إزاي تأسيس شركة

[mailo]

زي العنوان كده إزاي تأسيس شركة فردية

يعني المفروض إيه الاجراءات اللي تتعمل من أول عقد ايجار الشقة ولسجل التجاري ولبطاقة الضريبية
ولكلام ده بياخد كام مصاريف وبيعد اد إيه وقت عشان يخلص

وفين السجل التجاري ومامورية الضرايب بتاع التجمع الأول أنا أسمع إنهم في مدينة نصر فين بقى ؟؟

آه المشكلة بقى إن العنوان ده شقة سكنية مش شركة
ومش هتتحول لمكتب يعني من الآخر الشركة ملهاش مكان

[Mshawky]

لازم عقد ايجار لمقر شقه مثلا ويكون العقد متاجر من المالك على انه مقر تجارى شركه ويذكر فيه النشاط
وتروح تسجله شهر عقارى
وبعدين تطلع سجل تجارى من الغرفه التجاريه
وبعد السجل تروح تطلع البطاقه الضريبيه او العكس مش فاكر بس الاتنين مرتبطين ببعض غالبا بتاخد جواب من الضرايب تفتح بيه السجل

ورخصه مزاوله النشاط حسب نشاطك بقا يعنى لو مكتب استشارات - عياده - شركه عقارات- استيراد وتصدير

كل نشاط وسحب شغله

[mailo]

لازم عقد ايجار لمقر شقه مثلا ويكون العقد متاجر من المالك على انه مقر تجارى شركه ويذكر فيه النشاط
وتروح تسجله شهر عقارى
وبعدين تطلع سجل تجارى من الغرفه التجاريه
وبعد السجل تروح تطلع البطاقه الضريبيه او العكس مش فاكر بس الاتنين مرتبطين ببعض غالبا بتاخد جواب من الضرايب تفتح بيه السجل

ورخصه مزاوله النشاط حسب نشاطك بقا يعنى لو مكتب استشارات - عياده - شركه عقارات- استيراد وتصدير

كل نشاط وسحب شغله

شكرا ياباشا على الرد

بس معلش هو إيه التسجيل فالشهر العقاري ده
يعني بعد ما اروح اسجل هاخد عقد تاني مسجل يعني

وإيه حكاية رخصة مزاولة المهنة دي وبتطلع منين

[Mshawky]

شكرا ياباشا على الرد

بس معلش هو إيه التسجيل فالشهر العقاري ده
يعني بعد ما اروح اسجل هاخد عقد تاني مسجل يعني

وإيه حكاية رخصة مزاولة المهنة دي وبتطلع منين

لا بيختمه على العقد ويوثوقوه ويمضو عليه بتاريخ حاجه اسمها اثبات تاريخ فى الشهر العقارى

[Fouad Ezz]

بعد إذن صاحب الموضوع .... أنا عندي نفس الإستفسار بس أنا عايز أعمل (دار نشر وتوزيع) ........
فهل يكتب كدة فى عقد الشقة؟ .... ولو محل ماذا يكتب بالعقد .... ولو الشقة تمليك ؟؟؟
وشكرا مقدما

[faraonco]

متابع ونفسي افتح شركه استورد بيها بضاعه لمحلي

[sha2e]

انا هتكلم على الاجراءات الى عملتها والخطوات بالترتيب فى م نصر وأظن التجمع تابع ليها
اول حاجه بتاخد عقد الايجار وتطلع بيه الشهر العقارى الموجود فى عمارات عثمان ( ش عباس العقاد قبل مصطفى النحاس) هتروح هناك توثق العقد
وبعدين تطلع بالعقد بعد ما يتختم ويفضل يكون معاك وصل نور - حتى لو مش بأسمك - على مصلحة الضرايب ( ش مكرم عبيد) هيعمل اتشك على الكمبيوتر ويتأكد ان المكان مش متسجل عندهم بأسم شركة تانيه وممكن يطلب انه يعمل معاينه على المقر
بعد ما تخلص كل حاجه شويه توقيعات وشوية رسوم بسيطه هتطلب انك تاخد جواب عشان تروح الغرفه التجاريه لانك بتستلم البطاقة الضريبيه بعد اسبوعين او تلاته تقريبا
تاني يوم تاخد الجواب بتاع الضرايب وتروح الغرف التجاريه ( فى باب اللوق بجوار ميدان التحرير ) هتحدد رأس مال الشركه وتدفع الرسوم وتاخد ترخيص مزاولة النشاط
تاخده تصوره وتطلع على السجل التجاري لو النشاط لازم موافقة امنيه هتسيب الصور وتفوت عليهم بعدها بشهر او شهر ونص تسأل لو النشاط مش بيتطلب موافقه امنيه اعتقد انك ممكن تاخد السجل التجاري فى نفس اليوم

تحياتي

[Mshawky]

متابع ونفسي افتح شركه استورد بيها بضاعه لمحلي

انت محلاتك شغاله فى مجال ايه وممكن نتعامل مع بعض

انا عندى شركه استيراد وتصدير كبيره الحمد لله ولو مجالك انا افهم فيه واقدر اساعدك فيه انا تحت امرك ومش هنختلف

[mailo]

انا هتكلم على الاجراءات الى عملتها والخطوات بالترتيب فى م نصر وأظن التجمع تابع ليها
اول حاجه بتاخد عقد الايجار وتطلع بيه الشهر العقارى الموجود فى عمارات عثمان ( ش عباس العقاد قبل مصطفى النحاس) هتروح هناك توثق العقد
وبعدين تطلع بالعقد بعد ما يتختم ويفضل يكون معاك وصل نور - حتى لو مش بأسمك - على مصلحة الضرايب ( ش مكرم عبيد) هيعمل اتشك على الكمبيوتر ويتأكد ان المكان مش متسجل عندهم بأسم شركة تانيه وممكن يطلب انه يعمل معاينه على المقر
إيه حكاية معينة المقر دي وإزاي اخلع منها ؟
وهيعينه إزاي يعني هيبقى عايز يشوف إيه
بعد ما تخلص كل حاجه شويه توقيعات وشوية رسوم بسيطه هتطلب انك تاخد جواب عشان تروح الغرفه التجاريه لانك بتستلم البطاقة الضريبيه بعد اسبوعين او تلاته تقريبا
تاني يوم تاخد الجواب بتاع الضرايب وتروح الغرف التجاريه ( فى باب اللوق بجوار ميدان التحرير ) هتحدد رأس مال الشركه وتدفع الرسوم وتاخد ترخيص مزاولة النشاط
إيه موضوع راس المال ده ؟
يعني هتفرق فالرسوم بس ولا إيه
وإيه اقل راس مال ممكن اسجله

تاخده تصوره وتطلع على السجل التجاري لو النشاط لازم موافقة امنيه هتسيب الصور وتفوت عليهم بعدها بشهر او شهر ونص تسأل لو النشاط مش بيتطلب موافقه امنيه اعتقد انك ممكن تاخد السجل التجاري فى نفس اليوم

تحياتي

1000 شكر على الرد والافادة الجامدة جدا
جزاك الله خيرا

[faraonco]

انت محلاتك شغاله فى مجال ايه وممكن نتعامل مع بعض

انا عندى شركه استيراد وتصدير كبيره الحمد لله ولو مجالك انا افهم فيه واقدر اساعدك فيه انا تحت امرك ومش هنختلف

شغالين في المنتجات الحريمي العاليه
يه صوره الموقع البولندي اما العربي شويه هيخلص
Biustonosze, Staniki, Bielizna Malinez. Sklep Malingerie4u

[sha2e]

بالنسبالي مجاش - بس الكلام ده كان من 5 سنين معرفش دلوقتى ايه ظروفهم - عموما المعاينه بتكون حاجه روتينيه عشان يعرف المكان يصلح كمشروع تجاري ويتأكد ان المكان موجود فعلا ومش لازم يكون المكان متجهز مجرد انه يتأكد انك مأجر المكان فعلا مش جايب عقد صوري

رأس مال الشركه الى انت بتكتبه بيتاخد عليه نسبة بسيطه جدا وبيتقسم على اساسه نوع المشروع سواء كبيره او متوسطه او صغيره او متناهية الصغر
أقل رأس مال مش فاكر 1000 ولا 10000
طبعا كل حاجه ليها ميزه وليها عيب لو كتبت رأس مال كبير اوي هيبقى المفروض انك تسدد ضرايب كتير لان رأس مالك كبير ولو كتبت رأس مال صغير اوي وبعد كده جيت تجدد الترخيص وتزود رأس المال الضرايب هتقولك الزياده دي مكسبك هات نصيبنا ولو مزودتش اعتقد انها فيها حوار برضو ويبقى تهرب
نصيحه أكتب رأس المال الفعلى عشان متدخلش فى حوارات