غير مطلوب مهندسين حديثى التخرج

[eng/muhamad]

كلمه حديثى التخرج اتمسحت من الوجود
الواحد لازم يتخرج من الكليه معاه خبره سنتين او تلاته عشان يعرف يشتغل بجد حرااااااااااااااام
كل الناس تقولك الحال واقف مفيش شغل و لو فى مش لحديث التخرج يعنى هو مدير الشركه اللى بتعين و بتطلب مهندسين او موظفين عموما اتخرج من الكليه مدير
احنا دفعه 2011 دفعه مظلومه و السبب الثوووووووووره كله يقولك وقفت حال البلد و احنا ذنبنا ايه بجد تعبنا مفيش شغل
متخرجين من شهر 6 و قاعدين فى البيت يرضى ربنا ؟
ايه الحل
وسايط ؟ رشاوى ؟ محسوبيات ؟

[eslamrace]

على فكره ولا تجاره بتقدير نافعه لازم خبره
لالالالا بصراحه لقيت شغل فى مدرسه ب120 جنيه فى الشهر بس تقول ايه عيل فرفور مرضتش بيهم
القهاوى زادت اوى فى البلد ومن المشاريع اللى بتجيب دخل كويس اظن ده اثبات انك مش لوحدك متقلقش دى مشكله جيل ......................وبلاش تقلب المواجع
هههههههههههههههههههه

[eng/muhamad]

اكتر حاجه تنرفزنى لما تقابل حد و خصوصا الناس الكبيره فى السن شويه و تقول قدامه عاوز اسافر بره يااااااااااااااه على اللى تسمعه
البلد محتجالكم فى الفتره دى حرام انت مش عاوزين تنفعوا البلد و ياما تسمع

[amrelsaqqa]

جيت على الوجيعة
انا كمان مهندس دفعة 2011

بالمناسبة يا جماعة الواحد لو لقى اعلان وظيفة اي تى مثلا وعايزين واحد متخصص في كذا ، سينيور وخبرة 3 سنين والكلام ده ،

لو انا عندى خبرة وفاهم في الحاجة دى مع انى لسة متخرج ، اعتبر نفسى عندى خبرة واقدم ولا اعتبر نفسى حديث التخرج والوظيفة مش ليا ؟

[mohdamin18]

g3g

[eslamrace]

اكتر حاجه تنرفزنى لما تقابل حد و خصوصا الناس الكبيره فى السن شويه و تقول قدامه عاوز اسافر بره يااااااااااااااه على اللى تسمعه
البلد محتجالكم فى الفتره دى حرام انت مش عاوزين تنفعوا البلد و ياما تسمع

مش بقولك بتقلب المواجع الفراغ القاتل يدق الابواب دائما ولما تكلم الناس الكببيره يقولك اشغل وقت فراغك بحاجه مفيده ولما تسأل زى ايه يقولك خد كورسات طيب اخد كورسات ليه منا كده كده مفيهاش شغل هى ناقصه مصاريف وبعدين منا معايا انجليزى وكومبيوتر اعمل ايه تانى
على فكره انا اكتشفت ان عقليه الناس الكبيره مش نافعه الايام دى

[yoko]

طمنتوني فاضلي كام شهر واتخرج (هلوسه برده)
يعني أخدها من قصيرها واسافر بره؟ (أهلي مش ممانعين الحمد لله)

[eng/muhamad]

خدها من قصيرها و اخلع بسرعه قبل ما يبقى مفيش سفر كمان
بجد انا دمى محروق اووووووووووى من الموضوع ده
الواحد خلاص بقى يتكسف يطلب فلوس اهله مع ان الحمد لله مرتاحين و الموضوع مش موضوع فلوس بس فرااااااااغ و عاوزين نعتمد على نفسنا بقى و نشتغل و نقبض و نبقى مسؤلين كده
بجد حرااااااااااااااااااااااام

[yoko]

خدها من قصيرها و اخلع بسرعه قبل ما يبقى مفيش سفر كمان
بجد انا دمى محروق اووووووووووى من الموضوع ده
الواحد خلاص بقى يتكسف يطلب فلوس اهله مع ان الحمد لله مرتاحين و الموضوع مش موضوع فلوس بس فرااااااااغ و عاوزين نعتمد على نفسنا بقى و نشتغل و نقبض و نبقى مسؤلين كده
بجد حرااااااااااااااااااااااام

انا والله من دلوقتي بحاول أعتمد على نفسي في الماديات على قد ما أقدر
أما الشغل بره فوالدي شغال بره فمش هيتقفل الباب ده إن شاء الله (بس الاقي بره)

[Screenplays]

هو فعلا كلام الناس الكبيره يحرق الدم بجد

[mohdamin18]

على اساس ان برا مش بيطلبوا خبرة ؟

[eslamrace]

على اساس ان برا مش بيطلبوا خبرة ؟

لا بيطلبوا بس من حقهم لان الشخص بيكون اجنبى والمفترض انه اخد الخبره فى بلده
انما فى بلدى كمان عايزين خبره اجيبهلهم منين وده اللى احنا بنقولو

[hazemhany]

الهم واحد والله .. انا مهندس ميكانيكا 2011 ..وتعليقا علي موضوع السفر.. ياريت بقي فيه فرص عدلة ..كل اللي موجود يأما بيطلبوا خبرة ..يأما بمرتبات تعبانة ..يعني مقفلة من مجاميعو يا معلم ..وبالنسبة لكلام الكبار فعلا يفقع اللي يقولك انت لسه متخرج فلازم تتمرمط بأي مرتبات وانت لسه في الأول وانتوا عايزين كل حاجة بسرعة ..كل ده ع اساس ان الواحد قضي من عمره 16 سنة متعلمش فيهم حاجة ولا طلع عين اهله فيهم و 5 سنين هندسة ملهمش اي قيمة ..وكأن برضه البلد مفيهاش اي فرص كويسة خالص مالص ولا الفرص دي متشالة لناس بعينها مفيش اي حاجة مميزة فيهم غير انهم يعرفوا ناس هناك !..بجد احنا ملناش غير ربنا

[eng_volto]

انا الحمد لله خريج هندسه دفعه 2011 بردو
بس ربنا كرمنى ودخلت الجيش بقبض مبلغ وقدره 175 جندى
اهو اى حاجه الواحد يتلكك بيها انها مش بيشتغل

[AirForces]

طمنتنى يا باشا انا برضو هندسة بس فاضلى 3 شهور واتخرج إن شاء الله
فى مصر عشان تشتغل لازم يكون معاك خبرة وعشان يكون معاك خبرة لازم تشتغل ( حد يحل المعضلة دى )