جويرية أم جني أم جنة ؟؟

[Moustafa.yonis]

السلام عليكم اهل المنتدي الكرام

انا في انتظار مولود في الطريق ان شاء الله وهي بنوته ان شاء الله

الواحد حاسس انه هيولد هو كمان من كتر التعب واللخبطة

المهم زوجتي حبه تسميها جويرية ، هي شافت بنوته جميلة اسمها جويرية ونفسها من زمان تسمي الاسم ده
وكمان خليفته الاسلامية وان وراه قصة جميلة
قصة السيدة جويرية زوجة النبي صلي الله عليه وسلم

الفكرة ان الاسم تقيل وغريب علي بعض الناس

اهلها طبعا رافضين واهلي كمان

انا مش فارق معايا
المهم الاسم يكون سهل في النطق والكتابة وكمان لو اتكتب بالانجليزي

فيه مقترح اسم جنى او جنة

ياتري ايه رايكم دام فضلكم

[Ahmed A Rahman]

بص الاسماء تعود

يعني حضرتك ممكن تكون السبب ان الناس تتعود عليه

وصدقني لما تنده لها مرتين وهي عندها اسبوع الاسم حيكون على ودنك مزيكا

انا عندي جنا ولما سميتها كده كان الناس مستغربين, دلوقتي مصر فيها ماسورة جنا وضربت في كل حته

كل ما نروح مول ياجنا يا جنا يا جنا لما الواحد جاله الهسهس

من سنة او سنتين اسم آدم كان غريب وقديم جدا

بعد مسلسل واحد كل ما اقول لحد اسم آدم يقولي شيك ومودرن

طالما الاسم ليه خلفية دينية يبقى مش حيكون قديم

انا عندي في الشغل: خباب وبراء وعمار عادي يعني وكلهم دكاتره ومهندسين

لو حضرتك سميت جويرية طالما مقتنع بيه حتكون مستريح احسن

[SYD]

ربنا يجيبهالك بالسلامة انشاء الله

اي اسم اسلامي له معني حلو
بس فعلا اهتم جدا بعدم اللخبطة سواء في نطقه او في كتابته سواء بالعربية او بالأنجليزية وفكر في المدارس والجوازات ونفس شهادة الميلاد عشان ماتحصلش معاك لخبطة اثناء كتابته
اعرف ناس وهي بتملي الأسم في الصحة الموظف من جهله كتبه غلط وبناء عليه هو الي سمي البنت مش ابوها

والله المستعان
،
،

[Moustafa.yonis]

يعني اتوكل علي الله واسمي جويرية

بس هيكون اسمها بالانجليزي
gowayreya

كتير قوي ولا مش مهم

[A7MED_PHARMA]

سمي



.
كابر

[SaberMan]

عجبنى أسم جنه أن شاء الله ناوى عليه لما ربنا يرزقنى ببنت
ربنا يبارك لحضرتك بالمولود و تسعد بيها و تكون باره بوالديها ان شاء الله

[تامر.محمد]

جنى اسهل (و كان في اختياراتي) , بس اللي فرمله انه انتشر بصورة مهولة

جنة حلو برده

و جويرية طبعا اللي انا اخترته مؤخرا فاكيد بانصح بيه
حاليا الناس فريقين, فريق يقول لي "هااااااااااه ؟" , و فريق يقول "الله اسم جميل" هههههههههههههههه

[SHNORY]

ربنا يجيبهالك بالسلامة ان شاء الله

اي اسم اسلامي له معني حلو
بس فعلا اهتم جدا بعدم اللخبطة سواء في نطقه او في كتابته سواء بالعربية او بالأنجليزية وفكر في المدارس والجوازات ونفس شهادة الميلاد عشان ماتحصلش معاك لخبطة اثناء كتابته
اعرف ناس وهي بتملي الأسم في الصحة الموظف من جهله كتبه غلط وبناء عليه هو الي سمي البنت مش ابوها

والله المستعان
،
،

كنت حقول نفس الكلام والله
لازم الاسم يكون ساهل قرائه وكتابه ونطق
ولا يجوز تحريفه للسخريه

[aboomar22]

انا عن نفسى بحب الاسماء السهلة خصوصا لو معناه حلو واظن جنة جميل قوى اه فكرتنى عندى صاحبى بنته اسمها جويرية بقولها اسمك هى تقولى ليه ولما كبرت شوية بقت تقولى لولوليه لان كان سنها سنتين تقريبا ا

[shaddadfalcon1]

جني احلي واسهل
بص لقدام لما بنتك تكبر وتروح المدرسة ممكن تتعقد من الأسم عشان الناس هتعلق عليه كتيير

انا كان نفسي في بنت واسميها ريتاج وكان الكل برده بيقولي متسميش حاجه جديده او غريبه عشان العيال متتعقدش لما تكبر

[sayed911]

انا ابن عمي عنده ثلاث بنات عقبال حضرتك ومسميهم ( جويرية - ريتاج - سجدة ) !

[abogogo]

جويرية اسم جميل بس تخيل لو حد عنده لدغه في حرف الراء عشان كمان وراء حرف الراء حرف الياء ...!! تنطق جوييية ..!!!
اتوكل على الله وسمي جنة اسم جميل وبيفكر الناس بالجنة انا ربنا اعطاني " جنة وجودي "
ربنا يبارك لك في المولود القادم ويجعلها قرة عين لك

[A7MED_PHARMA]

جويرية اسم جميل بس تخيل لو حد عنده لدغه في حرف الراء عشان كمان وراء حرف الراء حرف الياء ...!! تنطق جوييية ..!!!
اتوكل على الله وسمي جنة اسم جميل وبيفكر الناس بالجنة انا ربنا اعطاني " جنة وجودي "
ربنا يبارك لك في المولود القادم ويجعلها قرة عين لك

بس
جنة وجودي بس؟
جنة
جودي
كلاشينكوووووف..حبيب بابا
هههههههههههههههههههههههههههههه

قفشتك أنا على الفيس

[abogogo]

بس
جنة وجودي بس؟
جنة
جودي
كلاشينكوووووف..حبيب بابا
هههههههههههههههههههههههههههههه

قفشتك أنا على الفيس

ههههههههههه دي حتة عشان فرح ابن العمدة بزغرت بيها في الفرح

[mazagngi2010]

اسماء البنات اصبحت معقده جدا اليومين دول
سميها ريتاج او دولمار p: p: p:
ممكن لما مع انى مش عارف بتاعت ايه