موقف اتعرضت ليه وعايز اخد رأيكم

[damasry]

السلام عليكم ورحمة الله

كنت راجع من السفر وعديت على الداون تاون فى التجمع الخامس.

وصلت الساعة 5 وربع ركنت العربية وطلعت صليت وقعدت فى company cafee وجيت امشى الساعة 8 ونص لقيت ان كارت البارك وقع منى وضاع.

اللى راح هناك عارف انهم عاملين غرامة 75 جنيه للى يضيع الكارت.

انا الصراحة قفلت معايا مدفعش وقولت يالا لما اشوف ها يحصل ايه

دخلت على بتاع البارك بقوله الكارت ضاع منى قالى 75 جنيه قولتله ليييه؟؟؟ قالى غرامة لفقد الكارت قولتله:

اولا دى اسمها قواعد منظمة لسير العمل داخل المكان ليا انى اقبلها او لأ
ثانيا: الكارت ده وسيلة انكم تعرفوا انا دخلت امتى
ثالثا: نقدر نرجع لكاميرات المراقبة ونعرف انا دخلت امتى
رابعا: العلاقة اللى بينا هى علاقة خدمة مقابل أجر، الخدمة هى البارك والأجر انتوا تاخدوه حتى لو مائة جنيه لكن تكونوا تستحقوه فعلا
خامسا: مفيش فى القانون اللى يخليكوا تفرضوا عليا او على غيرى غرامة.


الsupervisor تعنت وقالى مليش فيه ولازم تدفع ال75 جنيه، صعدت الموضوع للى أكبر منه واللى اكبر منهم لحد مدير ادارة المول ومدير امن المول وفى الاخر مشيت كلامى ودفعت تمن البارك فقط.

والدى كان معايا وكان زعلان منى وكان عايز يدفع الفلوس تجنبا للوقفة (رغم انهم الحق يقال جابوله كرسى يقعد عليه) خصوصا اننا جايين من سفر.

صاحبى كان معايا بس فى النص كان عايز يريح دماغه ويدفع.

يا ترى انا غلطان وتعنت معاهم ولا انا على حق فى اللى عملته؟؟؟

[أحمد كمال]

تصدق انت بتستهبل

يعني تيجي عندي و ما تتصلش و لا تعدي عليا

اخص

انا اعرف مدير الباركنج شخصيا كنت كلمتهولك ..... او خرجت لك عربيتك بال parking pass بتاعي .......

[Moustafa.yonis]

اعتقد ان فيه عنصر تاني في الموضوع علشان كده حاطين غرامة عليه

الفكرة ان حد ممكن يستخدم الكارت ده تاني ويعمل لهم لخطبة بشكل معين

هل الكارت ده ممغنط متسجل عليه وقت الدخول ولا حاجه كده زي بتاع عصير القصب

في المطار مثلا مش كارت بيديك ورقه متسجل عليها كل الداتا ولو ضاعت هتدفع مبلغ محترم


اعتقد ان دي قاعدة متبعه في حتت كتير وان كان الافضل انك تدفع
والله اعلم

[MohamedGafar]

القانون قانون........لو كنت بره واللوائح دي متطبقة كنت دفعت من غير فصااااااااال!

تحياتي.

[shaddadfalcon1]

طيب طالما حضرتك عارف ان دي قوانينهم ووافقت عليها وركنت يبقي المفروض لو عندك شكوي كنت من اول مادخلت قلتلهم انا مش هدفع حاجه لو الكارت ضاع

[aboomar22]

هو الكارت بيكون مكتوب عليه فى حالة فقد الكارت بتدفع غرامة 75 جنية او 50 حسب المكان وطالما انت اخدت الكارت ودخلت ركنت يبقى انت قبلت القواعد المنظمة للعمل والا كنت ترفض ومتدخلش والعلاقى بينكم هى علاقة اتفاق ضمنى بانك تترك سيارتك لديهم والقواعد المتبعة هى بنود الاتفاق بينكم وانت مادمت قبلت انت ملتزم بها فرض الغرامة باللوائح المنظمة للعمل هى غرامة قانونية متى كانت هذه التعليمات مكتوبة وواضحة للجميع مثل غرامات مترو الانفاق فى حالة فقد التذكرة بتدفع 10 جنية عموما حمد الله على السلامة وخلى باللك المرة الجاية من الكارت انا بحطه فى المحفظة دايما لحد ما خرج

[م. حاتم السباعي]

اخي الكريم
اعلم انك ما رويت لنا هذه القصة الا لانك تريد ان تسمع ما يريح ضميرك
سواء ايدناك في تصرفك او حتي لو جاء عكس تصرفك

بعض البنوك مثلا واضعة قاعدة لو انك صاحب حساب مميز و قل حسابك عن حد معين يتم خصم مبلغ من حسابك و لكن لان التعاقد هكذا من البداية فلا يحق لاحد ان يمتنع
و الامثلة كثيرة جدا و لا داعي لان نعددها


و الخوف كل الخوف

ان يأتي يوم من الايام وحضرتك تعمل قاعدة معينة لشئ معين و سيأتي من يخترقها و هو يعلم انك ما وضعتها الا لتنظيم شئ معين لان ( الدنيا سلف و دين ) و قتها ستتذكر هذا الموقف بالتأكيد

تحياتي لك

م.حاتم السباعي

[damasry]

تصدق انت بتستهبل

يعني تيجي عندي و ما تتصلش و لا تعدي عليا

اخص

انا اعرف مدير الباركنج شخصيا كنت كلمتهولك ..... او خرجت لك عربيتك بال parking pass بتاعي .......

يا زعيم انا واصل الساعة ٥ وربع وماشى الساعة ٨ ونص يعنى انت اكييد مشيت وكمان كان معايا الوالد وكنت رايح عشان عندى meeting هناك

على العموم احنا اسفييييييييين يا صلاح :)

اتصلوا بيه كتييير ومش بيرد عليهم ولما خدت النمرة وحاولت اتصل بردوا مش بيرد، شكله كان نايم

اعتقد ان فيه عنصر تاني في الموضوع علشان كده حاطين غرامة عليه

الفكرة ان حد ممكن يستخدم الكارت ده تاني ويعمل لهم لخطبة بشكل معين

هل الكارت ده ممغنط متسجل عليه وقت الدخول ولا حاجه كده زي بتاع عصير القصب

في المطار مثلا مش كارت بيديك ورقه متسجل عليها كل الداتا ولو ضاعت هتدفع مبلغ محترم

اعتقد ان دي قاعدة متبعه في حتت كتير وان كان الافضل انك تدفع
والله اعلم

حضرتك انا عارف الفكرة الغلط وانا اللى قولت ليهم ان فكرة الكارت هى تنظيم عملية الخروج والدخول وبتعرفهم انا دخلت الساعة كام بالظبط والا مش ها يعرفوا واى حد يقعد ١٠ ساعات ويقول انا لسه داخل.

الكارت مش ممغنط فقط بيطبع اليكترونى زى سيتى ستارز لكن في الخروج بيطلع عليه يدوى ويشوف وقت الدخول ويديك ايصال.

انا عارف النظام فى المطار بس انا بدخل بالكارنيه بتاع العربية فى المطار.

القانون قانون........لو كنت بره واللوائح دي متطبقة كنت دفعت من غير فصااااااااال!

تحياتي.

قانون!!!!! بس فين القانون بقى هنا؟؟؟؟؟ دا قواعد لتنظيم سير العمل ومش من حقهم تغريم اى فرد، ده قطاع خاص مينفعش خالص وانا قولت ليهم اتصل بالشرطة واعملوا محضر انى ضيعت الكارت وانا اعمل محضر انى عايز ادفع اللى قعدته بالفعل.

مبدأ الانسان مش بيتجزأ وانا لو كنت بره كنت عملت نفس الموضوع.

طيب طالما حضرتك عارف ان دي قوانينهم ووافقت عليها وركنت يبقي المفروض لو عندك شكوي كنت من اول مادخلت قلتلهم انا مش هدفع حاجه لو الكارت ضاع

ومين قالك يا باشا انهم اعلنوا عن شروطهم دى قبل الدخول؟؟؟ كل اللي كاتبينه قبل الدخول هو اسعار الانتظار ولما تنزل وتركن تلاقى اليافطة، طب بعد ما نزلت؟؟؟؟ ما انا لو قولت عايز امشى كانوا ها يقولوا طالما دخلت يبقى لازم تدفع.

هو الكارت بيكون مكتوب عليه فى حالة فقد الكارت بتدفع غرامة 75 جنية او 50 حسب المكان وطالما انت اخدت الكارت ودخلت ركنت يبقى انت قبلت القواعد المنظمة للعمل والا كنت ترفض ومتدخلش والعلاقى بينكم هى علاقة اتفاق ضمنى بانك تترك سيارتك لديهم والقواعد المتبعة هى بنود الاتفاق بينكم وانت مادمت قبلت انت ملتزم بها فرض الغرامة باللوائح المنظمة للعمل هى غرامة قانونية متى كانت هذه التعليمات مكتوبة وواضحة للجميع مثل غرامات مترو الانفاق فى حالة فقد التذكرة بتدفع 10 جنية عموما حمد الله على السلامة وخلى باللك المرة الجاية من الكارت انا بحطه فى المحفظة دايما لحد ما خرج

الكارت مش مكتوب عليه اى تعليمات زى مثلا كارت المطار

والعلاقة بينا هى خدمة مقدمة منهم مقابل أجر ليس اكثر، وانا مطلبتش غير انى ادفع مقابل الخدمة اللى خدتها.

لو مثلا كارت غالى مش disposable كنت قولت ده تمن الكارت وبعدين يا جماعة هو الكارت معمول ليييه غير لاثبات ميعاد الدخول؟؟؟؟ طيب طالما فيه وسيلة تانية للتيقن واللى هى كاميرات المراقبة يبقى هو همه تحصيل الغرامة ولا تحصيل مقابل الخدمة؟؟

والله هو الكارت حظه كده، انا حاطه فى جيب فيه اكتر من الفين جنيه وهو الوحيد اللى وقع :)

اخي الكريم
اعلم انك ما رويت لنا هذه القصة الا لانك تريد ان تسمع ما يريح ضميرك
سواء ايدناك في تصرفك او حتي لو جاء عكس تصرفك

بعض البنوك مثلا واضعة قاعدة لو انك صاحب حساب مميز و قل حسابك عن حد معين يتم خصم مبلغ من حسابك و لكن لان التعاقد هكذا من البداية فلا يحق لاحد ان يمتنع
و الامثلة كثيرة جدا و لا داعي لان نعددها


و الخوف كل الخوف

ان يأتي يوم من الايام وحضرتك تعمل قاعدة معينة لشئ معين و سيأتي من يخترقها و هو يعلم انك ما وضعتها الا لتنظيم شئ معين لان ( الدنيا سلف و دين ) و قتها ستتذكر هذا الموقف بالتأكيد

تحياتي لك

م.حاتم السباعي

اخى الكريم، لو مكنتش عايز اعرف رأيكم بجد مكنتش كتبت الموضوع او كنت صيغته بطريقة اخرى، فشكرا اخى لحسن ظنك بى.

لو كانوا ذاكرين موضوع الغرامة من الاول كان يبقى ليهم حق وكمان انا واخد الكارت معايا عشان فاكر زى سيتى ستارز ان الدفع ها يكون فوق والا كنت سيبته فى السيارة.

والحمدلله عدى عليا فى الموقف ده فوق ال١٠ موظفين ومفيش موظف فيهم قالى انت غلطان. الكل كان بيقولى انت صح ومش بتطالب غير بحقك، لكن هو موظف واحد اللى كانت قافل دماغه ولازم تدفع لحد ما مدير امن المول كلمه وقاله اتحاسب على ساعات الانتظار الفعلية.

لو عامل شروط لتنظيم علاقة تعامل مع افراد اكيييد كنت ها اذكرها للجميع وكمان لو حد ناقشنى فيها واقنعنى انى بحاول اخد حق مش حقى اكييد مش ها اتعنت معاه.

================================

شكرا لمشاركتكم ومناقشتكم الجميلة.

[SHNORY]

طيب لو كان واحد لقي الكارت وراح اخد العربيه وخلع ؟؟
كنت حتدفع ال75 جنيه؟؟؟

[lad]

غلطان

[damasry]

طيب لو كان واحد لقي الكارت وراح اخد العربيه وخلع ؟؟
كنت حتدفع ال75 جنيه؟؟؟

مال الكارت بالعربية يا محمد!!!

[damasry]

غلطان

ماشى

[الغزالى]

مال الكارت بالعربية يا محمد!!!

انا افتكر ان شنورى يقصد انه يروح يفتح العريبه وياخدها ويطلع من البارك يحاسب عادى خالص .. انه صاحب العريبه وهوا سارقها ... افتكر شنورى يقصد كده ...
-------------
وبعدين انت قولت حاسس بمصيبه جيالى .. اديها الحمد لله جت فى حاجه بيسطه .. اركن انت بئى عشان لسه فى 2 حاجزين دور ..

[ahmedsrs]

غلطان ولازم القوانين تحترم

[Karim_Monir]

طالما وافقت على دخول الباركينج بتاعهم يبقي موافق على قواعدهم
وطالما القواعد بتاعتهم لا تتعارض مع القانون المصري او الشريعة الاسلامية يبقي لازم توافق عليها لانك دخلتها بمزاجك
وكتير من المولات بتلزمك بقواعد خاصة بيها
ومدن سكنية بتفرض عليك حاجات معينة زي مدينة سكنية تعمل عليك عقوبة لو شغلت كالكس السيارة
وكون انك ما دفعتش ثمن الكارت ده تعنت يا صديقي
ولو كنت فوق كاترين وثبتك بدوي ضيعت الكارت بتاع الجمل بتاعه كنت هاتدفع
نييييييههههههههههههههههه