مراتى كانت ناويه لى على نيه هاقلكم انا عملت ايه

[Donzi]

لا حول ولا قوة الا بالله

متزعلش مني بس انت ظالم اوي بتكلمك تسالك نفسك في ايه و بتعملك اكلة جديدة و مهتمة بيك و انت مابتعملش حاجة غير انك بتاكل و بتنزل تلي و بتقعد على النت يعني لا اهتميت بيها لا بالكلام و لا بالفعل و لما افتعلت سبب من ضيقها عشان تحس باهتمامك اللي مفتقداه بقيت برضو هي اللي غلطانة !!!!!!!!!!!!!!!!!!!

[khaled_yassin]

مع انى لسة ما اتجوزتش
بس انت غلطان بصراحة , يا سيدى فرخة مش ازمة
يا اما بقى هى عارفة موضوع الحمى القلاعيه وقالت تخلص منك؟؟؟

[wael30003]

بالعكس مثل هذه الحكايات ضررها هايكون أكثر لو إتحكت للصديق المقرب أو لأي شحص على معرفة وثيقة بالزوجين ... حكايتها هنا واحنا مانعرفهمش أقل ضررا ... بالإضافة لنقطة أخرى إن إحنا عمرنا ما هانجامله في رأينا ... وقد يخرج من إجابة أحدنا بما يصلح الكثير من الأمور في حياته ... كلنا واحنا صغيرين كان في حاجات كتير نجهلها واتعلمناها بالخبرة والسؤال من الذي يملك الخبرة

[/quote]

فعلا عندك حق انا ما بحكيش اى حاجة بتحصلى فى البيت لاى حد من زملائى فى العمل
وبعدين اللى حكيته بيحصل فى اى بيت
يعنى كل واحد عنده زوجة
وكل واحد اكيد مراته كانت عاملة له فخ
وكل واحد فينا بيقع فى الفخ
بس انا اول مرة يتنصب لى فخ اكترمن مرة
وكل ما اهرب
يتنصب فخ جديد
وكل ما اهرب يتنصب فخ جديد
وحاسس ان فى حاجة
دة ساعات باروح انام
عشان الموضوع يتنسى
اقلاقى الموضوع يتفتح بعدها بشهور
وما تنساش
بس انا المرة دى من نشوة النصر
كنت عايز احكى لاحد ما عرفوش وفى نفس الوقت
التفاصيل دى كلها بتحصل فى اى بيت وفيهاش خصوصية بالمعنى المفهوم
ممكن تقول موقف اجتماعى
وسبب قصصه هنا
نشوة النصر
وبعدين فى بعض النصائح انا فعلا استفدت منها
زى اهتمامى بيها مش مجرد انا اكل وبعدين نت وبعدين نوم وبعدين شغل وهكذا
وشكرا على كل نصائحكم

[wael30003]

الراجل لو زهق بيسكت ومش بيكلم حد
الست لو زهقت هتنفجر لو ماتكملتش

لازم الراجل يبقي عارف كده كويس ولازم الست تبقي عارفه برده كويس

افتكرو الموقف اللي حصل مع الرسول (ص) لما رجع مره من بره ونام علي طول والسيده عائشه كانت عايزه تعرف ماله وفي الأخر سابته وفي الصباح قالها

لكن دلوقتي الست تلاقيها جوزها تعبان وزهقان من اي حاجه وعايز يقعد مع نفسه وهي مصممه تعرف في ايه
وتلاقي الراجل مراته زهقانه وعايزه تتكلم مع اي حد وهو مطنشها

لو فضلت سايب مراتك كده متزعلش لو لقيتها بطلت تحبك او حبها قل ليك او حتي كرهتك

وخلي بالك هي ممكن تكون قاعده مع حد او سمعت واحده بتحكي علي ازاي جوزها مش بيفارقها وممكن تكون بتشتغلها بس اهو كلام وخلاص وساعتها تقارن بينها وبينك تلاقيك مقصر كتيير في حقها

حاول قبل ماتخرج تسلم عليها ولما تدخل البيت تسال عليها وتقبلها وتسالها عامله ايه حلو وتقعد معاها والله لو حتي 5 دقايق

انت عمرك ماهتكون بتقعد قدام الكمبيوتر قدي ومع ذلك بحاول اليومين دوول اتدارك الموضوع ده باني علي الأقل كل ساعه اروح اقعد معاها شويه او اببقي قدام اللاب وادردش معاها مثلا لو مش مركز في حاجه

يعني ادورلها علي طبخه - علي سؤال - علي مدرسة علي اي حاجه هي مهتمه بيها

+111111

[al_manara]

ربنا يكون في عونك و كرهونا في الجواز كمان و كمان ربنا يخليكوا

هههههههههههه

ياجماعه بتدلع عليه
وانتا مش ملاحظ انك من ساعه ما دخلت البيت مقعدتش معاها اصلا

فين الاكل
كلت وقعدت عالنت
نزلت تصلي العشا وقعدت عالنت
بالليل قعدت عالنت

حاول تفضي وقت لبيتك شويه
واستحمل ياعم
:)
دي واحده ست
امال هما عملوا الدلع لمين

ابقي هاتلها فراخ ياعم
:)

الصراحة أنا شايف أن عندها حق ..

[MaZaGAngeE]

يا نهار اسود نفس الكلام بالظبط بيحصل بيني وبين زوجتي المصونة

كلنا نفس الرجل
و نصيحة دلوقتي الكماين دي بقى فيها دبابات و مدرعات و لو حد فيكم نسي عايز افكركم بالسواطير و الاكياس السودة اللي كانت منتشرة من فترة

[wael30003]

فعلا كلنا بنقول انا احنا مستحملين

دولقتى بعد ما قريت التعليقات واراء السادة الاعضاء

لقيت ان كلنا مش مجنى علينا

فى بعضنا جانى

وانا كنت فاكر نفسى مجنى عليا

لقيت ان انا ما بعملش حاجة غير انى اروح الشغل وبعد الشغل ما بعملش اى حاجة تذكر

غير النت او مشوار لحاجات البيت ان كان فى

وهى مسئولة عن عدة اشياء انا لو عملتها هاتعب وازهق فعلا لانى جربت اقعد اسبوع لوحدى

بلاقى حاجات البيت زى مثلا المواعين

دى يوميا شغلانة فعلا تزهق

الولد وتغيير البامبرز
واكل الولد
وشقاوة الولد
على فكرة ابنى شقى بدرجة كبيرة جدا لدرجة ان انا احيانا مش عارف اعمل معاه ايه

ونظافة البوتاجاز
ونظافة ارضية المطبخ
ونظافة ارضية الحمام وحوض الحمام
ترتيب الشقة ونظافتها اول باول
وغسيل الملابس ونشر الملابس وتطبيق الملابس وكى الملابس
بالاضافة الى
عمل الاكل يوميا
حتى لو انا فى اجازة هى مطلوب تعمل اكل
وانا قاعد مستريح بالرغم من وجود بعض المشاوير العارضة بس هى لازم تعمل كل ده
وانا ممكن اعمل المشوار واحيانا أأجله
وفعلا انا ما بخرجهاش
ود ى انا معترف بيها
وطبعا الخروج للمول عشان التسوق لحاجات البيت الشهرية مش خروجة

بصراحة انا مقصر
بس هى مش قادرة تحدد تقصيرى فين
لكن هى مضايقة
ومش عارفة تحدد من ايه
هى اللى قدرت تحدده
ان انا السبب بس ازاى توصل للسبب ايه ما عرفتش
فزعلت واضيقت واختلقت اى سبب لتظهر لى سبب مضايقتها

بصراحة عشان كلنا رجال فكلنا على رأى واحد لاننا زى بعض وبنضحك على بعض ان هم اللى ظالمينا
لكن لو قعدنا مع نفسينا هنتكتشف انهم بيغلطوا واحنا كمان بنغلط وهم بيقصروا واحنا كمان بس الفرق ان اعبائهم تعادل اضعاف الاعباء الموجودة علينا

والدليل ان بعض السادة الاعضاء قالوا لى انت غلطان

من النهاردة انا هاغير نفسى فعلا وبجد مش بهزر
وهاخد قرارات مصيرية
فى سبيل هذا التغيير
عشان حسابنا قدام ربنا مش هيكون سهل لو احنا ظلمناهم
واكيد احنا بنظلمهم
ولازم نحاسب نفسنا دولوقنى قبل الموقف العظيم

[wael30003]

لا حول ولا قوة الا بالله

متزعلش مني بس انت ظالم اوي بتكلمك تسالك نفسك في ايه و بتعملك اكلة جديدة و مهتمة بيك و انت مابتعملش حاجة غير انك بتاكل و بتنزل تلي و بتقعد على النت يعني لا اهتميت بيها لا بالكلام و لا بالفعل و لما افتعلت سبب من ضيقها عشان تحس باهتمامك اللي مفتقداه بقيت برضو هي اللي غلطانة !!!!!!!!!!!!!!!!!!!

+1111111

[Ahmed_Ramadan]

لا حول ولا قوة الا بالله

متزعلش مني بس انت ظالم اوي بتكلمك تسالك نفسك في ايه و بتعملك اكلة جديدة و مهتمة بيك و انت مابتعملش حاجة غير انك بتاكل و بتنزل تلي و بتقعد على النت يعني لا اهتميت بيها لا بالكلام و لا بالفعل و لما افتعلت سبب من ضيقها عشان تحس باهتمامك اللي مفتقداه بقيت برضو هي اللي غلطانة !!!!!!!!!!!!!!!!!!!

+1111111111

[human]

عايزين حاوى وواحد فايق يتعامل معاهم

[human]

لا حول ولا قوة الا بالله

متزعلش مني بس انت ظالم اوي بتكلمك تسالك نفسك في ايه و بتعملك اكلة جديدة و مهتمة بيك و انت مابتعملش حاجة غير انك بتاكل و بتنزل تلي و بتقعد على النت يعني لا اهتميت بيها لا بالكلام و لا بالفعل و لما افتعلت سبب من ضيقها عشان تحس باهتمامك اللي مفتقداه بقيت برضو هي اللي غلطانة !!!!!!!!!!!!!!!!!!!

الموضوع مش كده بتاتا

الموضوع من اوله مغرز للنكد من اول ما معملتش اكل لنفسها وهى قنبله تعد للانفجار

[magid1010]

والله ده بيحصل لينا كلنا هما بيتكلمو كتير جدا و النكد ده بيبقى مخطط ليه واحد صحبى مراته قالتله انت مش بتجبلى ورد خالص جبلها و بعدها باسبوع افتكر قام جبلها تانى قالتله هو ما فيش حاجه غير الورد اللى عمال تجيبه فعلا التعامل معاهم على انك بتتعامل مع راجل غلط خالص عاملها على انها مخلوق فضائى

[shaddadfalcon1]

شوفو الفيديو ده

‫مارك جونجر ( قصة عقلان ) عقل المرأة VS عقل الرجل‬‎ - YouTube

[Egyzizo]

لمن يتساهل فى تلبية مطالب زوجته ، اقرأ الفقرة التالية :

سجل آخر الدراسات والأبحاث العلمية ان سيدات مصر أصبحن أصحاب الرقم الأعلى في الضرب للأزواج متفوقات على كل سيدات العالم بمن فيهن الأمريكيات اللاتي جئن في المرتبة الثانية بنسبة تبلغ 23% والبريطانيات اللاتي جئن في المرتبة الثالثة بنسبة تبلغ 17% ثم الهنديات المسكينات في المرتبة الرابعة بنسبة 11% فقط بينما المصريات جئن في المرتبة الأولى منذ عام 2003م بنسبة 23% وارتفعت بعد ذلك عاماً بعد الآخر لتبلغ 28% في نهاية العام 2006م.

[Dr.A.Nabil]

رأيت أغلب اهل النار من النساء...انهن يكفرن بالعشير..ان احسنت اليهم أمد الدهر ثم رأت منك شيئا قالت ما رأيت منك خيرا قط

ده حديث شريف