مشكلة أخلاقية... والرد فوراااااااااااااااااا

[A7MED_PHARMA]

السلام عليكم

.
مشكلة أخلاقية
.
واحد معرفة
فاتح صيدلية بإسم قريبته
هو مش صيدلي
فيه بيني وبين كلام بسيط
يعني ساعات بيسألني على أنواع دوا مش عارفها
أو يطلب مني نوع مش عنده
إلخ

مش أصدقاء

نصحته كام مرة
إنه مايبعش الهباب الأحمر للعيال الشمامة
لكنه مصمم على زيادة دخل الصيدلية بأي شكل

ربنا يعلم إني نصحته
المهم

جاتلي معلومة
إن متقدم ضده شكاوى في مديرية الصحة
تتهمه ببيع المخدرات للأطفال و...و.... إلخ

أعرفه ؟
ولا
ماعرفوش ؟


إلي قالي المعلومة دي
موظف في المديرية .. الموظف ده جاره
يعني لو عرفته.. هيعرف إن الموظف(جاره) كان عارف وماقلوش


.
أعمل إيه بقا ؟
=====


المشكلة التاني تخص نفس الموضوع

طبيب بشري معرفة
مراته صيدلانية .. وفاتحة صيدلية

مكتوب ضده وضد مراته شكوى بنفس المحتوى..
بيع مخدرات وخلافه
+
إتهام ليه بسرقة أصناف من المستشفى الي هوا شغال فيها علشان يوفر الأدوية دي في صيدلية مراته
بصراحة..صيدلية مراته فعلا فيها أصناف مش موجودة في السوق خالص
ماعرفش مصدرها.. وماقدرش أحكم على حد

الخبر برضوو أنا لسه عارفه النهاردة


أعرفه ؟؟
ولا
معرفوش ؟؟

[mobitic]

بلاش تعرفهم ... المفروض انهم عارفين ان ده غلط وبردو مستمرين يبقى خلاص كل واحد يستحمل نتيجة أفعاله.

[aif]

ولا كأنك عرفت حاجة
طالما بيبيع زفت ...... يبقى يتعاقب عن الزفت اللي بيبيعه
...
وعلى رأي الاستاذ الكبير اللنبي
....
واحد بيبيع ترامادول وتامول .... ح يتقدم فيه ايه يعني ... جواب شكر ؟؟؟
انسى وانت مرتاح الضمير
ده المفروض كنت انت بلغت عنه من الاول طالما عرفت انه ماشي شمال

[rompo10]

اعمل مش شايف

[Khaled Online]

انت بتجاوب نفسك بنفسك يا فارما
انت عارف هتعمل إيه من الأول، وإن كان على تأنيب ضمير من ناحيتهم فولا تحط في بالك.
هما مش أوراقهم محولة للمفتي مثلا...دي شكوى
لو كيدية، هيبان
ولو في محلها، يستحملوا

[A7MED_PHARMA]

الموضوع هيبقا مهين ليهم بشكل خرافي

شكاوى المخدرات في الصيدلية (حسب ماعرف) مش بينزل لهم تفتيش عادي
لا
بينزل لهم تفتيش + بوكس شرطة

تخيل بوكس شرطة .. واقف قدام صيدلية وواخدين الي واقف جوه يرموه في البوكس
ويشمعوها بالشمع الأحمـــر

تخيلوا السمعة
والدكتور البشري
تخيلوا الإهانة وشكله قدام الناس في بلده لو ثبت الموضوع ده عليه ؟

[aif]

الموضوع هيبقا مهين ليهم بشكل خرافي

شكاوى المخدرات في الصيدلية (حسب ماعرف) مش بينزل لهم تفتيش عادي
لا
بينزل لهم تفتيش + بوكس شرطة

تخيل بوكس شرطة .. واقف قدام صيدلية وواخدين الي واقف جوه يرموه في البوكس
ويشمعوها بالشمع الأحمـــر

تخيلوا السمعة
والدكتور البشري
تخيلوا الإهانة وشكله قدام الناس في بلده لو ثبت الموضوع ده عليه ؟

احمد
ده مش دكتور ولا صيدلي
ده ببساطة تاجر مخدرات لكن لابس شيك

[DreAmO]

دة المفروض انت اللي كنت تبلغ عنه من الأول

الناس بقت ماشيه سمبوكسات في الشوارع من البلاوي اللي بيتعاطوها ويخبطوا فينا احنا

[Khaled Online]

الموضوع هيبقا مهين ليهم بشكل خرافي

شكاوى المخدرات في الصيدلية (حسب ماعرف) مش بينزل لهم تفتيش عادي
لا
بينزل لهم تفتيش + بوكس شرطة

تخيل بوكس شرطة .. واقف قدام صيدلية وواخدين الي واقف جوه يرموه في البوكس
ويشمعوها بالشمع الأحمـــر

تخيلوا السمعة
والدكتور البشري
تخيلوا الإهانة وشكله قدام الناس في بلده لو ثبت الموضوع ده عليه ؟

نرجع تاني ونقول كل بني آدم مسئول عن أفعاله

وبعدين الإهانة دي لو فعلا هما فيهم الاتهامات دي، في الغالب هتحرمهم يرجعوا للمصايب دي تاني
وإن مكانشي كدة يبقى على الأقل الناس اللي حواليهم عرفت هما بيعملوا إيه وكفاية العقاب الأدبي اللي الناس هتوريهولهم

[DreAmO]

احمد
ده مش دكتور ولا صيدلي
ده ببساطة تاجر مخدرات لكن لابس شيك

تجار المخدرات اشيك .. تقصد تقول دة تاجر عن علم وشهادة

[bmya]

لو انت متأكد انه تاجر مخدرات سيبو يلبس ويستاهل اللي يجرا له

[masterzmind]

ولا كأنك عرفت حاجة
طالما بيبيع زفت ...... يبقى يتعاقب عن الزفت اللي بيبيعه
...
وعلى رأي الاستاذ الكبير اللنبي
....
واحد بيبيع ترامادول وتامول .... ح يتقدم فيه ايه يعني ... جواب شكر ؟؟؟
انسى وانت مرتاح الضمير
ده المفروض كنت انت بلغت عنه من الاول طالما عرفت انه ماشي شمال __________________

+++11111111111111

[wa7d]

يا راجل دا انت المفروض من الاول انت اللي كنت بلغت يا احمد مش تستني لما حد يقدم فيه شكوي , كفاية هما دول اللي خاربين البلد

[A7MED_PHARMA]

تمام

يعني أكبر دماغي... ويستاهلوا إلي يحصلهم


لله الأمـــر

[aif]

تجار المخدرات اشيك .. تقصد تقول دة تاجر عن علم وشهادة

بالظبط كدة
وده عقابه اكبر لأنه متعلم وفاهم واقسم قسم ابوقراط .... وهو اساسا مالوش علاقة بابوقراط .... ولا ابوقردان حتى