سونى اريكسون

[alfath8]

السلام عليكم
طبعا العنوان واضح
تليفونات سونى اريكسون عايز اعرف بلد التصنيع اللى موجود فى السوق المصرى جودة خاماته
التوكيل بتاعه مين فى مصر انتشار قطع الغيار ولا مفيش فيه وجه مقارنة بينه وبين ساسمونج
انا حبيت اشترى سونى اريكسون new v ايه رايكم انا شايف انه ممتاز جدا فى ناحية السعر مقارنة باقرب تليفون ساسمونج فى نفس امكانيته وكمان الشركة هاتدعمه باندرويد 4
ايه رايكم

[opelawy]

بص يا سيدي كلو صيني بلا فخر

بس مفيش كفر و لا جراب و لا سكرين بروتكتور !!

انا معايا اكسبيريا اكس 8
و مراتي معاها لايف ووكمان
بصراحة الايف بتاع المدام خرافة بروسسور جيجا و رامات معقولة مش فاكرها و ايس كريم ساندوتش
كان ب 1800 جنيه

و بعت اجيب كفرات و سكرين بروتكتور من امازون

[matrix_it]

تقريبا هييجى مع الموبايل سكرين بروتكتور

[alfath8]

مفيش خوف من حكاية صينى دى والضمان والتوكيل نضيف ولا تعبان الجراب ممكن اعمله يدوى مش مشكلة سكرين برده مش مشكلة المهم التليفون نفسه ليه مشاكل كتيرة زى سامسونج ولا معقول

[osama.m]

لو بتفرك في سوني يبقى استنى لما ال xperia s ينزل .. التليفون دا ملوش حل .. ولو تعرف تجيبة من برة يبقى احسن

Sony Xperia S - Full phone specifications

[D . a .\ AYMAN]

أنا معايا نيو فقط وليس نيو v ... وبصراحة تليفون جميل جدا بمعنى الكلمة ... وإمكانياته تقريبا فيه كل حاجة يمكن ماعدا إن ذاكرته الداخلية قليلة شوية ولكني ماحستش إنها معجزاني لأن بحط كل البرامج على الذاكرة الخارجية لو إتزنقت ... الشاشة جميلة جدا بالبرافيا إنجن بتاع سوني وألوانها تحفة .. (ولكن شاشة السوبر أموليد في بعض موديلات سامسونج تفوقها في الألوان)

تصوير فيديو ثلاثي الأبعاد .. كاميرا ثابتة هايلة سواء في الظلام أو النور .. بس أنا بتكلم عن النيو وليس النيو في .. لأن النيو v كاميرته أقل ويقال إن المصنع بتاع الكاميرات بتاعة النيو تم تدميره في الزلزال الأخير بتاع اليابان عشان كدة نزلوا النيو v بكاميرا أخرى

بالنسبة لسوني إريكسون نفسها (خلاص بقى إسمها سوني بس دلوقتي لأن سوني إشترت الحصة بتاعة إريكسون السويدية وبكدة خلاص ماركة إريكسون إندثرت للأبد) ... هي من أفضل التليفونات اللى مسكتها ودايما بغير من سوني إريكسون لسوني إريكسون بقالي دلوقتي حوالي خمس سنوات .. وده بعد معاناة مع نوكيا وسامسونج اللى دايما فيهم إمكانيات ولكنك لا تستطيع إستخدامها بسبب كثرة مشاكل التليفون إما بطيء زي نوكيا أو مليان عيوب فنية زي سامسونج وعدة ماركات أخرى غير شهيرة

بصراحة سوني إريكسون على مدى خمس سنوات وإختلاف التليفونات اللى شيلتها (حوالي أربع تليفونات ما بين جافا وأندرويد) ... المرات اللى هنج معايا فيها أو عمل ريستارت لوحده يمكن عدها على أصابع اليدين

الشركة مصنعها أساسا في الصين ولكن الماركة طبعا معروفة كانت يابانية سويدية ودلوقتي بقت يابانية خالصة

[alfath8]

أنا معايا نيو فقط وليس نيو v ... وبصراحة تليفون جميل جدا بمعنى الكلمة ... وإمكانياته تقريبا فيه كل حاجة يمكن ماعدا إن ذاكرته الداخلية قليلة شوية ولكني ماحستش إنها معجزاني لأن بحط كل البرامج على الذاكرة الخارجية لو إتزنقت ... الشاشة جميلة جدا بالبرافيا إنجن بتاع سوني وألوانها تحفة .. (ولكن شاشة السوبر أموليد في بعض موديلات سامسونج تفوقها في الألوان)

تصوير فيديو ثلاثي الأبعاد .. كاميرا ثابتة هايلة سواء في الظلام أو النور .. بس أنا بتكلم عن النيو وليس النيو في .. لأن النيو v كاميرته أقل ويقال إن المصنع بتاع الكاميرات بتاعة النيو تم تدميره في الزلزال الأخير بتاع اليابان عشان كدة نزلوا النيو v بكاميرا أخرى

بالنسبة لسوني إريكسون نفسها (خلاص بقى إسمها سوني بس دلوقتي لأن سوني إشترت الحصة بتاعة إريكسون السويدية وبكدة خلاص ماركة إريكسون إندثرت للأبد) ... هي من أفضل التليفونات اللى مسكتها ودايما بغير من سوني إريكسون لسوني إريكسون بقالي دلوقتي حوالي خمس سنوات .. وده بعد معاناة مع نوكيا وسامسونج اللى دايما فيهم إمكانيات ولكنك لا تستطيع إستخدامها بسبب كثرة مشاكل التليفون إما بطيء زي نوكيا أو مليان عيوب فنية زي سامسونج وعدة ماركات أخرى غير شهيرة

بصراحة سوني إريكسون على مدى خمس سنوات وإختلاف التليفونات اللى شيلتها (حوالي أربع تليفونات ما بين جافا وأندرويد) ... المرات اللى هنج معايا فيها أو عمل ريستارت لوحده يمكن عدها على أصابع اليدين

الشركة مصنعها أساسا في الصين ولكن الماركة طبعا معروفة كانت يابانية سويدية ودلوقتي بقت يابانية خالصة

ربنا يكرمك على التوضيح يعنى اتوكل على الله واشترى والضمان اخباره ايه كويس فى الصيانة وقطع الغيار متوفرة ولا ايه النظام اعادة البيع برده ايه النظام ليه سوق ولا الجلاكسى

[D . a .\ AYMAN]

ربنا يكرمك على التوضيح يعنى اتوكل على الله واشترى والضمان اخباره ايه كويس فى الصيانة وقطع الغيار متوفرة ولا ايه النظام اعادة البيع برده ايه النظام ليه سوق ولا الجلاكسى

عمري ما اتعاملت مع الضمان نهائي أو احتاجته فمقدرش أقول إيه مستواه وكذلك قطع الغيار .. وبرضه إعادة البيع لأني عمري ما بعت تليفون ومش بفكر في النقطة دي .. بس عموما "وهذا اعتقاد" .. أكيد سوق الجالاكسي هو اللى ماشي في البيع والشراء وما الى ذلك وبرضه في قطع الغيار

[medo_coool2002]

بص ياباشا هو اول حاجه صناعته صيني
ثانيا سوني اريكسون هو موبايل لا يعلي عليه لانه في امكانيات دلوقتي احسن من نوكيا او سامسونج ....الخ
بس عيبه بقي ان الناس مابتقتنعش انه موبايل جامد
فمثلا هتشتريه النهرده مثلا مثلا ب 1000 جنيه تروح بعد اسبوع لاي محل علشان تبيعه هتلاقيه يقولك 500 جنيه(هتقوله ياعم انا لسه شاريه من اسبوع)(هيقولك معلش يابرنش اصل السوني اريكوسن ملوش سوق هنا ياباشا)

وتوكل علي الله واشتري

[alfath8]

بص ياباشا هو اول حاجه صناعته صيني
ثانيا سوني اريكسون هو موبايل لا يعلي عليه لانه في امكانيات دلوقتي احسن من نوكيا او سامسونج ....الخ
بس عيبه بقي ان الناس مابتقتنعش انه موبايل جامد
فمثلا هتشتريه النهرده مثلا مثلا ب 1000 جنيه تروح بعد اسبوع لاي محل علشان تبيعه هتلاقيه يقولك 500 جنيه(هتقوله ياعم انا لسه شاريه من اسبوع)(هيقولك معلش يابرنش اصل السوني اريكوسن ملوش سوق هنا ياباشا)

وتوكل علي الله واشتري

ان عايز اقتنع بقى ليه ملوش سوق مع انه تليفون ممتاز بيقى اكيد فيه سبب
اكيد قطع الغيار او الضمان فى مصر فيهم مشكلة

[alfath8]

لو بتفرك في سوني يبقى استنى لما ال xperia s ينزل .. التليفون دا ملوش حل .. ولو تعرف تجيبة من برة يبقى احسن

sony xperia s - full phone specifications

موجود فى سليكت ب 4000 جنيه
بس ايه وهم