منتجات اكواثيرم للسباكه

[sas5]

السلام عليكم ورحمه الله
اريد تعمل سباكه لشه بس فيها اكثر من حمام وايضا سوف ادخل خط مياه منفصل للشقه
ولذلك سوف احتاج بعض الاشياء للسباكه واستقريت على اكواثيرم للمواسير والكيعان وباقى الاشياء التى سوف احتاجها للسباكه

فاين افضل الاماكن التى استطيع الشراء بسعر جيد
مع خالص الشكر

[bmya]

متابع معاك عشان انا كمان هغير سباكه الحمام والمطبخ عندي بس هي متر المواسير دي تقريبا بكام

[abdo_general]

السبتية طبعاا

انزل السبتية بس لازم تلف علشان تطلع احسن اسعار

[mazagngi2010]

مشكله المنتدى ده بصراحه بتلاقى فيه كل حاجه

[sas5]

متابع معاك عشان انا كمان هغير سباكه الحمام والمطبخ عندي بس هي متر المواسير دي تقريبا بكام

الذى فهته ان سعر المواسير ليس هو المقايس بالنسبه للسعر فان الكيعان والنبل والتيه وباقى القطع الذى يوجد بها نحاس هى الاغلى

[sas5]

السبتية طبعاا

انزل السبتية بس لازم تلف علشان تطلع احسن اسعار

مفيش مشكله بالنسبه للنزول الى السبتيه ولكن هل هناك محل معين فى السبتيه

[ahmedhawas]

مفيش مشكله بالنسبه للنزول الى السبتيه ولكن هل هناك محل معين فى السبتيه

اللي بيبيعوا أكواثيرم أصلي (الألماني مش التركي) في السبتية:
1- مؤسسة أجياد (محترمين وشغالين بفواتير )
2- جورج متا
وفي برضو في جسر السويس (جمب مكتب العمل) محل مشهور إسمه توشكى.

وبخصوص الكيعان والنبل والتيه والمحابس العمومية ... هتكلفك .. لكن حاجات كفااااااءة.
ومتنساش لما تروح تشتري حاجة أكواثيرم .. تاخد رقم الضمان منهم (تقريبا ضمان شركة أولاد حمزة)
لإن ضمانهم مدى الحياااة .. بس أساسي تعمل الكلام ده والمواسير ظاهرة كلها (قبل تركيب السيراميك)

[sas5]

اللي بيبيعوا أكواثيرم أصلي (الألماني مش التركي) في السبتية:
1- مؤسسة أجياد (محترمين وشغالين بفواتير )
2- جورج متا
وفي برضو في جسر السويس (جمب مكتب العمل) محل مشهور إسمه توشكى.

وبخصوص الكيعان والنبل والتيه والمحابس العمومية ... هتكلفك .. لكن حاجات كفااااااءة.
ومتنساش لما تروح تشتري حاجة أكواثيرم .. تاخد رقم الضمان منهم (تقريبا ضمان شركة أولاد حمزة)
لإن ضمانهم مدى الحياااة .. بس أساسي تعمل الكلام ده والمواسير ظاهرة كلها (قبل تركيب السيراميك)

انا فعلا كلمت شركه اولاد حمزه وهم الوكيل لاكواثيرم
ومعى قائمه اسعارهم بس - اسعار المستهلك
فانا مش عارف مامقدار نسبه التخفيض التى نستطيع الحصول عليها

[ahmedhawas]

بصراحة مش فاكر .. الكلام ده كان من 3 سنين.
لكن هو مشوار لازم ولابد منه .. تنزل السبتية وخصوصا لو هتشتري حاجات كتير .. لإن الفرق يستاهل.

أنا فاكر كنت أخدت خصم 25% على مواسير الpvc الشريف الأمل .. طبعا من مهنا الأسيوطي في السبتية.
وبالتوفيق إن شاء الله.

[yyy]

انا فعلا كلمت شركه اولاد حمزه وهم الوكيل لاكواثيرم
ومعى قائمه اسعارهم بس - اسعار المستهلك
فانا مش عارف مامقدار نسبه التخفيض التى نستطيع الحصول عليها

ممكن ترفعها او تكتبها على المنتدى؟؟

[mero100]

اللي بيبيعوا أكواثيرم أصلي (الألماني مش التركي) في السبتية:
1- مؤسسة أجياد (محترمين وشغالين بفواتير )
2- جورج متا
وفي برضو في جسر السويس (جمب مكتب العمل) محل مشهور إسمه توشكى.

وبخصوص الكيعان والنبل والتيه والمحابس العمومية ... هتكلفك .. لكن حاجات كفااااااءة.
ومتنساش لما تروح تشتري حاجة أكواثيرم .. تاخد رقم الضمان منهم (تقريبا ضمان شركة أولاد حمزة)
لإن ضمانهم مدى الحياااة .. بس أساسي تعمل الكلام ده والمواسير ظاهرة كلها (قبل تركيب السيراميك)

يا جماعه الراجل ده جاب الكلام التمام .....الرد المفيد فعلا

[tarekzein]

فعلا أهم حاجه أنك تتصل بيهم يعملوا إختبار ضغط للمواسير

وهيا ظاهره بعد تركيبها وقبل لصق السيراميك عليها

وبعدها بيديك شهادة ضمان 10 سنين

[smsm2015]

اسم الشركة:القدس للتجارة والتوكيلات
العنوان: 166 ش الملك فيصل - الكوم الاخضر - عمارات السعودى
فيصل, الجيزة
التليفون: 02-33880636, 02-33835550


واخدين وكيل اكوثيرم ..

[ossamayk]

السبتية

[sas5]

السلام عليكم ورحمه الله
اليوم اخذت السباك معى وذهبنا الشقه
هذا السباك جارى فى الشارع وفيه عشره اكثر من 24 سنه وهى الذى عمل السباكه فى المنزل بتاعى الذى انا فيه الان وماشاء الله طوال 18 سنه كانت جيده جدا .
وهو الان مقاول ياخذ مقاولات سباكه فى الفنادق ومشروعات المقاولات الكبرى.
المهم انا باثق فيه.
طوال الطريق للشقه احاول اقنعه باكواثيرم وهو يقنعننى بان اكواثيرم جيد ولكن سعره عالى جدا - ولكن الشريف يعتبر جيد ايضا ويحل فى المرتبه الثانيه وهو مقتنع به ولم تواجهه ايه مشاكل منه على مدى سنوات شغل وقال لى ان فرق السعر سوف يصل الى الف جنيه توفير فى الخامات ( انا شقتى كبيره ثلاثه حمام ومطبخ وفيه مسافات كبيره بين الحمامات يعنى ليسوا جنب بعض ).
المهم فى الاخر انا تركت له موضوع الاختيار وسوف اركب الشريف.
وحيث اننى اسكن فى الهرم وشقتى فى حدائق الاهرام فقال لى ان افضل شركتين هما محجوب او شركه القدس فى شارع الملك فيصل.
وطلب منى عند الشراء الاتفاق ان البضاعه التى سوف اشتريها وتزيد عن حاجه الشغل يتم اراتجاعها وهذا شى مهم لى لم اكن اعرفه.