اتخنفت من TE data و بفكر احول اتصالات

[DreAmO]

البراوزنج دونلود ل كود HTML و شوية صور ...الخ
يعني كله دونلود
و ال خلا الشركة بتاعة IDM تنزل على كذا بورت اكيد هما مش احسن من MS او جوجل دا مبدئيا
ثانيا موضوع التجزيء مش كذا بورت و الكلام دا في كله مش في اي دي ام بس و حسب الموقع ال انت بتنزل منه , بس انت بتشوفه في اي دي ام عشان بيبان قدامك مش اكتر و في اكتر من طريقة للتاكد لو حضرتك عندك انترنت اكسبلولر قديم هتلاقيه بيحمل من الاول للاخر لما يخلص او هيعد فترة كبيرة في اخر كام كيلو بايت


انا دارس Networking و معظم الحاجات دي درستها و عارف ماشية ازاي

كلام حضرتك مظبوط .. وكلامي مظبوط .. احنا متفقين مش مختلفين

شركة ميكروسوفت وجوجل شركات عملاقه طبعاً .. بس الحكايه مش بتتحسب كدة

ممكن ارد عليك وقولك طب ليه ميكروسوفت ماخلتش الويندوز يفك ملفات الوين رار

او ليه ماخلتش نظام الضغط اللي فيها بتاع الملفات فيه امكانيه تجزئة الملفات .. الخ

الفكره ان دة نظام تشغيل بالاساس .. ولازم الشركة تسيب شغلانه لباقي الشركات تاكل منها عيش

وكمان دي تخصصات .. والشركة صاحبه برنامج انترنت دون لود مانجر ملهاش شغلانه غير البرنامج دة وتطويره

وعلى فكرة تحميل ملف بالمتصفح مش علشان في الاخر بيحمل من جديد بطريقه سريعه يبقى هو كدة بيجمع اجزاء الملف .. لاا

الحكايه دي بتحصل مع المتصفحات الجديدة مش شرط القديمه .. لو الملف حجمه بالجيجا

وهو بيجمع الملف فعلاً من حاله السيستم لحاله ملف .. وتشوفه ظهرلك في المكان اللي بتحمل عليه زي الديسك توب مثلا

وعلشان تتأكد من حكايه البورتات وتجزئه الملف على الدون لود مانجر .. وتقتنع ان الحكايه تعدد بورتات

حضرتك بس اعمل التجربه دي .. وانت ان شاء الله هتقتنع

1- اعمل التجربه في الوقت اللي بيكون فيه النت عليه ضغط ( يعني 9 بالليل مثلاً )

2- ادخل على العاب ياهو .. وحمل ملف بالاكسبلورر عادي ( بدون دون لود مانجر )

3- انتظر دقيقه علشان الريت يستقر .. سجل ريت التحميل .. وكنسل الملف وكرر التحميل علشان تتأكد من الريت

4- فعل التحميل عن طريق الدون لود مانجر .. وادخل على اوبشن البرنامج واختار عدد منافذ التحميل تكون منفذ واحد فقط ( انت عندك الاختيارات من 1 : 16 منفذ )

5- اعمل دون لود لنفس الملف بالانترنت دون لود مانجر وهو مظبوط على منفذ واحد فقط للتحميل

6- كنسل التحميل وادخل عدل المنافذ وخليها منفذين او اربعه وجرب .. وشوف فرق ريت التحميل

وزي ماقولت لحضرتك في تفاصيل كتير مش عايز ادخل فيها

والدراسه كويسه .. لكن الواقع والتجربه العمليه هي المكمل الاكبر للدراسه

بالتوفيق

[aly_hosny]

جربت التحميل دلوقتي على بورت 1 السرعة 128 كيلو بايت في الثانية و البراوزنج تمام و الفيديوهات على 360 مبتقطعش
التحميل بالدونلودر بتاع جوجل كروم ب 118 و انترنت اكسبلولر ب 100 كيلو بايت الساعة 2 مساءا


حضرتك ممكن تكون رابط حاجة غلط بس الدونلود مانجر افضل عشان بيدي الداتا بتاعته بريورتي عالية او بالمعنى الدارج بيسحب السرعة
انما الباقي بيديها بريورتي طبيعي بيخليها تستنى دورها الطبيعي و دا السبب انك لو فاتح اتنين دونلود واحد باي برنامج تعبان و التاني بال اي دي ام هتلاقي السرعة معظمها في الاي دي ام
و دا ال التورنت بيعمله في الباقي كله و بيخلي النت بيزحف
لو انت جربت تنزل حاجة بالدونلودر العادي و تفتح اي سايت هتلاقي سرعته نزلت اوي و بعدين رجعت تاني
لو عملت كدا مع الاي دي ام هتلاقي الموقع بياخد وقت شوية على ما يفتح و السرعة بتقل حاجة بسيطة اوي في الاي دي ام
لو عملت كدا مع التورنت هتلاقي السرعة مبتفرقش والموقع ممكن ميفتحش او يفتح بعد فترة طويلة اوي

[hossam_elwani]

ده يا باشا بيكون عاملين limit لسرعة اليوتيوب في السنترالات المخنوقة لأنه بيستهلك معظم الbandwidth
ممكن تثبت ده بسهولة بأي برامج bandwidth manager

ياريت رابط البرنامج المذكور وطريقة استخدامه

[tamerosman]

اكشفت ان TE data بتلاعبنى : انا مشترك فى باقة optimum ب 85 جنيه سرعة 512 و 5GB استخدام

السرعة عندى نزلت قمت كلمت خدمة العملاء ن الموظف قالى انت خلصت ال 5GB بتوعك !!! و علشان كده السرعة نزلت قلتله ازاى انا مش باعمل اى دونلود ..... مجرد بروسنج

قمت رايح مقدم طلب الغاء اشتراك .... لقيت السرعة رجعت و كلمونى قالولى ايه المشكلة .... قولتلهم موظف خدعة العملاء قالى ال 5 جيجا خلصم.......... قالو لى ازاى ..... انت استهلكت بس 2 جيجا و كله فل و زعلان ليه !!!!!!!! قلتلهم امال الموظف ده مش شغال عندكم !!!!!!!!!! و لا شغال فى شركة الميه ، ردهم : محدش عندنا قال كده ، قلتلهم : ارجعو لتسجيل المكالمات .... قالو طيب الموظف غلطان و هياخد جزاء

بصراحة عالم نصابين ........

شعار TE DATA : اقوى خدعة عملاء فى مصر