لا تشحن هاتفك المحمول طوال الليل ...!!

[abogogo]

لا تشحن هاتفك طوال الليل ،و لا تجعله قريب منك أثناء الشحن لا ترد على الهاتف مطلقا وهو يشحن قد حدث منذ أيام كان شاب يشحن جواله بالبيت و أثناء ذلك رن الجوال أمسك به و هو مازال بالشاحن وبدأ بالتحدث و فى ثوانى ,تدفقت الكهرباء إلى الهاتف بقوتها لخلل ما فصعق الشاب و سقط مغشى عليه وقد أحس أبواه بذلك فهرعا إلى غرفته ليجدوه مغشى عليه و قلبه بالكاد ينبض و أصابعه محروقة فهرعا به إلى أقرب مستشفى و لكن .... للأسف قد فارق الحياه عند وصوله .أخوانى ... اخواتي .. الهواتف غاية فى الأهمية فى حياتنا اليومية العصرية , لكن لا تستخدم الهاتف مطلقا و هو متصل بكهرباء المنزل ...!!!
الرسالة دي جاتلي على صفحتي بس للأسف مش عارف مدى صحتها لإني كتير بحط المحمول على الكهرباء الى الصباح بجواري وانا نائم بحكم المنبه اللى في المحمول وكتير رديت وهو على الشاحن والحمد لله محصلش حاجه من دي .... ياريت خبير المنتدى في المحمول القرصان شنوري يفيدنا بمدى صحية المعلومة دي او اي خبير لأجهزة المحمول عنده فكرة عن الموضوع ده ...!!

[د.محمود صلاح]

سلام قولا من رب رحيم

[د.أحمد السعيد]

الصور دى قديمة قوى ييجى من 10 سنين
و لو الموضوع صحيح كان وجب التنبيه فى كتالوجات الموبيل و هذا لم يحدث بالقطع
و فى انتظار رد المتخصصين و شكرا لصاحب الموضوع على حرصه على افادة اخوانه

[aly_hosny]

تخللت الكهربا بقوتها ازاي ؟؟؟

لو الصورة حقيقية ف الموضوع مش موضوع كهربا خالص دا بطارية انفجرت و ادت لكدا

ولو اي حد معاه موبيل كويس استحالة يحصل كدا

يعني الواحد غير 4 5 موبايلات دا غير اهله و صحابه و معارفه و اكبر حاجة حصلت ان البطارية تخنت شوية و باظت

[abogogo]

الصور دى قديمة قوى ييجى من 10 سنين
و لو الموضوع صحيح كان وجب التنبيه فى كتالوجات الموبيل و هذا لم يحدث بالقطع
و فى انتظار رد المتخصصين و شكرا لصاحب الموضوع على حرصه على افادة اخوانه

لسه جيالي امبارح وبصراحه اول مرة اشوفها ..!!

تخللت الكهربا بقوتها ازاي ؟؟؟

لو الصورة حقيقية ف الموضوع مش موضوع كهربا خالص دا بطارية انفجرت و ادت لكدا

ولو اي حد معاه موبيل كويس استحالة يحصل كدا

يعني الواحد غير 4 5 موبايلات دا غير اهله و صحابه و معارفه و اكبر حاجة حصلت ان البطارية تخنت شوية و باظت

ما انا بقول كده لو تلاحظ التعليق اللي انا كاتبه بالون الازرق ... انا اكتر حاجه خطره شوفتها من المحمول وملحقاته كانت بطارية محمول بتنفجر في ايد واحد وفتحتله ايده .. واخد 4 غرز عشان كان بيشقتها من واحد حدفهاله من البلكونة ..!! فإنفجرت في ايده ..!!

[aly_hosny]

لسه جيالي امبارح وبصراحه اول مرة اشوفها ..!!

ما انا بقول كده لو تلاحظ التعليق اللي انا كاتبه بالون الازرق ... انا اكتر حاجه خطره شوفتها من المحمول وملحقاته كانت بطارية محمول بتنفجر في ايد واحد وفتحتله ايده .. واخد 4 غرز عشان كان بيشقتها من واحد حدفهاله من البلكونة ..!! فإنفجرت في ايده ..!!

انا مقرتش الموضوع لانه وصلي برضو على الفيس بوك و كنت قريته

و تاثير التيار الخارج من الشاحن لا يحرق ولا يكهرب اصلا
وصعب ان تحصل حاجة في الشاحن توصلك تيار كهربي عالي
يعني لو حصل فيه حاجة هيبوظ و مش هيوصل اي تيار

بس دا ميمنعش ان لو موبيل معمول تحت بير سلم ممكن يبقى ليه اصرار زي كدا لانهم ميعرفوش يعني امن و سلامة

[mailo]

الموضوع ده قديم قوي كنت قريته من سنتين مثلا أو أكتر

وفالنهاية فاكس

وسلامتك يابو جوجو :)

[أحمد كمال]

مستحيل اصلا ..... هات اي شاحن و اقرا ال output بتاعه كام فولت و كام امبير يوم ما يتمعظم هتلاقيه 5 فولت (يعني 3 او 4 بطاريات قلم !!!) و 1 امبير ...... يعني لو حطيت فيشة الشاحن في بقك مش هتتكهرب اساسا .......


و الشحن طول الليل مش مفروض يعمل حاجة و كل الموبايلات فيها دواير امان ان اما البطارية تتملي يوقف شحن ..... و لو حتى موبايل تعبان او الدايرة دي خرفت كبيرك البطارية هي اللي هتضرب او هتتنفخ بلغة السوق