إعـــــــلان

Collapse

.

,
See more
See less

عاوز نصيحتكم فى شغلى الجديد

Collapse
X
 
  • Filter
  • الوقت
  • Show
Clear All
new posts

  • عاوز نصيحتكم فى شغلى الجديد

    السلام عليكم ورحمه الله وبركاته
    انا عاوز آخد رأيكم فى موضوع محيرنى جدا
    انا اتخرجت السنه دى دفعه 2011 " كليه فنون تطبيقيه "
    اشتغلت من شهر ونصف فى مصنع منسوجات
    طبعا دى اول تجربه شغل لى فى مجالى فكانت مختلفه لانى اتعلمت كتير منها
    تعاملى مع مدير المصنع مباشره
    وهو فى اول اسبوعين خلانى اعرف نظام المصنع والمنتجات اللى بتتعمل وطريقه تصنيعها وانواع الماكينات
    والحمد لله الراجل انبسطت جدا منى لانى والحمد لله لميت الموضوع وفهمته كويس
    ابتدى يكلفنى بشغل ولاقنى كويس وفاهم
    بس من 3 اسابيع قالى انا عاوزك تمسك قسمه التعبئه " packaging " لانه عاوز يزود انتاجيته عن اللى موجود وشايفنى مناسب
    انا قلت انى هبقى زى مراقب او كدا لان دى وظيفه مدير عمال مش وظيفه مهندس
    انما للاسف انا دا 3 اسبوع لى فى القسم دا ومش مرتاح اطلاقا والانتاج هو هو مزدش ويمكن اقل كمان
    لان انا ممكن مثلا اعرف عيب او اتنين فى السيستم بتاع الشغل واصلحه انما بالمنظر دا انا مش عاف اطبق النظام اللى انا عاوز احطه وفى نفس الوقت مش عارف اشتغل بطريقتهم

    انا بكره هروح اكلمه لانى مش هعرف استمر بالمنظر دا اطلاقا
    فعاوز آخد رايكم
    مع العلم انى مش بتبطر على الشغل والله
    مع ان المصنع بعيد على يعنى ساعتين ونص موصلات كل يوم والمرتب تعبااان فححت بس انا عاوز آخد خبره فى مجالى
    [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

    -- اللهم ارزقنيها --
    [/COLOR][/SIZE][/CENTER]

  • #2
    ممكن تشرح شوية ايه المشكلة فى قسم التعبئة
    محمد مصطفى

    Comment


    • #3
      المشكله بكل بساطه
      ان انا المفترض كواحد مهندس مش وظيفتى انى اوزع على العمال الشغل اللى هيتعبى كل 5 دقايق وانى انا اللى اديهم متطلبات التعبئه دى بنفسى برده
      وانى انا اللى اراقبهم انهم يشتغلوا وميتكلموش مع بعض مثلا
      الكلام دا اعتقد انه يقوم بيه مشرف عمال مش مهندس!
      [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

      -- اللهم ارزقنيها --
      [/COLOR][/SIZE][/CENTER]

      Comment


      • #4
        هاقولك على حاجة انا محاسب اصىلا وشغال مشرف جودة فى مصنع ملابس جاهزة بشتغل كل حاجة من مكوجى الى عامل تعبئة مفيش مشاكل طول ما المرتب شغال اخر الشهر ومحدش بيقل منى طبعا وليا احترامى
        انا شايف انك اخد الموضع بحساسية شوية حاول تتعود على نظام الشغل فى المصانع ده حال القطاع الخاص عندنا
        سمك لبن تمر هندى شغال مهندس ممكن تشتغل عامل تعبئة عادى ما هو ايه اللى رماك على المر
        ده الواقع المر اللى اللواحد بيحاول يطبع منه بقاله اكتر من 6 سنين مش عارف بس لازم يكون عندك يقين انها هاتفرج فى الاخر هاتتعب شوية فى الاول بس ان شاء الله هايتصلح الحال
        محمد مصطفى

        Comment


        • #5
          بص حضرتك هو الحاله الاقتصاديه اليومين فى الضياع زى ما انت عارف بس انت ممكن تعمل حاجه كويسه و هى انك تستمر فى الشغل و تستحمل و فى نفس الوقت تدور على فرصه عمل فى مكان تانى و اذا ربنا كرمك و لقيت ابقى اتكلم مع صاحب المصنع ان الوظيفه مش مناسبه و اذا كان فى امكانيه لتغييرها فاذا وافق كان بها و اذا لم يوافق يبقى تتوكل على الله و تروح الوظيفه التانيه و كده تبقى فى الامان علشان لا تعرض نفسك انك تقوله الشغل مش عاجبنى فيقولك هو ده اللى عندى فيبقى منظرك وحش و ساعتها يا اما تقبل غصب عنك او تستقيل و تقعد فى البيت لحد ما تلاقى حاجه تانيه

          Comment


          • #6
            بص ياسيدى انت تقدر تعمل من شغلتك اهم شغلة فى المصنع ازى اهتميت بيها وطورت فيها وبفكرك هترغم صاحب المصنع انك تمسك المكان اللى انت عايزة وتبقى الكل فى الكل بص انا عايزك تبص لشغلك بمنظور جديد وامسك ورقة وقلم بص قى كل مكان واكتب ملاحظاتك شوف ايه المشكلة اللى بتقبيلك وافترض كل القروض لحلها وامسك فرض فرض ناقشة واستبعد منه المستحيل الحدوث هتلاقى فى الاخر معاك كام حل كويس اشتغل على المكان ممكن تعيد ترتيبة ازاى للوصول لانسب طريقة مريحة للعمل وامان للعمال اهتم بالعنصر البشرى اللى معاك اتكلم معاهم وفهمهم اهمية شغلهم واتناقش معاهم فى اللى عنده فكرة للتطوير او الترتيب او التوفير هتلاقى افكار كويسة وهيحسوا انهم مش مكن انهم ليهم راىء احساس بالملكية فى مكانهم دى باختصار الطريقة اللى كنا بنشتغل بيها فى بروكتر وجامبل مصر وبصراحة استفدت من النظم بتاعتهم فى حياتى جدا الخلاصة انت تقدر تعمل من شغلتك اهم شغلة فى المكان

            Comment


            • #7
              معلش يعني مع احترامي لحضرتك ولكل الكلام اللي قلته...بس مين قالك ان حضرتك مهندس !!!!!!!!!!

              Comment


              • #8
                قسم نسيج وطباعه فى فنون تطبيقيه تابعين لنقابه المهندسين وواخدين لقب مهندس

                Comment


                • #9
                  اها اول مرة اعرف المعلومة دي :) ...

                  Comment


                  • #10
                    يعنى درست خمس سنين؟؟ و معاك كارنيه نقابه المهندسين؟
                    مصر هتفضل غالية عليا
                    -------------------------------
                    الديك الحلبي هايفضل يدن لغاية ما يتدبح

                    Comment


                    • #11
                      ياجماعة التفكير بتاع النقابة والكارنية دة ولقب مهندس وكميائى ودكتور وغفير كنت بفكرة فى ثانوية عامة

                      لكن الحياة والواقع غير كدة خالص
                      بدون الخوض فى جدال الالقاب العقيم جداااا الراجل عندة مشكلة وعاوز يحلها

                      انا بالنسبالى احب اقول لحضرتك ان التعبئة والتغليف قسم مهم جداااا جداااا جدااا ومش مجرد اكياس وصناديق ومرتبط ارتباط وثيق جدااابالتسويق

                      لان عشان تسوق وتبيع كويس لازم يكون تغليفك على الاقل محترم
                      لكن فى اساليب تغليف ثورية وجديدة تماما وفعلا عبقرية ودى بتدى دفعة غير عادية للمنتج

                      بدعوك انك تدخل على جوجل وتعمل سيرش على اساليب التغليف غير التقليدية اكيد هتنبهر وهتلاقى مجال غير محدود وغير عادى

                      وبالنسبة لشغلك انتا ممكن تكون ذكى زى مثلا تكلف واحد من العمال القدامى ان يكون مشرف على الباقى
                      وتشوف انتا المشاكل وازاى تتحل وزاى تطور من التغليف وتقلل التكلفة اللى مش بسيطة فى بعض الصناعات

                      حتى لو صاحب المصنع ماأخدش بافكارك اكيد فى حد تانى محتاج خبرتك وافكارك ودة اللى بيخليلك تمن فى سوق العمل
                      وشكرااااااااا
                      [I]قد تعلمت الصمت من الثرثار .والتساهل من المتعصب .واللطف من الغليظ...
                      والاغرب انني لا اعترف بجميل هؤلاء المعلمين !![/I]

                      Comment


                      • #12
                        اللى اعرفه فى العموم
                        اشتغل لغاية ماتلاقى حاجه احسن
                        مصر هتفضل غالية عليا
                        -------------------------------
                        الديك الحلبي هايفضل يدن لغاية ما يتدبح

                        Comment


                        • #13
                          السلام عليكم ورحمة الله وبركاته ...
                          اخى الكريم صاحب الشغل بيقولك انه شايف انك احسن واحد للمكان ده ..
                          حاجة من الاثنين :
                          1) اما انه مش عايزك وبيخنق عليك علشان تسيب الشغل ...
                          2) يااما العكس وفعلا هو شايف انك امين وقيادى والقسم ده حاسس انه هيتطور على ايدك ...
                          وانت اكتر واحد هتحس صاحب الشغل انهى واحد فى الاثنين...
                          وعموما نصيحتى ليك فى الحالتين تصبر وتشتغل زى ماانت وتعطى اقصى ما عندك وتراعى ربنا وضميرك فى شغلك ...
                          وفى نفس الوقت تدور على شغل تانى ولو ربنا وفقك فى حاجة تانية قارن بين الاثنين والانسبلك اشتغل فيه ...
                          وربنا يوفقك للى فيه خير ليك ان شاء الله ..
                          [FONT=Lucida Console]لا تحزن .. فرزقك مقسوم .. وقدرك محسوم.. واحوال الدنيا .. لا تستحق الهموم .. لانها لا تدوم[/FONT]

                          Comment


                          • #14
                            المشاركة الأصلية كتبت بواسطة hazemhany مشاهدة المشاركة
                            معلش يعني مع احترامي لحضرتك ولكل الكلام اللي قلته...بس مين قالك ان حضرتك مهندس !!!!!!!!!!
                            الواقع
                            انا مصمم
                            مش مهندس
                            اعتقد الفرق واضح ,, انا درست 5 سنين


                            عموما الحمد لله انا انتقلت من القسم دا بناء على طلبى ورحت قسم العينات
                            مع ان وانا بتكلم مع مدير المصنع كان زعلان ,,وبيقولى ان الناس القديمه الى عنده عاوز يعمل فيهم زى اعلان " انسف حمامك القديم :d " لان اى حد كويس بيجى المصنع بيمشى علطول بسببهم
                            [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

                            -- اللهم ارزقنيها --
                            [/COLOR][/SIZE][/CENTER]

                            Comment

                            Working...
                            X