تجربه سلبيه مع احد مصانع مصر فعلا عمر مالاقتصاد ده هيقوم

[Mshawky]

انا جاى ومحروق دمى جدا من المناظر اللى بنشوفها ماسكه مصانع من مدير انتاج ومديرين وهكذا

التجربه باختصار روحت لاحد المصانع فى العاشر لتصنيع بعض المنتجات للتصدير ملابس وخلافه وقولته هاخد خط انتاج ومعايا تصميمات وعايز اعملها وهكذا

قالى لا متستوردها احسن وبيكلمنى بالعبن والحاجب ومش عاجبه الكلام طب ياعم انا جاى اشغلك فى الايام اللى مايعلم بيها الا ربنا ديه يقولك لا احنا مش محتاجين شغل ومش عايزين نصدر حاجه احنا بنزل فى مصر كويس

وفى الاخر يقولى تاعب نفسك ليه متستوردها احسن اقوله ياعم انا عايز اشغل الناس هنا ونكسب احنا فلوسنا مننا فينا يقولك لالا استورد احسنلك وكبر دماغك





ايه رايكو فى كلام المدير اللى عايز الحرق ده لا وخايف يورينى عينات يقولى شكلك منافس وعايز تسرق تصميماتى



بصراحه قولت فعلا حلال فيكو ان الصين تنفخوا شغل وتغرق البلد منتجات طول ما الكائنات الضاله ديه موجوده فى مصانعنا

[ehab_mansour]

هدي نفسك يا أفندم مصر فيها الصالح و الطالح و فيه ناس كتير دماغها كده و ربنا يهدي ياريتك تدور علي حد تاني أفضل لأن هدفك نبيل و رائع و ربنا يديك علي قد نيتك

[Mshawky]

والله يباشا انا فعلا اقدر استورد لانى فعلا مستورد ومصدر كمان طب ليه مصدرش شغل بلدى وازبط مصانعنا وبعدين بكلمه فى طلبيه مش قليله يقعد يتنك عليا ويقولى هاتلى كل حاجه من بره مش انت مستورد هاتلى القوالب والتصميمات وكل حاجه قولتله ماجبلك الناس من بره كمان اصل الواحد بيزعل لما بيجى يفيد بلده ويلاقى الناس ديه لسه عايشه

[fepsceasar]

ما تنساش ان فى حصيلة هائلة من قتل الابداع
هو متعود على نظام معين مش قادر يستوعب غيره وانت هتلخبطه
شوف حد غيره عنده طوح ورغبة فى انه يبدع شئ او يعمل حاجة جديدة
احنا عندنا مديرين لكن ما فيش رياديين enterpreneur

[Mshawky]

الواحد بيزعل والله ان بلده كده وبيجبرونا نقوم اقتصاد بلاد تانيه عالم تستاهل فعلا الى يجرالها

[DreAmO]

سيبك منه وشوف غيره وغيره وغيره

الشغل مابيقفش على حد ..

وحاجة غريبه والله .. انت عايز تصدر .. يقولك استورد هههههههههه

هو ملوش مزاج للشغلانه .. وبيوزعك مالاخر .. ملوش مزاج ليه بقى ؟

ممكن خايف من ضرائب .. ممكن امكانياته ضعيفه ومتعود على شغل روتيني ومش عايز يلخم نفسه

الله اعلم

المهم دور وشوف غيره

[shaddadfalcon1]

المنتج المصري ورجال الاعمال المصريين لايحبون المحاطره ويكتفو بالربح المضمون بنسبة 100% ودي سبب رجوعنا لورا

[Screenplays]

محمد باشا انا ليا علاقات كويسه بمصانع الملابس الجاهزه في منطقه الاستثمار ببورسعيد لو تحب انا ممكن ادخلك للاداره و تشوف انت عايز تعمل ايه بالظبط

[Mshawky]

محمد باشا انا ليا علاقات كويسه بمصانع الملابس الجاهزه في منطقه الاستثمار ببورسعيد لو تحب انا ممكن ادخلك للاداره و تشوف انت عايز تعمل ايه بالظبط

تم الرد على الخاص وجزاك الله كل خير على مساعدتك الجميله ديه والله انت راجل محترم ونفسى اتعرف عليك جدا

[alaasaid]

ربنا يكرمك انك عاوز تفيد بلدك و أهلك , و الحمد الله مصانع الملابس كتيرة جدا فى مصر و ان شاء الله هتلاقى مصنع تانى أحسن منه

[Mshawky]

ربنا يكرمك انك عاوز تفيد بلدك و أهلك , و الحمد الله مصانع الملابس كتيرة جدا فى مصر و ان شاء الله هتلاقى مصنع تانى أحسن منه

ربنا يكرمك يباشا هنعمل ايه طيب ادينا بنحاول يكون لينا يد فى اى حاجه نخدم بيها البلد بدل مانجيب من بره وعالم تاكل على افانا عيش واحنا قاعدين بنعيط هنا

[amdd]

هنفضل زى القرع ...بنمد لبره

[Screenplays]

تم الرد على الخاص وجزاك الله كل خير على مساعدتك الجميله ديه والله انت راجل محترم ونفسى اتعرف عليك جدا :y_hi_3[1]::y_hi_3[1]:

الله يخليك و الله نفس الشعور و انا قولت مش اكون مسيطر في موضوع زي ده و مخدمكش و ان شاء الله اشوفك قريب و تم الرد علي الخاص

[mohdamin18]

هو ممكن يكون ظروف المصنع عنده ما تسمحش لكن كونه يبرر بالطريقة دي فهي حاجة تحرق الدم فعلاً

[egyptiandiver]

عايز الحرق... سيبك منه وشوف غيره