليواجها الكرسيين خلفهم

فجلس و لم يقم بعدل الوضعيه لمجيئ رجل في العقد السادس من العمر يرتدي الملابس الريفية ليجلس بالكرسي المجاور له

ثم مجيئ زوج شاب و زوجته و كان يبدو عليهما أنهما حديثي الزواج ليجلسا بالكرسيين المواجهين لهما

وللأسف
كانت الزوجة ترتدي بنطلون برمودا قصير وبلوزة
بحمالات تكشف عن ذراعيها وصدرها
فلم يلقي صديقي بالا لهما وانشغل بقراءة الجريدة التي معه

ثم فوجئ بالرجل الريفي الكبير في السن
والذي تبدو عليه علامات الوقار والاحترام
يرتكز بكوع ذراعه على عظمة فخذه واضعا ذقنه على قبضة يده
في مواجهة الزوجة التي تجلس بالكرسي المواجه له
ونظرة عيناه مثبتة نحو صدرها تكاد تخترقه لقرب المسافة

وفجـأة تضايقت الزوجة وغضب زوجها
وقال للرجل:
احترم نفسك انت راجل كبير
عيب اللي بتعمله ده وياريت تقعد عدل و تلف الكرسي

فما كان من الرجل الريفي
أن قال للزوج الغاضب:
أنا مش هقولك احترم نفسك
وعيب عليك تخلي مراتك تلبس عريان
انت حر
يارب تخليها تمشي ملط
مادمت انت قابل
لكن!!!
هقولك،،،
انت ملبسها كده
عشان نشوفها
ونتفرج عليها
ادينا بنتفرج عليها
زعلان ليه بقه؟؟؟

بص يابني!!!
اللي يقبل انه يكون مكشوف من جسم مراته من حقنا كلنا نشوفه
واللي مستور من حقك انت لوحدك تشوفه!!!

وهنا لم ينطق الزوج
وألجمت كلمات الرجل فمه
واحمر وجه زوجته خاصة
بعدما تعالت أصوات الركاب
اعجابا بالدرس
الذي أعطاه الرجل الريفي
للزوج الشاب...

ولم يملك الزوج
الا أن يقوم من مكانه
ويأخذ زوجته
ويغادرا عربة القطار..."

[fox3d]

كلام من الاخر بيارك الله فيك على هذا الكلام الرائع اللهم اجعله فى ميزان حسناتك

[abogogo]

جزاك الله خير موضوع اكثر من رائع لعله يوقظ النخوة التي قلت في كثير من الرجال اللى للأسف محسوبين على الرجال رجالاً ...!!!

[Amr Axel]

و الله الواحد بيقول كده من زمان لكن تقول لمين كل ما تقول لحد كده معندهمش غير الكلمة ديه ليلة العمر و الفرحة و ليلة و تعدي و كلام الهبل ده
دايما اقول في فرحي ان شاء الله اذا عملته اللي هيقولي رقص هضربه و هو حر ههههههههههه
الفرح ممكن يكون احلي فرح في الدنيا من غير رقص يعني بالتجهيزات مش لازم عشان الفرح يكون حلو يبقي رقص و العروسة لازم تقلع التحجيبة أصلها مكلكعة و فستان مش قادر اقول عليه فستان اساسا و الهبل اللي بنشوفه يا ريت الناس تفهم ده

[waleed_sat]

الموضوع جيد ولكن تحفظى على عنوان المشاركة