سواق ميكروباص

[alfath8]

السلام عليكم
طبعا انتو عارفين المعاناة اللى الناس كلها بتعانيها من سواقين الميكروباص بس انا حصل معايا موقف النهاردة حبيت اذكره علشان الناس تعرف ان الفئة دى مش كلها وحش ومش كلها حلو
النهاردة بعد صلاة العصر وانا كنت راكب دراجة وقع منى مبلغ من المال كنت حاطه فى الجيب اليمين من الجاكت وطبعا انا محستش شافنى سواق ميكروباص معروف على الخط اللى بيمر من قدام بيتنا طبعا انا ماشى فى حالى المبلغ وقع منى وهو شافه وطبعا انا ماشى عادى بعدها بحوالى 2 كيلو لقيت سواق بيزنق عليا ويقولى اقف وقفت بيقولى معاك فلوس دا انتا دوختنى طبعا انا واقفت مش فاهم حاجة والميكروباص كبه بيضحك وانا مش فاهم حاجة قالى شوف الفلوس اللى فى جيبك ببص اطلع الفوس اللى فى الجاكت مش لاقيها بصتله وبقله الفلوس مش موجودة قالى انتا غلبتنى فضلت اجرى وراك وهو فعلا طلع عن مسار الخط بتاعه كتير علشان يلحقنى وقعد يهزر معايا ويقولى الناس قالت عليا مجنون من كتر السرعة علشان الحقك واديلك فلوسك وطلعت من الخط زمان انا بيقت واقف مش مصدق نفسى والله انا لسه فى الزمان ده حد يعمل كده
بجد الله يجازيه خير

[eslamrace]

ربنا يجازيه خير وكل مهنه بيكون فيها الكويس والوحش بس المشكله ان الشغلانه دى الغالب هو الوحش وعلشان كده بيكون الانطباع عنهم مش مظبوط

[alfath8]

ربنا يجازيه خير وكل مهنه بيكون فيها الكويس والوحش بس المشكله ان الشغلانه دى الغالب هو الوحش وعلشان كده بيكون الانطباع عنهم مش مظبوط

فعلا انا معاك ان اغلبهم وحش بس اللى حصل معابا النهاردة ده حاجة غريبة فعلا

[احمد المصرى]

ربنا يجازيه خير

[abdalah_hashem]

ربنا يهديهم كلهم

[mahmoudselim]

ياباشا انت ال فلوسك حلال مش أكتر

[mero100]

ياباشا انت ال فلوسك حلال مش أكتر

فلوسه حلال ده اكيد ...يعني ايه بقه مش اكتر؟؟؟؟.......رجعت لوحدها يعني ؟؟؟؟؟؟؟.....

لازم ننشر السلوك الجيد بيننا و ننميه و نشجعه و نكبره ..... مش كل البشر وحشه .... لان سواق الميكروباص ده أمين و محترم ..... انا اعرف سواقين ميكروباص شباب بكالوريوس.... و محترمين جدا .

[ghostmido]

عرفنا يا عم

ان عندك دراجة بتسابق الميكروباص .

انا بهزر يا برنس.
بس بجد السواق ده ربنا يباركله

[alfath8]

ان عندك دراجة بتسابق الميكروباص .
:e_braces[1]:
انا بهزر يا برنس.
بس بجد السواق ده ربنا يباركله

مش بتسابق ولا حاجة هو اتعطل عقبال ما لم الفلوس ووقف وبعدين جرى علشان يلحقنى
والحمد لله الفلوس دى كان هاتعمل بيها خير وهيا مبلغ كويس والحمد لله انها رجعت
بجد والله ربنا يجازيه خير دى الكلمة اللى فضلت اكررها ومش قادر اقوله كلمة تانية من الموقف اللى حصل

[shaddadfalcon1]

مش معني ان فيهم كتيير وحش انهم كلهم وحشين وعلي فكره في سواقين كتيير فيهم بيبقو كويسين ومحترمين بس لازم يعملو كده عشان الكار بتاعهم للأسف بقي كده

يعني انا ساعات كتت بشوف سواقين مش بطيقهم بس تيجي اي مناسبة اتكلم معاهم الاقيهم محترمين قوي واتضحلي ان في ناس كتيير منهم بيعملو كده عشان ميتاكلوش في الموقف بتاع العربيات وبقية السواقين تبلطج عليهم