موسوس وعاوز اشتري تليفون لاسلكي، نصايحكم...

[Amr_MO]

السلام عليكم ورحمة الله وبركاته

عاوز اشتري عدة تليفون لاسلكي لتليفون البيت الأرضي، والنوع المنتشر حاليا هو الباناسونك وفيه منه كذا موديل زي الموجود في الصفحة دي:

Telephones

بس في حاجة واحدة موسوس منها وهو موضوع الاشارة الخاصة بالتليفونات الاسلكية، انا الي اعرفه ان التليفونات دي بتشتغل بموجات الراديو، فهل زي ما بسمع فعلا ان لو جارك مثلا بيقلب في اي جهاز راديو عنده ممكن يلقط اشاره التليفون ويقعد يسمع المكالمة وتبقى العملية بحري ولا الموضوع ده مبقاش موجود في التليفونات الحديثة ولا ايه الموضوع بالظبط؟

ارجو الافادة من المتخصصين في الموضوع ده علشان لو فعلا الموضوع سداح مداح كدة يبقى بلاش منه خالص وشكرا جزيلا لكم

[mramzy]

ده كان زمان لما كانو بيعملوها على ترد دد الاف ام
حاليا لا
ونصيحه هات تليفون بانسونيك العادى خالص لان كل الخواص الابقيه هتدفع تمنها ومش هتستخدمها
انا عندى العادى كنت جايبه 160 جنيه والحمدلله بقاله سنتين زى الفل

[koheya]

انا بشتغل فى شركة بترول وكتير جدا لاسلكى الشركة كان بيلقط مكالمات هاتفية من التليفونات المحيطة الخاصة واضرينا نغير ترددنا علشان التداخل دة.

[medododo]

مفيش موضوع الراديو ده كان زمان
الموديلات الجديدة مشفرة

[medododo]

وممكن تجرب بنفسك موضوع الراديو ده مش هيلقط

[elbeheri]

ومين فاضى عشان يعقد يسمع جاره اللى بيتكلم فى التليفون

[gebreel]

و مين اصلا بيسمع راديو في بيته دلوقتي =)

[yaserbasha2000]

موضوع انه يتلقط ده مش موجود في التليفونات الحديثه خالص لانها ديجيتال و مشفره

لو استخدامك علي قد الشقه بس انصح حضرتك بتليفون سيمنس al140 موجود في راديو شاك ب 150 جنيه مجربه لسنين عندي و عند والدي كويس جدا بس مش لاسلكي ذو مدي كبير يعني جوه الشقه بس

ده فيه اظهار رقم و تخزين اسماء بس عدد محدود 40 اسم تقريبا و حجمه ووزنه و استهلاك البطاريه كويسين جدا

[A_H_M_A_D]

Siemens

موجود في راديوشاك و كارفور , فيه منه نوعين واحد ب 150 جنيه وواحد ب 200 جنيه , أنا جبت اللي ب 200 و شغال معايا تمام

فيه موديلات تانية أغلى بإمكانيات أعلى بس النوعين دول فيهم المطلوب , وعلى فكرة صناعة ألماني مش صيني

[Bonanza]

والله كنت عاوز اسأل نفس السؤال ده

يعني الواحد ما يجيبش الحاجات اللي بـ 500 دي ؟؟

[Amr_MO]

متشكر جدا على المعلومات المفيدة وان شاء الله هنزل اشتري الباناسونك او السيسمنز على حسب اللي هلاقيه متوفر

سؤال كمان اذا سمحتم، انا محتاج تليفون لاسلكي يكون بيخزن الأرقام مع الأسماء ولما رقم تليفون معين يرن يظهر الاسم مش الرقم وبس، فهل الباناسونك العادي ابو 150 جنيه فيه الخاصية دي ان لما حد يتصل عليك وتكون مخزن اسمه مع الرقم يظهر الاسم ولا بس بيظهر الرقم؟ يعني عاوزه يكون شغال زي الموبايل كدة

[mramzy]

متشكر جدا على المعلومات المفيدة وان شاء الله هنزل اشتري الباناسونك او السيسمنز على حسب اللي هلاقيه متوفر

سؤال كمان اذا سمحتم، انا محتاج تليفون لاسلكي يكون بيخزن الأرقام مع الأسماء ولما رقم تليفون معين يرن يظهر الاسم مش الرقم وبس، فهل الباناسونك العادي ابو 150 جنيه فيه الخاصية دي ان لما حد يتصل عليك وتكون مخزن اسمه مع الرقم يظهر الاسم ولا بس بيظهر الرقم؟ يعني عاوزه يكون شغال زي الموبايل كدة

ايوة بيعمل كده بس بيخزن 50 اسم فقط