ايه الفرق بين البلاك بيري و الجالاكسي و الاي فون ؟؟

[SYD]

اللي معايا دلوقتي موبيل سوني اريكسون فيه كل الامكانيات تقريبا يعني ثري جي و 2 كاميرا و واي فاي و الكاميرا54 ميجا بيكسل دا غير ان لونه احمر و دي ميزة تحفة جدا جدا - بالنسبالي انا بس طبعا - و سليد بس مش تتش لاني جربت السامسونج ويف التاتش شهرين و اتخنقت منه و بيعته و جيبت السوني دا عشان بحب الزراير و برتاح معاها اكتر على عكس ناس كتير مش عارفة ليه

54 ميجااااااااااا؟؟؟؟؟؟؟

دة موبايل خارق للطبيعة

مبدئيا انا مش بذم او بشكر في نوع معين
لكن ايفون تري شيك
مريح لأبعد الحدود
ممكن تعملي فيه كل الي تتخيليه والي مش تتخيليه

الفرق بينهم في نظام التشغيل الي هو زي الويندوز و اللينكس في الكمبيوتر

الايفون بقي بيعتمد علي نظام تشغيل رخم اوي " علي الاقل بالنسبة ليا " و هو ال IOS و من اكبر عيوبة بالنسبة ليا الاحتكارية الرهيبة

متقدرش تعدل اي حاجة في الموبايل :S

اخرك كام خلفية و شكرا

+ ان برامج كتير فيه بفلوس

الجالاكسي بقي دة بيشتغل باندرويد و دة الدلع كله و دة مبني علي نواة Linux و دي Open source او مفتوحة المصدر لاي حد

بالعربي كدة الموبايل ملكلك تعدلي فيه الي انتي عايزة و تغيري في سوفت وير كل ساعة لو تحبي و فوق دة كلة سهولة الاستخدام بشكل كبير

و كمان كمية برامج مجانية بشكل كبير جدا

معلش انا أسف مع احترامي طبعا لكلام حضرتك
بس ليا كام تعليق ارجو تقبلهم بصدر رحب

1- نظام تشغيل ايفون هو نظام based on UNIX وبالنسبة للخبراء في يونكس فاكيد تعلم ان بردو الLinux هو كمان based on unix
2- المفتوحة المصدر open source دة مش للمستخدم دة للمبرمج الي بيعرف يعدل في الكود البرمجي لنظام التشغيل وبالتالي فلا فائدة ان كان open زي linux او closed زي ويندوز
بردو اخرك هتعدل اعدادات
3- انا معاك في البرامج الي بفلوس ولكن بقليل من السيرش سواء ببرنامج installus او من علي النت هتجيب كل الي انت عايزه تقريبا

انا كنت فاكرة ان كل واحد فيهم ( البلاك بيري و الاي فون و الجالاكسي ) بيعمل حاجة او فيه حاجة مش موجودة في التاني لكن بعد كلامكم اتضح انهم تقريبا فرق ابليكشنز بس و مفيش اضافة كبيرة يعني

و عموما انا استخدامي للموبيل مش اكتر من مكالمات و احيانا الفيس بوك و تويتر و المنتدى و في الحالة دي يبقى مفيش داعي اصلا ان انا اغير و اجيب موبيل و نخلي الكاشات نجيب بيهم لاب توب محترم كدا افضل

شكرا جزيلا ليكم جميعااااااااااااا

لا طبعا في فروقات بالنسبالي انا شخصيا ضخمة جدا
اولها ان اسم سامسونج لا يقارن البتة بتاريخ واسم ابل
سهولة اعادة البيع والأستبدال لصالح ابل
التاتش الخرافي الي ماشوفتش زيه حتي الأن لصالح ابل
الحساسية للأهتزازات والاتجاهات لصالح الأبل

طبعا الكمبيوتر لا يقارن بالسمارت فونز
الكمبيوتر كمبيوتر حتي لو كان اضعف موديل في السوق وبثمن ايفون 4 تقتدري تجيبي كمبيوتر محترم
وفعلا لو تليفونك الحالي مقضي الغرض من مكالمات وانترنت يبقي فعلا هاتي كمبيوتر احسن
انا شخصيا الكمبيوتر في شغلي لا يحل محله ابدا الايفون لكن كسهولة تصفح وميل الشغل عندي اكيد للأيفون

وفي النهاية اختيارك للبلاك بيري او الأي فون او الجالاكسي هيكون للسعر - الشكل - حساسية التاتش
وللأسف الثلاث ميزات مش مجتمعين مع بعض في تليفون واحد

تقبلوا مروري

والله المستعان
،
،

[AhMeD EzZ]

معلش انا أسف مع احترامي طبعا لكلام حضرتك
بس ليا كام تعليق ارجو تقبلهم بصدر رحب

1- نظام تشغيل ايفون هو نظام based on UNIX وبالنسبة للخبراء في يونكس فاكيد تعلم ان بردو الLinux هو كمان based on unix
2- المفتوحة المصدر open source دة مش للمستخدم دة للمبرمج الي بيعرف يعدل في الكود البرمجي لنظام التشغيل وبالتالي فلا فائدة ان كان open زي linux او closed زي ويندوز
بردو اخرك هتعدل اعدادات
3- انا معاك في البرامج الي بفلوس ولكن بقليل من السيرش سواء ببرنامج installus او من علي النت هتجيب كل الي انت عايزه تقريبا

اهلا و سهلا بحضرتك :)

1/ كلامك مظبوط
2/ تمام بس انا هستفيد بيها في شكل Custom roms و ابليكيشنز و لا ايه ؟
3/ بس اتعب نفسي ليه و سيرش مع ان كلة في ال Market بيبقي قدامي ؟

لا طبعا في فروقات بالنسبالي انا شخصيا ضخمة جدا
اولها ان اسم سامسونج لا يقارن البتة بتاريخ واسم ابل

معلش انا بشتري موبايل كهاردوير و سوفتوير مش سمعة و بعدين سامسونج مش قليلة برضة الاس 2 واخد افضل موبايل السنة الي فاتت و اتوقع السنة دي برضة من نصيب سامسونج

سهولة اعادة البيع والأستبدال لصالح ابل

كان زمان و الله يا باشا

التاتش الخرافي الي ماشوفتش زيه حتي الأن لصالح ابل
الحساسية للأهتزازات والاتجاهات لصالح الأبل

حضرتك جربت الاس 2 ؟ او النوت ؟

سعيد بالمناقشة مع حضرتك :)

[mohaismail]

البلاك بيرى معرفوش اوى بس بلاك بيرى 9900 كويس لو هتجيب بلاك بيرى غير كده لا
بالنسبة لايفون وجالاكسى انا معايا جالاكسى اس وجربت ايفون بتاع واحد زميلى فى الشغل
من وجهة نظرى السوفت ف الايفون افضل كتير

[aly_hosny]

54 ميجااااااااااا؟؟؟؟؟؟؟

دة موبايل خارق للطبيعة

مبدئيا انا مش بذم او بشكر في نوع معين
لكن ايفون تري شيك
مريح لأبعد الحدود
ممكن تعملي فيه كل الي تتخيليه والي مش تتخيليه



معلش انا أسف مع احترامي طبعا لكلام حضرتك
بس ليا كام تعليق ارجو تقبلهم بصدر رحب

1- نظام تشغيل ايفون هو نظام based on unix وبالنسبة للخبراء في يونكس فاكيد تعلم ان بردو الlinux هو كمان based on unix
2- المفتوحة المصدر open source دة مش للمستخدم دة للمبرمج الي بيعرف يعدل في الكود البرمجي لنظام التشغيل وبالتالي فلا فائدة ان كان open زي linux او closed زي ويندوز
بردو اخرك هتعدل اعدادات

ما هو لو ال os لو في اي مشكلة او اي حاجة مش عملية المبرمج دا بيعدلها و ينزلها في custom roms

3- انا معاك في البرامج الي بفلوس ولكن بقليل من السيرش سواء ببرنامج installus او من علي النت هتجيب كل الي انت عايزه تقريبا



لا طبعا في فروقات بالنسبالي انا شخصيا ضخمة جدا
اولها ان اسم سامسونج لا يقارن البتة بتاريخ واسم ابل


الموبايلات عموما ملهاش تاريخ و لو على التاريخ فنوكيا اعلى مبيعات في العالم زمان و سوني اريكسون اكبر شركتين في الالكترونيكس و الاتصالات متحدين مع بعض


سهولة اعادة البيع والأستبدال لصالح ابل


مقابل صعوبة التصليح و اي حاجة فيه تبوظ يا توديه التوكيل يا ترميه و لو لاقيت حد يصلحه شوف هياخد كام

التاتش الخرافي الي ماشوفتش زيه حتي الأن لصالح ابل
الحساسية للأهتزازات والاتجاهات لصالح الأبل


لا مش معاك في النقطتين دول و انا جربت الاتنين و موبيلي احسن في مقارنة في لحظتها كدا

طبعا الكمبيوتر لا يقارن بالسمارت فونز
الكمبيوتر كمبيوتر حتي لو كان اضعف موديل في السوق وبثمن ايفون 4 تقتدري تجيبي كمبيوتر محترم
وفعلا لو تليفونك الحالي مقضي الغرض من مكالمات وانترنت يبقي فعلا هاتي كمبيوتر احسن
انا شخصيا الكمبيوتر في شغلي لا يحل محله ابدا الايفون لكن كسهولة تصفح وميل الشغل عندي اكيد للأيفون

وفي النهاية اختيارك للبلاك بيري او الأي فون او الجالاكسي هيكون للسعر - الشكل - حساسية التاتش
وللأسف الثلاث ميزات مش مجتمعين مع بعض في تليفون واحد

تقبلوا مروري

والله المستعان
،
،

و حضرتك اهملت عموما الحاجات ال ابل مش كويسة فيها
زي الكاميرا و الاي تيونز و الفلاش بلاير

[ahmad--ezzat]

جربت كاميرا ال 4s

الكاميرا بتاعت النوت افضل بمراحل عندى

[Donzi]

نفسى افكر ذي الرد اللى فوقى دة !

اشمعنى ؟؟

54 ميجااااااااااا؟؟؟؟؟؟؟

دة موبايل خارق للطبيعة


،
،

هههههههههه غلطة مطبعية يا فندم هما يدوب 5 ميجا لا راحو ولا جم و نحمد ربنا اوي على كدا

[Dr'AhmZZong]

لو عايزة موبيل مفيش بعده ولا قبله : samsung galaxy s2 العدة ديه داست على iphone 4 و 4s

[tamerosman]

انا كنت فاكرة ان كل واحد فيهم ( البلاك بيري و الاي فون و الجالاكسي ) بيعمل حاجة او فيه حاجة مش موجودة في التاني لكن بعد كلامكم اتضح انهم تقريبا فرق ابليكشنز بس و مفيش اضافة كبيرة يعني

و عموما انا استخدامي للموبيل مش اكتر من مكالمات و احيانا الفيس بوك و تويتر و المنتدى و في الحالة دي يبقى مفيش داعي اصلا ان انا اغير و اجيب موبيل و نخلي الكاشات نجيب بيهم لاب توب محترم كدا افضل

شكرا جزيلا ليكم جميعااااااااااااا

لازم تجربى Andriod الموضوع مسلى جدا و فيه كمية تطبيقات و برامج كلها مجانية و ملهاش نهاية بتعمل كل حاجة تخطر على بال اى حد

انا من ساعت ما جبت التليفون استخدامى للاب توب قل جدا علشان طول ما انا فى البيت باستعمله فى البروسينج على الواى فاى ( و بالتالى مش بيكلفنى اى حاجة و لو جالى ايميل او حد كلمنى على الماسنجر باعرف فورا كانه SMS )


الحاجة الوحيدة الى خانقانى حجم الشاشة ( 3.7 بوصة - xperia neo ) و متهيالى لو كنت جبت تليفون شاشته اكبر شوية ممكن استغنى عن الاب توب نهائى فى البروسينج و استخدام messengers و Facebook .


من الاخر الاندرويد عملى جدا و بيعمل كل حاجة بس بانصح ان حجم الشاشة يكون على الاقل 4.3 بوصة او 5 بوصة زى Galaxy note



فيه اجهزة صينى عليها عروض عند فودافون و اتصالات اسمها ZTE سعرها رخيص و شاشاتها كبيرة : التليفون : 4.3 بوصة ب 1500 عند فودافون و التابلت 7 بوصة ب 1000 جنيه عند اتصالات لو اشتركت لمدة سنة ب 100 جنيه فى الشهر

[matrix_it]

مع احترامى للاندرويد فهو نظام عادى جداااااااااا والايفون اجمد منه من وجهة نظرى انا بتكلم على النظام مش كاميرا ولا شاشة ولا الكلام دة
فا دلوقتى يا تشترى ايفون يا بلاك بيرى

[AhMeD EzZ]

مع احترامى للاندرويد فهو نظام عادى جداااااااااا والايفون اجمد منه من وجهة نظرى انا بتكلم على النظام مش كاميرا ولا شاشة ولا الكلام دة
فا دلوقتى يا تشترى ايفون يا بلاك بيرى

عشان انت بس لسة جديد اتقل شوية علي هتلاقيه حاجة تانية خالص

[AhMeD EzZ]

لازم تجربى Andriod الموضوع مسلى جدا و فيه كمية تطبيقات و برامج كلها مجانية و ملهاش نهاية بتعمل كل حاجة تخطر على بال اى حد

انا من ساعت ما جبت التليفون استخدامى للاب توب قل جدا علشان طول ما انا فى البيت باستعمله فى البروسينج على الواى فاى ( و بالتالى مش بيكلفنى اى حاجة و لو جالى ايميل او حد كلمنى على الماسنجر باعرف فورا كانه SMS )


الحاجة الوحيدة الى خانقانى حجم الشاشة ( 3.7 بوصة - xperia neo ) و متهيالى لو كنت جبت تليفون شاشته اكبر شوية ممكن استغنى عن الاب توب نهائى فى البروسينج و استخدام messengers و Facebook .


من الاخر الاندرويد عملى جدا و بيعمل كل حاجة بس بانصح ان حجم الشاشة يكون على الاقل 4.3 بوصة او 5 بوصة زى Galaxy note



فيه اجهزة صينى عليها عروض عند فودافون و اتصالات اسمها ZTE سعرها رخيص و شاشاتها كبيرة : التليفون : 4.3 بوصة ب 1500 عند فودافون و التابلت 7 بوصة ب 1000 جنيه عند اتصالات لو اشتركت لمدة سنة ب 100 جنيه فى الشهر

علي فكرة ZTE شركة معروفة كويس اوي برة و مشهورة و جهاز Skate الي ب 1500 في فودافون دة هو هو ال HTC HD2

و الجهاز ليه دعم كويس جدا و ليه رومات كويسة جدا زي Cyanogeen mod و Miui و روم كمان ICS

[aly_hosny]

علي فكرة zte شركة معروفة كويس اوي برة و مشهورة و جهاز skate الي ب 1500 في فودافون دة هو هو ال htc hd2

و الجهاز ليه دعم كويس جدا و ليه رومات كويسة جدا زي cyanogeen mod و miui و روم كمان ics

انا كنت قريت ان مصانع zte هي ال بتعمل ال htc

[AhMeD EzZ]

انا كنت قريت ان مصانع zte هي ال بتعمل ال htc

ايونز

[matrix_it]

عشان انت بس لسة جديد اتقل شوية علي هتلاقيه حاجة تانية خالص

طاب ما تدينى الزتونة الله يخليك لاحسن انا زهقت منه خلاص

[AhMeD EzZ]

طاب ما تدينى الزتونة الله يخليك لاحسن انا زهقت منه خلاص

اول حاجة قلب في البلوج دي
تقنيات
عشان تعرف ايه المصطلحات و بعدين نكمل ;)