الفلانتين والسياسى

[human]

وزير الداخليه : احنا معندناش فلانتين .. ..
ابو زيد : الدبدوب اهو لقيته فى الشارع و مانضربش
مبارك : لم اكن انتوى ان اتفلتن
الكتاتنى : خود هولز احمر عشان الفلانتين
الشحات : الفلانتين حرام كالخمر والميسر والكره
المشير : سنسلم صلاحيات الفلانتيم لمجلس الشعب
مرتضى منصور : انا عندى سى دى لشوبير وهو فى الفلانتيم
شوبير : الالتراس هم من وراء الفلانايم
بكر : الفلانفايل .. الفلانتايل ... ايه؟ الفلانتفايل ده عيد الحب يعنى كله يحب
حمزاوى : الفلانتين مش ليبرالى وحق اى مواطن يحتفل به تحت قبة البرلمان
علاء عبد الفتاح : من حق المثليين ان يحتفلوا بالفلانتين
عكاشه : ايه الفلانتين ده يا اخويا.. ده عيد ماسونى
خالد عبد الله : جبت الدبدوب ... احمر....يا واد يا مؤمن
باسم يوسف : هى غيدا جايه امتى؟
الجنزورى : الحكومه تعمل على دعم الفلانتين
شفيق : ...........ايه؟
الاخوان : نحن نرحب بجميع الاطياف فى الفلانوناين ونحذر من فيندانتا احمر
الوسط : ندعو الى فلانتين توافقى
هيكل : مبارك كان بيشترى دبدبوب من محل تروسار فى باريس كل سنه ب 99 جنيه استرلينى كل فلانتين


ده اللى فى بالى
اللى هيسرقها يجيب نص جنيه
انا اللى عاملها

[Qmax]

فكرتني كنت في الموسكي من 4ساعات زحمه موووت شارع معين وانا مستغرب زحمه على المحلات بتاع الدبايب بسأل واحد قالي عالبتاع ده اللي انت كاتب اسمه استغفرالله استغفرالله الفلانطاين ده هههههههه

[iwantes350]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههه
حرام عليك بجد انا مش قادر امسك نفسي من الضحك الهستيري اللى انا فيه
ربنا يخليك على الموضوع الجامد ده

[eng.m7md.ali]

احسن واحدة عجبتني بتاعت شفيق ................. ايه؟؟ !!

[human]

زاهى حواس : الفراعنه اول من احتلفوا بالفلانتين

[M.Mosaad]

[human]

صفوت الشريف : لن نخضع لتهديدات القوى الفلانتينيه .. سنظل شامخين

[Dojuar]

نسيت عمر سليمان

الشعب المصري غير مهيئ للفلانتاين

[human]

نسيت عمر سليمان

الشعب المصري غير مهيئ للفلانتاين

يا جامد يا حامد

[human]

الشيخه ماجده : موباريك ينحدر من عيلة القديس فلانتين و عنده وحمه قلب احمر على كتفه من ورا
مشوها كتفه


طلعت زكريا : انا شفت فى الميدان ناس بتفلتن مع بعض علاقات فلانتينيه كامله

[aif]

نسيت عمر سليمان

الشعب المصري غير مهيئ للفلانتاين

طارق : الفلانتين من غير الـ 12 له طعم لذيييييييييييذ

[Dojuar]

مبارك لما قالوله بكره الفلانتاين يا ريس..قال:

خليهم يفلتنوا

[waelfarid]

مشكوووووووووووووووووووووووووووووووووووووووور

[human]

طارق : الفلانتين من غير الـ 12 له طعم لذيييييييييييذ

حبيبى

انا لقيت كل المواضيع فى المنتدى هم

قلت نهذر شويتين عشان نكسر حده الكابة

[human]

كريم منير : لن اسمح بأى تدخل فى سياسه الفلانتين التى هى حق اصيل من حقوقى كمالك للدبدوب
سما : لن اسمح بأى تلميح على مشرفين الفلانتين
فراما : واحده جاتلى الصيدليه عايزه حبوب من الزرقا على شكل دباديب حمرا
الحاج احمد : عملت صنيه قرع احتفالا بالفلانتين
تامر : الوضع الفلانتينى فى مصر غير مقبول فى ظل الانفلات من الشرطه اللى لابسه احمر
احمد معوض : التوحيد و النورمافتحش كشك فى مجلس العشب يبيع دباديب حمرا
وسام سلوم : 6 ابريل غير مسئوله عن الانابيب الحمرا
شنورى : انا استطدت حوريه بحر على شكل دبدوب ... هاكلها عشان جعان


دول اللى فى دماغى