عاوز اعمل فيش جنائى و قيد عائلى للجيش

[eng/muhamad]

انا عاوز اعمل فيش جنائى و قيد عائلى للجيش
مش عارف اعملهم ازاى او ايه الورق المطلوب
ياريت اى حد عملهم قريب يساعدنى
كل اللى اعرفه انهم بيتعملو من سجل العباسيه
عاوز اعرف الاجراءات و الورق المطلوب و الفلوس

[engaass]

انا لسه عامل الفيش النهاردة من مصلحة الادلة الجنائية اللى هى فى العباسية عند مصلحة الاحوال المدنية
مفيش ورق مطلوب للفيش, كل المطلوب البطاقة + 15 جنية وبيخلص فى مدة لاتزيد على ساعة وانت واقف وهما اللى بيصوروك وهما بياخدو البصمة على الجهاز مش بحبر زى زمان
بصراحة الموضوع بقى سهل جدا ومنظم
القيد العائلى بصراحة معرفش

[eng/muhamad]

شكرا لحضرتك بس ممكن توصفلى المكان فين بالظبط فى العباسيه ؟
و كان زحمه و لا لا يعنى روحت الساعه كام و خد وقت قد ايه

ن مصلحة الادلة الجنائية اللى هى فى العباسية عند مصلحة الاحوال المدنية

[damasry]

صحيفة الحالة الجنائية زى ما العضو الفاضل تكرم وشرح ليك وماكنها عند كلية الشرطة القديمة فى العباسية، الناحية التانية من مصلحة الاحوال المدنية فى اتجاه صلاح سالم.

القيد العائلى مطلوب:
بطاقة الوالد واصل شهادة ميلاده
شهادة ميلاد الوالدة
شهادات ميلاد الاخوة والاخوات
بطاقتك الشخصية

الاجراءات، بتقدم الطلب فى الدور الثانى للاستعلام عن صحة البيانات المقدمة منك وبعدين بتاخد توقيع الظابط وبعدين بتنزل وتروح للمبنى التانى وتدخل للظابط فى الدور الارضى يمضيلك وتروح تدفع وتطبع البيان من اى موظف من الموظفين الموجودين وترجع تختم البيان من الظابط تانى وشكرا على كده.

[eng/muhamad]

صحيفة الحالة الجنائية زى ما العضو الفاضل تكرم وشرح ليك وماكنها عند كلية الشرطة القديمة فى العباسية، الناحية التانية من مصلحة الاحوال المدنية فى اتجاه صلاح سالم.

القيد العائلى مطلوب:
بطاقة الوالد واصل شهادة ميلاده
شهادة ميلاد الوالدة
شهادات ميلاد الاخوة والاخوات
بطاقتك الشخصية

الاجراءات، بتقدم الطلب فى الدور الثانى للاستعلام عن صحة البيانات المقدمة منك وبعدين بتاخد توقيع الظابط وبعدين بتنزل وتروح للمبنى التانى وتدخل للظابط فى الدور الارضى يمضيلك وتروح تدفع وتطبع البيان من اى موظف من الموظفين الموجودين وترجع تختم البيان من الظابط تانى وشكرا على كده.

ايه كل الورق و الاجراءات دى هو انا هحارب يعنى عشان اطلع ورقه اروح كام مبنى و كل الحوارت دى الله يمسيك بالخيير يا نظيف يا بتاع الحكومه الذكية

بتقدم الطلب فى الدور الثانى للاستعلام عن صحة البيانات المقدمة منك

طلب ايه ؟ يعنى الطلب ده له صيغى معينه ولا ورقه معينه بشتريها ؟؟؟؟
و الدور التانى فين فى مبنى ايه ؟

وتروح للمبنى التانى

ده مبنى ايه ده عشان انا تهت جدا

[eng/muhamad]

بطاقة الوالد واصل شهادة ميلاده
شهادة ميلاد الوالدة
شهادات ميلاد الاخوة والاخوات
بطاقتك الشخصية

المستندات دى كلها صور منها و لا اصل

[damasry]

ايه كل الورق و الاجراءات دى هو انا هحارب يعنى عشان اطلع ورقه اروح كام مبنى و كل الحوارت دى الله يمسيك بالخيير يا نظيف يا بتاع الحكومه الذكية

طلب ايه ؟ يعنى الطلب ده له صيغى معينه ولا ورقه معينه بشتريها ؟؟؟؟
و الدور التانى فين فى مبنى ايه ؟

ده مبنى ايه ده عشان انا تهت جدا

يا باشا انت لما بتدخل المبنى بتاع الاحوال المدنية اللى هو بعد المحكمة وليس المبنى بتاع بطاقة الرقم القومى.

المبنى ده لما بتدخله من بوابة الامن بيكون عبارة عن مبينيين، واحد يمين وواحد شمال، انت ها تدخل الشمال الاول وتطلع الدور الثانى والطلب بيكون عبارة عن استمارة بتشتريها

الصراحة انا مش فاكر الاجراءات كويس عشان انا كنت قاعد فى غرفة الظابط والورق خلص.

بس انا خدت الورق بعد الاستعلام ونزلت رحت للمبنى التانى اللى على اليمين وفى الدور الارضى عملت اللى قولتلك عليه فى المشاركة السابقة.

هو الموضوع كله مخدتش ربع ساعة بس هو لفة شوية.

المستندات دى كلها صور منها و لا اصل

الاصول للاطلاع

[أحمد كمال]

القيد العائلي بيطلع من اي سجل مدني مش لازم العباسية لانها زحمة هبل

[damasry]

خالص يا ابو كمال

لما رحت مكنش فيه زحمة خالص لانك مش بتعمله فى المبنى بتاع الرقم القومى

انا احتجت اطلع شهادة ميلاد للوالد وانا هناك ورحت المبنى القديم وقفت طوابييير

[A7MED_PHARMA]

فعلا

القيد العائلي من أي مكااااااااااان
مش لازم العباسية
لو كل واحد عاوز يعمل قيد راح العباسة.. هتبقا مصيبة

[engaass]

هو بالنسبة للفيش كان زحمة فعلا بس كان منظم والموضوع كله خد اقل من ساعة من 10 الى 11 صباحا