سؤال ...ما هي أضرار جهاز المايكرو ويف؟

[wael_power]

اعضاء المنتدي الكرام
هل لجهاز المايكروويف أضرار على مستخدمه ؟ و هل هناك أضرار من أكل الطعام المطهي أو المسخن فيه ؟ وهل في اشتراطات عند استخدامه...

[a_samy]

متابع بأهتمام

[أحمد كمال]

اضراره انه لو اشتريته هيجيب لك صداع من كتر ما هتسمع فتي عنه و عن اضراره

[wael_power]

الصداع ده كده كده موجود

ياريت احد الاطباء يقولنا باختصار اذا كان فيه اضرار ولا لأ وبدليل مقنع ؟

[dr.hazem]

والله انا من يوم اما وعيت عالدنيا واحنا عندنا ميكرويف وعمرنا مسمعنا عن مشاكل منه


تقدر تقول بقالنا اكتر من 35 سنة بنستخدمه ومشفناش مشكله الحمد لله


تحياتي

[amrrashed]

جهاز رائع بيسهل عليك الدنيا

[DreAmO]

طب ايه الفرق بين الميكروويف والفرن الكهربائي اللي شبه الميكروويف

عندي فرن راكنه ماشغلتوش ..

[Ahmed A Rahman]

اللي اعرفه ودرسته انه شغال بموجات الراديو مش بالاشعاع عكس ما الناس فاهمة

يعني بيكثف موجات الراديو على الاكل فبتهتز جزيئات الميا داخل الاكل وعشان كده لو حطيت ساندوتش في ورقة كرتون حتلاقي ان الساندوتش سخن الورقة لأ

بس تحذير انك تستخدم حاجه معدنية او تحتوي على معادن زي الفخار

واشتري ماركة نظيفة عشان العزل بتاعه

[د.محمود صلاح]

فرن الميكروويف - ويكيبيديا، الموسوعة الحرة

بيخلي الخبز المجمد كإنه طالع من الفرن طازج

[mero100]

اللي اعرفه ودرسته انه شغال بموجات الراديو مش بالاشعاع عكس ما الناس فاهمة

يعني بيكثف موجات الراديو على الاكل فبتهتز جزيئات الميا داخل الاكل وعشان كده لو حطيت ساندوتش في ورقة كرتون حتلاقي ان الساندوتش سخن الورقة لأ

بس تحذير انك تستخدم حاجه معدنية او تحتوي على معادن زي الفخار

واشتري ماركة نظيفة عشان العزل بتاعه

انا عندي مايكروويف دايوو ...و بصراحه كان جايلي كهديه جواز من اخويا ....كنت خايف منه و مكنتش افكر ابدا اشتريه .....و استعملته و قريت عنه.......و نفس اللي ذكره الدكتور احمد عبد الرحمن ....فإطمئنيت شويه .
و ربنا يستر

[shaddadfalcon1]

طيب بعد اذن صاحب الموضوع ايه احسن انواع الميكروويف والأسعار ايه؟

[wael_power]

طيب بعد اذن صاحب الموضوع ايه احسن انواع الميكروويف والأسعار ايه؟

ده نفس السؤال كنت هاسئلة للسادة الزملاء
عايزين نعرف ايه احسن نوع ؟؟