والدي........

[A7MED_PHARMA]

السلام عليكم


والدي
كان نفسي الناس تشوفه في مقابلتنا الي فاتت
الحج طلع معاش
ورجع البلد

63 سنة
وقور باسم
طيب أحيانا لدرجة ضياع حق له لقريب ... علشان يحافظ على صلة الرحم
.
طلع معاش
ورجع البلد
وأنتخبوه الناس كرئيس للجمعية الخيرية في القرية

وكان منه الأتي


.
مابقاش فيه طوابير عيش في البلد
راح للحاكم العسكري.. وأجبر الأفران على نظام الحصة والكارته
يعني الفرن بيدي العيش بتاعه لمتعهد.. المتعهد يلف على البيوت يوزع العيش على الناس
كل واحد ياخد حصته الي الجمعية قررتها
وبكده
صاحب المخبز مش هيسرق الدقيق..علشان هيكون تحت العين على طول
مابقاش فيه طوابير عيش ولا خناقات
باب رزق للمتعهد الي بيوزع .. مقابل 1 ج شهريا من كل بيت
مفيش عيش هيتهدر..او الناس تأكله للفراخ وللبهايم
يعني ضمن وصول الدعم ..للي يستحقه
...
الإنجاز التاني

نفس نظام الحصة والكارته
أنابيب البوتاجاز تطلع من المستودع الكبير
للمستودع في القرية
عن طريق متعهد برضوووو
الانبوبة توصل لحد البيت .. بسعر 7 ج
المتعهد بياخدها بــ 5 ج .. والــ 2 ج الزيادة رزق المتعهد بالتوزيع والنقل
مابقاش فيه خناقات
مابقاش فيه طوابير على الغاز
الغاز بتاعك لحد بيتك.. وبأقل سعر ممكن تجيب بيه أنبوبة في الايام دي

.
جاري حاليا في الجمعية الي الحج رئيسها
الأتفاق على مشروع لتمويل نشاط الجمعية..وفي نفس الوقت يكون خدمي
جاري إستيراد ميني باص من الخارج بإسم الجمعية
لنقل الموظفين الصبح وطلاب الجامعة
لمنع إستغلال سواقين الخط
وتوفير ركوبة كريمة للناس ... غير النص نقل ام صندوق
ومصدر دخل للجمعية



.
والدي ده راجل محترم

وعلى ذلك
أنا رشحت نفسي لرئاسة الجمهورية القادمة
إبن الوز عوام
هههههههههههههه


تم تعديل العنوان ليتناسب مع الموضوع
رجاء عدم التجاوز مستقبلا
م ع 1

[wa7d]

ياه , ممكن تشكر لي والدك كتير , الناس دي فعلا قليلة , ربنا يخلهولك ويخليه للناس

[windofchange]

الله اكبر ماشاء الله عليه ربنا يبارك لك فيه ويحفظه يا دوك

[michohat]

بسم الله ما شاء الله ومفيش احسن من كده ولا هيبقى
حلول عمليه و واقعيه
بص بقي اقول لك على المفيد
نبدأ بمنصب المحافظ ( المحافظ بتاعنا من يوم ما اتعين واحنا مش حاسين بيه ) فنشوف طريقة ترشيح المحافظ ازاي و الحاج يترشح محافظ
والله بتكلم بجد

[A7MED_PHARMA]

بسم الله ما شاء الله ومفيش احسن من كده ولا هيبقى
حلول عمليه و واقعيه
بص بقي اقول لك على المفيد
نبدأ بمنصب المحافظ ( المحافظ بتاعنا من يوم ما اتعين واحنا مش حاسين بيه ) فنشوف طريقة ترشيح المحافظ ازاي و الحاج يترشح محافظ
والله بتكلم بجد

والله يامجدي فكرت فيها
بس إنت عارف إن منصب المحافظ بالتعيين
مش بالإنتخاب

[epnmasr]

حاجه مش غريبه على رجل محترم مِثلُه أن ينجب رجل محترم مِثلَك يا دكتور فعلاً إبن الوز عوام ربنا يبارك في عمره وعمرك ويحفظه ويحفظك ويُكثر من أمثاله

[A7MED_PHARMA]

ياه , ممكن تشكر لي والدك كتير , الناس دي فعلا قليلة , ربنا يخلهولك ويخليه للناس

يارب
وشكرا ياجميل

الله اكبر ماشاء الله عليه ربنا يبارك لك فيه ويحفظه يا دوك

ربنا يباركلك

حاجه مش غريبه على رجل محترم مِثلُه أن ينجب رجل محترم مِثلَك يا دكتور فعلاً إبن الوز عوام ربنا يبارك في عمره وعمرك ويحفظه ويحفظك ويُكثر من أمثاله

مش للدرجة دي ياراجل
هههههههههههههههههههه
أنا بهزر .. والدي راجل مفيش زيه في الدنيا
ربنا يباركلي في صحته

[nonia]

ربنا يباركلك فيه ياااارب مصر محتاجة الناس ديه بجد
نرشحه هو رئيس بقى

[dramir1]

ربنا يبارك لوالدك ....تحياتي ليه .

[wassim_nasser]

ربنا يباركلك فية و يخليهولك و يدية مزيد من الصحة و الحكمة يا برنس .. بس اول مرة تتكلم عن والدك .. كان فين كل دة من زمان ؟ .. وبعدين انت انجازاتك اية بأة ف وسط المعمعة دى (بخلاف تظبيط العربية طبعا) ؟

[A7MED_PHARMA]

ربنا يباركلك فيه ياااارب مصر محتاجة الناس ديه بجد
نرشحه هو رئيس بقى :s_thum1[1]:

ياريت والله
هيصلح حاجات كتير والله في البلد

ربنا يبارك لوالدك ....تحياتي ليه .

ربنا يخليك يادكتور
ونتقابل على خير في مقابلات جاية

ربنا يباركلك فية و يخليهولك و يدية مزيد من الصحة و الحكمة يا برنس .. بس اول مرة تتكلم عن والدك .. كان فين كل دة من زمان ؟ .. وبعدين انت انجازاتك اية بأة ف وسط المعمعة دى (بخلاف تظبيط العربية طبعا) ؟

للأسف يازميلي
سيرفر المنتدى .. مايستحملش إني أكتب ربع إنجازاتي
كتير
كتير
كتير
كفايا بس أني أقولك .. إني أول من أكتشف إن الأرض كروية

[magyver]

ربنا يخليهولك يادووك

[FunnyMickey]

ماهو ياجدعان انتو مش فاهمين

احمد بيعمل tuning للعربيه
والحاج بيعمل tuning للبلد
:)
ملكش دعوه بالميكروباص اللي حيجيبوه يافارما
ميصحوش الصبح يلاقوك داهنه احمر ومركبه طقم صوت وقالب الكراسي شيزلونجات وجنوط 23 انا عارفك

بس مقولتليش
ايه ياخويا والدي عليه السلام دي
:)
هوا عشان رئيس جمعيه خيريه بقي عليه السلام :)
وسعت منك دي

[A7MED_PHARMA]

ماهو ياجدعان انتو مش فاهمين

احمد بيعمل tuning للعربيه
والحاج بيعمل tuning للبلد
:)
ملكش دعوه بالميكروباص اللي حيجيبوه يافارما
ميصحوش الصبح يلاقوك داهنه احمر ومركبه طقم صوت وقالب الكراسي شيزلونجات وجنوط 23 انا عارفك

بس مقولتليش
ايه ياخويا والدي عليه السلام دي
:)
هوا عشان رئيس جمعيه خيريه بقي عليه السلام :)
وسعت منك دي

ماهي عليه السلام دي .. دي phase 1
phase 2 هتبقا أطال الله عمره
phase 3 هتبقا شغلعنا ودلعنا ياريس
ههههههههههههههههههههههههههههه


والله ياصبحي
ياريت الحج يكون رئيس الجمهورية مثلا .. علشان ساعتها لو الإدارة وقفتني وللا حاجة
أحاكم طاقم الإدارة كله.. بتهمة الخيانة العظمى
وخصوصا شنوري
هههههههههههههههههههههه

سياده العضو الفاضل
برجاء عدم ادخال او ذكر اداره المنتدي كجانب من جوانب موضوعات المنتدي الترفيهيه
والا سيتم وقفك بتهمه التهكم علي الاداره وافرادها
ولا علاقه للمنسقين بالاداره
هذا اخر تنبيه لسيادتكم حرصا من اداره المنتدي علي استمرار عطائكم للمنتدي
في حاجه التهكم علي الاداره مره اخري
سوف يتم وقفك واضافه نقطتين لسجل مخالفاتك
شكرا لتفهمكم
م ع 1

[SYD]

طبعا لوالدك كل التقدير ونتمني لو ينتدب عندنا في القاهرة والجيزة شوية

ثانيا طبعا كان هيبقي شرف كبير لينا لو كنا اتعرفنا بيه

ثالثا احنا فيها
جهز الفراخ والفطير والشواية والقشطة والعسل واستناني الجمعة الجاية لأني حاسس اني هفتان حبتين ههههههههههههه

والله المستعان
،
،