الحمى القلاعية..اسأله للمتخصصين والفاهمين في المنتدى؟

[ecybrarian]

ايه نظام القلاعية دي يا رجالة..شكلنا كدا هانبطل ناكل لحمة تاني..عندي اسأله للمتخصصين في المنتدى والفاهمين يا ريت حد يفهمنا..
هل المرض دا بيموت بالتجميد؟؟ يعني اللحمة البلدي لو جمدناها تبقى آمنة؟؟
هل نشتري لحمة مجمدة مستوردة ونريح ولا ممكن دي كمان تتغش ببلدي مجمد؟

مع خالص الشكر

[أحمد الجندى]

متابع بشدة لانى كنت ناوى اشترى جديين وادبحهم لعقيقة ابنى بس دلوقتى مقلق بسبب الحمى القلاعية فياريت حد يفيدنا فى المسألة دى

[Mustafa_Farouk]

متابع بشدة

[sha2e]

الفيرس مش بيأثر غير على الحيوانات فقط وانتشاره سريع جدا بواسطة الهواء خصوصا انه فوران او طفره جديده ولسه لم يتم انتاج امصال مضاده له

كانو جايبين دكتور بيطري متخصص وسألوه على تأثيرها على الانسان وكان رده :
1- الحمى القلاعيه لا تصيب الانسان الى بيتعامل مع الماشيه المريضه وكان آخر حاله تم رصدها لاصابة انسان بالحمى القلاعيه من أكتر من 70 سنه وبعدها لم يتم رصد اى حالة اصابه بشريه بالحمى القلاعيه
2- فى حالة ذبح الماشيه لو كانت مريضه او مصابه بالمرض ولم يتم ظهور الاعراض عليها بيفرز اثناء فتره التيبس الرمي حمض معين داخل الخليه بيقضى على الفيرس " يعنى حتى قبل ما تطهي بيكون الحمض قضي على الفيرس"

[SYD]

متابع باهتمام

[ecybrarian]

الفيرس مش بيأثر غير على الحيوانات فقط وانتشاره سريع جدا بواسطة الهواء خصوصا انه فوران او طفره جديده ولسه لم يتم انتاج امصال مضاده له

كانو جايبين دكتور بيطري متخصص وسألوه على تأثيرها على الانسان وكان رده :
1- الحمى القلاعيه لا تصيب الانسان الى بيتعامل مع الماشيه المريضه وكان آخر حاله تم رصدها لاصابة انسان بالحمى القلاعيه من أكتر من 70 سنه وبعدها لم يتم رصد اى حالة اصابه بشريه بالحمى القلاعيه
2- فى حالة ذبح الماشيه لو كانت مريضه او مصابه بالمرض ولم يتم ظهور الاعراض عليها بيفرز اثناء فتره التيبس الرمي حمض معين داخل الخليه بيقضى على الفيرس " يعنى حتى قبل ما تطهي بيكون الحمض قضي على الفيرس"

طيب بالنسبة لذبح المواشي بعد نفوقها؟؟ ها تقولوا لي حرام ذبحها بعد نفوقها طبعا..هاقول لكم مع الخسارة المادية الكبيرة ناس كتير بتنسى ضميرها

[Ahmed_Ramadan]

طيب بالنسبة لذبح المواشي بعد نفوقها؟؟ ها تقولوا لي حرام ذبحها بعد نفوقها طبعا..هاقول لكم مع الخسارة المادية الكبيرة ناس كتير بتنسى ضميرها

نفس السؤال

[mustafavet]

اولا اللحمة لا تصلح بيعها اثناء المرض لان عندها حمي بمعني ارتفاع في درجة الحرارة
ثانيا حالة الذبح بعد الوفاة لا تصلح لان اللحمة ستكتنز الدم بداخلها ولن يتم النزف وبتاخد اللحمة اللون الاحمر الداكن بدل الون الفاتح المتعارف عليه
اعراض المرض علي الحيوان هي بثور في الحافر وعلي السان وفي الفم وبالتالي نزول كمية كبيرة من اللعاب من الفم ويصاحبه ارتفاع في درجة الحرارة
الحيوانات الصغيرة اشد تاثرا لانه بيؤدي الي التهابات حاده في عضلة القلب مسببا الوفاة
انتقال العدوي عن طريق الاحتكاك بافرازات الحيوان وخاصة اللعاب وكل ما يختلط به من اطباق وادوات
اصابة الانسان بالمرض عن طريق الطعام غير واردة ودا نتيجة لتاثر الفيروس بحامض المعدة القوي ( بيكرونا فيروس)

[sha2e]

طيب بالنسبة لذبح المواشي بعد نفوقها؟؟ ها تقولوا لي حرام ذبحها بعد نفوقها طبعا..هاقول لكم مع الخسارة المادية الكبيرة ناس كتير بتنسى ضميرها

بصراحه معنديش فكره
الدكتور اتكلم فى حالة الذبح الحمض ده بينشط
لكن فى حالة الموت من المرض بيكون استنفذ تمام وماعرفش ان كان الحمض ده بيفرز ولا لأ
وان كنت اميل انه مبيفرزش لانهم شددو على التخلص الامن للحيوانات النافقه وعدم رميها على الترع والمصارف لتجنب اصابة حيوانات اخري سليمه

وعلى فكره مفيش حاجه اسمها ذبح بعد النفوق لان الذبح المقصود بيه " ازهاق الروح باراقة الدم" وطالما نفقت قبل الذبح تبقى خلاص بقت ميته
أكيد حضرتك تقصد سلخها وتقطيعها بعد نفوقها وبيعها على انها مذبوحه

[SYD]

اعتقد كدة يبقي أأمن حاجة اليومين دوول هو الجملي

ولا ايه ؟؟؟

والله المستعان
،
،

[ecybrarian]

وعلى فكره مفيش حاجه اسمها ذبح بعد النفوق لان الذبح المقصود بيه " ازهاق الروح باراقة الدم" وطالما نفقت قبل الذبح تبقى خلاص بقت ميته
أكيد حضرتك تقصد سلخها وتقطيعها بعد نفوقها وبيعها على انها مذبوحه

اه صحيح..نورت المحكمة +1

اعتقد كدة يبقي أأمن حاجة اليومين دوول هو الجملي

ولا ايه ؟؟؟

والله المستعان
،
،

انا برضه سمعت إن الجملي افضل..

[sha2e]

اعتقد كدة يبقي أأمن حاجة اليومين دوول هو الجملي

ولا ايه ؟؟؟

الجمال تحمل المرض ولكن لا تظهر عليها الاعراض

[amdd]

انا هجيب سمك وانا مروح