ساعدونى فى Belkin Router

[دموع الثلج]

السلام عليكم
لو سمحتوا محتاجه رائيكم فى رواتر وايرلس

للاسف اشتريت Belkin N1 Wireless Router
من بره بحوالى ب 850 جنيه

ولما رحت شركه تى داتا قالوا لى ان النوع د ه مش بيشتغل على السيستم بتاعهم

المفروض انا اغير شركه الدى اس ال ولا اجيب رواتر من مصر

طيب لو هشترى تانى

ايه افضل نوع رواتر واير لس موجود وسعره كم واشتريه منين

ناس قالوا لى نوع اسمه 3 com
OR speed touch
سالت على اسعارهم فى سفنكس كمبيوتر مول كل محل بيقول سعر مختلف وكمان بيقولوا فيه انواع مش اصليه موجوده بالسوق
ممكن حد يفيدنى فى الموضوع ده

وشكرا مقدما للجميع

[NaderNabil]

هو فعلا فيه راوترات مابتشتغلش علي الشبكة هنا...غالبا لاختلاف البروتوكولات

3Com انا كنت باجره من TEDATA لمده سنة و نص و كان ممتاز مظهرش فيه أي مشاكل

speedtouch مع اتنين صحابي و ممتاز برده

انا عندي دلوقتي NETGEAR اشتريته من المول اللي جنب جنينه ب 375...هو ممتاز برده و تغطيه الوايرلس واسعة جدا بس لما الشبكة بتبقي واقعة او ضعيفة مابيستحملش فتلاقي لمبة النت فصلت و ترجع تاني و تفصل....لحد ما الشبكة تنتظم تاني...بس الكلام ده بيحصل مره أو مريتين في الشهر يعني و لمده 15 دقيقة

[mohamed hatem]

بص يا ريس
اولا مش معقول تغير الشركة عشان الراوتر ... وخصوصا انك ممكن تلاقي نفس المشكلة في باقي الشركات لانهم بيشتغلو دلوقتي كلهم بنفس الاجهزة و النظام تقريبا

اما بخصوص الانواع التانية ... فعندك من الانواع المضمونه :
-NetGear
- Spead Touch
- Link Sys وده اغلاهم

وعشان تضمن تجيبهم صح وبسعر معقول في عندك شركة شرق اسيا في مول اسفنكس دول مضمونين وبضاعتهم من عند الوكيل دايما
وفي كمبيو مي في مصر الجديده .... عنده تشكيله كبيرة وبرده مضمون جدا


بس ابعد عن ال 3com و الd-link وخصوصا الموديلات القديمه منه لانهم مش حلوين اوي

[دموع الثلج]

الف شكر يا نادر على ردك بس انا محتاجه افضل نوع لان النت لو قطع عليا الصبح وانا بشتغل هتبقى مشكله كبيره
انا سالت على 3 COM قالوا لى ب 500 جنيه وناس بتقول لا غالى ده سعره 370 جنيه ومش عارفه مين الصح

ياريت اللى يقولى على نوع كويس يقولى على سعره عشان هيضحكوا عليا لو رحت اشترى

[NaderNabil]

هو فعلا ال 3com اخر مره شوفته في compume المعادي كان ب 375 و اظن هو ده سعره...عشان compume انضف و أضمن واحد تشتري منه حاجه زي دي

[mohamed hatem]

روح كمبيو مي احسن لك أدام انت مش ضامن الناس التانية ....اما بالنسبة للاسعار
الفرع الرئيسي في شارع الاهرام في الكوربة و في واحد في سيتي ستارز

netgear سعره 375
speadtouch سعره في حدود 350 اعلى او اقل
Link Sys في حدود 450 جنيه ... وده اعلى حاجه في مصر لانه شركة سيسكو هيا الللي بتصنعه

[HNaga]

netgear or linksys

3com فى منه أجهزة مضروبة

[sherif Anton]

انا برضه عندي راوتر وايرلس Netgear ... بصراحة رائع جدا وامكانياته كويسه جدا ... ممكن تخلي فيه مراقبة على الاطفال من خلاله و تعمل جدول مواعيد النت تفتح وتقفل اتوماتيك طبقا للجدول الاسبوعي وتقدر تقفل مواقع معينة وتسمح بمواقع معينة فقط ... بصراحة رائع

[hero]

اشتري من compume او Radishack او حتي مول النخيلي مدينة الشبكات...
علشان دول هايدولك فاتورة ضريبية وطبعا دي هاتثبت حقك في الضمان (بيبقي بحد ادني سنة)..
حتي لو هاتدفعي 50 جنية زيادة يبقي احسن ما تشتري وتروحي تتلاقية مغشوش ولا بايظ وماتعرفيش لا تاخدي حق ولا باطل...

انا في رأي افضل رواتر:
Linksys
NetComm
D-Link
Belkin
3 com
Netgear


وربنا يوفقك في الشبكة....ما تنسيش تعملي Network Key علشان ما حدش من الجيران يلقطها ويدخل عليها ....

[NaderNabil]

انا في رأي افضل رواتر:
Linksys
NetComm
D-Link
Belkin
3 com
Netgear

يا باشا انت جبت كل الراوترات اللي في مصر و بره مصر:)

[hero]

بصراحة هما دول انضف الانواع ...في انواع كتير تانية صيني التصميم....وحلال فيهم الفلوس..
المجموعه دي انا جربتها وانا في قطر...مش عارف موجود منها اية في مصر...بس اكيد اغلبها في مصر...دة سوق الكمبيوتر هنا بقي احسن وارخص من دبي....

[Ahmad Allawy]

انا برضه عندي راوتر وايرلس Netgear ... بصراحة رائع جدا وامكانياته كويسه جدا ... ممكن تخلي فيه مراقبة على الاطفال من خلاله و تعمل جدول مواعيد النت تفتح وتقفل اتوماتيك طبقا للجدول الاسبوعي وتقدر تقفل مواقع معينة وتسمح بمواقع معينة فقط ... بصراحة رائع

كل الامكانيات دي موجوده في ال3 كوم..
وهو معايا من سنة و اكتر شوية كمان.. زي الفل.. و نادرا ما بيحتاج يتعمل ليه ريست..
لو خرف كده بتبقي استهبال م الشركة نفسها.. مش من الراوتر..
بس ماعرفش الموجود منه دلوقتي في منه مضروب ولا لأ..
انا كنت شاريه من سنة و شوية ب 410

[M.Elwan]

السلام عليكم

لو سمحتوا محتاجه رائيكم فى رواتر وايرلس

للاسف اشتريت Belkin N1 Wireless Router
من بره بحوالى ب 850 جنيه

ولما رحت شركه تى داتا قالوا لى ان النوع د ه مش بيشتغل على السيستم بتاعهم

المفروض انا اغير شركه الدى اس ال ولا اجيب رواتر من مصر

طيب لو هشترى تانى

ايه افضل نوع رواتر واير لس موجود وسعره كم واشتريه منين

ناس قالوا لى نوع اسمه 3 com
OR speed toutch
سالت على اسعارهم فى سفنكس كمبيوتر مول كل محل بيقول سعر مختلف وكمان بيقولوا فيه انواع مش اصليه موجوده بالسوق
ممكن حد يفيدنى فى الموضوع ده

وشكرا مقدما للجميع

مبروك الراوتر ده راوتر جامد جدا ماشاء الله -
انا كان عندى نفس المشكله كنت جايب وايرلس راوتر PHILIPS وانا مشترك فى لينك دوت نت واول مكلمتهم عشان اشغله مكنوش مصدقين ان شركة فيليبس بتعمل رواتر من الاساس فضلت اكلم فيهم اسبوعين اشرحلهم الرواتر بيشتغل ازاى وطريقه تشغيله لحد ما اقتنعو انه ممكن يشتغل والاخر قالولى تعالى الشركه نجرب رحتلهم برده معرفوش يشغلوه لما زهقت منهم قلتلهم هاتو كل الحاجات اللى بتدخلوها على اى راوتر وانا حتصرف قالولى ملهاش لازمة لانه مستحيل يشتغل قلتلهم ملكوش دعوة بس , خدت منهم كل الداتا بتاعتهم ورحت مول الكمبيوتر فى الخليفة المأمون لشركة اسمها العربيه فى الدور الثانى فضل الراوتر عندهم اسبوع ورحت خدتو منهم شغال وزى الفل وعرفونى ازاى شغلوه وطلع الموضوع بسيط قوى بس المشكله ان الشركات متعودين على انواع معينة ميعرفوش يشلغو اى حاجة غيرها وقاللى ان اى رواتر يشتغل على اى شركة بس اهم حاجة تدخل الداتا بتاعة الشركة على الراوتر مظبوط --- انتا حاول شويه مع الشركه بتاعتك ومتشتريش راوتر تانى لان الانواع الوابرلس اللى فى مصر سيئه جدا فى الاشارة بتاعة الوايرلس خصوصا لو موصل على النتورك اكتر من جهازين وان شاء الله حيشتغل

[دموع الثلج]

مبروك الراوتر ده راوتر جامد جدا ماشاء الله -
انا كان عندى نفس المشكله كنت جايب وايرلس راوتر PHILIPS وانا مشترك فى لينك دوت نت واول مكلمتهم عشان اشغله مكنوش مصدقين ان شركة فيليبس بتعمل رواتر من الاساس فضلت اكلم فيهم اسبوعين اشرحلهم الرواتر بيشتغل ازاى وطريقه تشغيله لحد ما اقتنعو انه ممكن يشتغل والاخر قالولى تعالى الشركه نجرب رحتلهم برده معرفوش يشغلوه لما زهقت منهم قلتلهم هاتو كل الحاجات اللى بتدخلوها على اى راوتر وانا حتصرف قالولى ملهاش لازمة لانه مستحيل يشتغل قلتلهم ملكوش دعوة بس , خدت منهم كل الداتا بتاعتهم ورحت مول الكمبيوتر فى الخليفة المأمون لشركة اسمها العربيه فى الدور الثانى فضل الراوتر عندهم اسبوع ورحت خدتو منهم شغال وزى الفل وعرفونى ازاى شغلوه وطلع الموضوع بسيط قوى بس المشكله ان الشركات متعودين على انواع معينة ميعرفوش يشلغو اى حاجة غيرها وقاللى ان اى رواتر يشتغل على اى شركة بس اهم حاجة تدخل الداتا بتاعة الشركة على الراوتر مظبوط --- انتا حاول شويه مع الشركه بتاعتك ومتشتريش راوتر تانى لان الانواع الوابرلس اللى فى مصر سيئه جدا فى الاشارة بتاعة الوايرلس خصوصا لو موصل على النتورك اكتر من جهازين وان شاء الله حيشتغل

معقوله بصراحه انا مستخسره اشترى من هنا ويطلع مضروب
النوع اللى اشتريته كل الناس بره بتشكر فيه هو امريكى الصنع مش عارفه اعمل بيه ايه يعنى ااقلبه حصا له ولا حتى ينفع

طيب ممكن عنوان الشركه دى بالظبط وانا هروح لهم بكره واجرب يمكن تظبط معايا

[دموع الثلج]

اشتري من compume او Radishack او حتي مول النخيلي مدينة الشبكات...
علشان دول هايدولك فاتورة ضريبية وطبعا دي هاتثبت حقك في الضمان (بيبقي بحد ادني سنة)..
حتي لو هاتدفعي 50 جنية زيادة يبقي احسن ما تشتري وتروحي تتلاقية مغشوش ولا بايظ وماتعرفيش لا تاخدي حق ولا باطل...

انا في رأي افضل رواتر:
Linksys
NetComm
D-Link
Belkin
3 com
Netgear


وربنا يوفقك في الشبكة....ما تنسيش تعملي Network Key علشان ما حدش من الجيران يلقطها ويدخل عليها ....

يا هيرو الف شكر بس بقولك البلكن مش بيشتغل هنا وباقى الانواع انا معرفهاش
بس الاغلبيه رشحوا linksys
هدور عليه فى المول اللى قلت عليه