عايزة اغير شاشة ل mp3

[shery103]

يا جماعة انا عندى دلوقتى اتنين mp3 player شاشتهم مكسورة و عايزة تتغير
السؤال بقى هل ممكن الاقى قطع غيار هنا فى مول الكترونيات زى النخيلى مثلا
لان انا حاسة ان التوكيل مش هيعملى حاجة و لو عمل هيدفعنى مبلغ و قدره و فى نفس الوقت مستخسرة اسيبهم كده و عايزة اصلحهم عشان مش بايظ فيهم غير الشاشة
هما الاتنين نوعهم creative
موديلاتهم دول

و ده


فلو حد عنده فكرة عن اى مكان ممكن الاقى فيه الحاجات دى

[mrghost]

انزلى ش الازهر بالعتبه فى هناك ناس متخصصين mp3 هتلاقيهم على اول الشارع

[Ahmed_Ramadan]

و النخيلى كمان هيفيدوكى بس ابقى اسألى على التكلفة الأول علشان متعديش تمن الجهاز نفسه

[shery103]

الف شكر يا جماعة ، ربنا يسهل و الاقيلهم شاشات

[MRBEBO]

شيري ممكن سؤال انتي ايه رايك في الكرييتف من حيث الكواليتي بتاع الصوت وعلوه ؟

محتار ما بينه وبين سانسا كليب من سان ديسك

[shery103]

الكرييتف افضل من ناحية جودة الصوت وعلوه اكيد ، انا سمعت الاتنين و الكرييتف احسن فى الجزء ده
السؤال بقى انت هتشترى جديد ؟ و لو جديد هتجيب منين ، عشان انا سألت فى كمبيو مى و راديو شاك و حسسونى ان ال mp3 players انقرضو

[MRBEBO]

الكرييتف افضل من ناحية جودة الصوت وعلوه اكيد ، انا سمعت الاتنين و الكرييتف احسن فى الجزء ده
السؤال بقى انت هتشترى جديد ؟ و لو جديد هتجيب منين ، عشان انا سألت فى كمبيو مى و راديو شاك و حسسونى ان ال mp3 players انقرضو

انا لسه شايفه في راديو شاك و ابلاينس سيتي ستارز

وميزة السانسا انه بيركبله كارت ميموري وللاسف كرييتف مفهوش الحته دي

يعني الذاكرة الداخلية مثلا 4 جيجا ومعاكي لغاية 32 جيجا ميموري كمان

[shery103]

ده بجد جابو mp3 players

انا اخر مرة رحت كان من اسبوعين مثلا ، و الاتنين حسسونى انى بتكلم فى حاجة انقرضت خلاص و كان ناقص يتريقو عليا !!
هى فعلا ميزة موضوع الميمورى كارد ده
هبقى اروح اشوف ايه نظامه

[MRBEBO]

بصي كمان في كمبيومي لسه شايف الموديل التاني من كرييتف اللي انتي حطاه عندهم

بس خلي بالك من حاجة مهمة انا لما قلتلهم mp3 قالولي مفييييييييييش سواء عند راديو شاك او ابلاينس او كمبيومي قلتلهم امال ده ايه ؟؟ قالولي mp4 :))

ابقي اسئلي عن الــ mp4 :)

[shery103]

هههههه ما ده اللى انا اقصده ما شاء الله بقى عندهم دقة فى الشغل اوى كده ، هبقى اروح اسألهم تانى على "mp4" يمكن الاقى اجابة مختلفة :D