نقيب .. ملتحي

[أشرف العدوي]

أنا اسف اني خرجت عن الموضوع
بس كان قصدي
ان اللحية مش هي الي هتخليني احترمه
معاملته هي الي هتخليني احترمه
انا خايف اكون مش قادر اوصل وجهة نظري
انا مش ضد اللحية
بس لازم يكون على قدر مسئولية إطلاقها
ياريت اكون قدرت اوص قصدي

[أشرف العدوي]

مع احترامى لحضرتك و يمكن دى اول مره اشترك مع حضرتك فى موضوع


هو انا كمسلم و بصلى مش ممكن اعصى ربنا فى اى معصية .....

آه ممكن طبعا ...

طب لو عصيت ربنا فى ذنب معين و اطعته فى كل شىء ... مش ربنا هيحاسبنى على المعصية و آخد سيئات بقدر المعصية ,,, و هيحاسبنى على الطاعة و يدينى حسنات ....

ايوه متفقين ...

طيب ازاى اكون مسلم و بحب ربنا و اعصيه و اعمل ذنب معين ...... سبحان الله خلق الله الانسان ضعيفا و حبب اليه الشهوات .... و ربنا قدر لنا ان نعصيه باختيارنا و بعلمه سبحانه و تعالى لندعوه و يمن علينا بالتوبه و الرحمة و المغفرة ....... و المائكه فقط هم الخلق الذين لا يعصون الله ما أمرهم ...


نيجى للاخ الملتحى احتمال يكون حاجة من اتنين

الاول يكون نصاب و متستر باسم الدين و دا كأى نصاب فى الدنيا يتنكر ليحقق اغراضه من السرقة و النصب

الاحتمال التانى ان يكون ملتحى عملا بسنه النبى و امتثالا لامره باعفاء اللحية ...

بس زى اى بشر بيعصى ربنا و نفسه ضعيفة امام الشهوات

فهل نطالب من الملتحى ان يصبح كالملائكة و لا يعصى الله و لا يغش احد ( نتمنى ذلك و لكنه غير واقعى .........)

و ربنا هيجزيه بالحسنات عن اعمال الخير و منها اطلاق اللحية عملا بأمر النبى و هيجازيه بالسيئات عن المعاصى و المنكرات و النصب على البشر !!!

طيب نطلب منه يحلق لحيته علشان يعجب الناس ( يعنى واحد بيسرق و يصلى اقوله متصليش و خليك تسرق علشان تبقى حرامى صح ....!!!!!!!!! )


الاشكالية الوحيده هى كون الملتحى قدوة و المتوقع منه ان يكون مثالا لهدى النبى صلى الله عليه و سلم فى الشكل و فى المعامله

و المشكله الاكبر ان الملتحى بيكون تحت ميكروسكوب البشر و معمول عليه زوووم كبير قوى يعنى لو غلط غلطة بسيطة لا تغتفر ... يعنى الموقف اللى الاستاذ اشرف حكى عليه لو من شخص غير ملتحى كان سيتم سرده عادى خالص و ليس فيه تنفير من المصريين عموما او من المسلمين خصوصا و كونه شخص نصاب كغيره من النصابين .....

و لكن كونه ملتحى قد اثار حفيظة الاستاذ اشرف و شككه فى جميع الملتحين و كون ما يسمى بال stereotype او بالنمط ( اى ان كل الملتحين نصابين ) او تعميم ظاهرة النصب و الغش و الخداع على الملتحين عموما

و المشكله الاكبر زى موضوع الدال على الخير كفاعله و الدال على الشر اشد من فاعله ..... لانه كملتحى نصاب قد حقق نفورا شديدا من امثاله الملتحين و عقابه عند الله اظنه اشد من واحد مش ملتحى ... لانه سيعاقب على غشه للناس ( نصب او خديعة ) و سيعاقب على كونه قدوة منفرة لاهل الدين

و قلبت الحقيقة لتكون الاصل فى الملتحين هى الغش و الخديعة بدلا من كون الاصل ان دا شخص ملتحى عارف ربنا سيتقى الله و يصدق فى معاملته و يكون بتدينه قدوة و مثال للمسلم الملتزم




اقدر موقف الاستاذ اشرف و لكن اقول اللحية من الدين و ليست كل الدين من اعفاها سيجزى بنيته ( الاتباع طبعا ) لان فيه واحد مكسل يحلق و شايف شكله روش باللحية ...

و من اعفاها هو فى الاول و الآخر بشر يذنب و يطلب التوبه و المغفره من الله

و من اساء صورة الملتحين قطعا عقابه اكثر

و الله اسأل ان يحسن لنا اخلاقنا و ان نكون قدوة للمسلمين و ان يستر علينا فى الدنيا و الآخرة

متفق معاك
بس الي تحتيه خط
انا مش بسؤء صورة الملتحين و الله
انا بس حكيت واقع انا عشته
و حضرتك لو مكاني و خصوصاً في آخر تجربة الي انا عرضتها في الاول
و حسيت بالي انا حسيته
كنت قدرت توصل للي انا عايزة
انا مش قاصد اسوء صورة الملتحين أبداً و لكن الملتحين من هذه النوعيات هم من يسيؤن لأنفسهم و لا ابالغ لو قلت لكل المسلمين
علشان كدة قولت الدين معامله

[wassim_nasser]

بص يا عم احمد .. القصة كلها قصة نظام .. يعنى طالما انا دخلت سلك الشرطة والجيش وارتضيت بشروطهم و منها حلاقة اللحية يبقى اكمل للاخر .. لأن تربيتى للحية (انا باتكلم عن الجانب الدنيوى) يعتبر فى عرف الشرطه والجيش اخلال بالنظام .. ولو انا حابب اطلق لحيتى ومتشبث برأيى أوى يبقى اسيب شغلي واتفرغ لاطلاق اللحية .. وخد بالك ان حاجه زي دي هاتخل بالنظام جامد لأن كده هايبقى عندك ظابط جيش ملتحى و كله هايقول اشمعنا .. أما بالنسبه للجانب الدينى فاطلاق اللحية سنة يعنى من اتبعها اخد ثوابها ومن لم يتبعها لا ذنب عليه والاخ اشرف لخص الرغي كله ف كلمتين ( الدين .. معاملة)

[Egyzizo]

مرحبا بكم في شرطة النجدة ..


للظابط الملتحي اضغط واحد ..


للظابط الحليق إضغط اتنين ..


مع تمنياتنا بانفلات أمني ممتع

[nabaster]

مرحبا بكم في شرطة النجدة ..


للظابط الملتحي اضغط واحد ..


للظابط الحليق إضغط اتنين ..


مع تمنياتنا بانفلات أمني ممتع

نهكم وشخصنه ملهاش لازمه

ياريت نراعي بعض شويه

A.Yakout

[misoalex]

مع كامل احترامى هى مش حريه شخصيه خالص

والا حتلاقى ظباط رايحين الشغل بقفاطين ويقولك حريه شخصيه بقى ولو تقدر تتكلم وخد عندك بقى اللى حيحلق كابوريا واللى حيربى شعره مهى حتبقى بظرميط
واظن اصلا فى المؤسسه العسكريه مفيش حاجه اسمها حريه شخصيه فى القاموس بتاعهم
لما يبقى حر نفسه غير تابع لمؤسسه عسكريه يبقى له مطلق الحريه الشخصيه

معلش فيه حاجه اسمها كشف هيئه للوظيفه وشروط وهو اتقدم للكشف وهو حالق دقنه وعارف ان ده شرط من الشروط

عاوز تربيها يبقى انت كده اخليت بالشروط واترك وظيفتك

اظن الموضوع مفيهوش نقاش

اما عن الحرام والحلال فالاولى اانهم يحللو لقمتهم ويشتغلو ويرجعو الامن تانى واحترام الناس ليهم وبعد كده نبقى نتكلم فى تربيه الدقن

مهو فيه دقون كتير صينى وتايوانى فى البلد

[A7MED_PHARMA]

بص يا عم احمد .. القصة كلها قصة نظام .. يعنى طالما انا دخلت سلك الشرطة والجيش وارتضيت بشروطهم و منها حلاقة اللحية يبقى اكمل للاخر .. لأن تربيتى للحية (انا باتكلم عن الجانب الدنيوى) يعتبر فى عرف الشرطه والجيش اخلال بالنظام .. ولو انا حابب اطلق لحيتى ومتشبث برأيى أوى يبقى اسيب شغلي واتفرغ لاطلاق اللحية .. وخد بالك ان حاجه زي دي هاتخل بالنظام جامد لأن كده هايبقى عندك ظابط جيش ملتحى و كله هايقول اشمعنا .. أما بالنسبه للجانب الدينى فاطلاق اللحية سنة يعنى من اتبعها اخد ثوابها ومن لم يتبعها لا ذنب عليه والاخ اشرف لخص الرغي كله ف كلمتين ( الدين .. معاملة)

وسيم ياحبي
الشرطة .. عمل خدمي زي أي عمل آخر
عندك طبيب ملتحي.. وطبيب غير ملتحي ......إشمعنى ! ! !
عندك صيدلي ملتحي .. وصيدلي غير ملتحي ..... إشمعنى ! ! !

وعاوز أقولك
إن حلاقة الدقن في الجيش أو الشرطة .. تعليمات مش قانون
معنى الكلام
الظابط لو عاوز يسيب دقنه .. يسيبها إيه المشكلة ؟؟
يعني دقنه هتأثر على شخصيته إزاي ؟؟؟
الشخصية ثابته من الداخل مهما كان مظهرها الخارجي
طيب مثلا

الظابط الملتحي محل النقاش.. النقيب ده
لو حلق دقنه الصبح ... هيتحول مثلا يبقا واحد تاني
لا
هو هو نفس الظابط
مانسيبه بقا يعمل الي هو عاوزه

وحاجة أخرى .. ترك السنة تكون بإختيار .. ماتكونش أوامر عليا
فاهمني

يعني مايجيش واحد يقول خالفوا السنة .. ونقول أصلها سنة طالما ممكن تتساب... يبقا نسعم التعليمات

مرحبا بكم في شرطة النجدة ..


للظابط الملتحي اضغط واحد ..


للظابط الحليق إضغط اتنين ..


مع تمنياتنا بانفلات أمني ممتع

مش فاهم حضرتك
مال مظهر الظابط.. ومال الإنفلات الامني
؟؟؟

نهكم وشخصنه ملهاش لازمه

ياريت نراعي بعض شويه

a.yakout

ذلك الصوت القادم من أقاصي مصر الجنوبية .. أعرفه
هو صوت صديق
لم يدق باب بيتنا الكبير مذ حين

من هو ؟
من هو ؟

إن الياقوتي الصامت


صبح صبح

[Dr Ahmed]

اذا كانت اللحية عندكم عادة ولا تعبر عن أخلاق صاحبها (قاعدة معكوسة) ولا تعد دليل على الالتزام بالدين يبقى إيه الفرق بينها وبين الشنب؟
لو سمحتم لما نلاقى منع الشارب نبقى نمنع اللحية لإن برضه الظابط اللى بشنب ممكن يكون قاصد حاجات كتيرة بتربية شنبه وممكن ينحاز للشنبات فلازم نمنع الضباط من اللحية والشنب والتدخين والتميز بأى شئ يخل بال"الأمن"

[wassim_nasser]

ياعم احمد انا مش باتكلم عن علاقه الدقن بالشخصية .. انا باتكلم عن الانضباط .. و اديك قلت : طبيب ملتحى وطبيب غير ملتحى .. ليه؟ لأن حلاقه الدقن مش من شروط دخول الطب .. لكن ف الداخلية والحربية حلاقة الدقن من اصول الانضباط (هما شروطهم كده ) ومادمت انت ارتضيت بيها من الاول يبقى لما تيجى ف النص تتملص منها ده اسمه تهريج وعدم انضباط .. طيب ماهو برضه اللي اهله ليهم سوابق اجرامية أو كانوا مسجونين سياسين بيترفض .. ليه؟ عشان كده يبقى فيه احتمال انه يغلب أهواءه وانتماءه علي تعاملاته مع الناس وده ماينفعش لأن ظابط الشرطه مفروض يكون محايد .. وان كان عايز يتمسك بالسنة يبقى يجتهد ف شغله و يعيد الامن ف الشارع تانى بما يرضى الله .. افتكر ان الظابط اللي بدأ الموضوع ده من الشرقية .. طيب بص علي البلد عندك واتفرج .. بذمتك فيه محافظه فيها انفلات امنى اكتر من الشرقية؟ خلاص الظباط حلوا كل المشاكل وقبضوا علي البلطجية مش فاضل غير الدقن؟

[Dr Ahmed]

يا عم وسيم مش كل ما هنتكلم فى نقطة ييجى حد يقول بتتكلموا فيها ازاى من غير ما تحلو الأهم منها؟ يبقى مش هنتكلم فى أى حاجة...
فيه قواعد كتيرة فى ايام المخلوع محتاجة مراجعة .. امال الثورة قامت ليه؟ ومن القواعد دى الحرمان من حق إطلاق اللحية

[A7MED_PHARMA]

مع كامل احترامى هى مش حريه شخصيه خالص

والا حتلاقى ظباط رايحين الشغل بقفاطين ويقولك حريه شخصيه بقى ولو تقدر تتكلم وخد عندك بقى اللى حيحلق كابوريا واللى حيربى شعره مهى حتبقى بظرميط
واظن اصلا فى المؤسسه العسكريه مفيش حاجه اسمها حريه شخصيه فى القاموس بتاعهم
لما يبقى حر نفسه غير تابع لمؤسسه عسكريه يبقى له مطلق الحريه الشخصيه

معلش فيه حاجه اسمها كشف هيئه للوظيفه وشروط وهو اتقدم للكشف وهو حالق دقنه وعارف ان ده شرط من الشروط

عاوز تربيها يبقى انت كده اخليت بالشروط واترك وظيفتك

اظن الموضوع مفيهوش نقاش

اما عن الحرام والحلال فالاولى اانهم يحللو لقمتهم ويشتغلو ويرجعو الامن تانى واحترام الناس ليهم وبعد كده نبقى نتكلم فى تربيه الدقن

مهو فيه دقون كتير صينى وتايوانى فى البلد

ربي عيالك إنت وماتتكلمش في السياسة
صباح الفل يابونور

مش لدرجة القفطان يعني.. الزي الموحد ده جزء من القانون
إنما قولي
بس
إيه المشكلة الي هتحصل.. لو سابوا إلي يربي دقنه يربيها ..أو إلي يحلقها يحلقها..إلي يربي شنبه يربيه..إلي يحلق شنبه يحلقه زي مالدكتور أحمد ذكر لاحقا

اذا كانت اللحية عندكم عادة ولا تعبر عن أخلاق صاحبها (قاعدة معكوسة) ولا تعد دليل على الالتزام بالدين يبقى إيه الفرق بينها وبين الشنب؟
لو سمحتم لما نلاقى منع الشارب نبقى نمنع اللحية لإن برضه الظابط اللى بشنب ممكن يكون قاصد حاجات كتيرة بتربية شنبه وممكن ينحاز للشنبات فلازم نمنع الضباط من اللحية والشنب والتدخين والتميز بأى شئ يخل بال"الأمن"

تمام يادكتور

ياعم احمد انا مش باتكلم عن علاقه الدقن بالشخصية .. انا باتكلم عن الانضباط .. و اديك قلت : طبيب ملتحى وطبيب غير ملتحى .. ليه؟ لأن حلاقه الدقن مش من شروط دخول الطب .. لكن ف الداخلية والحربية حلاقة الدقن من اصول الانضباط (هما شروطهم كده ) ومادمت انت ارتضيت بيها من الاول يبقى لما تيجى ف النص تتملص منها ده اسمه تهريج وعدم انضباط .. طيب ماهو برضه اللي اهله ليهم سوابق اجرامية أو كانوا مسجونين سياسين بيترفض .. ليه؟ عشان كده يبقى فيه احتمال انه يغلب أهواءه وانتماءه علي تعاملاته مع الناس وده ماينفعش لأن ظابط الشرطه مفروض يكون محايد .. وان كان عايز يتمسك بالسنة يبقى يجتهد ف شغله و يعيد الامن ف الشارع تانى بما يرضى الله .. افتكر ان الظابط اللي بدأ الموضوع ده من الشرقية .. طيب بص علي البلد عندك واتفرج .. بذمتك فيه محافظه فيها انفلات امنى اكتر من الشرقية؟ خلاص الظباط حلوا كل المشاكل وقبضوا علي البلطجية مش فاضل غير الدقن؟

سومااااااا
مال الإنظباط ومال اللحية .. أو أي مظهر عموما بخلاف اللحية تحديدا
يعني مال الإنظباط..ومال السكسوكة مثلا ؟
مال الإنظباط.. ومال الظابط إلي بيعمل حواجبه فتلة مثلا هههههههههههههههه

يا عم وسيم مش كل ما هنتكلم فى نقطة ييجى حد يقول بتتكلموا فيها ازاى من غير ما تحلو الأهم منها؟ يبقى مش هنتكلم فى أى حاجة...
فيه قواعد كتيرة فى ايام المخلوع محتاجة مراجعة .. امال الثورة قامت ليه؟ ومن القواعد دى الحرمان من حق إطلاق اللحية

تمام


وأنا من هذا المزنق
أطالي
بمنع الكرش في الشرطة ....
مش كده أحسن بالله عليكم
أحسن مايعاقبوا الظباط إلي ربو دقونهم.. يروحوا يعاقبو الظباط المكرشين
أهو الكرش هو إلي بيخل بالامن .. وبيقلل من كفاءة الظابط فعليا .. مش الدقن وجودها من عدمه

[أشرف العدوي]

أبدت دار الإفتاء المصرية استياءها الشديد من حالة الجدل السائدة حول حكم إطلاق اللحية لبعض أفراد وزارة الداخلية، لافتة إلى ضرورة التزام المنتسبين للوزارة بقوانين العمل فيها، ومشددة على مراعاة أن تراجع الوزارة تلك القوانين خروجاً من الخلاف.
وبررت الفتوى استياءها بأن إثارة هذا الأمر من الخلافيات لا يجوز أن يأخذ حيزاً من الجهد المجتمعي في علاجه، مشيرة إلى ضرورة توجيه هذا الجهد إلى قضايا البناء والتنمية.. وما أكثرها في مجتمعنا.
جاء ذلك في رد دار الإفتاء عن مدى أحقية الجهات النظامية كالشرطة أو غيرها في إلزام أفرادها بعدم إطلاق لحاهم .
وفي تأصيلها الشرعي أشارت الفتوى إلى اختلاف الفقهاء في حكم إطلاق اللحية قديماً وحديثاً، لافتة إلى أن فريقا قال بأنها من سنن العادات وليست من الأمور التعبدية، وأن الأمر الوارد فيها ليس للوجوب ولا الاستحباب وإنما للإرشاد، وآخر قال بأنها من سنن الندب، وثالث قال بوجوب إطلاقها وحرمة حلقها أو قصها.
وعددت الفتوى بعض المصادر القديمة والحديثة التي اعتمدت عليها مشيرة إلى فتوى للشيخ محمود شلتوت وأخرى للشيخ محمد أبو زهرة.. والمفتَى به في مذهب الشافعي بكراهية الحلق لا بحرمته.
وعقبت الفتوى مؤكدة أن هذا الخلاف ينبغي أن تحكمه القواعد الفقهية المقررة من عدم الإنكار في المختلف فيه، ومن استحباب الخروج من الخلاف، ومن تأكيد الفقهاء على أن من ابتلي بشيء من الخلاف فله أن يقلد من أجاز من أهل العلم.
وبناء عليه أكدت الفتوى على ضرورة التزام الضباط وأفراد الداخلية بالتعليمات والقواعد المنظمة للعمل والعرف العام السائد داخل مؤسسات الدولة ما دام لا يتصادم مع ثابت من ثوابت الإسلام المتفق عليها.
وفي المقابل شددت الفتوى على النصح بمراجعة الداخلية للتعليمات والقواعد التي تم التعارف عليها داخل المؤسسة وصولاً إلى قواعد مرضية لكل الأطراف، خروجاً من هذا الخلاف.

اقرأ المقال الأصلي علي بوابة الوفد الاليكترونية الوفد - المفتى:حكم اللحية خلافى وقواعد العمل ملزمة

[MohssenRashed]

راي ان اللحية حرية شخصية و الشغل حرية شخصية.

يعني عايز تربي لحيتك و ده مرفوض في الشغل سيب الشغل و اعرف ناس كتير في بنوك و سابو الشغل عشان اللحية عشان في بنوك بتمنع الموضوع ده.

و للعلم في الجيش ناس متدينة جداااااا و بيحلق عشان ده قانون و تعليمات شغلة و في الجيش بيمشي قانون التوحيد الدقن محلوقة السوالف نفس الطول و الشعر.

[Egyzizo]

مش فاهم حضرتك
مال مظهر الظابط.. ومال الإنفلات الامني
؟؟؟

يعنى يشوفوا شغلهم الأول وبعدين يربوا حتى شعر قفاهم ..

[wassim_nasser]

الله يفتح عليك يا استاذ اشرف .. فعلا خير الكلام بريف ف رغيف .. تسلم ايدك