تعديل ارقام الموبايلات وللي

[aif]

روحت لمحمد بتاع الموبايلات ... قالي كل البرامج اللي عند المحلات فاشلة واشتغالات
اتصلت ببتوع اعلانات التلفزيون مرتين .... سحبو مني 5 جندي كل مرة ومحدش حتى بعتلي مسج
ايه الحل ؟؟؟
قعدت اعدلهم بايدي زهقت وكنت حرمس الموبايل م الشباك
اللي جرب حاجة ونفعت يقوللي
الموبايل نوكيا 73 والخط اتصالات
هل من نصيحة

[FunnyMickey]

روح لاي فرع اتصالات ياحج احمد واديهم الموبايل حيعملوه

[Ahmed_Rahem]

فية برنامج بيتحمل من موقع موبينيل وببلاش وفية زية من موقع فودافون - اسمة انجزلى استخدمتة وكان كويس جداً - بس اتصالات معرفش، وسيبك من التليفونات وشغل النصب دة

[BUNSH]

فعلا برنامج (انجزلى) تبع فودافون جربتوااا وشغااااال تمااام ..

[ehab]

في برنامج كان مصممه العضو الفاضل استاذ wahba
بس بيحتاج ان تاخد الكونتاكت علي الكومبيوتر ببرنامج nokia pc suite
بس برنامج ممتاز جربته اكتر من مرة
انا بحاول اشوف لينك الموضوع
دا لينك البرنامج

http://www.mediafire.com/?nzch364766l9vgz

[ehab]

دا لينك الموضوع

http://www.nilemotors.net/Nile/248192-contacts.html

[A_H_M_A_D]

حضرتك إبعت رسالة فاضية ل 1111 وهم هايبعتولك لنك البرنامج

وممكن تنزلة من موقعهم
Etisalat

[KoDaK_Gti]

ابعت رسالة فاضية على 1111
او ادخل هناك http://www.0111etisalat.com/npa/List.htm
انا عملت اجهزة كتير من برامج اتصالات وكله تمام

[SYD]

والله يا حاج احمد انا حاليا بطور برنامج من اختراعي الشخصي لتعديل الأرقام
بيعتمد فعلا علي pc suite - MS Outlook - MS Excel

هو مش برنامج اوي قد ماهو اعتماد علي شوية حركات في مايكروسوفت اوفيس
حتة export من هنا علي import من هنا علي كام formula في اكسيل هيبقي كله تمام انشاء الله

لو مشيت معايا كويس
هقولك علي الطريقة بالتفصيل يا حاج احمد

والله المستعان
،
،

[aliabutaleb]

اللينك دي من موقع اتصالات يا أستاذ أحمد
Etisalat Numbering Application

[Screenplays]

ههههههههههههههههههههه فكرتني بواحد صديقي عنده اكتر من 1000 رقم علي الموبايل و اخد اجازه من الشغل عشان يعد يعدلهم يدوي هههههههههههههههههههههههه الراجل كان بيعطلي في التليفون ان مفيش برنامج راضي يعدل الارقام اوتوماتيك و هي دي برضه احدي مميزات الثوره هههههههههههههههههههههه

[heeshooheeshoo]

نصيحة لوجه الله إللى عايز يعدل الأرقام عن طريق البرامج إللى بتنزل على الموبايل يتأكد من حاجتين :
1 - الإحتفاظ بنسخة إحتياطية من الـ phone book على الكمبيوتر قبل عمل أى تعديل .
2 - تجربة تغيير رقم واحد فقط قبل التطبيق على باقى الأرقام .
وهذه الملاحظات خصوصا للتليفونات المسجلة بها الأسماء باللغة العربية .

أنا عندى موبايل سامسونج ونزلت عليه برنامج إنجزلى بتاع فودافون وبدأت عملية التعديل بكل سهولة وسرعةوتمت العملية بنجاح ولكن للأسف كل الأسماء المسجلة باللغة العربية أصبحت أشبه باللغة الصينية أو اليابانية ( حوالى أكثر من 500 إسم ) . أما الأسماء المسجلة بالإنجليزية فتم تعديلها بنجاح .
ولولا ستر الله كانت بقت كارثةلولا وجود نسخة ( غير حديثة ) على الكمبيوتر قدرت بيها أستعيد 80% من الأسماء فقط .
لما رحت لفودافون قالولى المشكلة دى مالهاش حل عندهم ونصحونى بالرجوع إلى توكيل سامسونج .
مش عارف أعمل إيه ومش فاضى أروح لنوكيل سامسونج وشكلى كده حاعدل الأرقام يدوى