لجميع هواة صيد الأسماك

[ZALABANY]

السلام عليكم
أنا من هواة صيد السمك بس الكلام ده كان من حوالي سنتين لما كنت ساكن في حلوان وعندي عدتي كامله وكل حاجه ياريت يا جماعه لو حد ليه في موضوع الصيد ده يقولنا ايه هي افضل الأماكن اللي ممكن نصطاد منها جوا القاهرة او بره القاهرة للي عندو خبره في الموضوع ده

[Islam_galal]

عليك و علي goodwave

[Matrixawy]

السلام عليكم
أنا من هواة صيد السمك بس الكلام ده كان من حوالي سنتين لما كنت ساكن في حلوان وعندي عدتي كامله وكل حاجه ياريت يا جماعه لو حد ليه في موضوع الصيد ده يقولنا ايه هي افضل الأماكن اللي ممكن نصطاد منها جوا القاهرة او بره القاهرة للي عندو خبره في الموضوع ده

انا من هواة الصيد ايضا و كنت بصطاد بجوار كوبرى عباس من ناحية المنيل او بمنطقة المقياس فى المنيل و بها تجمع سمك جيدا
و لكن يؤسفنى ان النيل اصبح ملوث جدا و كثيرا ما القيت السمك بعد صيده بسبب رائحته المنفرة بسبب تلوث النيل و رائحة الماء عندما تقترب منه اصبحت عاملة زى رائحة المجارى و بصراحة مش عارف بنشرب من النيل ازاى و اذا اردت الصيد بكميات كبيرة و بسرعة يوجد عندى طريقة خطيرة تعلمتها من صياد بالاسماعيلية و جربتها فى النيل و كانت النتيجة رائعة .

[goodwave]

السلام عليكم

حبيبييييييييييييييييييييييييييي ....... إنت رجلك وقعت ومحدش سمى عليك ..... إنت وقعت ولا الهوا إللي رماك!

عليك وعلى الموقع التالي وهو بمثابة البوابة الرئيسية لمدمنين مصر :) www.egfishingclub.com
وأي إستفسار تاني انا في الخدمة.

islam_galal
متشكرين على التدبيسة يا عم :) :) بهزر طبعا :)

[ZALABANY]

تسلم ياباشا وشكرا على النصيحة

[ZALABANY]

طيب ما قلتلناش ايه هي الطريقه دي يا عم Matrixawy

[Matrixawy]

طيب ما قلتلناش ايه هي الطريقه دي يا عم Matrixawy

طريقة جامدة جدا ممكن تحمل شوال سمك خلال نصف ساعة فقط من النيل
بس تدفع كام الاول و انا اقولك

[ZALABANY]

هاديك نص الشوال ياعم بس شكلها اشتغاله

[Karim_Monir]

السلام عليكم

حبيبييييييييييييييييييييييييييي ....... إنت رجلك وقعت ومحدش سمى عليك ..... إنت وقعت ولا الهوا إللي رماك!

عليك وعلى الموقع التالي وهو بمثابة البوابة الرئيسية لمدمنين مصر :) www.egfishingclub.com
وأي إستفسار تاني انا في الخدمة.

islam_galal
متشكرين على التدبيسة يا عم :) :) بهزر طبعا :)

ايجي فيشينج كلوب بتاع اخونا وحبيبنا شريف الدوياتي
وهو عضو ممتاز عملا وخلقا وزميل لينا في المنتدي هنا وسبق وشوفتة اكتر من مرة

منور يا جود ويف

[goodwave]

إنت طلعت تعرف شريف يا كريم؟؟؟؟؟؟؟؟؟؟
هو ما فيش حاجة بتستخبى في البلد دية؟؟؟؟؟؟؟؟ :(
شريف راجل محترم وعامل شغل كويس في منتدى الصيد بس لسة منتدى الصيد قدامه شوية علشان يتظبط ويبقى مية مية بالأخص صلاحيات المشرفين.طيب مش ناوي يا كيمو تجيب رجلك في الخية وتبقى مدمن إنت كمان :)

[GoldenManEye]

ايجي فيشينج كلوب بتاع اخونا وحبيبنا شريف الدوياتي
وهو عضو ممتاز عملا وخلقا وزميل لينا في المنتدي هنا وسبق وشوفتة اكتر من مرة

منور يا جود ويف

ياااااااااااااااااااااه

انا من سنه تقريباً طلعت معاهم رحلة صيد جامد موووت فى السخنه كانت يومين وبيتنا ليله فى البحر :) كانت مش ممكن!!!!!
وكان معانا شريف و فؤاد بجد ناس محترمة جداً جداً جداً.

انا ماكنش ليه فى الصيد بس الجماعة كانوا منظمين الرحلة كويس و جايبين عدة الصيد و الطعم و كله! و شفت صيد الجر :) و إصطدنا حبه حلوين كالنا منهم يومين و الباقى إتوزع علينا واحنا راجعين القاهرة.

[Karim_Monir]

إنت طلعت تعرف شريف يا كريم؟؟؟؟؟؟؟؟؟؟
هو ما فيش حاجة بتستخبى في البلد دية؟؟؟؟؟؟؟؟ :(
شريف راجل محترم وعامل شغل كويس في منتدى الصيد بس لسة منتدى الصيد قدامه شوية علشان يتظبط ويبقى مية مية بالأخص صلاحيات المشرفين.طيب مش ناوي يا كيمو تجيب رجلك في الخية وتبقى مدمن إنت كمان :)

معلش هو كان حصل عندة شوية مشاكل كدة وبيظبطها
ربنا يوفقه ويوفقكم
صيد ايه بس يا احمد انا انسان ملول بطبعي بزهق من نفسي عشان شكلي كل يوم زي ماهو
اجي امسك سنارة واقعد جنبها ومستني الفرج
لالالالالالالالالالالا
الحاجة الوحيدة اللي ممكن اصبر فيها وقت القراءة ومشاكل الكمبيوتر العويصة
وحتى اكل السمك ماليش فيه
اخري حتتين فيلية مقلي او جمبري مشوي
وبلاش انت يا بتاع البلطي الي بيطلع من البحر
ها ها ها
--------
صحيح ليا واحد من اعضاء المنتدي وغاوي صيد مووت وعندة محل ادوات صيد في روكسي معرفش تعرفة ولا لاء
وائل جابر-ابن خالتي مباشرة

[goodwave]

إنت ملكش في أكل السمك!!!!!!! بلاش فضايح بأمارة المرجان والجمبري والتعابين البحرية إللي بتخلي الواحد ينور (من ميامي) فاكر ولا أسيحلك :)

بجد والله قريبك ... طيب ما تبعتلي رقمة علشان محتاج شوية عدة ضروري والأسعار غالية في إسكندرية ..... ياريت تبعتلي رقمة في أقرب فرصة يا كيمو

[magdi mina]

فين يا عمنا السمك ؟؟؟؟؟؟ انا صياد قديم .. اصبح من الذكريات ايام تملأ ice box فىاصطباحة او فى مغربية ( يعنى فوق العشرة كيلو ) .. وتبقى مش عاوز تروح .. وتسيب السمك .. لفينا محافظة البحيرة ثم كفر الشيخ طوال خمس سنوات وهلكت الفيات 125 على الترع والمصارف .. ثم رجعنا للبحر .. الميناء والساحل الشمالى والمنتزة .. ومزرعة المطار ومزرعة مريوط .. حتى مزرعة كلية الزراعة اشتركنا فيها .. من حوالى خمس سنين .. السمك قل جدا جدا فى النيل وفى البحر .. اخيرا وصلنا الغردقة .. نأجر المركب ونقعد اقامة كاملة ثلاثة ايام .. صيد جر وتسقيط ..متعة فعلا .. لكن البحر ممكن يقلب والريح تشد .. ونضطر نرحع .. ( دة حصل اكتر من مرة ) ومرة المركب عطلت ومرة الجيربوكس خرب وقطرتنا مركب خرجتنا من عند جزيرة شدوان !!!!!! الخلاصة اسكندرية والنيل السمك بح .. السبب التلوث .. اللتلوث .. التلوث . فكرتونا بالذى مضى