مشكلة مع ساكن في العمارة

[DreAmO]

طب البنات الييبيات دول مقيمين في مصر بصفة ايه ؟!

كلم صاحب الشقه الاول وفهمه ان الموضوع مضايقك اوي وهتكبرها في دماغ باقي السكان وتعملوا محضر بالموضوع ده

وانت بنفس الوقت حاول تكلم مع باقي السكان بخصوص الموضوع دة .. خليهم يتحمسوا معاك ان الناس دي تمشي من العماره خالص

وان العماره مش حمل ناس اجانب وتصرفات مشبوهه وناس مشبوهه .. ومين عارف ممكن حد يتقتل في الشقه دي ولا تحصل سرقه

والعماره يحصل فيها قلق ونيابه .. وادخلهم في الحوار دة يعني

[masterzmind]

يا فارما ازعل منك اقسم بالله لو روحت لوحدك ....... بصراحة انا لو منك هعمل خناقة ممكن للضرب كمان مفيش الكلام دة خالص انا بحمد ربنا انى ساكن فى بين عائلى

[masterzmind]

يا بية لو كل واحد تحتيه رقاصة يعزل يبقى بلد كلها هتبات فى الشارع ههههههههههههههههههه

[human]

بيساعدوا الشباب

[amribrahim]

نفسي اشتري شماريخ و أحط واحد قدام الباب و أجري أو حاجة تعمل دخان كتير

أنا هبلطج عليهم الأول و فالأخر هشوف حعمل إيه .. بس على فكرة محضر في القسم مش هيعمل حاجة ... لازم رتبة عالية علشان يحرك المحضر احنا في مصر مش أمريكا ههههه

[A7MED_PHARMA]

أنا كلمت الرجالة كلهاااااااااااااااااااا
هنعمل مقابلة كبيرة أوي هناك

مين هيأكد حضور بقا
علشان نعمل مقابلة إحتفالا بالثورة الليبية الشقيقة

[masterzmind]

نا كلمت الرجالة كلهاااااااااااااااااااا
هنعمل مقابلة كبيرة أوي هناك

مين هيأكد حضور بقا
علشان نعمل مقابلة إحتفالا بالثورة الليبية الشقيقة

انا معااااااااااااااااااااااااااااك اول واحد

[amribrahim]

الشقة في مدينة نصر .... الشغل ابتدا أهو

[abou_ruqi]

صح يا باشا و دلوقتي الساعة 4 و نص الفجر ومفيش صوت خالص ...

أعمل إيه ... الموضوع ده بقالو أكتر من شهر

في المشاركة دي انا شايف انك متضايق انهم بيسكتوا قبل الفجر ! هاهاها
على العموم انا نازل مصر وحروح مع فارما اشوف الناس دي بتعمل ايه بالظبط ، لحسن يكونوا بيعملوا حاجة كده والا كده !

خد الجد بقه


انت لا ليك انك تطلعلهم ولا تبلغ البوليس ، انت ما يصحش انك تعمل حاجة غير انك تبلغ صاحب الشقة ، ده حق الجيرة ، لانك اولا بتحافظله على بيته من النجاسة وبتحافظ عليه من انه يبقى ايريال
ثانيا لو بلغت البوليس وظبطوهم حيشمعوا الشقة ودي خسارة لجارك

وعليه فجارك اولى انه يعرف باللي بيحصل


اما بقه لو متصرفش يبقى ايريال ويستحق شقته تتشمع ، وساعتها اتصاحب عليهم انت بقه !

[MaNoLa]

يا نهار كحلى فى روز , كعوب و جرى و مكياج بالعبيط و جومانا مراد !!!
بص بقى كام نصيحه من الأخر عشان أنا حاسه أن فيه حاجات مش طبيعيه
بص أولا مبدأ أنهم من ليبيا و لا الكويت ولا الأمارات مش هيفرق لأن أولا أنا بحب الليبيين جدا لأن موضوع زى دة ممكن يأثر على ناس كتيرة و تفهمه غلط و أنا عارفة أن دة مش قصدك
ثانيا لو من فلول ليبيا و نظام (الله و معمر و ليبيا و بس) يبقى أطلع أرميهم من البلكونه (و دا ممكن تعرفة من العلم القديم و علم الأستقلال)
ندخل فى الكلام الجد و الأجراءات الحقيقية بقى
أولا الشرطة عمرها ماهتجيب حق مواطن (أحنا شعب) و زى مانت عارف الشعب دة مالوش لازمه , كلم صاحب الشقة بهدوء و بنوع من الصحوبيه أن الناس دى خطر على صاحب الشقة نفسه لأن حصل كذا كذا كذا و لو فيه مشاكل صاحب الشقة هيلبسها و أكيد هيقتنع بالكلام إلى أنت قولتة دة تماما لأن الخطر عليه هو شخصيا مش عليهم و المفروض تحسسه أنه فى خطر بجد
ثانيا و بكل شراسة أطلع قولهم و بصوت فيه خشونه (كل شوية جر عفش جر عفش و جرى تاكسيات و ناس طالعة و ناس نازلة ماتحترموا نفسكم بقى و وضح لهم أن الشعب المصرى مش بيرضى بالكلام دة نهائيا بأنك تقولهم أنتوا جايين مصر عشان تقلوا أدبكم ولا أية)
بـــــس خـــــلــــــــى بـــــالـــــــك
كلمة أنتوا جايين مصر دى لو هما إلى رفعوا عليك قضية ممكن أنت يتقبض عليك بتهمه أحباط معنويات سياح أجانب بمصر أو توتر العلاقات المصريه بجومانا مراد ,,,, قصدى بدولة أجنبيه شقيقه و بدل الشرطة ماتكون فى صفك هتكون فى صف الكبارية إلى فوقك
و لو روحتوا هناك عشان تحتفلوا معاهم خلوا بالكم و حطوا أدام عينيكم دايما شعار (ننتصر أو نموت)

[hazoom2006]

استاذ عمر انت تدخل عليهم وقولهم القذافى حى القذافى حى واحنا نستناهم تحت العماره فى اتوبيس وعلى بلدهم

سؤال كدة بيكونو جومانه جومانه يعنى اصل جومانه دى رمز من رموز الامباررليه فى العالم العربي

ربنا يديلك الصحه وتعمر ليبا

[SHADOWGHOST]

طيب موضوع الكعب ده وفهمته انما العفش اللي بيتحرك ده بيتحرك ليه ، اكيد لو فهمنا سبب تحركه هنفهم الناس دي بتعمل ايه ، وانت حاول تشوف اشكال الناس اللي بتطلع وتنزل وانت برضه هتفهم ، ولو فعلا الشقة فيها ستات وبيطلع رجاله يبقي دي ملهاش غير انهم بيشتغلوا في رفع المعنويات ، ودي بقه ملهاش غير الشرطة يا ريس ، تستني كده لما يكون في حد وتبلغ الشرطة من تليفون عمومي وهم يجوا يتصرفوا او تروح القسم بنفسك وتعمل محضر وفي الحالة دي هو مش هيروح يسالهم دا هيراقب الشقة ، ولو الشرطة ماخدتش اجراء لاي سبب يبقي ملهاش غير شوية شباب تمام وتنتظروا يكون في رجالة جوا وتكسروا الشقة عليهم وتاخدوهم في الملايات علي القسم

[nicegypt]

خدنى معاك يا فارما :)
كلام ابو رقيا زي الفل وهو عين العقل
انا لو منك همسك صاحب الشقة اكلمة .. مستحيل هيسكت ويبقى ايريال
خصوصا ان العقد اللى عملة للمؤجر فية شروط كتيرة منها الشرط دة
يعنى سهل يرمية ف الشارع ويجيب ساكن غيرة بأيجار اعلي ..
المهم انك تتحرك وتعمل حاجة فعلية ..علشان ربنا يكرمك وترتاح في بيتك

[A7MED_PHARMA]

موضوع تحريك العفش د هايل

إبداع حقيقي

[abou_ruqi]

طيب موضوع الكعب ده وفهمته انما العفش اللي بيتحرك ده بيتحرك ليه ، اكيد لو فهمنا سبب تحركه هنفهم الناس دي بتعمل ايه ، وانت حاول تشوف اشكال الناس اللي بتطلع وتنزل وانت برضه هتفهم ، ولو فعلا الشقة فيها ستات وبيطلع رجاله يبقي دي ملهاش غير انهم بيشتغلوا في رفع المعنويات ، ودي بقه ملهاش غير الشرطة يا ريس ، تستني كده لما يكون في حد وتبلغ الشرطة من تليفون عمومي وهم يجوا يتصرفوا او تروح القسم بنفسك وتعمل محضر وفي الحالة دي هو مش هيروح يسالهم دا هيراقب الشقة ، ولو الشرطة ماخدتش اجراء لاي سبب يبقي ملهاش غير شوية شباب تمام وتنتظروا يكون في رجالة جوا وتكسروا الشقة عليهم وتاخدوهم في الملايات علي القسم

ما العفش لازم يتحرك لو مفيش سجاد