الووو ... صباح الخير ... انت كسبت معانا انهاردة ....

[hosamsief]

صباح الخير عليكم يا بهوات ........
انهاردة .. دلوقتى حالا ... جرس التليفون رن و انا فى الشغل .. و دار الحوار التالى :-
التليفون : تررررن ترررن ... ترررن تررررن .
انا : الو .... ايوة
الطرف الاخر : صباخ الخييييييييير ( طولت اوى فى الخير ده مش عارف لية ) .. احنا شركه ( عبد العزيز كوارع ) و احنا و اخدين 20 رقم من مدينه نصر و انت كسبت معانا انهارده ...... تحب حضرتك تختار معانا جايزتك...
انا: معقوله .... الحمد لله ... دة مكتوبالى .... ايوة طبعا .. اختار ... ينفع جايزتين .....و مبسوط جدا و مصدق نفسى على الاخر ....
الطرف الاخر : هى واحدة من عشر جوايز .... و قامت قايلة بللللللللللللللللللللللللللللللللللم ...
انا : يا ستى واحدة واحدة .... انا مفهمتش ولا كلمه من اللى قلتيه خالص......
الطرف الاخر : جهاز مساج بيزغزغ ... و جهاز صنفرة بيركب على صاروخ ( على اساس انى وشى رخام مثلا ) .. و جهاز بتاع حوارات ..... و كريم تجليج للجلد و صنفرة حدادى و طقم سكينه معجون ... الخ.... و بعدين قامت صدمانى و قايله .. الهدية مجانية ( على اساس ان فى هدايا مش مجانيه ) بس لازم تدفع مصايف شحن 39 جنية .
طبعا انا مش محتاج اى احاجه من اللى قالتهم خالص ولا هدفع تلات تعريفه فيهم .. فقولت اكمل بقى الرخامه و الاستعباط ...
انا : طيب ميفعش اجى انا اخد هديتى بنفسى ... انتم تشكروا اوى انكم كسبتونى .. و مفيش داعى اتعبكم ... و انا لو لفيت مدينه نصر كلها مش هدفع 39 جنية بنزين .... حتى لو كانت وقود ذرى
المهم البنت اتوهمت و قالتى لا هما قالولى كده .. اقولك طيب استنى هسألك .....
لاقيت واحده تانية قامت مزعقه معاها و اخدت منها السماعه و ردت عليه ....
هى : الو ايو يا استاذ .... ده شغلانه مندوب و احنا مش عاوزين نتعبك و كمان هبعتلك معاه العشر هدايا اللى الواحد منهم لوجدها ب 99 جنية تختار هديتك بنفسك ...
انا : لا يا ستى انا عاوز اتعب ... لازم احس انى تعبت فى الهدية .. و محبش حاجه تجيلى على الساهل كده ....
هى : يوووووة ..... لا مينغعش .... ده مندوب و بيسترزق ..
انا : برخامه ... مش لازم يسترزق منى .... انا هاجى بنفسى ... ممكن العنوان لو سمحتى ......
هى : اسفه .. مش هتقدر تستفاد من العرض بتاعتنا ....
انا : و انا بضحك ... خلاص خدوها ده هديه منى لديكم من غير مصاريف شحن ... و قمت قافل السماعه ... و انا مسخسخ ....

ايه الهطل ده ... فى كده .... لسه فى ناس بتصدق الكلام ده ......

[SYD]

هههههههههههههه

والله جدع

انا لما بتجيلي تليفونات بالشكل دة بفضل اقول شكرا حتي بعد ما باقفل السكة بلاقي لساني علق وفضل يقول شكرا

ههههههههههه

[magid1010]

ههههههههه استاذ و رئيس قسم

[zangry]

ههههههههههههههههه معلم

من كام يوم برده لقيت وحدة بتتصل بتقولى انت رقمك فاز معانا شركة مصر للتأمين
وطبعا فضلت ترغى وتقول الهدايا بتاعتهم دى وزى الهدايا دى كده برده

قولتلها ثانية واحدة وسبت السماعة ومرضتش عليها تانى

بعد كده قلت اتأكد واشوف الفاتورة بتاعت الرقم ده لقيتها بأسم واحد اسمه حسن

[FunnyMickey]

انا لسه متصلين بيا من 4 ايام
وشركه تميمه بقي

المهم انا مراتي اللي ردت عليهم اصلا
وقالتلي اننا كسبنا منهم قبل كده

والبنت خدت العنوان وكل حاجه وحييجوا
وبعدين سألت مراتي
ايه مصاريف 39 جنيه دي
انتي قلتيلي الهدايا ايه
ولسه مردتش عليا
لقيت التليفون بيرن تاني
قلت يارب يكونوا هما
وطلعوا هما
عملت نفسي قال يعني صاحي من النوم
ورديت بقي وهما ازعجوني

انا : نعم
البنت : ايوه يافندم شركه تميمه لويلولتثيتيامتنياسنيلشسنيلشسنيتاشكميشستنميا
الهدايا بقي
شاي مش عارف ايه للتخسيس
الللزقه السحريه

انا: يعني انتو بتدوا هدايا اصلا من الحاجات اللي بتيجي في التلفزيون انا اساسا مش مقتنع بولا حاجه من دي
ومش عاوز حاجه الهديه تبقي ببلاش مش مصاريف انتو مش لاقيين حاجه تعملوها

البنت : ونقف هنا
لان الصوت الرقيق الانثوي الناعم تحول فجأه الي انثي بقره بتولد
يعني انتا مش عاوز حاجه يافندم

انا : وقد تحول صوتي الي عرسه من الخضه
لا شكرا

البقره : ليه يعني يافندم دي هدايا

العرسه : ياستي مش عاوز شكرا

البقره : شكرا يافندم

شويه واتصلت بقره تانيه لانها عارفه فملوش لزوم الصوت الرقيق

ايوه يافندم حضرتك مش عاوز تاخد الهديه ليه

انا وقد استعدت صوتي الرجولي مره اخري ومبقتش مخضوض

ياستي انتو عرضتو حاجه وانا مش عاوزها اي خدمه تاني
سلام عليكم
وقفلت السكه والحمد لله لم تأتي مكالمات اخري من الزريبه

ياسااااااااااااااااااااااتر

فكروني بالمشهد العالمي في فيلم الباشا تلميذ

مش حتطلبلي حاجه
موووووووووواه اطلبلي حاجه بقي

واحد بيره للمرحومه

[hosamsief]

ايوه يا صبحى ..... عامل ايه ؟؟؟
هى فعلا شركه تميمه ... بس احمد ربنا ان الهدايا اللى قالولك عليها ممكن هه نستعملها ... لكن الموضوع معايا كان مختلف .. الهدايا اللى قالولى عليها ده جاية من عند الموان .... انا كنت خايف فى الاخر يجيلى الراجل و جايبلى هدية شكارة اسمنت ......خخخخ

[matrix_it]

الست بتاعت تميمة دى مرة شتمتنى ا والله قالتلى اقلك الهدايا فاقولتلها براحتك على اساس انى محرجهاش فا بعد مخلصت العروض قلتلها مفيش حاجة عجبتنى شكر
قامت قايلالى تصدق انك قليل الذوق

[osama.m]

الحمد لله المرة الوحيدة اللي اتصلوا بيا .. البنت بتقول معاك شركة تميمة حضرتك كسبت معانا !#@#@$ .. يادوب بقولها الف شكر .. هيا اللي قفلت السماعة

[beshomilan]

لا انا بسمع اول القصيده بقفل علطول

[ahmad--ezzat]

نفس نظام التايم شير وشركات نظافه البيوت والفلاتر والحجات دى...اى كلام

[Donzi]

ياااه هي الناس دي لسة موجودة و شغالين بنفس الطريقة ؟!!!

اتصلو قبل كدا عالبيت و انا قلت للبنت لا شكرا لا شكرا لا شكرا ............. يا ستي شكرا الله

قامت قافلة في وشي و بعدها بساعتين اتصلت تاني او واحدة تانية و ماما ماكنتش تعرف الحوار قارديت عليها و سمعت منها و قالتلها ثانية واحدة و قالتلي بتقول كزا كزا كزا قلتلها هاتيهالي و خدت السماعة و قلتلها خير بقى و خليتها تقول كل حاجة من الاول و بعدن قلتلها تماااااام بس انتي قلتي الهدايا بسرعة ممكن تقوليهم تاني براحة و خليتها تقولهم كلللللللللهم و بعدين قلتلها شكراااااااااااااا و قفلت في وشها

[Donzi]

بس والله افتقدنا موضوعاتك الفكاهية الظريفة دي

[ahmad--ezzat]

اوبااااااااا
دة نظام انتقام بقى
هيا دى النفسنه بعينها يا دونزى ههههههههههههههه

[horas3000]

هههههه
برضه
لسه متصلين بينا مرتين و برضه اتنفضلهم
بس هما مستهدفين مدينه نصر و لا ايه

[hosamsief]

بس والله افتقدنا موضوعاتك الفكاهية الظريفة دي

يا اهلا بيكى يا استاذة دونزى فى مواضيعى ..... و ان شاء المولى مش هتكون اخر مرة تقرى مواضيع فكاهية ... شكرا لمرورك الكريم