سامسونج جلاكسي نوت بسعر محصلش

[ابو سيف]

السلام عليكم

يا جماعه انا شوفت الاوفر دلوقتي و قولت افيد الاعضاء هنا
العرض هينزل بكره من موقع سوق المعروف
جلاكسي نوت ب 2980 جنيه !!!
معنديش اي معلومات غير ان العلبه متبرشمه و اكيد مش ضمان محلي و لكن ضمان سوق كوم لمدة سنه كامله لكن معنديش اي معلومات صناعه ايه او انهي نسخه بالظبط

انا شايف انه سعر خرافي فعلا لو مفيش ان في النص فقولت افيد اخوانا هنا في المنتدى عشان اللى بيفكر في جهاز هيوفر كتير اوي بالعرض دا
بالتوفيق يا شباب و لو فيه اي حد عنده تعليق يا ريت بردو يقول
عشان انا ناوي اشتريه بكره ان شاء الله

[Mzeid]

و أنا إن شاء الله ناوي عليه

و عندي ثقة شوية في الموقع علشان واحد صاحبي كان بيشتري منه في الأردن و كمان عندهم 3 طرق للدفع من ضمنها الدفع عند الاستلام فلو الموبايل فيه حاجة او لو لقيته مستعمل ( مع طلبت سألت و موظف خدمة العملاء قالي انه جديد ) او ملعوب فيه هرفض استلمه طبعا إن شاء الله

و عندهم توصيل لأي مكان بتكلفة 15 جنيه فقط

[mailo]

السعر ده فودافون منزلاة بيه ل فودافون 1

[LanCeLoT]

السعر ده فودافون منزلاة بيه ل فودافون 1

فين الكلام ده يا باشا .. يا ريت اللينك

[Mzeid]

السعر ده فودافون منزلاة بيه ل فودافون 1

مش نازل على الماركت عندهم

[mailo]

فين الكلام ده يا باشا .. يا ريت اللينك

مش نازل على الماركت عندهم

والله أنا دخلت على سايت فودافون مالقيتش حاجة
بس واحد قريبي كلمني يوم الجمعة اللي فاتت وقال لي لو عايزه اجيبهولك
بس أنا لسة ماقنعتش

[Mzeid]

والله أنا دخلت على سايت فودافون مالقيتش حاجة
بس واحد قريبي كلمني يوم الجمعة اللي فاتت وقال لي لو عايزه اجيبهولك
بس أنا لسة ماقنعتش

و متأكد أنه النوت ؟

والله كويس كدة الواحد اطمن شوية من موقع سوق

طيب ممكن طلب صغير من حضرتك ؟
ممكن تسأل قريبك يعرف اذا كان في شحنة دخلت مصر معيوبة او فيها مشكلة علشان نعرف بس هو الجهاز نازل بالسعر دة ليه ؟

[LanCeLoT]

والله أنا دخلت على سايت فودافون مالقيتش حاجة
بس واحد قريبي كلمني يوم الجمعة اللي فاتت وقال لي لو عايزه اجيبهولك
بس أنا لسة ماقنعتش

مش فاهم يعني قريب حضرت شغال في فودافون وقالك يجيبهولك بالسعر ده ولا ايه ؟؟؟

[mailo]

لأ ياجماعة الراجل ده جولدن في فودافون
هي دي بس كل الحكاية

[dramir1]

متابع باهتمام

[Mzeid]

لأ ياجماعة الراجل ده جولدن في فودافون
هي دي بس كل الحكاية

اه تمام علشان كدة

[wael ahmed]

Souq.com Egypt | Facebook

Souq.com || Deal of The Day || Apple EN

[LanCeLoT]

لأ ياجماعة الراجل ده جولدن في فودافون
هي دي بس كل الحكاية

معلش اعذروني يعني ايه جولدن في فودافون ؟؟؟؟

[ahmad--ezzat]

استحاله انا لفيت مصر كلها وجبته بارخص سعر 4100 زيروو

[ابو سيف]

استحاله انا لفيت مصر كلها وجبته بارخص سعر 4100 زيروو

يا باشا العرض هينزل بكره ان شاء الله لو عايز تتأكد

و انا ان شاء الله احاول الحق الدفعه و اشتري


بالنسبه لعرض فودافون دا حقيقي؟؟ يعني للعملاء دول بس و لا للكل؟ و هل هوا مفتوح على كل الشبكات و لا لأ؟ و هل بيحتاج اشتراك مع فودافون بنظام معين لفترة معينه مثلا؟