احــــذروا أســـــاور الطــــاقة

[mohammedabdallh]

احــــذروا أســـــاور الطــــاقة .. بها اشــــــعاع قـــــاتل
حذر مصدر مسئول بالطاقة الذرية من خطورة استخدام المواطنين لـ "الاساور" و"السلاسل" المستوردة من الخارج بزعم أنها تنظم طاقة الجسم وتعالج الروماتيزم مشيراً إلي أن عينات الاساور والسلاسل التي فحصتها وتعاملت معها الهيئة بالكشف الاشعاعي تبين احتواؤها علي مواد مشعة ونسبة اشعاع قاتل بها.
قال في تصريحات خاصة لـ "المساء" أن الهيئة أوصت كافة الجهات المختصة بعدم استيراد هذه الاساور أو السلاسل.


الخبر منقول والله اعلى واعلم

تحذير هام جدا لكل من يستخدم لـ الاساور والسلاسل المستوردة

[Khaled Online]

جزاك الله خيرا يا محمد باشا
بصراحة عمري ما ارتحت للحاجات دي. دايما بحس إن الموضوع فيه إن

[mody3on]

لا تشرب الدواء .. الدواء به سم قاتل
بص انا مش مقتنع بالكلام ده .. انا شايف انها ملهاش لازمة .. مش مفيدة وفي نفس الوقت مش مضرة .. واي حاجة بتطلع جديدة لازم نطلع عليها اختراعات انها قاتلة

[grand hand]

اشعاع قاتل!! استر يارب

[hosammoner]

حاجات ولا ليها اى لازمة كلها اشتغالات وخلاص

[sherif_m72]

انا من اللى انضحك عليهم فى الاساور والسلاسل وهيه اساسا ملهاش اى نتائج ومحستش باى تغيير ولا نشاط غير فى اول يومين وده كان تاثير وهمى
وشكرا على زيادة احساسى بالندم (ههههه)

[Mshawky]

الاساور او السلاسل مفيهاش غير ايونات فقط ولا فى اشعاعات ولا حاجه كله كلام وخلاص

بالنسبه للمنتجات ديه فيه منها فعلا الفعال وفي منه الاشتغالات وكله واضح فى السوق اادام الناس

لكن كل اوربا وامريكا بتستخدم المنتجات ديه بشراهه تجنبا لاستخدام اى مواد كيمائيه لزياده ادا الجسم

[SYD]

يا جماعة انتوا بتصدقوا !!!!!!!!

انا كل ما اقابل واحد الاقيه لابسها ويقولي كالتالي بالنص
" انا مكنتش في الأول مصدق زيك، بس لما اخويا خلاني البسها وعملت التمرين لقيتها فعلا بتجيب نتيجة"
التمرين بقي ازاي؟؟
تقف علي طرف صباعك الكبير بتاع رجلك اليمين وتفرض رجلك الشمال لورا لحد لما تلمس قفاك
التمرين التاني
تمسك رغيفين عيش وترجع ايدك لورا لحد لما يلمسوا بعض وطاااااخ تنفض الردة
التمرين التالت
تفضل تجري 3 ايام بدون توقف علي الصحراوي ومش هتحس بتعب ولا حتي هتنهج

كلها اشتغالااااااااااااااااااااااات للشباب يعيني

ويقولك بس جرب
طب بص
اعمل الحركة دي (ويقوم عملك حركة بهلوانية) من غير لما تلبسها، وجرب تعمل نفس الحركة (البهلوانية) بعد ماتلبسها

انا متهيألي لو حد واقف في بلكونة مثلا وشافنا بنعمل كدة هيقول علينا اتنين مجانين

ربنا يهدي الحال

سواء فيها اشعاعات او فيها حتي مخللات الحمد لله ماجبتهاش ومش هجيبها

شكرا علي نقل الموضوع

والله المستعان
،
،

[Amr Axel]

انا عمري ما اقتنعت بيها اساسا من ساعة ما طلعت من غير حاجة و دلوقتي كملت اشاعات بلاوي
و كله فرحان و لابسها كل ما اسأل حد يبني ايه لازمتها يقولي تنظيم الدورة الدموية و شوية هجس اقوله انزل امشي نص ساعة جسمك كله هيتظبط ان شاء الله
و اللي يقولك شغالة و جايبة معايا نتيجة يبقي مجرد تأثير بالايحاء و للأسف الناس متعرفش قوة العقل ممكن يخليك تحس انك في قمة نشاطك او قمة تعبك
انما تقنعني بالهجس ده مياكلش معايا
شكرا لنقلك الموضوع

[Mshawky]

اطلعوا على البحث ده الاول ياجماعه قبل الحكم بدون دليل لان فعلا الناس كلها بره شغاله بالمنتجات ديه جدا وجايبه نتيجه فعاله

واحنا كل كلامنا افتراضات بدون علم او بحث نقدر نحكم من خلاله


scalar=frequency+Energy.pdf

http://www.mediafire.com/?kdbp5zl4k0w4zo8

[mohammedabdallh]

تعرف ان العقل له دور كبير فى الموضوع ده بمعنى اصح الوهم
فى اواخر التسعينيات دكتور اثبت ان العقل لو لغيته واوهمته باى حاجه بياثر على الجسم تاثير ايجابى او سلبى بطريقه فظيعه
وكانت التجربه ان المريض يعمل عمليه من غير بنج والمريض صاحى ولكن دكتور امراض نفسيه كان قاعد بتكلم معاه والدكتور بيعمل العمليه عادى
المقصود هنا ان لو اوهمت العقل باى شى هيبقى له تاثير ايجابى او سلبى على الجسم
وفى الاول والاخر كل واحد حر فى نفسه وفلوسه

[Khaled Online]

تعرف ان العقل له دور كبير فى الموضوع ده بمعنى اصح الوهم
فى اواخر التسعينيات دكتور اثبت ان العقل لو لغيته واوهمته باى حاجه بياثر على الجسم تاثير ايجابى او سلبى بطريقه فظيعه
وكانت التجربه ان المريض يعمل عمليه من غير بنج والمريض صاحى ولكن دكتور امراض نفسيه كان قاعد بتكلم معاه والدكتور بيعمل العمليه عادى
المقصود هنا ان لو اوهمت العقل باى شى هيبقى له تاثير ايجابى او سلبى على الجسم
وفى الاول والاخر كل واحد حر فى نفسه وفلوسه

+1
وأجمل تعبير عن المعنى ده نلاقيه بشكل رائع في فيلم ( البيضة والحجر )

[mohammedabdallh]

+1
وأجمل تعبير عن المعنى ده نلاقيه بشكل رائع في فيلم ( البيضة والحجر )

نعم

[hosar]

بالفعل الناس شغالة بالمنتجات دى بس احنا شغاليين بالمضروب منها

[Mshawky]

بالفعل الناس شغالة بالمنتجات دى بس احنا شغاليين بالمضروب منها

الله ينور عليك

وده لنك للشركه فى امريكا وشارحين كل حاجه على السايت بشكل علمى جدا

احنا فعلا حقهم يقولو علينا شعب عالم تالت

Scalar Energy Worldwide