إعـــــــلان

Collapse

.

,
See more
See less

لو سمحت، ممكن جنيه؟

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    لو سمحت، ممكن جنيه؟

    كام مرة سمعت السؤال؟
    وكام مرة طلعت واديت؟
    وكام مرة اتنصب عليك؟
    وكام مرة اتحرق دمك من حال البلد اللي اتملى من النماذج دي؟

    الموقف بحذافيره بسلطاته..
    المكان: شارع الدقي قدام مختار بتاع التحف
    الزمان: واحدة ونص الظهر النهاردة
    ماشي في أمان الله عايز أشهل أجيب دوا من الصيدلية وأرجع الشركة جري قبل ما تيجي 2
    لاقيت واحد جاي من الناحية التانية وقف وبيقولي يا أستاذ..
    أكيد شحات..قلت في سري
    ركبت الوش الخشب و..
    أفندم؟
    ممكن جنيه والله أروح بيه؟

    وصف الراجل:
    متوسط الطول وباين عليه متغذي كويس
    مش باين عليه عيان لا سمح الله ولا حاجة
    لابس هدوم موظف متوسط الحال
    هدومه كلاسيك نضيفة ومكوية ...بنطلون قماش على قميص على جاكت...كأنه مطقم من وسط البلد
    شايل كيس بلاستيك سميك وفيه حاجات
    عنده حاجة وأربعين

    لقطت الصورة بعيني ومن كتر ما دمي اتحرق وبرضه مش عايز أغلط في حد..التهتهة اشتغلت:
    وأنا..وأنا..وأنا عايز أسيب البلد دي!

    هو ببرود الدنيا: طيب خلاص..وقام واخد بعضه وماشي


    السؤال الحلمنتيشي..ازاي واحد يقبل على نفسه يشحت وفي عز الضهر ومش باين عليه محتاج؟
    ومحدش يقولي لأ أصل كان حصله الظروف!
    ده مش واقف يستعطف الناس مثلا..لأ ...ده ماشي في طريقه عادي جدا وشافني راح موقفني وعايز فلوس!!! نسميه إيه ده؟

    الشحاتين وبياعين المناديل واللي بيقعدوا قدام ال atm مخصوص واللي تجيب جوزها على كرسي متحرك كل يوم 9 الصبح وتوقفه في نص الشارع قدام المستشفى يلم الغلة واللي واللي واللي واللي واللي ...عرفناهم وحفظناهم

    لكن الشحاتة توصل للناس العادية كمان؟!
    دي مش أول مرة تحصل معايا من ناس شكلها محترم
    بس أول مرة في حياتي أرد ناشف على حد يطلب سلاش يشحت
    اوعوا تفتكروا إني ندمان..ده لو أطول ألمهم كلهم ويتحبسوا في مدينة مقفولة عليهم كنت عملتها ويبقوا يشحتوا وينصبوا على بعض بقى
    المنطقة دي بقت موبوءة بيهم

    أفففففففففففففففففففففف أستغفر الله العظيم
    عارف إن مفيش حل
    بس كان لازم أفضفض مع حد قبل ما أطق من جنابي
    سلامي للكل
    لا إله إلا أنت. سبحانك. إني كنت من الظالمين
    الكلمات الدلالية (Tags): جنيه؟, سمحت،, لو, ممكن
  • #2
    ياباشا موضوع الهدوم المقطعة ده كان زمان
    إنت ماشفتش الفيلم بتاع عادل إمام اللي كان بيشحت فيه ببدلة؟

    دلوقتي ده الشحات الموديرن
    إنت اتخنقت من الشحاتين الرزلة أول ماتشوف ده هتقول عليه شكله محتاج بجد
    إيه اللي يخلي واحد شكله كده يشحت ويهين نفسه أكيد محفظته وقعت أو أي فيلم من الكلام ده
    وهتقوم مديلو فلوس

    Comment

    • #3
      أنا اللي حارق دمي يا Mailo بيه إن الموضوع زاااااااااااااااااد قوي
      وبقى فيه صفاقة

      إذا كنا بنعمل كدة في بلدنا ومع بعض
      نفس الشخصية دا هي لما تسافر تشتغل برة هتتعامل ازاي مع الناس؟ ليهم حق بقى الخلايجة لما يشوفوا مصري يقولوا: يا مصري يا ----
      بتتحكيلي مهازل من زمان بس كنت بقول لأ مش معقول ...لكن كدة الرؤية وضحت
      أنا بدعي ربنا يكمل نعمته سبحانه علينا بعزة النفس، منبقاش كدة
      لا إله إلا أنت. سبحانك. إني كنت من الظالمين

      Comment

      • #4
        احنا ممكن نعملهم فكره حلوه اوى تخيلو لو كل واحد دفع ربع جنيه فى 40 مليون بنى ادم بلاش 80 يبقى 10 مليون فى اليوم يبقى 300 مليون فى الشهر ودول ممكن يكفوا شحاتين مصر كلها سنه كامله ده غير اللى هيدفع جنيه واللى 5 واللى 10 يعنى ممكن ال100 مليون مرتاح فى كلام فارغ ( كده خلصنا الشحاتين ) فاضل احنا ....... بعدين بقى
        فتح سابقا

        Comment

        • #5
          بص نصيحه

          مش عايز تديله متدلوش عشان ده :

          قال رسول الله صلي الله عليه وسلم
          عَنْ أَنَسٍ مَرْفُوعًا : " إِنْ أَتَاكَ سَائِلٌ عَلَى فَرَسٍ بَاسِطٌ كَفَّيْهِ ، فَقَدْ وَجَبَ الْحَقُّ ، وَلَوْ بِشِقِّ تَمْرَةٍ

          وقال تعالي في محكم تنزيله :
          ( وأما السائل فلا تنهر ) قال المفسرون : يريد السائل على الباب ، يقول : لا تنهره لا تزجره إذا سألك ، فقد كنت فقيرا فإما أن تطعمه وإما أن ترده ردا لينا ، يقال : نهره وانتهره إذا استقبله بكلام يزجره .

          رسول الله - صلى الله عليه وسلم - قال : " من صنع إليه معروف فليجز به ، فإن لم يجد ما يجزي به فليثن عليه فإنه إذا أثنى عليه فقد شكره ، وإن كتمه فقد كفره ، ومن تحلى بما لم يعط كان كلابس ثوبين من زور " .


          رحمنا الله واياكم

          وشكرا
          [SIGPIC][/SIGPIC]

          afrtow سابقاً
          [FONT="Courier New"][SIZE="4"][COLOR="DarkSlateBlue"][B]
          [gdwl] الإمام الشافعي
          إني رأيت وقوف الماء يفسده * * * إن ساح طاب وإن لم يجرِ لم يطبِ
          والأُسد لولا فراق الأرض ما افترست * * *والسهم لولا فراق القوس لم يصبِ
          والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

          Comment

          • #6
            أستاذ abou-yahia،
            أول مرة تحصل مني
            بس كنت فعلا خلاص..جايب آخري منهم كلهم

            يا أفندم تعالى عندنا في الميدان وكل الشوارع المؤدية والمتفرعة منه والميادين القريبة
            كل 10 متر بدون أدنى مبالغة فيه
            وليهم مواعيد
            وفيه منهم اللي بتيجي ادام La Mandene
            3 ساعات وتنقل قدام فرغلي!

            لا حول ولا قوة إلا بالله

            أنا لو الدنيا اتقفلت ولأي سبب مابقاش حيلتي اللضا وشحت..لو حد اداني 3 جنيه هاخدهم وأروح
            أكلة ونومة وانتهى الموضوع
            إيه بقى اللي بيحصل منهم ده؟!!!
            لا إله إلا أنت. سبحانك. إني كنت من الظالمين

            Comment

            • #7
              المشاركة الأصلية كتبت بواسطة فتح مشاهدة المشاركة
              احنا ممكن نعملهم فكره حلوه اوى تخيلو لو كل واحد دفع ربع جنيه فى 40 مليون بنى ادم بلاش 80 يبقى 10 مليون فى اليوم يبقى 300 مليون فى الشهر ودول ممكن يكفوا شحاتين مصر كلها سنه كامله ده غير اللى هيدفع جنيه واللى 5 واللى 10 يعنى ممكن ال100 مليون مرتاح فى كلام فارغ ( كده خلصنا الشحاتين ) فاضل احنا ....... بعدين بقى
              ممكن مع الأسر الفقيرة اللي فعلا محتاجة
              وده حاصل من جمعيات خيرية كتيييييير والحمدلله
              وما بين الناس وبعضها..حد بيلم كل شهر ويشتري من السوبرماركت ويوصل لحد باب البيت في منطقته
              إيه بقى لزمة الشحاتة؟!
              لا إله إلا أنت. سبحانك. إني كنت من الظالمين

              Comment

              • #8
                الغريب انهم بقوا بجحين كمان !
                ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                [sor2]http://imageshack.us/a/img838/2058/8l0n.jpg[/sor2]

                Comment

                • #9
                  اخر مرة جالي واد كدة بتاع 25 بيقلي 1 والنبي ياابية
                  قلتلة طيب امسح العربية قاام ساايبني وماااااااااااشي
                  قمت قاايلة مانت زي البغل اهة ماتشتغل
                  [CENTER][media]http://www6.0zz0.com/thumbs/2011/09/14/04/347541799.jpg[/media]
                  MY BMW 2500CC
                  :tumb:
                  [/CENTER]

                  Comment

                  • #10
                    المشاركة الأصلية كتبت بواسطة khaled online مشاهدة المشاركة
                    أستاذ abou-yahia،
                    أول مرة تحصل مني
                    بس كنت فعلا خلاص..جايب آخري منهم كلهم

                    يا أفندم تعالى عندنا في الميدان وكل الشوارع المؤدية والمتفرعة منه والميادين القريبة
                    كل 10 متر بدون أدنى مبالغة فيه
                    وليهم مواعيد
                    وفيه منهم اللي بتيجي ادام la mandene
                    3 ساعات وتنقل قدام فرغلي!

                    لا حول ولا قوة إلا بالله

                    أنا لو الدنيا اتقفلت ولأي سبب مابقاش حيلتي اللضا وشحت..لو حد اداني 3 جنيه هاخدهم وأروح
                    أكلة ونومة وانتهى الموضوع
                    إيه بقى اللي بيحصل منهم ده؟!!!
                    اصلها حاجه تجن الجن وتعفرت العفريت
                    انا عارف شعورك وبكون عامل ذيك مهو انا في النهايه بني ادم وعلي ضغوط بلهبل وممبقاش مستحمل افوت الهفوه لاكن ربنا يعينا كلنا هيه ديه الدنيا .

                    لاكن وجبت النصيحه

                    وشكرا علي سعه صدرك
                    [SIGPIC][/SIGPIC]

                    afrtow سابقاً
                    [FONT="Courier New"][SIZE="4"][COLOR="DarkSlateBlue"][B]
                    [gdwl] الإمام الشافعي
                    إني رأيت وقوف الماء يفسده * * * إن ساح طاب وإن لم يجرِ لم يطبِ
                    والأُسد لولا فراق الأرض ما افترست * * *والسهم لولا فراق القوس لم يصبِ
                    والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

                    Comment

                    • #11
                      اولا ازيك يا خالد بيه

                      ثانيا مبروك تغيير الأسم

                      ثالثا ودة الأهم بقي يا راجل نبقي جيران وماتتصلش اقابلك اسلم عليك

                      انا مقدر موضوعك تماما لأني انا كمان شغلي في الدقي قرب الميدان وعارفهم واحد واحد او بمعني ادق واحدة واحدة
                      لأن معظمهم في الحتة دي ستات ومسرحين عيال صغيرة قمة في الرزالة وبالزات عند محطة المترو الي عند المكتبة الأكاديمية

                      وعند بتاع العصير الي فتح جديد

                      وعند السينما

                      وعند ال CIB فعلا اول لما تقبض تلاقي الضرايب (الشحاتين) يتلموا عليك كأنهم ليهم عندك دين

                      انا كتبت قبل كدة في الحوار دة
                      نايل موتورز - NileMotors.net
                      http://www.nilemotors.net/Nile/219858-a.html#post3873499593


                      ادخل شوف الموضوع وعايز ردك

                      بس ليا عندك طلب واتمني ماتكسفنيش

                      هه

                      ماشي ؟!

                      الاقيش معاك جنيه ؟

                      ههههههههههههه

                      حبيبي يا خالد

                      والله المستعان
                      ،
                      ،
                      [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                      [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                      [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                      [CENTER]
                      [COLOR=DarkRed]صفحة القسم علي الفيس بوك[/COLOR]
                      [/CENTER]
                      [CENTER][URL]http://www.facebook.com/SeatNileMotors[/URL]

                      [COLOR=Navy]صفحتي الشخصية
                      [url]https://www.facebook.com/ITNetworksWay[/url]
                      [/COLOR] [/CENTER]

                      Comment

                      • #12
                        الفتره الي فاتت مابقتش ادي حد فلوس الا بمقابل
                        يعني مثلا واحده بتبيع مناديل و انا عايز منديل ف بدل ما اجيب من كشك اشتري منها
                        يعني طالما حسيت انك محتاج بحاول اساعدك و لكن مش هديك فلوس من غير مقابل هو انت من بقيه اهلي ؟

                        كنت راكب مع واحد صاحبي و واقف ف اشاره ف طلعلو واحد هلف بفوطه زفره مسح الازاز و نط قدام الشباك
                        ف راح مطلع ربع جنيه اداهوله ف بيبص فيه اوي و بيقوله ربع جنيه؟
                        قاله مش عاجبك راح خده منه .
                        من ساعتها بقيت اعمل زيه وشايل كام ربع جنيه ف العربيه

                        المشاركة الأصلية كتبت بواسطة فتح مشاهدة المشاركة
                        احنا ممكن نعملهم فكره حلوه اوى تخيلو لو كل واحد دفع ربع جنيه فى 40 مليون بنى ادم بلاش 80 يبقى 10 مليون فى اليوم يبقى 300 مليون فى الشهر ودول ممكن يكفوا شحاتين مصر كلها سنه كامله ده غير اللى هيدفع جنيه واللى 5 واللى 10 يعنى ممكن ال100 مليون مرتاح فى كلام فارغ ( كده خلصنا الشحاتين ) فاضل احنا ....... بعدين بقى
                        والله لو اديت كل واحد ف ايده 100 جنيه هاينزل يشحت تاني
                        دي حاجه بقت ف دمهم ! بقت مهنه زي الطب و الهندسه و التجاره
                        [CENTER]م. سعدالدين مصطفى
                        Follow me on Twitter @Saadelden
                        http://www.nilemotors.net/Nile/67592-131.html[/CENTER]

                        Comment

                        • #13
                          يوووووه ده الواحد عايز ينتحر منهم ا دول اساسا اغني الاغنياء و بعضهم بيمتلك مشاريع منقدرش عليها احنا الناس العادية
                          لن انسي الموقف لما ركبت اوتوبيس كنت راجع من عباس العقاد و الشحاتين اللي قاعدين عند جنينة مول لقيتهم متلميين ورا و قاعدين بيتكلموا و واحدة تقولها انتي جمعتي كام انهاردة ترد عليها و تسأل تالناية و انتي جمعتي كام و انتي جمعتي كام و هكذا فلتتخيل المنظر

                          و موقف تاني واحد طول الوقت قاعدة بتشحت ع الرصيف و لابسة لبس منيل و متبهدل اخر اليوم بتلم الحاجة في الشنطة و مشيت الشارع التاني و وقفت تاكس و ركبته و انا كل ده واقف بتفرج

                          و غيره اللي ركبت عربية و اللي ركبت جنب جوزها او قريبها في تاكس بعد ما لمت الليلة زي الست اللي بتقعد عند اليوتيرن اللي تحت كوبري الجلاء ع شريط المترو هتلاقوها قاعدة بعلب المناديل و بتشحت اخر اليوم كنت راجع بعد الساعة 2 بليل لقيتها بتلم الحاجة في تاكس و بتركب

                          و الست اللي بتقعد في مصطفي النحاس عن اليوتيرن اللي بعد كالتكس عالطول هتلاقوها قاعدة بلعلب اطفال برده كنت بعدي كل يوم من عندها بتشحت و مرة لقيتها ماسكة موبيل ان95 و بتكلم فيها و عادي و سايبة الحاجة مش مشكلتها ههههههههههههه اسكتوا ده انا شوفت بلاوي عن اغلب الشحاتين الدائميين في الشوارع ده انا لمفروض أألف عنهم كتاب

                          غير الناس المحترميين اللي بينزلوا وقت العيد و المناسبات يقعدوا عند الجوامع عشان يلموا اللحمة او الياميش

                          و هقولك موقف ظريف اوي كنت عند الجامعة و طبعا اغلب الوقت بسيب العربية و منزلش بيها عشان اخلص من القرف اللي بشوفه المهم طالع ع العبباسية عشان اركب وا روح لقيت راجل كبييرة و لاببس نضيف بس ع عكاز و عايز ينزل من الاوتوبيس و مش عارف و بينده للناس تساعده و محدش هنا و انا كنت في جاي من الناحية التانية جريت عشان اساعدة المهم نزلته فلتتخيل اول كلمة بيقولها ليا اول ما نزل ع الارض ممكن تساعدني انا السقالة وقت بيا و ورا مراتي و عيالي ...ألخ و انت عارف الاسطوانة ببصله و انا مذهول يعني شوفوا بروده قولتله الله يسهلك و مشيت

                          ده الواحد بيشوف مواقف عجب ربنا يرحمنا
                          [CENTER][SIGPIC][/SIGPIC]
                          [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                          [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                          [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                          [/CENTER]

                          AXEL سابقا

                          Comment

                          • #14
                            المشاركة الأصلية كتبت بواسطة تامر.محمد مشاهدة المشاركة
                            الغريب انهم بقوا بجحين كمان !
                            +1

                            المشاركة الأصلية كتبت بواسطة magyver مشاهدة المشاركة
                            اخر مرة جالي واد كدة بتاع 25 بيقلي 1 والنبي ياابية
                            قلتلة طيب امسح العربية قاام ساايبني وماااااااااااشي
                            قمت قاايلة مانت زي البغل اهة ماتشتغل
                            ومن ده كتييييييير
                            يعني أنا أكون بصحتي وأنزل ألف أقول للناس هاتوا!..اخس عالأخلاق
                            لا إله إلا أنت. سبحانك. إني كنت من الظالمين

                            Comment

                            • #15
                              المشاركة الأصلية كتبت بواسطة SYD مشاهدة المشاركة
                              اولا ازيك يا خالد بيه
                              ثانيا مبروك تغيير الأسم
                              ثالثا ودة الأهم بقي يا راجل نبقي جيران وماتتصلش اقابلك اسلم عليك
                              ،
                              سلام كبير قوي لأجمد instructor فيكي يا بلد هههههههههههههه
                              بص عالخاص يا باشا لما تفضى

                              المشاركة الأصلية كتبت بواسطة saadelden مشاهدة المشاركة
                              الفتره الي فاتت مابقتش ادي حد فلوس الا بمقابل
                              يعني مثلا واحده بتبيع مناديل و انا عايز منديل ف بدل ما اجيب من كشك اشتري منها
                              يعني طالما حسيت انك محتاج بحاول اساعدك و لكن مش هديك فلوس من غير مقابل هو انت من بقيه اهلي ؟

                              كنت راكب مع واحد صاحبي و واقف ف اشاره ف طلعلو واحد هلف بفوطه زفره مسح الازاز و نط قدام الشباك
                              ف راح مطلع ربع جنيه اداهوله ف بيبص فيه اوي و بيقوله ربع جنيه؟
                              قاله مش عاجبك راح خده منه .
                              من ساعتها بقيت اعمل زيه وشايل كام ربع جنيه ف العربيه

                              والله لو اديت كل واحد ف ايده 100 جنيه هاينزل يشحت تاني
                              دي حاجه بقت ف دمهم ! بقت مهنه زي الطب و الهندسه و التجاره
                              موقفك سليم يا أفندينا وأنا معاك
                              بس الله يخليك ربع جنيه كتير قوي ...ما تخليهم برايز وشلنات ههههههههههههه
                              بحق ربنا ربع قليل خالص..ده رأيي الشخصي المتواضع
                              وفي الأول وفي الآخر انت أدرى مين يستحق إيه

                              المشاركة الأصلية كتبت بواسطة saadelden مشاهدة المشاركة
                              والله لو اديت كل واحد ف ايده 100 جنيه هاينزل يشحت تاني
                              دي حاجه بقت ف دمهم ! بقت مهنه زي الطب و الهندسه و التجاره
                              مليون +1

                              المشاركة الأصلية كتبت بواسطة Axel مشاهدة المشاركة
                              يوووووه ده الواحد عايز ينتحر منهم ا دول اساسا اغني الاغنياء و بعضهم بيمتلك مشاريع منقدرش عليها احنا الناس العادية
                              لن انسي الموقف لما ركبت اوتوبيس كنت راجع من عباس العقاد و الشحاتين اللي قاعدين عند جنينة مول لقيتهم متلميين ورا و قاعدين بيتكلموا و واحدة تقولها انتي جمعتي كام انهاردة ترد عليها و تسأل تالناية و انتي جمعتي كام و انتي جمعتي كام و هكذا فلتتخيل المنظر

                              و موقف تاني واحد طول الوقت قاعدة بتشحت ع الرصيف و لابسة لبس منيل و متبهدل اخر اليوم بتلم الحاجة في الشنطة و مشيت الشارع التاني و وقفت تاكس و ركبته و انا كل ده واقف بتفرج

                              و غيره اللي ركبت عربية و اللي ركبت جنب جوزها او قريبها في تاكس بعد ما لمت الليلة زي الست اللي بتقعد عند اليوتيرن اللي تحت كوبري الجلاء ع شريط المترو هتلاقوها قاعدة بعلب المناديل و بتشحت اخر اليوم كنت راجع بعد الساعة 2 بليل لقيتها بتلم الحاجة في تاكس و بتركب

                              و الست اللي بتقعد في مصطفي النحاس عن اليوتيرن اللي بعد كالتكس عالطول هتلاقوها قاعدة بلعلب اطفال برده كنت بعدي كل يوم من عندها بتشحت و مرة لقيتها ماسكة موبيل ان95 و بتكلم فيها و عادي و سايبة الحاجة مش مشكلتها ههههههههههههه اسكتوا ده انا شوفت بلاوي عن اغلب الشحاتين الدائميين في الشوارع ده انا لمفروض أألف عنهم كتاب

                              غير الناس المحترميين اللي بينزلوا وقت العيد و المناسبات يقعدوا عند الجوامع عشان يلموا اللحمة او الياميش

                              و هقولك موقف ظريف اوي كنت عند الجامعة و طبعا اغلب الوقت بسيب العربية و منزلش بيها عشان اخلص من القرف اللي بشوفه المهم طالع ع العبباسية عشان اركب وا روح لقيت راجل كبييرة و لاببس نضيف بس ع عكاز و عايز ينزل من الاوتوبيس و مش عارف و بينده للناس تساعده و محدش هنا و انا كنت في جاي من الناحية التانية جريت عشان اساعدة المهم نزلته فلتتخيل اول كلمة بيقولها ليا اول ما نزل ع الارض ممكن تساعدني انا السقالة وقت بيا و ورا مراتي و عيالي ...ألخ و انت عارف الاسطوانة ببصله و انا مذهول يعني شوفوا بروده قولتله الله يسهلك و مشيت

                              ده الواحد بيشوف مواقف عجب ربنا يرحمنا
                              مواقفك رسمت البسمة على وشي
                              ربنا يباركلك يا عم انت..خففت عني مصابي الأليم هههههه
                              لا إله إلا أنت. سبحانك. إني كنت من الظالمين

                              Comment

                              السابق template التالي
                              Working...
                              X