تحذير هام - فودافون

[eng.m7md.ali]

من اسبوعين كدة اتصل بيا رقم غريب على خطي الموبينيل
رديت وكان اللي بيكلمني بيقولي انه من شركة فودافون وانهم عاملين عروض تحويل الخطوط والكلام ده
من هنا لهنا لهنا الراجل عايز يقنعني اني اغير خطي بنفس الرقم من موبينيل لفودافون
لحد ما جاله حالة يأس اني مش عايز احول
المهم قالي خلاص نقدر نبعتلك خط من فودافون مجاناً عشان تجرب الشركة ولو عجبك تبقى تحول بعدين
ومن هنا لهنا لهنا بيحاول يقنعني ويقولي مجاناً وكدة لحد ما استسلمت
قالي هتصل بحضرتك تحدد معايا معاد اني اوصلهولك لحد البيت قولتله ماشي


النهاردة بقى كلمني تاني عشان ياخد العنوان قولتله انا مش في البيت دلوقتي قالي خلاص مفيش مشكلة تقدر تكلمني في اي وقت وهفوت عليك اديلك الخط قولتله ربنا يسهل
واحد صحبي شك في الرقم وقالي المفروض يتصلو من رقم بتاع الشركة نفسها مش خط فودافون عادي
قالي هات الرقم اديتهوله واتصل بيهم
رد عليه الاخ اياه ده فاصحبي عايز يعمل ناصح .. قاله ( ازيك يا اسلام )
رد الاخ وقاله انا مش اسلام
صاحبي قاله ( هو انت مش اسلام )
قاله لا مش انا الرقم غلط
صاحبي قاله ( طب انت اخوه )
قاله لا معرفش حد بالاسم ده
صاحبي قاله (هو ده رقم شركة ولا رقم خاص )
قاله لا ده رقم خاص يافندم ومليش اخوات اسمهم اسلام

يعني مطلعش تبع الشركة زي ما قالي

حبيت احذر من حاجة زي دي ليكون نصاب ولا حاجة البلد مش ناقصة وربنا يستر اهو عمال بيتصل بيا وانا مش برد عليه

[nabaster]

ده واحد معاه مجموعة خطوط (غالبا عدد ضخم علشان يتصل عشوائي كده) عايز يأكتفها ويشغلها قبل فتره ميعنه

علشان يقدر ياخد التعويض بتاعها من الشركه

هوا مش فارق معاه يديك الخط ببلاش بس اهم حاجه الخط يشتغل ويستخدم علشان ياخد تعويضات الشركه

A.Yakout

[NaderNabil]

طب انا في يوم إتصل بيا رقم 669....و قاللي انه من موبينيل و و عايزني أحول من فودافون و هانعملك عرض و كده! و بالصدفة انا أصلاً كنت مقدمعلى طلب تحويل من فودافون لموبينيل من 6 شهور و لحد دلوقتي ماتمش! فلما عرف كده قالي مافيش مشاكل ممكن ترجع لشركة فودافون أو جهاز تنظيم الإتصالات و هما يحلوا المشكلة

بس انا سؤالي هنا...هي الدعاية وصلت للدرجة دي من القذارة؟؟؟؟ سرقة العملاء بقت عيني عينك كده؟؟معجبتنيش المكالمة دي بصراحة!

[eng.m7md.ali]

ده واحد معاه مجموعة خطوط (غالبا عدد ضخم علشان يتصل عشوائي كده) عايز يأكتفها ويشغلها قبل فتره ميعنه

علشان يقدر ياخد التعويض بتاعها من الشركه

هوا مش فارق معاه يديك الخط ببلاش بس اهم حاجه الخط يشتغل ويستخدم علشان ياخد تعويضات الشركه

a.yakout

هو غالبا كدة فعلا
بس ليه الاول كان بيعرض عليا خدمة تحويل الخط؟
مدام مش من الشركة يبقى ليه قال كدة؟

[bmya]

انا برده من كام يوم رقم 0002 اتصل بيا رديت لقيت بنت بتقولي صباح الخير كذا كذا من موبينيل انا تنحت شويه كده وبعدين قلتلها بس انا فودافون هههههههههههه قالتلي ايوه يا فندم ما انا عارفه احنا لقينا ان حضرتك عميل مميز عندنا قلتلها عندكم مين حضرتك انا فودافون زي ابو تريكه كده قالتلي ايوه يا فندم بس حضرتك لقيناك بتكلم ارقام موبينيل كتير فقلنا نعرض على حضرتك لتحويل لموبينيل بنفس رقمك وفي عروض جامده تحب تعرفها قلتلها ماشي قعدت ترغي وانا اقولها اه تمام ايوه ايوه تمام وبعدين ها حضرتك تحب تحول قلتلها صراحه لاء :))

[SHNORY]

بيتهيالي انها لعبه قذره علشان ياخد صور البطايق ويزور بيها اصوات في الانتخابات
السبب الوحيد اللي خلاني انزل انتخب في مجلس الشعب اني افتكرت ان احد الاحزاب اللي طلعت في الهوجه طلب مننا ارقام بطايقنا ونمضي عليها مع باقي البيانات

[Ahmed_Rahem]

حصل معايا نفس الموقف، واحدة اتصلت وعرضت تحويل خطى الى موبينيل، قلتلها انتى من موبينيل وبتتصلى برقم فوادفون علشان يحول الخط رد وقالت اية، رديت ان دة اسلوب مش نظيف للدعاية وانى مش قابل اى حاجة منها وقفلت السكة.

[DreAmO]

انا برده من كام يوم رقم 0002 اتصل بيا رديت لقيت بنت بتقولي صباح الخير كذا كذا من موبينيل انا تنحت شويه كده وبعدين قلتلها بس انا فودافون هههههههههههه قالتلي ايوه يا فندم ما انا عارفه احنا لقينا ان حضرتك عميل مميز عندنا قلتلها عندكم مين حضرتك انا فودافون زي ابو تريكه كده قالتلي ايوه يا فندم بس حضرتك لقيناك بتكلم ارقام موبينيل كتير فقلنا نعرض على حضرتك لتحويل لموبينيل بنفس رقمك وفي عروض جامده تحب تعرفها قلتلها ماشي قعدت ترغي وانا اقولها اه تمام ايوه ايوه تمام وبعدين ها حضرتك تحب تحول قلتلها صراحه لاء :))

نفس المسلسل حصل معايا بالمللي .. بس العكس

انا موبينيل واللي اتصلت من فودافون .. وقالتلي انت عميل مميز وانت خيرك عالشركه ولحم اكتافنا من خيرك ههههههههههه

ونبعتلك رقم مجاني مميز وهو ( 11 رقم مفهمش اي تميز خاااااااالص )

بيتهيالي انها لعبه قذره علشان ياخد صور البطايق ويزور بيها اصوات في الانتخابات
السبب الوحيد اللي خلاني انزل انتخب في مجلس الشعب اني افتكرت ان احد الاحزاب اللي طلعت في الهوجه طلب مننا ارقام بطايقنا ونمضي عليها مع باقي البيانات

لا الله يكرمك ياريت حد يوضحلنا الحكايه دي

هو ينفع حد يصوت بدالك بصوره بطاقتك ؟!

عندنا في المنطقه .. الاخوان المسملين بتلم الانابيب الفاضيه مع البطايق وتجبهم مليانين من المخازن .. من باب مساعدة الاهالي

[SHNORY]

لا الله يكرمك ياريت حد يوضحلنا الحكايه دي

هو ينفع حد يصوت بدالك بصوره بطاقتك ؟!

عندنا في المنطقه .. الاخوان المسملين بتلم الانابيب الفاضيه مع البطايق وتجبهم مليانين من المخازن .. من باب مساعدة الاهالي

والله يا باشا هو مجرد راي
انا كنت سمعت من فتره حوالي سنتين كده
واحد كان مرشح نفسه في المجلس الموقر
راح اجر محل وباع خطوط مشحونه ب5 جنيه رصيد باعهم الواحد بجنيه
ولم صور بطايق الناس علشان ياخد بيهم اصوات

[mahmoudysf]

بيتهيالي انها لعبه قذره علشان ياخد صور البطايق ويزور بيها اصوات في الانتخابات
السبب الوحيد اللي خلاني انزل انتخب في مجلس الشعب اني افتكرت ان احد الاحزاب اللي طلعت في الهوجه طلب مننا ارقام بطايقنا ونمضي عليها مع باقي البيانات

هيزورو بصور البطاقة ازاي؟؟؟؟؟؟؟؟؟؟

[BUNSH]

أنا واااحد كلمنى من فودافون (private number) اول امبارح وقاااااااااااالى حضرتك فلان فلان ,, انا ايووون ,,قالى علشان حضرتك عميل مميز عندنا ومعانا من 2004 مبرووووووك حضرتك كسبت معانا (انا اول مسمعت كسبت دى جة فى دمااااغى حاجات كتيير وقولت اخيراااا الواااحد كسب حاجة ممكن يكون حتة ايفون فور اس او جلاكسى اس 2 او نوت بوك ) وفى الاخر بيقولى كسبت رواتر وايرلس (طبعاااا صعقت من كلام) بس قولت محدش بياخد اكتر من نصيبوااا وحمدلله طيب ابعتواااا رواتر يقولى بس لازم حضرتك تدخل معانا اشتراك سنتين dsl علشان تاخدوووا !!!

[SHNORY]

هيزورو بصور البطاقة ازاي؟؟؟؟؟؟؟؟؟؟

زي ما الاموات بيصوتوا
حتفرق معاهم ايه

[No Comment]

طب انا في يوم إتصل بيا رقم 669....و قاللي انه من موبينيل و و عايزني أحول من فودافون و هانعملك عرض و كده! و بالصدفة انا أصلاً كنت مقدمعلى طلب تحويل من فودافون لموبينيل من 6 شهور و لحد دلوقتي ماتمش! فلما عرف كده قالي مافيش مشاكل ممكن ترجع لشركة فودافون أو جهاز تنظيم الإتصالات و هما يحلوا المشكلة

بس انا سؤالي هنا...هي الدعاية وصلت للدرجة دي من القذارة؟؟؟؟ سرقة العملاء بقت عيني عينك كده؟؟معجبتنيش المكالمة دي بصراحة!

انا برده من كام يوم رقم 0002 اتصل بيا رديت لقيت بنت بتقولي صباح الخير كذا كذا من موبينيل انا تنحت شويه كده وبعدين قلتلها بس انا فودافون هههههههههههه قالتلي ايوه يا فندم ما انا عارفه احنا لقينا ان حضرتك عميل مميز عندنا قلتلها عندكم مين حضرتك انا فودافون زي ابو تريكه كده قالتلي ايوه يا فندم بس حضرتك لقيناك بتكلم ارقام موبينيل كتير فقلنا نعرض على حضرتك لتحويل لموبينيل بنفس رقمك وفي عروض جامده تحب تعرفها قلتلها ماشي قعدت ترغي وانا اقولها اه تمام ايوه ايوه تمام وبعدين ها حضرتك تحب تحول قلتلها صراحه لاء :))

حصل معايا نفس الموقف، واحدة اتصلت وعرضت تحويل خطى الى موبينيل، قلتلها انتى من موبينيل وبتتصلى برقم فوادفون علشان يحول الخط رد وقالت اية، رديت ان دة اسلوب مش نظيف للدعاية وانى مش قابل اى حاجة منها وقفلت السكة.

+1 نفس الكلام بالظبط من اسبوعين رقم 633 من موبينيل وبيقول حضرتك عميل مميز وبتتصل بموبينيل كتير وعندنا عرض لحضرتك لتحويل لموبينيل ... حضرتك مهتم نكمل العرض ...؟
قولتلهم لا ... شكراً يا فندم السلام عليكم .
ثم انا اصلاً بكلم موبينيل نادراً ... كيرف موبينيل بقى فى النازل .

[mahmoudysf]

زي ما الاموات بيصوتوا
حتفرق معاهم ايه

الكلام ده كان زمان
لكن دلوقتي انت شوفت حد صوت بدل حد
او حد صوت للاموات

[Karim_Mohy]

بالنسبة للارقام اللي بتتصل بيك.....غالبا بتكون من قسم المبيعات........ولو شاكك تقدر تكلم خدمة العملاء
ممكن يعرض عليك تحول من الشركة اللي انت فيها.........او يكلمك تحول لاحد الانظمة اللي موجودة في الشركة

هما بيكون عندهم داتا للارقام وبيعرضوا ع الناس التحويل

اما موضوع انهم بيتصلوا من ارقام عادية.......فده ممكن يكون رقمه مستلمه من الشركة مش لازم يكلمك من رقم الشركة.........ولو شاكك تقدر تاجل الموضوع وترجع لخدمة العملاء تسالهم


بس خلوا بالكوا يا جماعة عشان فيه طرق نصب باسم الشركات انك كسبت شيء ما وهات كارت شحن والكلام ده نصب