بتحلق بكام ياعم انت ؟

[DreAmO]

السلام عليكم ورحمة الله وبركاته

انا بحلق شعر فقط كل حوالي 25 يوم .. عند حلاق ماينفعش يحلق لبني ادمين .. ويتكلم في الموبيال وهو بيحلقلي .. ويقضي مشاوير ويرجعلي .. عادي عادي

رسم كاركتير للحلاق

ومعندوش اي امكانيات ومحله على اده اوي .. وكان صبي الحلاق اللي كنت بحلق عنده الاول

بس غصب عني مستحمله علشان جنب البيت .. وبنفس الوقت جربت غيره لقيت امكانيات ولطافه

وبخاخ الميه الحلو واخر روقان .. بس حلاقه مساجين

مشط للشعر و مقص

المهم .. بحلق شعري وفتله للوجه .. فقط لا غير .. بدون كريمات ولا غسيل ولا اي شىء اخر

وبديله 15 جنيه وحاسس انهم كتير عليه جدااا .. بس مش عارف بدهمله بردو كل مره

ودقني بحلقها في البيت .. عذاب

بس في النهايه ببقى كول
.
.
.
.
.
.
.

واحد كوول

انت بقى .. بتحلق بكام ؟

[yoko]

15 حلاقة فقط بس راجل كويس وهما 3 في المحل (ورقمه القياسي حلقلي في 4 دقائق)

[zangry]

انا اللى بروحله بياخد 10 جنيه وبيظبطنى وفى ناس بتاخد اقل من كده بكتير

[beshomilan]

15 جنيه وفل عليه رغم ان شعرى طويل وبيقعد يحلقلى ييجى ربع ساعة

[Lancer_EX]

دى فيين الأسعار ديه ؟؟ فى المعادى 25 جندى و 5 جنيه تيبس

انا اشتريت ماكنه باناسونيك حكايه وبقيت اعمل شعرى انضف واسرع

[yoko]

دى فيين الأسعار ديه ؟؟ فى المعادى 25 جندى و 5 جنيه تيبس

انا اشتريت ماكنه باناسونيك حكايه وبقيت اعمل شعرى انضف واسرع

انا 15 مصر الجديده وخالي برده ساكن معايا بس بيروح لواحد تاني 25

[mohamedbook]

انا مبحبش اروح عند حلقين خالص بصراحة بقرف منهم ومن حاجتهم
بقالي حوالي 12 سنة بحلق لنفسي
شاري ماكينة الماني ودرجات وبحلق لنفسي حلاقة روقان بالتدريج وبضبط كل حاجة بنفسي بس مش عشان الفلوس عشان الامراض
المرة الوحيده الي حلقت فيها من حوالي سنة كانت في مكة المكرمة حلقت زيروا عشان العمرة وكان الحلاق من بنجلاديش او من جنوب شرق اسيا مخدتش دماغي معاة حوالي 3 دقائق منزلش شعرايه واحده عليا ومحستش باي حاجة والعده الي معاة لاستعمال مرة واحده فقط لاغير

[AboELsoud]

15 جنيه برضه و محل نضيف بس بحس انه عايز اكتر بس عشان اعرفه و يعرفني بيتكسف يقول هات ازيد و انا مطنتش :)

[MTAK]

يعنى ايه حلاق
انا مسمعتش الكلمة دى من حوالى 7 سنين

الحمد لله على نعمته

[MNabeih]

بحلق ب 15 و 2 جنية تيبس للصبي
و لما ببقي رايق بديله خمساية

[DreAmO]

يعنى ايه حلاق
انا مسمعتش الكلمة دى من حوالى 7 سنين

الحمد لله على نعمته

شكلك من حزب القرع

[wa7d]

انا بحلق ب 10 جنية والحلاق تعبان بس الميزة انه فى نفس الشارع وبتصل بيه اشوفه فاضي ولا لا واظبط معاد علشان مش بحب القاعدة وبصراحة هو دا اللي ماسكني فيه , رحت عند حلاقين نضاف وفعلا لقيت شعري مظبوط اوي بس المشكلة بقي اني بقعد استني دوري بتاع ساعتين تلاته لما بكون جبت اخري

[shaddadfalcon1]

بحلق ب 10 شعر ودقن ومن ساعة مااعفيت لحيتي برده بديله ال 10 مع العلم اني مش بعمل اي حاجه غير االشهر يعني لا مساكات ولا فتله ولا اي حاجه خالص وكنت بحلق كل اسبوعين عشان شعري بيطول بسرعه

بس المره دي عملت رقم قياسي عشان قاعد في القاهره

بقالي 45 يوم محلقتش

الحلاق شاب صغير وبحلق عند اخوه من وانا في ثانوي ومن ستنين اخوه بدا يتاجر وابتدي اخوه ياخد مكانه ومن ساعتها وانا بحلق عنده

مشكلتي اني مستحيل احلق عند اي حد تاني

بس الواد ده بقي مظبتني وعارف مواعيد حلاقتي والاقيه يتصلي عليا لما يبقي المحل فاضي مثلا وممكن يجيلي البيت كمان ولما كنت اول مرتين تلاته احلق لابني كنت بروح اجيبه من البيت او المحل وكان بيقفله خالص ويجي يحلق لابني واروح اوصله تاني وهو برده اللي حلقلي في فرحي

[saadelden]

بروح عند حلاق صاحبي بحلق شعر و دقن و بتاع 8 ماسكات و بديله 25 جنيه :d

[zamalekwebas]

15 جنية ليا و 10 جنية لأحمد و محمد