سوني اريكسون و شويه نوكيات ارجو المساعده

[amir]

ممكن لو حد معاه سوني اريكسون p1 يقولي ايه رأيه فيه من نواحي الاستخدام و الزراير و هل هو فعلا بديل رخيص للنوكيا كوميونيكاتور ( خاصه ال e90 ابو سعر مبالغ فيه ده) و كمان انه من غير gps هل ده عامل فرق كبير ولا نادمان انك جبته؟
انا برضو بفكر في n73 بس مش مستريح ليه حاسس انه بلاستك في بلاستك زائد اني حاسس انه بطيء اوي
و فيه كمان نوكيا 6500 slide ده شكله عاجبني جدا بس من غير سمبيان , مجرد serious 40 وده مقلقني علشان خايف اشتريه و بعدين احتاج برامج و خلافه
و لو حد جرب سامسونج u700 ياريت يقولي ايه اخباره
و الاسعار اللي انا اعرفها هي كالتالي و ارجو التصحيح لو في غلط:
nokia n73 1775
nokia n 73 music edition 1999
nokia 6500 slide 1930
sonyericsson p1 2800
انا اسف اني حطيت الموضوع هنا بس نزلته في الاجتماعي من امبارح و 28 واحد شافوه و محدش رد عليا و انا مستعجل في الشراء و مش هينفع استني كتير
ياريت تساعدوني بخبرتكم

و شكرا

[SuMo]

ana m3rfsh 3'ir el-p1
w dah ghaz bgd to7fa
softwear hayl emkaniat gbara
wi-fi
bgd 7aga mn el-a7'r

[amir]

والله كتر خيرك بس انا عايز خبرتك في التعامل معاه لو كنت تمتلكه و ايه رائيك في الاوبشنز التانيه مع العلم اني من بعد ما دورت في النت مش مستريح لل n73 لانه عيبو البطء, و ال6500 سلايد عيبو انه محدود الامكانيات من ناحيه نظام التشغيل و من الاخر انا زهقت من موضوع الموبيل ده بس اعمل ايه لازم اشوف واحد ضروري و بصراحه مفيش حاجه من المتوفر في الاسواق دلوقتي داخل دماغي اللي ارسي عليه شكلا مش مناسب ليا مضمونا و هكذا فعايز اعرف رأي الناس يمكن اقتنع

[أبو عبدالله]

بص من الاخر سوني اريكسون لو مسكته مش هتغيره تاني

[amir]

ابو عبد الله نجم نجوم الدايهاتسو عموما و السيريون ,
انا عارف ان نوكيا دي حاجه كده bells and whistles و من زمان و انا مش ميال لنوكيا
siemens s35 siemens c35i siemens sx1
, بس دلوقتي انا عايز موبيل كويس و مهم عندي انه يكون robust & reliable فياريت لو كان السوني معاك تتكلم عنه اكتر خصوصا ان سعره عالي و مش رخيص يعني لو فيه اي مشكله في استخدامه او اي عيب فيه فهخسر جامد في بيعه و انت سيد العارفين نوكيا بيتباع علطول اي حاجه تانيه لاء, وعلي فكره كان معايا نوكيا 6630 و كان جميل بس بعته و لولا انه قدم و بقي مع اي عيل بمريله كنت اشتريته تاني

[boty50]

عزيزي

انا عندي سوني اريكسون P1 حاليا وهو اللي باستخدمة
طبعا تليفون تحفة بجد وشكلة ممتاز وكمان يعتمد عليه
السوفتوير بتاعة يعتمد علية وهو اول تليفون أستعملة
أقدر اجدد السوفتوير بتاعة من الكمبيوتر والأنترنت
للفيرموير الأحدث بدون اي مشاكل واكثر من مرة
والشركة صراحة متبعاة كويس بالبرامج

كمان تقدر تنزل سوفتوير لية تعمل انت بنفسك
الثيمز الخاصة بك وبتقدر توصل لكل شاشة وخط
وحرف في ششات التليفون

البطارية بتاعتة برضة ممتازة ووضوح الشاشة
جيد جدا وصوتة عالي واكسسواراتة علي الأنترنت
كتير وجبت منها شوية

اهم ميزة فية من وجهة نظري الشاشة اللمس
وهي بجد تحفة من بعد ماستخدمتها مابقيتش بحب
استعمل اي تليفون تاني بشاشة عادية
كمان ماتنساش الدخول علي الأنترنت
عن طريق WiFi من اي Hot spot في اي
كافية او حل أو مطار عن طريق مستعرض الأوبرا
المدمج بة

بينزل منة شكلين واحد بلوحة مفاتيح عربي خالص
وواحد تاني بلوحة مفاتيح انليزي ، ماتخافش لأن هو
فية لوحة مفاتيح عربي سوفت وير ممتازة تكتب بيها
اي رسايل او مستندات في اي وقت ، انا عندي الأنجليزي

العيوب :لم ألاحظ صراحة فية

[amir]

شكرا جزيلا للرد الوافي طمنتني. انا كل واحد اقوله علي السوني اريكسون ده و مميزاته يستني بعد مخلص كلام و يقولي هات نوكيا, حاجه تشل بس انت طمنتني , انا شوفت واحد مستعمل علي 2000 جنيه و لسه في الضامن فاضله 5 شهور بس و انا بجربه عمل كذا حركه مش تمام اولا الجهاز طفي لوحده قلت يمكن البطاريه فطلبت من صاحب المحل شاحن و وصلته و جيت اشغل تاني لقيت رساله تفيد ان الجهاز عمل ريستارت لتحسين العمل ثانيا و انا بقلب في الجهاز الشاشه عملت كذا مره زي التليفيزيونات القديمه لما الشاشه تروح و تيجي بسرعه
فده طبيعي ولا ممكن يكون عيب فيرموير؟ ولا ممكن يكون الجهاز بايظ؟؟؟؟
ارجو انك تعلق علي الكلام ده
و شكرا ليك مره تانيه

[boty50]

حكاية الريستارت دي
بتحصل فقط لما يكون فية سوفتوير مهنج
فالجهاز من ذكاء السوفتوير بتاعة بيعرف الموضوع
دة ويعمل ريستارت علشان يحل المشكلة ومايخليش
الجهاز يستنفذ البطارية بسرعة في اوامر معلقة
تشغل البروسيسور علي الفاضي

طبعا مش حاتقدر تتأكد من المشكلة دي الا لما
تطلب من صاحبة يعمل Reset للتليفون
علشان تتأكد من كل حاجة فية
وساعتها كمان حاتتأكد من موضوع الشاشة بالمرة

كمان ميزة نسيت اقولها في التليفون ان الذاكرة
المدمجة فية لتشغيل البرامج عالية جدا وهو مميز
في الحتة دي وهي 160 ميجابايت
يعني بتقدر تشغل البرامج اللي انت عايزها بدون
اي تحميل علي الجهاز ، وهو بيدعم تشغيل العديد
من البرامج بنفس الوقت وبيفضلوا مفتوحين وممكن
تتنقل بينهم بطرق عديده


كمان ميزة ان الجهاز دة بيصنف من أنواع التلفونات
بنظامالتشغيل الحديث UIQ3 وهو له مميزات عديدة
منها قوة الحماية ضد الفيروسات وكمان البرامج المضروبة
وغيرة كتير

[amir]

طيب سؤال كمان معلش
ايه اخبار الp1i مع ملفات ال pdf اصل ده مهم جدا بالنسبالي, انا شفت بوكيت بي سي مش فاكر موديله و كان فتح الملفات دي عليه (خصوصا اللي فيها صور) عمليه محبطه و ممله و مكانش ينفع تقرا الكتب الا لما تكبر الشاشه قوي و تقعد تتحرك يمين و شمال لكل صفحه

[boty50]

بيفتح الملفات عادي وقارء ال pdf
برضة مدمج من الشركة في نظام التشغيل
يعني اساسي فية
والشاشة طبعا واضحة وتقدر تخليها
portrait او landscape
حسب مانتا عايز وعرض الصفحة

علي فكرة انا من محترفي الطبخ والحلويات
واستخدمت الميزة دي في التليفون وحولت معظم
وصفات الطبخ بتاعتيالي pdf من داخل الأوفيس 2007
وحطيتهم علي التليفون ودي صور من تليفوني
توضحلك المطلوب زي مانتا شايف مفيش مشكلة
انك تشوف عربي جوه pdf وبراه كمان

[amir]

شكرا علي الافاده و كتر خيرك

[boty50]

[جمال]

انصحك بال سونى اريكسون بشدة
الاخ قال لك كل حاجة عنه تقريبا
انا باستعمل السونى اريكسون من زمان ولا استعمل غيرة, صيانته ممتازة و الدعم الفنى ممتاز, شكله شيك و غير متكرر فى كل يد
هيحتاج منك بعض الوقت للتعود على استخدامه
ال بى ون احدث مجموعة ال سمارت فون , فيه ال بى 5 هينزل قريبا جدا لو مش مستعجل
انا معايا ال بى 990 من سنه و نصف و ممتاز جدا معايا و منتظر نزول ال بى 5

[amir]

طيب ايه اخبار ميعاد النزول؟؟؟ اصل ده مهم جدا لتأثيره علي عامل السعر, دلوقتي زيرو ب 2800 و اكيد مش هبقي مبسوط لما تمنه ينزل بعد اسبوع( و علي فكره انا هادخل اشوف ال p5 ده بس اكيد هيبدء بسعر عالي جدا جدا) فشكلها كده هننزل نجيب اتنين p1 قريب :)

[talent]

يا جماعه هو جهاز السونى اريكسون ده يستاهل المبلغ ده
اصل انا كنت ناوى اجيب6120
بس بعد ال اتكتب بفكر فى ال p1