عايز اعرف ادفع كام للمحامي

[sas5]

والله ياباشا مش موضوع عامل نفسي باشا ولا حاجه بس انا من النوع اللي بينضحك عليا بسهوله قوي هههههههه والراجل البايع اصلا مدير مبيعات ومش سهل بس هو مش نصاب يعني هو راجل محترم بس انا برده مش هعرف اضمن ظروفي قوي وفي نفس الوقت انا اساسا دلوقتي عايش في القاهره لفتره قد تصل الي سنه ومش بنزل غير كل شهر مره ومش فاضي اعمل اي حاجه عشان كده كلفت المحامي اللي ههو ابن عمي يعني مش غريب يعملي الحاجات دي ولا كنت هفضل سايب الشقه باسم البايع القديم لحد دلوقتي

بس قولي بقي هو حضرتك لما عملت التوكيلات مين اللي دفع المصاريف انت ولا هو ولا مشاركه بينكم؟ عشان في حالتي انا اللي دفعت وغرمت يومها 420 جندي وكان هاين عليا اقوله مش عامل حاجه وتعالي انت بنفسك اعملي تنازل

لا طبعا مفيش 420 ولا حاجه على ما اتذكر 40 او 50 جنيها تقريبا وهو الذى دفعهم لانه هو الذى يعمل توكيل لى
وانا عملت توكيل للمحامى وتقريبا دفعت فى حدود 30 جنيها

لو حبيت الارقام بالضبط لما اذهب للمنزل اقول لك
ودفعت تامين للعداد 125 جنيها اثناء نقل العداد

[sas5]

عدم استلام الشقة بعد البيع خطر
ممكن تتباع لواحد تانى ويسدخل يستلمها قبلك
المياة
لو مش قاعد فيها
اخوه يتحملها بالكامل
ويدفع تأمين مقدم
وطبعا فهمه ان اخوه مش مجاملك فى البيع وانت كدة مجامل
الجيران لبعتيها برده

كلام مضبوط لان لديك عقد ابتدائى لايساوى اى شى فى نظر القانون
يعنى ممكن يكون فيه 20 عقد ابتدائى ووضع اليد هو سند الملكيه وعلى المتضرر اللجوء الى القضاء.
افصل الميه عن اخوه وخليه يروح يركب عداد لوحده ديه مفهاش مجاملات

[shaddadfalcon1]

لا طبعا مفيش 420 ولا حاجه على ما اتذكر 40 او 50 جنيها تقريبا وهو الذى دفعهم لانه هو الذى يعمل توكيل لى
وانا عملت توكيل للمحامى وتقريبا دفعت فى حدود 30 جنيها

لو حبيت الارقام بالضبط لما اذهب للمنزل اقول لك
ودفعت تامين للعداد 125 جنيها اثناء نقل العداد

ازاي ياباشا التوكيلات ب 30 جنيه ؟؟ انا عامل بنفسي توكيل للمحامي في الشهر العقاري ومكلفني حوالي 100 جنيه والبايع عمل توكيلات للمياه والكهربا والغاز وحاجه كمان مكلفين فعلا 420 جنيه

كلام مضبوط لان لديك عقد ابتدائى لايساوى اى شى فى نظر القانون
يعنى ممكن يكون فيه 20 عقد ابتدائى ووضع اليد هو سند الملكيه وعلى المتضرر اللجوء الى القضاء.
افصل الميه عن اخوه وخليه يروح يركب عداد لوحده ديه مفهاش مجاملات

فعلا انا غلطت اني اديته الفلوس ومستلمتش الشقه والحمد لله انه طلع راجل كويس بس برده حاسس اني اتساهلت معاه في حاجات كيير قوي
يعني لما المحامي قالي ان التكلفه بتاعة التوكيلات عدت ال 400 جنيه قلتله يدفعهمله ولما كلمه قاله متخليهوش يحك معايا في الحاجات البسيطه دي وعيب وبتاع والمحامي قالي ان المستفيد هو اللي بيدفع مش البايع لاني انا المستفيد بس انا كده سهلت عليه بدل ماكان هيتعطل كذا مره عشان يعملي تنازل رمي الموضوع عليا وانا اللي شلت الليله بكل التكلفه

انا اصلا سبتله الشقه 3 شهور قاعد فيها لحد ماعملنا العقد النهائي والتوكيل وصحابي فعلا اتخانقو معايا اني دفعت الفلوس من غير توكيل ولما قلتله قالي التوكيل لما تدفع بقية الفلوس

اللي غايظني اني كنت بدفع ايجار لشقتي ومش قاعد فيها يعني انا شهريا كنت بدفع 500 جنيه ايجار لشقه في نفس العماره بس مش قاعد فيها عشان انا في القاهره ومستنيه يطلع عشان انقل فيها العفش وطبعا هو دفعش مليم

بجد مخنوق قوي من الموضوع ده وحاسس اني مغفل واني كان المفروض اقف في الموضوع ده واخليه هو اللي يدفع حاجات كتيير وخصوصا انه هو اللي محتاجني عشان يبيع مش انا بس تقريبا انا اللي مش بتعمل بالساهل :(

مش عايز اقولكم الموضوع ده حازز في نفسيتي قد ايه ومخليني مخنوق من الشقه كلها ومش عايز ادخلها اصلا

[sas5]

ازاي ياباشا التوكيلات ب 30 جنيه ؟؟ انا عامل بنفسي توكيل للمحامي في الشهر العقاري ومكلفني حوالي 100 جنيه والبايع عمل توكيلات للمياه والكهربا والغاز وحاجه كمان مكلفين فعلا 420 جنيه





فعلا انا غلطت اني اديته الفلوس ومستلمتش الشقه والحمد لله انه طلع راجل كويس بس برده حاسس اني اتساهلت معاه في حاجات كيير قوي
يعني لما المحامي قالي ان التكلفه بتاعة التوكيلات عدت ال 400 جنيه قلتله يدفعهمله ولما كلمه قاله متخليهوش يحك معايا في الحاجات البسيطه دي وعيب وبتاع والمحامي قالي ان المستفيد هو اللي بيدفع مش البايع لاني انا المستفيد بس انا كده سهلت عليه بدل ماكان هيتعطل كذا مره عشان يعملي تنازل رمي الموضوع عليا وانا اللي شلت الليله بكل التكلفه

انا اصلا سبتله الشقه 3 شهور قاعد فيها لحد ماعملنا العقد النهائي والتوكيل وصحابي فعلا اتخانقو معايا اني دفعت الفلوس من غير توكيل ولما قلتله قالي التوكيل لما تدفع بقية الفلوس

اللي غايظني اني كنت بدفع ايجار لشقتي ومش قاعد فيها يعني انا شهريا كنت بدفع 500 جنيه ايجار لشقه في نفس العماره بس مش قاعد فيها عشان انا في القاهره ومستنيه يطلع عشان انقل فيها العفش وطبعا هو دفعش مليم

بجد مخنوق قوي من الموضوع ده وحاسس اني مغفل واني كان المفروض اقف في الموضوع ده واخليه هو اللي يدفع حاجات كتيير وخصوصا انه هو اللي محتاجني عشان يبيع مش انا بس تقريبا انا اللي مش بتعمل بالساهل :(

مش عايز اقولكم الموضوع ده حازز في نفسيتي قد ايه ومخليني مخنوق من الشقه كلها ومش عايز ادخلها اصلا

انت عارف ان السوق مريح فى جميع المجالات وبالتى كان ممكن تخليه يجرى وراك ويفضل يخفض السعر لانه مفيش شراء ولا بيع منذ الثوره اقصد الحركه خفيفه جدا.
والذى معه القرش يتعزز.
هذا الموضوع لغايه الصيف وتبدا الاسعار تعلى شويه بسب نزول المصريين من الخارج وانتخابات الرياسه.
انا كان امامى شقه متسجله ومتشطبه وكان طالب فيها قبل الثوره 450000 جنيها
صاحبها فضل ينزل فى سعرها لغايه 350000 جنيها ولاتجد من يشتريها
تشطيب هذا الشقه لوحده يكلف 100000 جنيها

[shaddadfalcon1]

انت عارف ان السوق مريح فى جميع المجالات وبالتى كان ممكن تخليه يجرى وراك ويفضل يخفض السعر لانه مفيش شراء ولا بيع منذ الثوره اقصد الحركه خفيفه جدا.
والذى معه القرش يتعزز.
هذا الموضوع لغايه الصيف وتبدا الاسعار تعلى شويه بسب نزول المصريين من الخارج وانتخابات الرياسه.
انا كان امامى شقه متسجله ومتشطبه وكان طالب فيها قبل الثوره 450000 جنيها
صاحبها فضل ينزل فى سعرها لغايه 350000 جنيها ولاتجد من يشتريها
تشطيب هذا الشقه لوحده يكلف 100000 جنيها

ماهو ده اللي خانقني
اني مش بعرف ابيع ولا اشتري وهو ماشاء الله عليه في الموضوع ده

هو كان عارض الشقه ب 130 وبالعافيه نزلت منها الفين جنيه كانه بيمن عليا بيهم مع ان الشقه لسه باقي عليها اقساط الغاز

يعني لما بفكر دلوقتي بقول انا كان ايه اللي حادفني عليه يعني وعلي فكره اخوه تحته علي طول كان عارض الشقه لفتره طويله بس علي 160 مش 130 وفي الأخر تقريبا ملقاش اللي يشتري وصرف نظر

ده غير ان مراتي كانت بتكلم جارتنا وجارتنا كانت مكلمه مراته وتقريبا كانو عايزين فيها 120 والراجل شكله رفع ل 130 علي اساس اني انزل ل 120 فلما لقاني لقطه فضل ماسك علي السعر لحد ماقلتله امين

بصراحه حاسس اني لو نفضتله وقلتله لا مش هشتري كان ممكن ينزل اكتر من كده واللي مخوفني اكتر ان تكون الشقه دلوقتي متجيبش السعر ده يبقي بدل احوش فلوسي في شقه اخسر فيها

انا مش بحب ينضحك عليا بس انا عندي مشكله اني مش بدور كتيير قبل مااشتري يعني قبل مااجر الشقه اللي في نفس العماره برده مدورتش وقبل ماشتري العربيه مدورتش ولا سالت وفي الأخر بتندم

خصوصا اني مش فاضي اعمل اي حاجه في الشقه وبالعافيه نقلت العفش وحتي الان لسه مخلصتش اجراءات النقل بتاعة العدادات والراجل كان مديني الورقه بتاعة شركة الكهرباء اللي بتقول انه خلاص سدد كل اللي عليه ومدتهاش للمحامي وفي الأخر ضاعت والمحامي بيقولي انها ضروريه وهيعمل مذكرة فقد بيها

حاسس اني مغفل ومضااااااااااااااااااااايق موووت بسبب الموضوع ده
نفس اروح ابيع الشقه حتي لو بنفس السعر واجيب حاجه تانيه ابقي مبسوط منها

عايز اعرف حاجه تانيه - دلوقتي المياه مش بتطلع غير بالموتور وانا مش مستريح للحكايه دي خالص لاني متعود ان المياه تبقي موجوده علي طول فلو حبيت اركب خزان مياه هيتكلف كام؟

[M.Elgergawy]

فعلا انا كنت شاري شقة في مطروح الصيف الماضي وعملت العقد عند محامي وطلب مني 300 ج وانا الصراحة استغربت من المبلغ حسيت انه كتير وقولتلوا كتير قاللي ما حضرتك شاري شقة بتمن وقدره يعني هو الموضوع استغلال مش اكتر وفاصلت معاه لغاية لما اديته 80 ج والصراحة هو قاللي على صيغة قانونية للتوكيل وقاللي كمان على تنازل العدادات ( مهم جدا جدا ) ولما روحت الشهر العقاري صاحب الشقة عملى التوكيلات ودفع تمنهم وانا دفعت تمن تنازل العدادات فقط وكان عليه مبلغ لصاحب العمارة فواتير مياه واسانسير وخصمتهم من الفلوس المتفق عليها ودفعتهم انا بنفسي لصاحب العمارة

[A.Saad]

انت فاضلك على الاستلام ايه

[shaddadfalcon1]

انا استلمت الشهر اللي فات خلاص وبخلص في اجراءات العدادات بس الفكره اني مش مرتاح ومضايق ومخنوق من ا لراجل ومن الشقه

مشكلتي اني مش بعرف ارد لاني مش اجتماعي قوي ولما يبقي في موقف كده مش بعرف ارد واقول ماشي وخلاص ولما اخلص المكامله الاقي نفسي عمال اكلم نفسي واقول انا ايه اللي خلاني اوافق

يعني اول مره لما اتفقنا علي السعر ومعاد الدفع كنا متفقين اني يادوب هسيبله مهله يطلع العفش
ولما رحت دفعت اول جزء وكتبت عقد ابتدائي قام قايل الباقي علي 6 شهور كويس؟ 7 ؟ ياعم 8 شهور ولا يهمك
قلتله ماشي قالي خلاص بعد 8 شهور تجيب بقية الفلوس وتستلم شقتك
انا ساعتها بلمت وكل اللي قلتله طيب افرض خلصت قبل كده ؟ كان المفروض اقوله لا معلش احنا متفقين اني استلم علي طول
يعني الباشا كان عايز يقعد فيها 8 شهور ببلاش وهو واخد فلوسها

فانا حاسس انه استغفلني واللي بياكدلي كده كلام الستات اللي كان مع مراته انهم كانو هسيبو الشقه علي طول ويقعدو عن مامته او حماته وكانو ناوين علي سعر 120 الف

فحاسس اني جتله لقطه وهو ماصدق وقع في واحد مش فاهم حاجه

[أبو صلاح]

ياباشا افرح بالشقة
كبر دماغك من البائع

[shaddadfalcon1]

اصلي كرهت البيع والشراء بسبب اني بثق في الناس وبقدرهم وفي الأخر بينضحك عليا

يعني انا المياه هقسمها مع اخوه وجالي فاتورة الغاز متاخره حاجه وتلاتين جنيه كنت هكلمه وقلت ياد مش مستاهله دوول تلاتين جنيه عمي
لقيته تاني يوم بيكلمني وبيقولي فاتورة المياه جت 27 جنيه وعايزني ادفعها

[أبو صلاح]

بص ياباشا ريح دماغك وانهي مواضيعك معاه تمام
وانشف معاه وكش فيه
هو ملوش عندك حاجة وانت مصلحتك معاه خلصت

بالنسبة للماتور مش فارق كتير
لو انت متفق معاه انه بتاعك كلمه فورا وقلوله الصبح هجيب سباك وافصل المياه واشغل الماتور ليه
لز انت مش متفق معاه على كده معلش تعالى على نفسك وهاتلك ماتور وركبه لشقتك
المهم علشان نفسيتك افصل نفسك عنه تماما

ياباشا انا لما اشتريت شقة في اسكندرية يقال عليها تشطيب كامل وجيت بدأت اشوف نواقصها ايه كسرت نصها وعيدته من تاني علشان مكانش عاجبني ومكانش ينفع

وشيلت السباكة كلها رميتها والكهرباء وركبت ماتور مياه رغم اني في اول بلكونة

بس بعد كده هتفرح بشقتك

[sha2e]

بلاش تأنب نفسك على حاجه حصلت وانتهت حاول انك تفرح بالشقه الجديده ومتخليش اى حاجه تانيه تعكنن عليك
وخد الامور ببساطه شويه يعنى مثلا السعر كان ممكن يبعها ب 120 وانت دفعت 128
يعنى الفرق 8 الاف جنيه حاول تخصم منهم 3 الاف جنيه تمن العدادات
يتفضل 5 الاف جنيه احسبهم انهم فرق الكاش لانه لو كان باع بـ 120 كان هيطلبهم كاش
قدر انه زود 5 الاف دول فرق الكاش على ما انت كملت الفلوس وخلاص


بصلها من زاويه انك الحمد لله دلوقتى جمدت حاجه وافرح بالشقة
ونصيحه حاول فى اى موضوع تبص من الزاويه الى تبسطك - الجانب المشرق زي ما بيقولو - مش من الزاويه الي تعكنن عليك عشان تقدر تعيش

تحياتي

[أحمد سيد]

مؤسسة محامى مصر للمحاماة والاستشارات القانونية نحن مؤسسة Lawyer Egypt Firm نتشرف بأن نقوم بتقديم كافة الاستشارات والاعمال القانونية فى كافة المنازعات المختلفة حيث أن مؤسسة محامى مصر مكتب محاماة متخصص فى كافة الامور والمنازعات القانونية المتعلقة بالشركات والهيئات والافراد سواء كانوا مصريين أو من الاخوة العرب أو من الجنسيات الاجنبية حيث يتمتع فريق المؤسسة بخبرة ودراية كبيرة فى المنازعات القانونية التى تخص الشركات أو الافراد كما تقوم مؤسسة Lawyer Egypt Firm بتمثيل موكليها أمام كافة جهات التحقيق والمحاكم المختلفة كما تقوم بتمثيل الشركات والافراد أمام كافة المصالح الحكومية مثل ( هيثة الاستثمار - هيئة التأمينات الاجتماعية - مكتب العمل - السجلات التجارية – الغرفة التجارية – مصلحة الجوزات والهجرة - التعامل مع الجهات الحكومية المختلفة لاستخراج التراخيص والتصاريح المختلفة . كما نقدم خدمة تأسيس الشركات سواء شركات الافراد أو شركات الاموال سواء للمصريين أو للمستثمرين العرب أو الاجانب . (( متخصصون فى قضايا العمال – تأسيس الشركات – كسب الجنسية – توثيق زواج الاجانب – قضايا ألاحوال الشخصية – قضايا التعويضات – قضايا المنازعات العقارية – التسجيل بالشهر العقارى- القضايا المدنية والتجارية )) للتواصل مع مؤسسة Lawyer Egypt Firm للاستشارات القانونية وأعمال المحاماة :- الموقع الاليكترونى الخاص بالمؤسسة www.LawyerEgypt.net العنوان : 26 عمارات بيتشو أمريكان سيتى – زهراء المعادى – القاهرة .


( مكتب محاماة فى مصر – مكتب محامى فى مصر - Lawyer In Egypt - Lawyer in cairo ) ( lawyer in Egypt – Lawyer in cairo - مكتب محاماة مصرى – مكتب محامى مصرى )